انا والحلم والحرامى

[ehap_amar]

دخلت السرير عشان انام فى اول نومة ليه فى السنة الجديدة والله اما اجعله خير حلمت ان الدستور اتغير وان الاقتصاد اتحرر والجنيه بقى عال وله مركز محترم وسط اخواته اللى ذلينه وبيعيروه ليل ونهار والانتخابات بقت بجد مش هزار وان عم البطالة جت له شوطة ومات والمرتب زاد وبقى بيكفى ويفيض والاسعار رخصت والحاجه كترت ومفيش ازمات وبقيت بمشى فى الشارع محترم والشرطة بتحترمنى وبيقولولى اتفضل يا باشا بعد ما كانو بيقولولى امشى يا بن ... وكمان مفيش فساد وفلسطين اتحررت والعراق كمان وبقى فيه وحدة عربية والعالم كله بيعملنا حساب وبقينا قوة عظمى والكل بيضرب لينا تعظيم سلام وبقى عندى عربية على الزيرو وفيلا كبيرة واتجوزت اربع ستات والبنك مليان ..... وفجأة سمعت صوت حاجة بتتكسر بصيت لقيت الحرامى بيسرق الدولاب ضحكت وقولت هتسرق ايه تعالى معايه جوه الحلم وانتى تتنغنغ وسيبته يقلب فى البيت ونمت قولت الحمد لله انا كدا مرتاح لو كان عندى اللى فى الحلم كنت زمانى فى خبر كان

[عيون الحب]

ياهلا ياهلا
برجال القانون
انا معجب جدا بحضرتك ياباشا
وشوفتك قبل كدة في اكتر من منتدي
وموضوعك جامد

[ehap_amar]

يا هلا بيك وبكل الاعضاء وشكرا على كلماتك المهذبة
الرابط لايظهر فى الأرشيف

[سندريلا]

اتغطي كويس

[أبو عبد الملك]

لو حلمت مرة تانية احلام خائنة زى دى

هانوديك ورا الشمس

انت فاهم ولا لأ

حلوة دى والله

هو علشان الحكومة سابتك تناملك ساعتين هاتحلم وتاخد راحتك وتبحبح

لأ اصحى وفوق

دة انت فى مــصــــــــــــــر

[عبدو]

لا يمكن ان نحيا حياتنا التي نتمناها بالاحلام .
وكل حقيقة ماثلة أمام العيان في اي دولة وفي اي بقعة من بقع العالم كانت بداياتها حلم او كابوس .
اليهود حلموا بدولة ومن ثم سعوا لتحقيق الحلم فمنحها لهم بلفور .
امريكا حلمت باحتلال منابع البترول والسيطرة على العراق ومن ثم تحقق لها ما ارادت .
نيلسون مانديلا حلم بالتخلص من نظام القهر العنصري وسعى لتحقيق الحلم وتحقق له ما اراد .
اما نحن العرب فنحلم بالستات والفول والطعمية والسيارة الزيرو والفلل وناطحات السحاب وكل ذا مش بحاجة الى الحلم لانه مبذول وبارخص الاثمان .
تحياتي .

[AlSam3r]

لو حلمت مرة تانية احلام خائنة زى دى

هانوديك ورا الشمس

انت فاهم ولا لأ

حلوة دى والله

هو علشان الحكومة سابتك تناملك ساعتين هاتحلم وتاخد راحتك وتبحبح

لأ اصحى وفوق

دة انت فى مــصــــــــــــــر


اه هو فعلا شكله ناسى اننا فى مصر
حلم ايه ده بالظبط
تلاقيه حلمه فى بلد تانيه