ساركوزي يقترح صياماً جديدا للمسلمين :يجوز للمسلم الصائم أن يبدأ صباحه بقهوة مع هلالية

[la princesse]

عرض الرئيس الفرنسي نيكولا ساركوزي يوم الجمعة الماضية مشروعه الجديد "رمضان فرنسا" في مسجد مارسيليا الكبير، وذلك بمناسبة بداية شهر رمضان الكريم. يأتي هذا المشروع ضمن سياسة ساركوزي الرامية إلى تحسين إندماج الأقلية المسلمة في المجتمع الفرنسي.

وقال الرئيس في كلمته أمام رواد المسجد يشرح فيها مشروعه حسبما أورد موقع "cnn": إخواني المواطنين، المسلم الفرنسي هو فرنسي قبل أن يكون مسلماً، وعليه فإن قهوة الصباح مع الهلالية (كرواصون) تقليد فرنسي عريق لا يجب التخلي عليه. لذا وانطلاقاً من فتاوى الأزهر حول فقه الأقليات فإنه يجوز للمسلم الفرنسي الصائم أن يبدأ صباحه بقهوة مع هلالية، كغيره من أبناء الشعب الفرنسي على الساعة الثامنة قبل الإنطلاق للعمل.

و تابع الرئيس الفرنسي " إخواني المواطنين، صلاة المسلم الفرنسي لا يمكن أن تشبه صلاة مسلمي الشرق لذا فإنه لا معنى لمواطن أوروبي أن يقضي ساعة وساعتين بعد العشاء في صلاة التراويح، التي اتفق علماء المسلمين على أنها ليست فريضة. وعليه إخواني فلقد أصدرت قراراً جمهورياً يدعوا مساجد فرنسا لإغلاق أبوابها بعد صلاة العشاء مباشرة، حتى ينصرف المواطن إلى بيته ويستمتع بمشاهدة إخبار وبرامج التلفزيون الفرنسي ".

[فجر الاسلام]

نعم يا اخويا !!!!!

بجد واحد زى دا يترد عليه بايه

[la princesse]

نعم يا اخويا !!!!!

بجد واحد زى دا يترد عليه بايه

الرد على السفيه الصمت

[Sir.7amato]

ممكن مصدر الخبر ،،

أصل مش معقول واحد عاقل يقول كلام زى ده /

[Muhamed]

هههههههههههههههههههههههههههههههههه


ههههههههههههههههههههههههههههههههههههههههه


دا راجل مسخره بصحيح

بجد مش عارف امسك نفسى

شكل حد شربه حاجه اصفره

الواحد فرنسى قبل ميكون مسلم هههههههههههههههههه

ومفيش مشاكل الواحد يشرب الكافيه على الصبح وبالمره حتت لحمه الضهر

اما بخصوص الصلاه فبارك الله فيك بتفهم والله فى الدين وبتجيب راى علماء ازهر كمان

ههههههههههههههه

[لوزة]

أصلنا لما هنا على أنفسنا
صرنا على غيرنا أهون

[فجر الاسلام]

فعلاااااا يا برنسيس الرد عالسفيه الصمت
بس فى حاجة لفتت نظرى فى الموضوع دا بعيدا عن التخاريف اللى انكل سركوزى قالها
هو الفروض انكل سركوزى قال كدا لييه يا ولاد
عشان الاقلية المسلمة تندمج مع الفرنسيين ويعيشوا حياة بسلام وميكنش فى تفرقة او عنصرية
طيب يا انكل سركوزى منين انت مش عاوز تفرقة او عنصرية وفى نفس الوقت بتدعو للتفرقة والعنصرية

و تابع الرئيس الفرنسي " إخواني المواطنين، صلاة المسلم الفرنسي لا يمكن أن تشبه صلاة مسلمي الشرق
وعجبى

[عبدالرحمن م]

هو أى كلام بيتقال ولا ايه ؟

يا عم روح وراك دولة تحكمها هو انت يعنى هتتدخل فى كل الشئون

ولا هى بس أمور المسلمين اللى الناس كلها عارفاها وحفظاها وهيفتوا فيها كلام

[عاشق الايمان]

ياااااااااااااااه كوبايه قهوه علي الصبح في رمضان دا تبقي ميه ميه

علي الاقل تظبط الجمجمه في الشغل بدل ما الدماغ سايحه كده خااااااااااالص من كتر الارقام الداخله والخارجه والارقام الا بتقع وحاجات كده يعني

هو فيه حد من الاخوان في المنتدي ولا حاجه

[vip]

لا هو ممكن يكون مشترك فى

برنامج اى كلام فاضى

وقفل المساجد بعد العشاء

حسبى الله ونعم الوكيل

[حبيبـة ابـوها]

هو سابه من الرئاسه ومشاكل الناس
ومسك فتاوى ولا ايه
ربنا يشفى

[سندريلا]

علفكره بقي المنصوره اصلها فرنسي
يعني احنا لازم نمشي علي النظام الفرنسي تتبعا لحبيبنا( كوزي)دا دلع سركوزي
يلا كل واحد الصبح يشرب فنجان قهوه كدا ع الصيام
ولما المساجد تتقفل علي صلاه التراويح
خلاص مالهاش لازمه صلاه العشا كمان
يعني صلي احسن في البيت
وبعد كدا استمتع بمشاهده الاخبار
عادي جدا
هههههههههههههههههههه
حسبي الله ونعم الوكيل
*****************************
روي عن علي بن أبي طالب رضي الله عنه : ( سيأتي زمان على أمتي لا يبقى من الإسلام إلا اسمه ، المساجد عامرة وهي خراب من الهدى ، فقهاء ذلك الزمان شر فقهاء تحت ظل السماء ، منهم خرجت الفتنة وإليهم تعود )

[عاشق الايمان]

فإنه يجوز للمسلم الفرنسي الصائم أن يبدأ صباحه بقهوة مع هلالية، كغيره من أبناء الشعب الفرنسي على الساعة الثامنة قبل الإنطلاق للعمل.



هما ممكن يعدلوا ديانتهم علي مزاجهم واتعودوا علي كده

فاكيد عايزين يدخلوا الاسلام ضمن تعديلاتهم

انما دين الاسلااام محدش في العالم كله يقدر يغير شئ في شرعه واصوله

قال الله تعالي

لَكُمْ دِينُكُمْ وَلِيَ دِينِ (الكافرون 6)



صدق الله العظيم

[MR.S]

لا حول ولا قوه الا بالله
والله الراجل دا شكله كدا كبر وخرف ولا ايه
هيمشي المسلمين بمزاجه ولا ايه
قهوه ع الصبح اه

حسبي الله ونعم الوكيل في دا واللي زيه