دشمة دبشة الصوان...

[سندريلا]

دشمة دبشة الصوان...؟
***********************
دة اسمي متستغربش!؟
مانا اول حجر اتبني
في صلب بني الانسان
ههه هو انت متعرفش...؟
عود شديد.... وتر حديد!!ّّ؟
همجي يمكن !!!؟؟
بس
مش حيوان
شفت بعين من حجر
نبت الشجرساقط علي الوديان
ولان الحجر في ايدي
وطرح عود ريحان
ساكن جحر الكهوف
وعايش بالمعروف
يومين بتوع زمان
علي وسطي ورقة شجر تسترني
من غدر الزمان
اللي جبرني بقسوته
اني اكون انسان
دشمة دبشة الصوان
دة اسمي !..؟
لكن ماليش عنوان
عنواني فوق الشجر
تحت الحجر
في جوف بركان
قبل ما يعرفوا الكتابة
قبل الجوع والفقر
وزمن الغلابة
خطيت انا اسمي
وكتبت اول سطر علي جبين السحابة
وغني السحاب قصتي علي صوت الربابة
وقال السحاب :,,؟
ياااااااااا ناااااس
يا فاقدي الاحساس
كان يا ما كان
في سالف العصر والاوان
كان عايش علي الفطرة
بيشرب من الندي قطرة
واحد اسمه
دشمة دبشة الصوان
عايش علي الارض
واخد من الحياة قرض
مالحقش يسده
اصل الزمن هده
وراح للنسيان
قلبه يمكن كان من الحجر مصنوع
لكن صخر قلبه كان ينشق
ويخرج للحياة ينبوع
يزهزه وش الكون
ويقول للحب كن فيكون
وانا من مكاني هنا بقول:؟
دشمة يا قاهر الحياة
طريقك واصل منتهاه
صحصح بحبك نور الجبين
واحلف علي الحق ميت يمين
يوصل قلوبنا لبر اليقين
واغزل من الحرير تاج الحياة
بشبش وشوش من حجر
واكتب علي وش القمر:؟
دشمة دبشة الصوان
راجع يعلم الانسان
تاريخ البشر
ايوة انا كنت بقتل اه
كنت بحارب لاجل الحياة
ادواتي من حجر
عشان يعيش ورايا بشر
جايز اكون مت من ملايين السنين
بس دفاعي كان علي حق
وغضبي كان براكين
ليه يا بشر دلوقتي تايهين
يا دشمة
سامعني وانا بناديك
اصل الاصول انت
وساعه الوصول نلاقيك انت
مادد لينا ايد القدر
تخدنا من جهل الزمان
اللي طاح فينا ما خلا
لنسيم الحب ضلة
واتمحي فينا الامان
خوفنا ساكن بين كهوفك
ورد ربيعنا بين خريفك
انفض توبك
واكسر طوبك
وارجع بينا لاصل الحياة
ابعت لينا جواب حجر
مختوم بطابع البشر
يحكيلنا عن روح البساطة
وعن بساطة الروح
خلي قلوبنا كتاب مفتوح
وقول للحق خلاص مسموح
تعود من تاني تنزل مطر
دشمة دبشة الصوان
هنستناك
بكرة مع بسمة الفجر
تعلمنا بدون اجر
معني الحياة
وتضحك بوشك الحجر
وتقول:...؟
انا راجع من تاني
اعلم الانسان تاريخ البشر
*************************
sendrela

[silver_shadow]

انا راجع من تاني
اعلم الانسان تاريخ البشر
**********
فعلا لقد اصبحنا فى حاجه لاعادة معرفة البشر وتاريخهم

تسلمى ياسندريلا ع الطرح الرائع

[سندريلا]

اشكرك علي المرور الكريم اختي سيلفر

[أحب حبيب]

رائع يا سندريلا
تقبلى المرور

[سندريلا]

شكرا علي مرورك العطر

[مـــــلآك]

رااائع يا سندريلا تسلمى يا جميل

[سندريلا]

شكرا علي مرورك ملاك