مراتك ...... ولا ...... شغلك>>ادخل وهتمووت من الضحك

[ساحر الحب]

كل نساء العالم يتهمون أزواجهم بأنهم بيحبوا الشغل أكثر منهم


وأنا بالنيابة عن نفسي أعترف بأن هذا صحيح..... صحيح..... صحيح


طيب صحيح ليه....؟؟؟؟؟؟؟


لي أسبابي ومبرراتي التي أرجو منكم التفكير فيها بعين العقل :


أولا :- الشغل بيصرف عليا ....


بس أنا اللي بصرف عليها!!!


ثانيا :- في الشغل ممكن تزعق براحتك.. وزعيقك يجيب نتيجة...


مع مراتك صعب انك تزعق براحتك ومهما زعقت مش هيجيب نتيجة ...


ثالثا :- ممكن تزوغ من الشغل في أي وقت من غير ماحد ياخد باله أو حد من الزملاء يغطيك....


أنما تزوغ من مراتك..... هيهات.....أنسى …..


رابعا :- في الشغل عندك مدير ممكن ترضيه لو اشتغلت كويس ....


إنما مراتك لو عملت قرد...... مش ممكن ترضيها !!!


خامسا :- الشغل لو زهقت منه ممكن تسيبه بدون مشاكل.... وبسهوله ...


أنما مع مراتك......لو روحك طلعت......لازم تحط في بقك كوتش وتفكر مليون مره.....في المحاكم والمؤخر و النفقة.... والعيال


سادسا :- في الشغل...لو سبته ....أو بلغت سن المعاش بتاخد مكافأة كبيره....ومعاش...وحفله تكريم ....


أما مراتك لو سبتها قبل ما تموت... أنت اللي هاتدفع مكافأة ومؤخر ونفقه......وشقه كمان....... وتتحبس لو ما دفعتش ..........


سابعا :- ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها...... ده ظلم بقى


ثامنا :- في الشغل....متأمن عليك عشان لو حصل لك حاجه.......


ولو حصل لك حاجه.....مراتك هي اللي هاتقبض التأمين



في النهاية ... بتحب مين أكتر...مراتك ولا شغلك ؟؟

[حبيبـة ابـوها]

انا لا متجوزة ولا راجل ولا حتى بشتغل
بس معتقدش يعنى ان التفكير عند الراجل يوصل للدرجه دى
شكرا ليك على موضوعك الفكاهى ساحر الحب
(وربنا يوفقك وينجحك ان شاءالله انت وكل طلبة المسلمين )

[ساحر الحب]

عقبال بئا اما ما تتجوزي.. ويسمع من بؤك كل خييييييير..وامين يا رب العالمين..وتسلمي ع مرورك

[سندريلا]

ههههههههههههههههههههههههههههههههههه
انا لامخطوبه ولا متجوزه
بس هوا دا اللي هيحصل بإذن الله
بس بجد الشغل اهم طبعا من زوجته

[ساحر الحب]

ان شاااااااء الله..

وربنا يعين ابن الحلال إلي هتتجوزيه..:p

وانتي قولتلي ان الشغل اهم..اممم اشطه عليكي

[silver_shadow]

انا الحمد لله لا متجوزه ولا مخطوبه
ويدينا ويديكم طولة العمر عشان حتى اتخطب
بس ايه ده ياسندريلا
اللام ده لازم تتعاقبي عليه
يعني ايه الشغل اهم من مراته؟؟
الاتنين مهمين
الواحد مش معقول حيقعد من الشغل عشان يفضل جنب مراته
ومش مفروض انه يقعد في الشغل طول اليوم ويجيب فلوس وخلاص
ولا كان في كنبه قاعده في البيت مستنيه سعادة البيه لما يوصل
المفروض يدى لكل شئ حقه

[سندريلا]

هههههههههههههههههههه
ياريت تحصل حتي كنبه
بس وربنا ان شاء الله لنوريه النجوم في عز الضهر

[ساحر الحب]

هههههههه حقه..يا صلت النبي احسن..ولعت يا ناس ولعت..

صباح الفل يا سيلفر هو ف حق اساسا ف الزمن دا..

يا رجاااااااااااااله احنا ممكن نفرط ف أي حاجه..أي حاجه..بس نخلص من مراتنا إلي معقدنا..

دا بيقولو ان الشغل ارحم واخف من الجلوس عن المرآه..

دا اول ما الراجل يدخل البيت,,تقولو تعالا هنا..دفعت المصاريف بتاع المايه والكهربا..دفعت مصاريف النور..دفعت..الخ.

والراجل جاي من شغله زهقان ومخنووق ومش ناقص كلمه..تيجي الباشا تقوله..اقوم فز انزل اشتري الحاجات ده وتعالى..

الراجل ينزل يشتر ويتعب ويجي..ومش عارف ينملوه خمس دقايق..

ف طبعا الشغل ارحم

[silver_shadow]

ايه ده ياعم ساحر
انت هتخبط ولا ايه
لا حاسب بقى معلش
ده انا المناصرة الاولى لحقوق المراه

اولا هوغلط يعني لما الست تعد تقول لجوزها انها محتاجه فلوس؟؟
غلطت في البخارى يعني!!!
امال يعني هتسرق؟؟
وبعدين الفلوس دى هى هتوديهل فين
هتصرفهم على نفسها ولا هتخرج مع اصحابها ولا هتروح السينما؟
ماهو في الاخر لبيته وعياله
ممكن يكون الغلط في التوقيت مش اكتر

وبعدين ايه قعدة الشغل ارحم دي
بامارة ايه ان شاء الله؟؟
المدير اللى هيتامر عليك كل شويه
ولا لما هتتعب هتلاقي حد يجرى عليك ويسال مالك ويهتم بامرك
ومن غير ماتطلب تلاقى القهوة والشاى داخلين عليك وانت بتشتغل
ده كفايه الوجه الحسن

[ساحر الحب]

هههههههههههههه..

طبعا غلط ان الست تقعد تقوول لراجل..ادفع كذا وكذا..الراجل مش شغال عشان خاطر سيدتها يعني


قعدة الشغل ارحم ليه..عشان الرجل ساعتها بيكون عندو حريه..يعمل إلي عايزه..يتكلم معا دا ودا وده وكدا...انما ف البيت لما حط يطلبه تلقيها ضربوالو بوززين كدا..ولا أكنها هتبلعو..:p

الوجه الحسن..ههههه..

[silver_shadow]

امال الراجل شغال عشان مين ياساحر؟؟
مش عشان مراته وعياله وبيته
ولا المفروض انه يشتغل والفلوس لنفسه يعني
ولا كأن في بنى ادمين عايشين معاه
اذا كان كده يبقى مافيش لازمه للجواز اصلا

وبعدين الست عمرها مهتضايق لما حد يكلم جوزها
الا اذا كان اسلوب الحوار بين جوزها والطرف التانى غلط
فاهمنى ولا اوضح

والوجه الحسن برضه
لا تعليق

[عاشق الايمان]

في النهاية ... بتحب مين أكتر...مراتك ولا شغلك ؟؟



ياعم روح اعرض السؤال ده علي ناس متجوزه

مش شباب وبنات لسه بيقولوا يا هادي

مش لازم تفتح عينيهم يعني يا ساحر الحب علي المستقبل الجميل الا جااي

خليهم في الواقع الرائع الا هما عايشين فيه

[ساحر الحب]

بصي انا هاديكي الحييييييييييياة بتاعت الزوجييييين في الزمن دا>>

اول حاجه يعمل فرح ويهيص فيه..وبعدين ليلة الدخله مافيش فيها كلام..وبعدين شهر العسل يقضيها مبسووط..ويمرررر عليهم سنه ويخلف..يشيل الهم..وبعدين كما سنيتين ويخلف كمان ..ويلطم ع وشه..ويقول يالهوووتي يالهوووتي..ما علينا من يالهوتي..الراجل يشتغل عشان يجيب مصروف لراجل وللعيال..اشطه..وبعدين االمصروف دا يقل شويه بشويه الست هتشك ف حاجه..ويعيني الراجل لا بيعمل حاجه غير انو بيشتغل..بس إيه بئا الراجل يقول انا راجل البيت وكلمتي هيا إلي تمشي ومش هتنزل الأرض..وبعدها بسنه الست تنزل عشان تشتغل..الراجل يقولها عليا الطلاق بتلاته لو شوفتك بتشتغلي تاني انا هطلق..:p وبعدين الراجل يشل الهم كل ع راسه..والدنيا عليه تبئا ممله عليه وعليها يعني..وبعديني بيكونو مخنووقين وتبدأ الست بئا..تقعد تلوكلك ع طوول والراجل مش هيكوون ناقص يعني..وبعدين يطلقو..:P
:D

[عيون الحب]

انتي معاكي حق ياسلفر
في كل الكلام اللي انتي قولتية
والرجل والمرآة ليسو في حرب
بل هم مكملين لبعض وعليهم ان يتعاونوا
في الحياة المشتركة بين الرجل والمرآة
وبعدين ياساحر الرسول (ص)
قال"واستوصوا بالنساء خيرا"
ويقول الله تعالي عن علاقة الرجل
بالمرآة: {وَمِنْ آيَاتِهِ أَنْ خَلَقَ لَكُمْ مِنْ أَنفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ}
اي ان الله جعل الحياة بين الرجل والمرآة تقوم علي المودة والرحمة
ولماذا الرجل يقلل من شأن المرأة ويعتبرها مخلوق ضعيف ولماذا الرجل الان يرى ان المرأة ليس لها دور فى المجتمع ويعتبرها مجرد خادمه له ولاولاده فقط لا غير .
ولا يعرف ان المرأة لها دور اساسى ومهم فهى الزوجة والام والمربية والعاملة ايضا فلابد ان نعطيها حقها ولا نقلل من شأنها.
فأن الحياة لا تستمر الا بوجود الطرفين معا
المرأة الان تعمل مثل الرجل ولا يوجد فرق بينها وبين الرجل

[ساحر الحب]

هههههههههههه لا يا فارس الازم يعرفو هما هايعيشو ازاي ف المسستقبل..إيه إلي هيكوون احلى الشغل ولا الست..؟

[silver_shadow]

على النعمه انت فاضي ياساحر
بقولك ايه ماتقوم تذاكرلك كلمتين ينفعوك

[ساحر الحب]

ولماذا الرجل يقلل من شأن المرأة ويعتبرها مخلوق ضعيف ولماذا الرجل الان يرى ان المرأة ليس لها دور فى المجتمع ويعتبرها مجرد خادمه له ولاولاده فقط لا غير .
ولا يعرف ان المرأة لها دور اساسى ومهم فهى الزوجة والام والمربية والعاملة ايضا فلابد ان نعطيها حقها ولا نقلل من شأنها.


لا لا لا انتي كدا دخلتيني ف كلام انا مقولتلوش.. انا كل إلي قصده ان الراجل بيتعب كتييييييير جدا جدا..والراجل ليه بردو حق ان يرتاح ..ومقولتش ان المراه تكون خدامه ليه..اساسا الراجل ميسلتهش ان الست تكون خدامه ليه..بس كل إلي أقصده الراااااااااااااااااحمه ع الراجله وبس..

[ساحر الحب]

سيلفر...هههههههههههههههههههههههه

انا مخلص بس دا ابداع مني بئا..بس إيه رأيك عامل شغل جامد..

[عيون الحب]

اية يا ساحر روح اسمع
كلام سلفر وذاكر كلمتين كدة
زي الشاطر روح ياحبيبي
عشان تنجح

[عيون الحب]

اسف انا مشغول بسبب المدرسة..والأمتحانات..وياريت الكل يدعو لي بالتوفيق والنجاح
اية رايك في الدعوة اللي فوق
ذاكر احسن وسيبك من الكلام الفاضي دة

[silver_shadow]

ماشي ياساحر
فكرتني بنفسي لما كنت بعد اقول مخلصه مخلصه
ساعتها كنت بسمع كلمة حموت واقولها لاى حد
شكلها هتيجي فيك
استلم باه
((يابنى مافيش حاجه اسمها المذاكرة خلصت ولو كنت خلصت راجع))
ربنا معاك ياساحر
ويارب تتجوز واحده بنت حلال كده
زى خالتك تفهمك الشغل الصح

[ساحر الحب]

يا جماعه انا الموضوع دا عامله عشان الفكاهى مش اكتر..وهو بصراحه كلام فاصي..

[عيون الحب]

اية يابني انت لسة قاعد
خد نصيحة من واحد اكبر منك
ذاكر كلمتين ينفعوك

[ساحر الحب]

ههههههههههههه...لا يا سيلفر متشليش همك انا بس مهيص النهارده عشان كان عليا اسبوع كامل وامتحانات وكنت بديها دح ورا بعض فا بريح شويه وتسلملي ع نصحك ليا..

ومن نحيت خالتي متشليش همك..انا هبووس رجليها عشان اهرب منها..:p

[ساحر الحب]

يا عيون..اولا انا مش في مصر ثانيا ف فرق توقيت 2 ساعه بينا وبينكم ثالثا انا مراجع ومخلص من بدري..رابعا انا بهيص..خامسا تسلم

[حبيبـة ابـوها]

لا اله الا الله مكانش موضوع يعمل الهيصه دى كلها
حقيقى بحييكى ياسيلفر بجد على كلامك الجميل داا
بتعرفى تاخدى الحق تالت ومتلت ربنا يحميكى يارب
وواضح ان سيلفر وعيون الحب اجمعوا على انك تروح تذاكر
فروح ذاكر صحيح احسن بدل الحرب اللى اتعملت دى
على الاقل ربنا يستجيب الدعوة لمجهودك مش هتنجح لدعا الوالدين والتيفاويه يعنى

[ساحر الحب]

ههههههههههه..والله يا حبيبه هما قلبوها حرب..وانا كنت بولعها..:p

بس وربنا انا مخلص

[عيون الحب]

باين علية سمع الكلام وراح يذاكر
احسن برضو

[ساحر الحب]

ههههههههههه,,,,اه يا باشا ذكرنا ودراسنا عشان خاطر عيونكم..

[غريبه في دنيا عجيبه]

اولا هوغلط يعني لما الست تعد تقول لجوزها انها محتاجه فلوس؟؟
غلطت في البخارى يعني!!!
امال يعني هتسرق؟؟
وبعدين الفلوس دى هى هتوديهل فين
هتصرفهم على نفسها ولا هتخرج مع اصحابها ولا هتروح السينما؟
ماهو في الاخر لبيته وعياله
ممكن يكون الغلط في التوقيت مش اكتر

وبعدين ايه قعدة الشغل ارحم دي
بامارة ايه ان شاء الله؟؟
المدير اللى هيتامر عليك كل شويه
ولا لما هتتعب هتلاقي حد يجرى عليك ويسال مالك ويهتم بامرك
ومن غير ماتطلب تلاقى القهوة والشاى داخلين عليك وانت بتشتغل
ده كفايه الوجه الحسن
امال الراجل شغال عشان مين ياساحر؟؟
مش عشان مراته وعياله وبيته
ولا المفروض انه يشتغل والفلوس لنفسه يعني
ولا كأن في بنى ادمين عايشين معاه
اذا كان كده يبقى مافيش لازمه للجواز اصلا

وبعدين الست عمرها مهتضايق لما حد يكلم جوزها
الا اذا كان اسلوب الحوار بين جوزها والطرف التانى غلط
فاهمنى ولا اوضح

:ongue::ongue::ongue::ongue::ongue:

لا بصراحة بقى انا معاكى يا سيلفر فى كل كلمة قولتيها وفعلا انتى المناصرة الاولى لحقوق المرأة استمرى على كده:thumb:

[ساحر الحب]

بئا كدا الكل معا سيلفر ومش معايا..

امممممم ما علينا..ما علينا بس برض احنا الأحسن