مش فاهمنى

[كده تمام أوى]

مش فاهمنى
وعمال دايما بيحاسبنى
وكل شويه بيزعل منى
قال علشان مابَغِرشى عليه






ياما فهمته إنى معاه
مش محتاج أغير فى هواه
علشان يعرف إنى بحبه
وعمر ما قلبى فى يوم ينساه







مهما أفهم فيه وفى عناده
بردو مش بيصدق حبى
أصل خلاص مبقاش فى حياته
إلا حكاية نستنى يا قلبى






وارجع وأصبر وأرضى بحالى
وياما سهرت فى زعله ليالى
وكل ما أقول أنت بتهوانى
يرجع يزعل طبعا تانى








أنا ما بغرش لأنه معايا
عايش كده علطول ويايا
مهما البعد يفرق بينا
قلبه ياناس دايما جوايا







ويرجع تانى ويزعل منى
وكل شويه يقوم ويسبنى
حد يقول له إنه ظلمنى
ومش محتاج أغير فى هواه







والله ما عارف
إيه اللى جراله
شايل هم الغيره ده ليه
أنا مش هابعد عنه
لكن تعب الغيرة ماقدرش عليه
أصل أنا عارف إنى حياته
فـ هشغل بالى
بالغيره على إيه








حد يقول له إنه ظلمنى
وإنه بزعله كمان ده آلمنى
حد يقول له يجى يكلمنى
وعمرى ما هاعرف أقسى عليه