هل المعاكسة والمغازلة قلة أدب !!!!!!

[عيون الحب]

مساء الخير على احلى بنات وشباب
ندخل في الموضوع علطول بقى


بقى دلوقتى انا قريت مقالة عجبتنى اوى هيا بصراحة ظريفة

دلوقتى اما بيسألوا الشباب والرجالة هيا المعاكسة قلة أدب؟

كان ردهم مقنع جدا وصريح جدا انا بصراحة اقتنعت بيه

قالوا:المعاكسة دى حاجة حلوة اوى وهيا فن وعلم نفس وطب ورياضة وصناعة
اززززززززززززززززززززززززاى تيجي يارجاله فهمونا
قلك بقى (اللى علطول بيقول ده ومنعرفش هو مين)معاكســــة الولاد والرجالة للبنات :


عيـــــونك دوخــــونى = طـــب
عــــودك مثل غصـــن اللبـــان = زراعة
اموت علشانك = تضحيه وايثار
ياأرض احفظـــى ماعليكى = دعـــاء
انت تمشى على رمشى = جمــــباز
ياريتنى لبانه فى فمك = تحفيز للصناعة الوطنية
لو لبست كستور كأنه حرير = دعاية للنسيج الوطنى
مين هى ليلى علوى ونانسى جنبك = جبـــران خواطـــر
ياااااااااعينى ياااااااعينى = دعــوه للطــــرب
ربنا يجعل امك حماتـــى = تخطيــــط
واخـــوك خـــال اولادى = استيراتيجية

رد البـنـــــــات علـــى المعاكســــة :

رصاصـــه فى قلبــــك = تشجـــــيع على النضال
ياســـم .....يارب تموت = خدمة انسانية للمجتمع
نايبه تاخدك ، واتوبيس سواقه اعمى يدوسك =لغة عربية من معنى كلمة موت
ماعندكش اخوات بنات = صلـــة رحم
امشى كده احسن الم عليك خلق الله = اذا مشى وسمع الكلام ......ارشاد وتوجيه
واذا مامشيش يكـــون برنامج ترفيه جماعــى ........ ياخد على قفـــاه من خلق الله


وبردو لسه معرفناش هيا المعاكسة قلة أدب ولا لاءا؟
عايز كل حد يدخل يقلى هو شايفها ازاى؟

[ساحر الحب]

بجد موضوععععععععععععك جميل..

واكيد المعاكسات مش قلة أدب

[vip]

لا المعاكسه دى ثقافه

[silver_shadow]

اولا موضوعك رائع من الناحيه الفكاهيه
انما لو هتتكلم بجد
فانا بصراحه مش عارفه ساحر و vibبيتكلموا جد ولا بيتريقوا
لو بيتكلموا جد يبقى ربنا يستر
ولو بيتريقوا يبقى ليهم حق

عموما اكيد طبعا قله ادب
ايه اللى يخلى الشاب يقول اى حاجه من الكلام اللى فوق لو هو محترم
يعنى هيستفاد ايه؟؟؟هيرتاح مثلا!!
انا اقولك
هو بيرمى الكلمتين دول ومستنى ردة فعل البنت اللى عاكسها
وحاجه من التنين ياهتمشي ومش هتعبره كان كلب بيهوهو اودامها
ياهتفتح معاه مجال للكلام
وفى الحاله دى هو مش هيسكت وهتبتدى قله الادب اللى بجد

فى رايي انه الشاب اللى بيعاكس واحده اولا مابيحترمش دينه ولا نفسه ولا حتى رجولته اللى المفروض تدفعه انه يغير على بنات بلده
مش عارفه يمكن اكون انا غلطانه بس ده رايي ويستحيل يتغير

علفكرة ياعيون
الكلام اللى انت كاتبه اكتر انواع المعاكسات احتراما

[ساحر الحب]

أوووووووووووووووووووووه...إيه يا سليفر..شكلك بتكرهي االمعاكسات ده مووووت..

والله بصي انا بكره المعاكسات وانا عن نفسي مش بعاكس..بس بعاكس لما بكون معا صحابي و لما نحس انو احنا مالين بنعاكس مش عشان نظبط ولا حاجه..بس عشان نتسلى ونضحك..

بس هيا فعلاُ بتخلي الراجل يبئ عيل..والعيل يبئا راجل..

وكلامك صح يا سيلفر والله

[عيون الحب]

انا معاكي ياسلفر
بس انا حبيت اعرف اراء الاعضاء
ومجال النقاش مفتوح للجميع
بس انا رائئ انا الواحد لو معجب
بواحدة يروح يكلمها ويقولها انة
معجب بيها باحترام مش يرزل عليها
مثلا وزي ماقولتي لو الولد بيعكس البنت
مش هتعبرة وهتاخد كلامة علي انة رزالة

[silver_shadow]

ساحر...
انت قلت انك لما بتعاكس مع صحابك يبقى تسليه
انت شايف يعنى ان البنات تسليه؟؟
ليه؟؟هى مش البنت دى اختك وخالت وعمتك ومامتك!!!
تتسلى بيهم ليه؟؟؟
وليه عرض نفسك لموقف انه بنت ترد عليك رد مش ظريف ولا حد من قرايبها معاها يسمعك
ولا بصراحه يعنى
البنت اللى اودامك بطريقه مشيها ولبسها هى اللى بتخليك تعاكسها
ياربت ترد
ونصيحه منى ماتعاكسش تانى

[silver_shadow]

عيوون كل كلامك صح علفكرة
اصلا لو وحد معجب بواحده مش هيسمع لنفسه انه يعاكسها
لو هو حقيقي بيحبها اعتقد انه هيتخانق مع اى حد لو عاكسها
مش هو اللى يروح ويعاكسها!!!

[ساحر الحب]

ساحر...
انت قلت انك لما بتعاكس مع صحابك يبقى تسليه
انت شايف يعنى ان البنات تسليه؟؟
ليه؟؟هى مش البنت دى اختك وخالت وعمتك ومامتك!!!
تتسلى بيهم ليه؟؟؟
وليه عرض نفسك لموقف انه بنت ترد عليك رد مش ظريف ولا حد من قرايبها معاها يسمعك
ولا بصراحه يعنى
البنت اللى اودامك بطريقه مشيها ولبسها هى اللى بتخليك تعاكسها
ياربت ترد
ونصيحه منى ماتعاكسش تانى

امممممم..تصدقي انا نسيت الحته ده..بس هيا فعلاُ البنات إلي بخلينا غصب عننا بنعاكس..بس وربنا انا مش بعاكس بقول يا قمر انتا ولا الهبل دا..انا بستهبل ع طريقة الهبل إلي عملاها ف نفسها..مثلا ليها مشيا معينه أقوم قلدها قدامهم ونقعد نضحك..فاهمني انتي طبعا..


بس فعلاُ انا كنت ناسي حكاية الأخت والخاله والأم..ما هو مش أي حد بيفتكرها في سعتها صح ولا أنا غلطان..؟؟

[عيون الحب]

اية ياجماعة انتو هتتخنقو ولااية
ياسلفر الراجل مغلطش هو كان مش قصدة
بس

[ساحر الحب]

ههههههه..لالالا يا عيون باشا..انتا فهمتينينا غلط .. احنا مش بنتخانق ولا حاجه..دا انا بتناقش معها...

[عاشق الايمان]

عن أبي عبد الله النعـمان بن بشير رضي الله عـنهما قـال: سمعـت رسـول الله صلي الله عـليه وسلم يقول: (إن الحلال بين وإن الحـرام بين وبينهما أمور مشتبهات لا يعـلمهن كثير من الناس فمن اتقى الشبهات فـقـد استبرأ لديـنه وعـرضه ومن وقع في الشبهات وقـع في الحرام كـالراعي يـرعى حول الحمى يوشك أن يرتع فيه ألا وإن لكل ملك حمى ألا وإن حمى الله محارمه ألا وإن في الجـسد مضغة إذا صلحـت صلح الجسد كله وإذا فـسـدت فـسـد الجسـد كـلـه ألا وهي الـقـلب)

[ساحر الحب]

صدقت يا رسول الله...

فعلاُ القلب هو إلي بيصلح النفس والأنسااااااااااااان

[أبو عبد الملك]

معاكسة الشاب للبنت
والبنت للشاب

حرام

انا اعرف ان المعاكسة والمغازلة تكون بين الراجل وزوجته
غير كدة تبقى حرام

[WebCraker]

السلام عليكم ..
اتفق مع الأخ أبو عبد الملك
مغازلة الرجل لزوجته حلال
نتجنب ماهو غير ذلك حتى لا نقع فى الشبهات والحرمات بارك الله فيكم
ونفع بكم
وكما قال الأخ فارس بلا جواد ان الحلال بين والحرام بين
وان نتقى الشبهات ونصلح من نفوسنا وقلوبنا
جزيل الشكر

[حبيبـة ابـوها]

اللى بستغربله جداااااااااااا فى المعاكسات حاجه
ان ساعات البنت تبقى ماشيه محترمه ولبسها كويس وتتعاكس بردو
واللى يغيظ اكتر المنقبه لما يعاكسوها من عينيها لما تبقى باينه
طيب ازااااااااااااااااااااااااااااااى دا مش نقص بالذمه ؟؟؟؟
وبعدين احيانا فى بنات لبسها مستفز ما غض بصرك زى ما دينك قال
وادعيلها ان ربنا يهديها
انما معاكسات ومضايقات وكلام من دا هتستفادوا ايه هتقعدوا تضحكوا لما تتريئوا على خلق الله
ربنا يهدى الجميع يارب

[عيون الحب]

الرابط لايظهر فى الأرشيف

[أبو عبد الملك]

اللى بستغربله جداااااااااااا فى المعاكسات حاجه
ان ساعات البنت تبقى ماشيه محترمه ولبسها كويس وتتعاكس بردو
واللى يغيظ اكتر المنقبه لما يعاكسوها من عينيها لما تبقى باينه
طيب ازااااااااااااااااااااااااااااااى دا مش نقص بالذمه ؟؟؟؟
وبعدين احيانا فى بنات لبسها مستفز ما غض بصرك زى ما دينك قال
وادعيلها ان ربنا يهديها
انما معاكسات ومضايقات وكلام من دا هتستفادوا ايه هتقعدوا تضحكوا لما تتريئوا على خلق الله
ربنا يهدى الجميع يارب


الكلام دة انا رديت عليه فى موضوع تانى
ان اللى بيعاكس المحجبة مابتفرقش معاه هى لابسه ايه
المهم انها انثى وخلاص
وانتى نفسك رديتى على الجزء التانى
تخيلى واحد بيعاكس واحدة محجبة
يبقى ازاى هايسيب المتبرجة فى حالها ؟
السبب لو عايزين نلخصه فى حاجة واحدة
هانقول انها فى ترك الدين
لان الشاب والفتاة لو تدينوا ماكنش حصل اللى حصل
وترك الدين دى جاى وراها مفاسد كتير زى سماع الاغانى والكليبات ومشاهدة الأفلام
دة غير ضيااااااااااع الصلاة
وربنا يهدى ان شاء الله