بسبب انقطاع التيار الكهربائي.. يفطرون على أضواء الشموع ويدعون على الحكومة

[Muhamed]

استكمالا لمسلسل المعاناة التي يعيشها المواطنون في رمضان، من ارتفاع في درجات الحراة، وارتفاع في الأسعار، تناول الصائمون في العديد من المناطق والاحياء في محافظتي القاهرة والجيزة، إفطارهم على أضواء الشموع، بسبب استمرار انقطاع التيار الكهربائي (الرابط لايظهر فى الأرشيف) عنهم.
وذكر برنامج القاهرة اليوم، على قناة الأوربت، أن أهالي مناطق فيصل، والهرم، والمنيل، والمعادي، ومصر الجديدة، والمقطم، عانوا من انقطاع التيار الكهربائي عنهم قبل الإفطار بساعة ونصف، مما جعلهم ألسنتهم تتجه بالدعاء على الحكومة ووزارة الكهرباء.
يذكر أن انقطاع التيار الكهربائي لا يزال مستمرا، رغم توجيه الرئيس مبارك استفسارا إلى الدكتور حسن يونس وزير الكهرباء والطاقة عن الأسباب التي أدت إلى زيادة انقطاع التيار الكهربائي في الفترة الأخيرة.
وقال الرئيس مبارك خلال افتتاح متحف الفن الإسلامي بمنطقة باب الخلق يوم السبت مخاطبا وزير الكهرباء،:"عاوز أعرف ليه التيار الكهربائي يقطع، خصوصا إننا عندنا إنتاج كبير من الكهرباء؟".


:bm:

ربنا يكرم وتتنفخ يا حسن يا يونس فى تعديل وزارى قريب


بالمناسبه

مصيبه مصر فى الكهرباء هتبدا السنه الجايه واللى بعدها
:shades:

[عبدالرحمن م]

مصيبه مصر فى الكهرباء هتبدا السنه الجايه واللى بعدها

:confused: :confused:

[Muhamed]

2010 دخلت فيها محطات التبين وغرب القاهره والنوباريه وطلخا والكريمات

ودى محطات قدرات كبيره اقل واحده فيهم 700 ميجا وات

2011 معندناش مشروعات هتخلص فى السنه دى فمش هيخش على الشبكه ميجا وات زياده زى اللى دخلوا فى 2010

ومع ارتفاع استهلاك الكهرباء بشكل سنوى يبقى اكيد هيبقى فى عجز

ربنا يرحمنا بس ونبطل تصدير كهرباء شويه

والمحطات تقدر تحافظ على نفسها فترات الذروه ومتخرجش

[فجر الاسلام]

لالالالالالالالا الموضوع اوفر اوى
امبارح اككوا قاعدة بفطر وبسمى وخلاص دخلت فى مود الاكل وفجأة النور يقطع
معرفش اشوف الاكل فين
بقيت عمالة اكل بالاحساس
اهو دا اللى مقبلهوش ابدا
ويفضل قاطع 3 ساعات كمااااان

مهو لو مش عارفين تمسكوا الكهربا كويس سيبوها لعمو عبدو الكهربائى

[عبدالرحمن م]

لالالالالالالالا الموضوع اوفر اوى
امبارح اككوا قاعدة بفطر وبسمى وخلاص دخلت فى مود الاكل وفجأة النور يقطع
معرفش اشوف الاكل فين
بقيت عمالة اكل بالاحساس
اهو دا اللى مقبلهوش ابدا
ويفضل قاطع 3 ساعات كمااااان

نفس النظام بيحصل عندنا بس مش وقت الفطار (فى بعض المناطق) ووقت الفطار (فى مناطق تانية)

بالنسبة للرؤية هنولع شمعة أما الحر ده نعمل فيه اييييييه

[Muhamed]

امبارح المحطه اللى انا فيها عملت ترب بس مظنش ان ده السبب الوحيد

اظن كان فى هزه فى الشبكه امبارح ادعو ربنا متتكررش النهارده :)

[سندريلا]

الحمدلله اني مش في مصر
كان زماني بدعي علي وزاره الكهربا الوقتي
الكهربا هنا يامصريين في السعوديه بتقطع كل سنتين مره
ولما بتقطع بتقطع دقيقتين وتيجي
ويمكن مابتكملش
بجد ماشوفتش كدا في مصر
ولسا ياما هنشوف
وبالنسبه للريس
ماقطعتش عنده الكهربا؟
دا انا سمعت ان الجو حر جداااااااااااا في القاهره
ربنا يلطف بينا

[سندريلا]

لا وكمان حاجه عرفت ان الكهربا في العماويد اللي في الطرق
هيشغلوا عمود وعمود عشان التوفير
يعني عمود يشتغل واللي بعده مايشتغلش
وهيوقفوا عساكر جمب العماويد ويعملوا ورديات
عشان يطفوا النور في العماويد
دا احنا علي كدا عاوزين نجهز نفسنا في قريتنا الفضيله
ونشوف مين اللي هيقف جمب العماويد
عماااااااااااااار يامصر

[فجر الاسلام]

لا وكمان حاجه عرفت ان الكهربا في العماويد اللي في الطرق
هيشغلوا عمود وعمود عشان التوفير
يعني عمود يشتغل واللي بعده مايشتغلش
وهيوقفوا عساكر جمب العماويد ويعملوا ورديات
عشان يطفوا النور في العماويد
دا احنا علي كدا عاوزين نجهز نفسنا في قريتنا الفضيله
ونشوف مين اللي هيقف جمب العماويد
عماااااااااااااار يامصرلا وكمان حاجه عرفت ان الكهربا في العماويد اللي في الطرق
هيشغلوا عمود وعمود عشان التوفير
يعني عمود يشتغل واللي بعده مايشتغلش
وهيوقفوا عساكر جمب العماويد ويعملوا ورديات
عشان يطفوا النور في العماويد
دا احنا علي كدا عاوزين نجهز نفسنا في قريتنا الفضيله
ونشوف مين اللي هيقف جمب العماويد
عماااااااااااااار يامصر



معلش معلش
اصل احنا معندناش السد العالى اللى بيولد كهربا

[Muhamed]

السد العالى اصبح نقطه فى بحر الان

قدره السد العالى 1200 ميجا وات

فى حين اجمالى قدرات محطات مصر الاخرى 23000 ميجا

السد العالى دلوقتى مبقاش ليه تاثير

[فجر الاسلام]

طيب والحل ان الكهربا تنقطع
دى الحياة بتقف لما تقطع

[Muhamed]

الناس تهدى شويه فى استخدام التكييف

مش صبح وليل

المراوح مقلتلش لاه

مش لازم تكييف علطول

نستحمل شويه موسمين صيف كمان

وبعدها اتوقع المشكله هتتحل لان الاتجاه حاليا هوا بناء الوحدات العملاقه وده هيساعد الشبكه على الاستقرار ان شاء الله

[حبيبـة ابـوها]

وادى عمو حسنى بيتكلم عن الكهربا اصله مستغرب ان الكهربا بتقطع ليه وبيسأل هو احنا معندناش وافر كهربا ولا ايه
شكلهم عملوها وقطعوا الكهربا عليه وسيادته عقد اجتماع يناقش الموضوع دا
عقد الرئيس حسني مبارك صباح اليوم (الأربعاء) اجتماعاً وزارياً مصغراً بمقرّ رئاسة الجمهورية بمصر الجديدة، حضره رئيس مجلس الوزراء د. أحمد نظيف، ووزير الكهرباء د. حسن يونس، ووزير البترول المهندس سامح فهمي، ورئيس ديوان رئيس الجمهورية د. زكريا عزمي؛ حسب ما أفادت وكالة أنباء الشرق الأوسط.

كان "محمد عوض"، رئيس الشركة القابضة للكهرباء، قد كشف أن السبب الحقيقي وراء انقطاعات الكهرباء يعود إلى نقص كميات الغاز الطبيعي المورَّد من وزارة البترول إلى محطات توليد الكهرباء، ويُذكر أن جميع محافظات الجمهورية تشهد انقطاعاً متكرراً للكهرباء على مدار الأسابيع القليلة الماضية وحتى الآن؛ فيما دعت وزارة الكهرباء المواطنين لترشيد استهلاك الكهرباء؛ وفقاً للشروق.

جدير بالذكر أن وزارة الكهرباء أعلنت في بداية شهر رمضان أنها لم تلجأ إلى سياسة تخفيف الأحمال نتيجة لخصوصية الشهر الكريم؛ مشيرة إلى أن أي انقطاعات تحدث في أي منطقة بسبب عطل ما، فإن الأجهزة المختصة تسارع في إصلاحه.

وعلل رئيس الشركة القابضة للكهرباء انقطاعات الكهرباء المتكررة باضطرار الوزارة إلى اللجوء لتخفيف بعض أحمال المشتركين؛ حرصاً على سلامة الشبكة الكهربائية؛ موضحاً أن هذا الإجراء الذي يتمّ لحماية الشبكة متّبع في كافة شركات الكهرباء العالمية؛ بحسب المصري اليوم.

[Muhamed]

طب متشيله يا ريس هوا ومستر بتاع الشركه القابضه ابو الدكتور خالد :)

[عبدالرحمن م]

وعلل رئيس الشركة القابضة للكهرباء انقطاعات الكهرباء المتكررة باضطرار الوزارة إلى اللجوء لتخفيف بعض أحمال المشتركين؛ حرصاً على سلامة الشبكة الكهربائية

والله بكلمكم والكهربا كانت قاطعة عندى من ساعة واحدة بس

والسبب هو الترشيد زى ما أنا فاكر

[Muhamed]

بص يا عبده علشان بس اوضح حاجه هندسيه شويه بس علشان الناس تفهم المشكله فى ايه

دلوقتى مصر محطاتها بتنتج 23000 ميجا تقريبا

طبعا عمرها ما بتجيبهم قول مثلا الانتاج 20000 ميجا

الاستهلاك نفترض انه كان 19000

عادى مفيش مشاكل

نخش بقه فى ساعات الذروه

الساعات دى

الناس بتروح بيوتها وتفتح التكيفات والانوار والتليفزيون الخ

ساعتها الاستهلاك بيكون 21000 ميجا

استهلاك اعلى من انتاج معناه

انخفاض التردد وانخفاض الجهد من على الشبكه

لو سبناها

اولا فى خطوره على المحطات

ثانيا فى خطوره على المستهلك

بدل ما يخش بيتك 220 فولت هيخشه 180 مثلا

والتردد بدل ما هوا 50 هيبقى 49 او 48 وده حصل من كام يوم على فكره :)

طبعا اللى عايز يعرف خطوره التردد يجيب جهاز مثلا من السعوديه اللى ماشيه ب 60 هيرتز ويشغله فى مصر

انتظر دقيقه

ايون

الجهاز هيتحرق :) مدام مش مجهز انه يشتغل على 50

نفس الكلام اجهزتنا تشتغل على 50 وبس :)

فالحل المتاح فى حاله اننا منقدرش نزود الانتاج لان كل محطه وليها ظروفها كل محطه ليها مشاكلها اللىل تمنعها من انتاج ميجا وات اعلى

المهم فمبيقاش غير حل تخفيف الحمل الزياده

طبعا ابتعدوا عن ااماكن السفارات والقياده السياسيه غير كده اقطع براحتك :)

[حبيبـة ابـوها]

طبعا ابتعدوا عن ااماكن السفارات والقياده السياسيه غير كده اقطع براحتك :)

:thumbup1::thumbup1::thumbup1::thumbup1::thumbup1: :thumbup1:
حظنا الحمدلله اننا من عامة الشعب