Help me ساعدونى يعنى

[فجر الاسلام]

السلام عليكم ورحمة الله وبركاته
هههههههههههههه

ازيكم عاملين ايه

وازاى الصحة



واخبار رمضان ايه




طبعا طبعا زمانكم بتقولى لخصى يا فر انتى خضتينا هو انتى بتهزرى


حاضر حاضر هقول اهو

خير اللهم مجعله خير

ايميلى بتاع الياهو
الماسنجر يعنى بيبعت لينكات لوحده للى منضافين عندى :18::18:


يا ترى يا هل ترى فى حل لو فى برنامج ولا حاجة عشان حاليا مينفعش انل ويندوز اصل البتاعة بتاع السى دى اعلنت اعتزالها من الحياة :nono:
الفاتحة على روحها

[عبدالرحمن م]

ممكن يكون فيروس بيخلى الياهو يبعت رسايل

فى الحالة دى حدّثى الأنتى فيروس واعملى Full Scan (هو مش انت بتستخدمى ESET ايه اللى حصل بقى ؟)

وممكن برنامج جديد انت سطبتيه هو اللى بيعمل كده

أو أخيراً ممكن يكون الأكاونت اتسرق وفى الحالة دى جربى تغيرى الباسوورد وشوفى

بس أنا شاكك إنه فيروس

[فجر الاسلام]

هو فايرس شكله

[عبدالرحمن م]

طيب الtask manager شغال طبيعى ولا ما بيشتغلش
Alt+Ctrl+Delete

[Sir.7amato]

بالنسبة لموضوع اللينكات الى بتتبعت لكل الناس الى عندك ع الإيميل
حتى لو إنت أوف لاين - دا فيرس أهطل كدا نازل جديد ،
ونص الرساله تقريباً ( هل هذه صورتك ع الفيس بووك :) )

المهم الحل عشان متعديش تتعبى روحك
نزلى ويندوز جديد خالص
وقبل ما تعملى أى حاجه تثبتى برنامج أنتى فايرس يكون إبن ناس وسيبك من النوود الى هو Eset
حطى مثلا AVG أو Norton
بعدين تعملى آبديت للبرنامج
وبعدين تعمل سكان ع الهارد كله
وبعدين عيشى حياتك وثبتى بقى كل البرامج الى انت عاوزاها ،

دا الحل الطويل الى انت ممكن تكونى عارفاه ومكسلة تعمليه -

طيب فى حل تانى هنجربه سوا ونشوف النتيجه وإن شاء الله خير

هتجربى الأداه اللذيذه دى وشوفى هتعمل معاكى إيه

الرابط لايظهر فى الأرشيف (الرابط لايظهر فى الأرشيف)

ولو دى مظبطش معاكى ^_*

هتجربى دى بس دى بالنسبة للماسنجر بس MSN only

وهذه هى الصفحة الرئيسية للاداة ،،

الرابط لايظهر فى الأرشيف (الرابط لايظهر فى الأرشيف)


قومى بتحميلها علي سطح المكتب بعد التحميل نقومى بتشغيلها ثم نضغطى علي start لبدء
الفحص ستقوم الاداة بعمل فحص شامل وبعد الفحص وعند الانتهاء منة هتطلع رسالة
تقولك غيرى باسوورد الاكونت للماسنجر أو الايميل ،

ملاحظة :
1- الاداة متوافقة مع Winxp ولا أعلم مدي توافقها مع الاصدارت الاخري
2- تاكدى من جميع معلومات بريدك الالكتروني لانة سوف يطالبك بتغير الباسورد

Download Here (الرابط لايظهر فى الأرشيف)

[عبدالرحمن م]

وقبل ما تعملى أى حاجه تثبتى برنامج أنتى فايرس يكون إبن ناس وسيبك من النوود الى هو Eset
حطى مثلا AVG أو Norton

الرابط لايظهر فى الأرشيف

الرابط لايظهر فى الأرشيف

...

[Muhamed]

لخصى يا فر


طب متلخصى يا فر وتشيلى المسنجر خالص وترسترى الجهاز وتسطبي نسخه تانيه :)

[vip]

معلشى استحملوها الجهاز بتعها بعافيه شويه

[MaNsHo0o0]

طب متلخصى يا فر وتشيلى المسنجر خالص وترسترى الجهاز وتسطبي نسخه تانيه :)مش هيروح اصله بينزل فى ملفات الريجسترى بتاع الويندوز:011:

متحولى تعملى System Restore للويندوز جايز ربنا يهديه ويتمسح
ولو منفعش نزلى برنامج Registry Fix هتلقيه هنا (الرابط لايظهر فى الأرشيف)وجربى

ولو مفيش حل اسقطى على حد من اصحابك وخدى الهارد معاك واعملى اسكان على جهاز تانى او خدى منه سى دى بدل المرحوم ونزلى ويندوز جديد ودا اكيد هيطير الفيرس ومتجرب :shutup:

[Sir.7amato]

مش هيروح اصله بينزل فى ملفات الريجسترى بتاع الويندوز:011:

+1

بقولك ولا أكنك شوفتى الرد بتاعى

لووووول :)

[MaNsHo0o0]

هوا حماتو رد..؟؟ الرابط لايظهر فى الأرشيف

[عبدالرحمن م]

نفس سؤالى !
الTask Manager بيشتغل ولا لأ

تم النقل لتيفا كمبيوتر

[MaNsHo0o0]

الTask Manager بيشتغل ولا لأ

هوا ايام مكان عندى كانت بتفتح الرابط لايظهر فى الأرشيف
وبيتهيألى مكنش فيها اسم غريب مفتوح او حاجه تدل على فيرس :)

[فجر الاسلام]

شكرا يا احلى اعضاء فى المنتدى
المشكلة اتحلت وكله تمام

[Sir.7amato]

المشكلة اتحلت وكله تمام

طيب متعرفى الناس إنت عملتى إيه عشان الموضوع ده هيبقى مرجع
لأى حد بيبحث /

[فجر الاسلام]

طيب متعرفى الناس إنت عملتى إيه عشان الموضوع ده هيبقى مرجع
لأى حد بيبحث /
ههههههههههههههههه
اهو دا السؤال اللى كنت خايفة منه :shutup:
عشان معرفش انا عملت ايه:ohmy:

انا اتبعت تعليمات الاخ مندوز مشكورا الف شكر الف شكر


قالى خير اللهم اجعله خير كد يا حمتو
رسترى الجهاز واضغطى F8
دخلنى على السيف مود
وبعد كدا ادالى برنامج اسمه spybot
شغلته وعمل سكان
ولغيت كل حاجة ليها علاقة بالياهو
ورحت مصطب ياهو تانى
وبعد كدا ادالى برنامج Malwarebytes' Anti-Malware

وقالى زيادة توكيد
وبرضو شغلته وعمل سكان



وبعد كد ريستارت

وكله بئة تمام
وكل هذا يرجع بفضل معلومات الاخ مندوز اللى خدتها منه بمقابل كارت شحن 50 جنيه:no3:

[عبدالرحمن م]

وكله بئة تمام
وكل هذا يرجع بفضل معلومات الاخ مندوز اللى خدتها منه بمقابل كارت شحن 50 جنيه:no3:
ههههههههههه ...... ساحت يا ماندوزز :shutup:

[Muhamed]

بمقابل كارت شحن 50 جنيه:no3:



خيانه

اتقى الله

دانتى فى رمضان

ان مكنوش خمس المبلغ ده

انتى لو حولتى 50 جنيه كان زمانى مبخشش المنتدى اسااسا

انا اساسا بخش علشان القط ذباين

لكن لو زى ما بتقول الاخت الفاضله يبقى الواحد بقه معاه 50 جنيه رصيد

يبقى ايه لازمه دخول المنتدى

اوشاعات يا جماعه اوشاعات هدفها ضرب الاستقرار فى المنطقه

[Muhamed]

ههههههههههه ...... ساحت يا ماندوزز :shutup:


طب بزمتك

بزمتك

انت تصدق عليا كده

[فجر الاسلام]

خيانه

اتقى الله

دانتى فى رمضان

ان مكنوش خمس المبلغ ده

انتى لو حولتى 50 جنيه كان زمانى مبخشش المنتدى اسااسا

انا اساسا بخش علشان القط ذباين

لكن لو زى ما بتقول الاخت الفاضله يبقى الواحد بقه معاه 50 جنيه رصيد

يبقى ايه لازمه دخول المنتدى

اوشاعات يا جماعه اوشاعات هدفها ضرب الاستقرار فى المنطقه


بانو بانو بانو على اصلكو بانو

شاهدين يا اهالى المنتدى
شفتوا المخطط المندوزى اللى بيتعمل علينا فى المنتدى دا اخطر مليون مرة من المخطط الصهيونى

انا اساسا بخش علشان القط ذباين

شايفين دا برتوكول من برتوكولات المخطط المندوزى
انت اتقى ربنا
انت بتاكل وتنكر زى القطط
وكمان بتاكل قبل المغرب
اتقى ربنا دا احنا فى رمضان

دا انا شحنالك امبارح 50 جنيه فودافون كمان
دى مش اوشاعة دى حقيقة واقعة

[Muhamed]

احد السياسات الامريكيه المشهوره فى العالم وهوا ترهيب العالم من الاسلام

ولكننا نند بامريكا وعملائها

وحطلنا يا عبدالرحمن خطين تحت عملائها دول اللى موجودين فى المنتدى وهدفهم تشويه صوره ماندوززز المعروفه بين الاعضاء

[عبدالرحمن م]

ايه يا جماعة الموضوع قلب شات :bm:

وحطلنا يا عبدالرحمن خطين تحت عملائها دول اللى موجودين فى المنتدى وهدفهم تشويه صوره ماندوززز المعروفه بين الاعضاء

هو فعلاً الواد عبدالرحمن مفيش غيره ..... تصدق والله أنا كنت مش مستريح له من البداية

واد غلس كده وعاملك فيها بطاطس

ربنا يهديه