ماذا تفعل لو كنت رئيس لمصر [الأرشيف]

Muhamed

2010-11-10, 10:30 AM

سؤال صعب

بس اول قرار هعمله انى هغير كل القيادات اللى زاد عملها عن ال 6 سنين واقلها شكرا على حسن تعاونكم

ده طبعا هيغير ناس كتير اوى

بس التغيير اكيد هيكون للافضل

مستحيل اسيب واحد فى منصب يزيد عن 6 سنين مهو لو مقدرش يصلح فى الفتره دى على الاقل الياس والملل هيصيبوه فلازم اغيره بواحد تانى يجاهد ويحاول بفكر جديد

اكيد هيبقى فى ناس اوحش بس النتيجه العامه هتكون احسن

هرجع ثقه الشعب فى الحكومه

وزاره الداخليه هشيل النوعيات اللى احنا بنشوفها متوحشه من التعامل مع الجمهور نهائيا

بس منكرش مش همشيها لان فى طبقه فى المجتمع مينفعش يتعامل معاها الا بالنوع ده لغايه منقضى على طبقه البلطجه

هعيد التفكير فى كيفيه الصرف فى الدوله

فى مصاريف شكليه كتيره بنضيع فيها فلوس الدوله على الفاضى

هحد من العمل الحكومى وافتح مجالات للمشروعات

هادفع باقصى ما عندى الزراعه فى بلدى

حتى ولو اخلى الشباب الجامعى يتعلموا فلاحه علشان ارجع قيمه الفلاح المصرى المهدره

هزرع كل قطعه ارض ممكنه بالقطن والقمح مش الموز والكيوى

هعدى على مكاتب المحافظات والمحافظ اللى هلاقيه فى مكتبه هغيره لان مكانه وسط الناس يحللهم مشاكلهم علشان كمان اخليهم يعملوا كده مع القيادات اللى تحتهم

المرتشى هقطع ايده علشان يبقى عبره لمن يعتبر

هعزل مصر عن العالم سياسيا خمس سنين اتفرغ فيهم للبناء والتشييد

بعدها هرجع زى تركيا واحسن كمان

هطلع قانون يمنع الشخص من امتلاك اكثر من بيتين لان مش منطقى ناس يبقى عندها اكتر من بيت وناس تانيه مش لاقيه بيت يلمها

هكتر من منافذ بيع القوات المسلحه اللى بتبيع المنتجات بسعرها الحقيقى علشان اخفض الاسعار

هركز على السلع الاساسيه زى الفول والقمح واى تسيب فيهم عقابه هيبقى صارم علشان يبقى عبره للى يفكر يمس بامن الدوله

هشجع الشباب واخليه هوا اللى يدير كفيانا ناس اتحنطت على الكرسى

مفيش رئيس شركه يقعد فوق ال 6 سنين

اى وزير عمر وزارته دورتين بعدها لازم يتغير