هاني هلال : "درجات الرأفة" بالجامعات تخالف القانون والدستور [الأرشيف]

مشاهدة النسخة كاملة : هاني هلال : "درجات الرأفة" بالجامعات تخالف القانون والدستور

عيون الحب

2010-09-21, 06:02 PM

أكد الدكتور هاني هلال وزير التعليم العالي والدولة للبحث العلمي عدم دستورية ما يعرف بـ"درجات الرأفة" في الامتحانات بالجامعات ، وقال إنها ليس لها أصل قانوني ،وأن ما تقوم به الجامعات في هذا الشأن مخالف للقانون ويجب تطبيق قواعد لجنة الممتحنين في هذا الشأن.

وأضاف خلال اللقاء الطلابي الذي عقده اليوم " الثلاثاء" مع طلاب جامعة بنها أنه ليس هناك رأفة في الظلم أو فيما يتعلق بمستقبل الوطن ..وأنه لن يسمح بتخريج جيل غير مؤهل من الجامعات المصرية .

وحذر هلال الطلاب من ممارسة الأنشطة السياسية والحزبية داخل كليات الجامعة لأن الجامعة لها حرمها وقدسيتها .
وطالب بألا ينساقوا خلف الأفكار الهدامة والمدمرة ..وأن يعبروا عن آرائهم في حدود المتاح والقانون .

وأوضح أنه سيتم إلغاء الكتاب الجامعي وتحويله إلى كتاب رقمي "ديجيتال محمل على سيديهات " كما سيتم إلغاء المكتبات المركزية داخل الجامعات واستبدالها بمكتبات رقمية، مشيرا إلى أنه سيتم إلغاء دعم الكتاب الجامعي ، مؤكدا على إبقاء الحرس الجامعى لتأمين منشآت واستثمارات الجامعة .

الرابط لايظهر فى الأرشيف

Muhamed

2010-09-21, 08:08 PM

هههههههههههههه

يااااااااااااااااه

دا ناس كتييييييييييييييييييييييير اوى هتفرح اوى بالخبر ده

دى درجات الرأفه دى منجحه اكت من 50 % من اللى فى الجامعات

بس هوا ليا ملاحظه

طب لما الوزير شايف انها مخالفه للقانون والدستور

وهوا وزير

طب ما يطلع قرار بالغائها

ولا هوا كلام وبس :)

( طلبه الجامعه ممتنعون على ابداء الرأى فى ردى :) )

فجر الاسلام

2010-09-21, 09:19 PM

انا موافقة على كل قرارته دى
بس تتنفذ ابتداء من السنة الدراسية اللى جاية2011/2012

Muhamed

2010-09-22, 06:34 PM

من السنة الدراسية اللى جاية2011/2012

اصلى اصلى الصراحه

3aShe2

2010-09-22, 10:56 PM

ويجب تطبيق قواعد لجنة الممتحنين في هذا الشأن.

وايه هيه قواعد لجنة الممتحنين ؟

بس تتنفذ ابتداء من السنة الدراسية اللى جاية2011/2012

كله بيقول يلا نفسى
*يصاحب القرار قرار فرعى بمد الدراسة بكلية سياحة وفنادق ل خمس سنين بدلا من اربع
:bm:

عيون الحب

2010-09-22, 11:16 PM

وايه هيه قواعد لجنة الممتحنين ؟

لجنة الممتحنين بتختص ببحث درجات الطلاب ورفعها قبل اعلان النتيجة
يعني لو الدفعة جايبة درجات ضعيفة في مادة فاللجنة دي بتزود الكل درجات بالتساوي وترفعهم

MaNsHo0o0

2010-09-23, 05:18 AM

Muhamed

2010-09-23, 02:22 PM

يـ جماعه سيبكم من حكايه درجات الرافه دى
دا بيقولك كتاب ديجتل وسيدهات وحورات من دى
طب ازاى والنبى افرضو كنت بذاكر والكهرباء اللى مش لقينها دى قطعت هشغلها بأيه بالحجاره ولا اجيب دينمو عجله
هوا اكيد مش هيطبق الا بعد بتاع شويه سنين كتير كده
موش مقتنع

على ايامى من 6 ولا 7 سنين كده كان فى دكاتره كتير الماده العلميه عباره عن ملفات باور بوينت واللى كان معاه فلاشه ساعتها يا سعده يا هناه علشان ياخد الملف اللى عليه المنهج وباقى الدفعه عليها اما تاخد الفلاشه من اصحاب الفلاشه او تقعد تكتب وراء الدكتور او تطبع الملفات الباور بوينت

الفرق دلوقتى ان الدكتور هيقدم اسطوانه فى اول السنه عليها الماده العلميه كلها بتاعت المنهج بدل الكتاب او المرجع

وده على ما اعتقد اوفر على الطالب

الناس اللى عايزه تعيش فى القرون الوسطى ومش بتستخدم الكمبيوتر تقدر تطبع المنهج

بخصوص النور اللى بيقطع (الطلبه تشترى لاب توب وتخلى اهاليها تقتنع ويتقال نفس المبرر ده موضوع النور وبكده كل واحد هيضمن ان هيجيله لاب توب)

شوفتوا الوزير هيهيص الشباب ازاى :)

فجر الاسلام

2010-09-23, 03:47 PM

كله بيقول يلا نفسى
*يصاحب القرار قرار فرعى بمد الدراسة بكلية سياحة وفنادق ل خمس سنين بدلا من اربع
:bm:

انا موافقة
بس تتنفذ برضو ابتداء من السنة الدراسية اللى جاية2011/2012

Muhamed

2010-09-27, 08:01 PM

وكان باب السماء مفتوح لدعوتك

البدء فى الغاء درجات الرأفه بدايه من العام 2011/2012 :(

فجر الاسلام

2010-09-28, 02:02 PM

وكان باب السماء مفتوح لدعوتك

البدء فى الغاء درجات الرأفه بدايه من العام 2011/2012 :(

طول عمرى بركة ودعواتى مستجابة

الوزير دا حبيبى و كفاءة :thumb:

ربنا يوفقنا وننجح السنادى

vip

2010-09-28, 07:03 PM

طول عمرى بركة ودعواتى مستجابة

الوزير دا حبيبى و كفاءة :thumb:

ربنا يوفقنا وننجح السنادى

شحاتة الدرجات بدات اهه

ههههههههههههه

الوقتى بقى حبيبك