اتهام موجه ضد الكابتن احمد شوبير

[سندريلا]

بلاغ للنائب العام يتهم النائب احمد شوبير بتقاضي مبالغ ماليه مقابل وظائف حكوميه
اتهم موظف بمحافظة الغربية النائب أحمد شوبير (الرابط لايظهر فى الأرشيف) عضو مجلس الشعب بطلب وتقاضي رشوة منه، وتقدم ببلاغ إلى النائب العام المستشار عبد المجيد محمود الذي أحاله إلى نيابة استئناف طنطا للتحقيق.
أكد مقدم البلاغ إن شوبير طلب وتقاضى مبالغ مالية منه ومن عدد من أبناء قريته بمركز كفر الزيات مقابل تعينهم فى جمارك مطار القاهرة، وحمل البلاغ المحرر رقم 4566 لسنة 2010.
وقال المبلغ زينهم توفيق عزمي "موظف بكفر الزيات" إنه "تقابل وآخرين مع النائب أحمد شوبير فى مكتبه بشارع الجلاء في طنطا، ووعدهم بتعينهم فى جمارك مطار القاهرة مقابل الحصول على 25 ألف جنيه من كل شخص"، وأضاف الموظف فى بلاغه أنهم دفعوا المبلغ على دفعات.
وأكد البلاغ أن "الضحايا ذهبوا بالأوراق إلى المطار بعدما ارتدوا بذلة كحلية اللون وأحضروا معهم صورتين شخصيتين كما طلب النائب، لكنهم فوجئوا بالمسئولين يبلغوهم بعدم التعيين وأن الأوراق الموجودة معهم مزورة، فعادوا إلى مكتب النائب فى الغربية، وبعدما فشلوا فى مقابلته أتلفوا مكتبه.
وتدخل مدير مكتبه ووعدهم برد المبالغ، إلا أن الأشهر مرت ولم يحصلوا على شيء حسب مقدم البلاغ.
يذكر أن شوبير صدر ضده حكم من القضاء الإداري قبل 13 يوما أوقف برامجه الرياضية على قناة الحياة على خلفية دعوى أقامها مرتضي منصور (الرابط لايظهر فى الأرشيف) واتهمه باستغلال البرنامج في السب والقذف وتخصيص حلقات كاملة لتشويه صورته.الرابط لايظهر فى الأرشيف

[حبيبـة ابـوها]

الوقت سيلفر ان شاءالله تخش ترد وتساند احمد شوبير

[silver_shadow]

كويس انك عارفه ياحبيبة ابوها
طبعا حرد وادافع عن شوبير
بعد كل الحاجات اللى كتبتها برضه لسه مافيش فايده
بصي باه ياسندريلا
بما انك لسه جديده فى القسم الرياضي
فحقول كام حاجه كده خلى بالك منهم
اولا ممنوع تغلطى في الاهلى
ولا في شوبير
ولا في المان ولا برشلونه

[سندريلا]

اولا عيب ياسيلفر انك تقولي كدا
انا اهلاويه من الدرجه الاولي
وشكرا علي ردك

[silver_shadow]

بالنسبه للاتهام الغريب ده ياسندريلا

شوبير اعتقد انه نائب عن الحزب الوطنى واعلامى اشهر من النار عالعلم
يعني اى حد يقدر يوصله بسهوله
والناس دى تقدر تروحله وتكلمه وتضربه كمان لوحبت

ثانيا انا عندى استفسار غايظنى اوى
هى البلاوى دى لها طلعت مرة واحده ليه كده؟؟؟
اشمعنا الناس دى افتكرت كده دلوقتى ان شوبير نصب عليهم!!!

وبعدين شوبير اترفعت عنه الحصانه ومن حق اى حد يقاضيه
والناس دى ممكن من غير نائب عام ولا حاجه ترفع قضيه على الكابتن شوبير

وبعدين ياسنريلا شوبير مع كل اللى عنده ده
تفتكرى انه محتاج رشوة
طب بس ابقوا اسمعوا برنامجه وشوفوا هو بيعمل ايه للناس
وكم من حاله طلبته واستنجدت بيه بصفته عضو مجلس شعب وخدمهم

مش معقول بعد كل ده شوبير حيغامر بعمره ومكانته واسمه
عشان شوه ملاليم من ناس زى دى

يابنتى ده بيسفر ناس تعمل عمليات مكلفه جدا على حسابه الشخصي

[silver_shadow]

اولا عيب ياسيلفر انك تقولي كدا
انا اهلاويه من الدرجه الاولي
وشكرا علي ردك



اولا مش عارفه ان كنتى زعلانه ولا بتهزرى
بس انا كنت بهزر
والعفو ياستى

[سندريلا]

ثانيا انا عندى استفسار غايظنى اوى
هى البلاوى دى لها طلعت مرة واحده ليه كده؟؟؟
اشمعنا الناس دى افتكرت كده دلوقتى ان شوبير نصب عليهم!!!

يابنتي كل دا من تحت الصرصار الزملكاوي مرتضي منصور
****
وبعدين ياسنريلا شوبير مع كل اللى عنده ده
تفتكرى انه محتاج رشوة؟؟؟
لا طبعا ياسيلفر معتقدش كدا ابدا

[silver_shadow]

الصرصار الزملكاوي

برافو عليكي ياسندريلا

[حبيبـة ابـوها]

مش قلتلك ياسندريلا الوقت سيلفر تقوم بالواجب
كان المفروض تدخل حقوق مش اداب ابدا
بس يلا نصيبها بئه
وربنا يوفقكوااااااا ان شاءالله

[silver_shadow]

مش قلتلك ياسندريلا الوقت سيلفر تقوم بالواجب

كان المفروض تدخل حقوق مش اداب ابدا
بس يلا نصيبها بئه
وربنا يوفقكوااااااا ان شاءالله




النصيب باه ياحبيبة ابوها
بس انا عايزه اعرف رايك في الموضوع ده
او حتى راي والدك اللي انتى بتابعي عشانه

[سندريلا]

مالها اداب
زي الفل ياحبيبه
دا انا وسيلفر بقينا اشهرمن النار ع العلم في اداب

[حبيبـة ابـوها]

والله ياحبيبتى مااقدر اغلط فى اداب لانى متخرجه منها
بس مش عربى لا انجليزى دفعه 2007/2008
والله ياسيلفر والدى متابع جداااااا لشوبير وشايف انه اعلامى رياضى من الدرجه الاولى
يعنى علشان مصداقيته ومناقشته للامور بصراحه بعيدا عن اى مشاكل اخرى او قضاياه
وبيحب يتابعه جدا من اول ما ظهر على دريم تقريبا والمصريه والحياه اخرهم
وحطى عليهم علاء صادق كمان
بيشوف انهم اعلاميين رياضيين كويسين ووواضحين جدااااا
وبيكره حاجه اسمها خالد الغندور
بس ياستى

[silver_shadow]

احترم والدك جدا ياحبيبه ابوها
واضح انه كروى من الدرجه الاولى
طب انتى ليه مش طالعاله؟؟
بس بيني وبينك كده احسن

[حبيبـة ابـوها]

ماليش خلق للكورة خالص والله والدى فعلا كروى من الدرجه الاولى
وزى ماقلتى كدا احسن

[سندريلا]

احنا هنقلبها شاتنج ولا ايه
؟؟؟؟؟

[حبيبـة ابـوها]

سورى سندريلا بس كنت برد على اسئله سيلفر

[MohanneD]

اولا ممنوع تغلطى في الاهلى
ولا في شوبير
ولا في المان ولا برشلونه
انا مش هتكلم اهوه
مش هغلط فى الأهلى ولا المان ولا برشلونة زى مقولتى

دا رد فعل شوبير على نائب متعارض معاه فى المجلس
الرابط لايظهر فى الأرشيف

ودول الناس فى طنطا من كتر حبهم فيه كانو هضربوه
الرابط لايظهر فى الأرشيف

طب بس ابقوا اسمعوا برنامجه وشوفوا هو بيعمل ايه للناس
وكم من حاله طلبته واستنجدت بيه بصفته عضو مجلس شعب وخدمهم

ماهو لازم يعمل كده فى البرنامج وعلى الهوا, هما هيشوفوه فين غير فى التلفزيون

[عاشق الايمان]

لا حول ولا قوة الا بالله

شخصيه متكبره وغروره

ومن كتر تكبره وغروره يابي انه يتاسف لاي شخص

[heroshima]

اخيرا ارتحنا منه .. ودي اخرة كل ظالم وإن شاء الله هتلف الدايرة على مرتضى وينتهي زي ما شوبير انتهى

[سندريلا]

اشمعني دلوقتي كله اتقلب علي شوبير
والاعداء له كترت اللي مايعرفش شوبير
عمل ايه للناس اللي بتغلط فيه كدا تسكت خالص
ولو فعلا كان غلط في الناس اللي جابوهم امبارح
كان حد فيهم قدر ينطق ساعه مااتكلم
ولا ع الاقل كان حد كدبه
الا ان دا ماحصلش والاتنين كانو مكتومين

[ابن مصر]

شوبير عشان ناجح الغيرة هتاكل الأعلاميين التانين ونفسهم انهم يسقطوه ويمسكوله ذله

الأسد يمرض لكنه لا يموت

[سندريلا]

الأسد يمرض لكنه لا يموت
فعلا يااحمد صحيحه هذه الجمله
شكرا علي مرورك

[غاوي وجع القلب]

شوبير عشان ناجح الغيرة هتاكل الأعلاميين التانين ونفسهم انهم يسقطوه ويمسكوله ذله

الأسد يمرض لكنه لا يموت


والاسد كان ماشي بمبدأ خدوهم بالصوت ليغلبوكم

بس للاسف الاسد بيموت دلوقتي

واتلمت عليه كل الحيوانات

استنوا العزاء فيه قريب يا صاحب الشهره

[silver_shadow]

ايه ياجماعه ده
انتوا كلكم على شوير ليه ده
طب حتى احترموه كاهلاوى

[MohanneD]

شوبير عشان ناجح الغيرة هتاكل الأعلاميين التانين ونفسهم انهم يسقطوه ويمسكوله ذله

الأسد يمرض لكنه لا يموت

هههههههههههه أسد دنا بخاف من الكلب يطلعلى أسد
شوبير أسد ؟؟؟!!!! الحقونى ى ى ى ى ى ى


انتوا كلكم على شوير ليه ده
طب حتى احترموه كاهلاوى
أؤكدلك ان مفيش ولا أهلاوى بيحب شوبير أو بيحترمه
شكلك مش متابعة كويس الدنيا ماشية ازاى استنى هوريكى حاجة
جماهير الأهلى بتهتف بحب شوبير
الرابط لايظهر فى الأرشيف

[silver_shadow]

احب اعرفك يامهند
انى متابعه كويس جدا
بس عالاقل انا مابحبش اجح في حد
ويمكن دى اهم مبادئ الاهلاويه

بصرف النظر عن شوبير
احنا اتعلمنا من الاهلى اننا مانجرحش في حد
بص ياسيدي انت مابتحبش شوبير براحتك
تفتكر ده حينقص حاجه من شعبيته؟؟
بس مافيش داعى انك تعد كل شويه تجرح فيه وفى اللى بيدافعوا عنه
واحترم وجهة نظرهم زى مااحترموا وجهة نظرك


وبعدين ايه قصة مافيش ولا اهلاوى بيحب شوبير دى
مين قال لحضرتك؟؟
عملت استفساء
ولا سالت اكتر من 30 مليوووووووون **جوا مصر بس** اهلاوى
اِكدلك انك لو بتفتح مواقع اخرى محترمه وتشوف الاستفساءات هناك
حتعرف مين اللى بيحب شوبير

[سندريلا]

سلفر براحه شويه في الرد
لوسمحتي
ومهند ماغلطش
هوا بيقول رأيه
بليز بلاش كدا

[MohanneD]

والله فكرة كويسة
انتى ممكن تعملى الفكرة دى,
استفتاء للاهلاوية كام واحد بيحب شوبير
وكام واحد غيرك انتى وسندريلا بيحبو شوبير

بصرف النظر عن شوبير
احنا اتعلمنا من الاهلى اننا مانجرحش في حد
لما جمهور الاهلى بالكامل داخل الاستاد يشتم شوبير هل معنى دا ان شوبير عنده شعبية بين جماهير الاهلى
واذا كان جمهور الأهلى اللى اتعلمتى منه متجرحيش حد عمل كده, تخيلى الشخص اللى خلاه يوصل لكده بقى يبقى ايه

يا silver shadow كامل احترامى ليكى زى مقلت قبل كده
بس انا بتكلم وبجيب أدلة تثبت وجهة نظرى , انتى للأسف بتجادلى وبس
على فكرة انا بعرف اميز بين المواقع المحترمة والغير محترمة



سلفر براحه شويه في الرد
لوسمحتي
ومهند ماغلطش
هوا بيقول رأيه
بليز بلاش كدا

تعاطفك لوحده مش كفاية يا سندريلا
اتبرعى ولو بكومنت

[ابن مصر]

لما جمهور الاهلى بالكامل داخل الاستاد يشتم شوبير

مفيش الا الشوية بتوع الألتراس

اقولك حاجة يامهند

في ظل الاعلام الفاشل في مصر حاليا

مفيش غير 3 تقدر تاخد منهم كلام صحيح ومعلومات صحيحة 100%

أحمد شوبير وعلاء صادق واحمد حامد

غير كده مادورش

[Muhamed]

أحمد شوبير وعلاء صادق واحمد حامد



يا مسيطنا مع بلاتر انته يا جامد :18:

تعليق صغير على الموضوع

شوبير اللى خلاه يتشتم من التراس اهلاوى او ديفلز او وايت نايت او يلو دراجون كان موقفه بوجه عام من روابط الالتراس


حاليا مدحت شلبى فى الحلقه الاخيره ماشى على درب شوبير تفتكروا لو كمل كده هيتشتم زيه :bm:

[Sir.7amato]

أحمد شوبير وعلاء صادق واحمد حامد

كابتن كابتن احمد حامد ده بيجى على قناة إيه :bm:

[ابن مصر]

كابتن كابتن احمد حامد ده بيجى على قناة إيه :bm:


ميلوتي رياضة :wacko:

[محمد الجزار]

مرتضي لشوبير: لمياء فضحت علامات فى جسمك..ولو كنت راجل قلنا لماذا قتل جدك
فتح المستشار مرتضى منصور النار على الكابتن احمد شوبير خلال برنامج "وجه الحقيقة" الذي يقدمه الإعلامي يعقوب السعدي عبر قناة أبو ظبي .
بدأ المستشار مرتضي منصور حديثه علي أن القضية التي تم حبسه بمقتضاها قضية "عبيطة" تم تلفيقها له بعد حديثه بشكل غير مقبول علي أحمد نظيف رئيس مجلس الوزراء.

وعن سر العداء القوي بينه وبين أحمد شوبير قال منصور "أنا لا أعرفه بالأساس، هو حارس مرمي فاشل وخريج معهد تعاون، هذا حجمة، يريد التسلق علي مرتضي منصور، أنا اصغر مؤلف قانون في مصر وأصغر رئيس محكمة وأصغر رئيس نادي وعضو مجلس شعب ومحام نقض لي اسمي في البلد، لم يكن حارس مرمي جيد لقد اهتزت شباكة بنصف دستة أهداف في اليونان، إذا أراد أن يقارن نفسه بأحد فبعادل المأمور وهو أحسن منه ولا بمرتضي منصور، هو في النهاية حارس مرمي، ما هي ثقافته؟, إنه يقع علي وجهه".

وسرد مرتضي منصور ما ذكره الحكم القضائي بمنع برامجه مضيفاً "أنا تاريخ كيف يقارن نفسه بي، لقد قالت المحكمة أنه نموذج للإعلام المشبوه، أصحاب زوجته وبناته يفبركون المكالمات علي الهواء، لقد كان يكلم فتاه في سن ابنته بطريقة بذيئة وهي هبه غريب الصحفية بجريدة "الفُجر" بضم الفاء".

ووجه منصور حديثه لأحمد شوبير قائلاً "لقد أكدت لمياء ناصف في تسجيلها أنها كانت زوجتك ووصفت ما تخفيه ملابسك من علامات ولو كنت رجلاً اخلع ملابسك ، هذه السيدة تم حبسها بمدينة الشارقة في قضية نصب كبري، قام بتهريبها لسوريا بعدما علم بوجود اتفاقية تبادل المجرمين، ذهبت لمقابلته بالجزائر وذهب لمقابلتها بالسودان".

وأضاف منصور "لقد ظل يهاجمني لعام ونصف العام، أقول له يابني افهم أنا متواضع، المحكمة قرفت منك، لقد كان يأتي لي ليحصل علي 500 جنيه كمعونة في وقت سابق، لقد تملكه الغرور بعدما عرفت الشهرة طريقه".

وعن تلميحات أحمد شوبير له بالشذوذ قال مرتضي منصور "كان يقول أن الصول زكريا يأخذني في أحضانه، أقول لك اسأل والدتك –جليلة- أو أخوالك، جدك عبد الفتاح والد والدتك مات مقتولاً في الفندق بطنطا ليه؟، أنا راجل أوي، كن محترماً ومؤدباً، ولو راجل اكشف لمصر كلها لماذا قُتل جدك!".


وعن كون أحمد شوبير الأغلي أجراً بين الإعلاميين قال مرتضي منصور أن الأفلام الإباحية هي الأغلي في الاسعار، في إشارة إلي أن ما يقدمه أحمد شوبير إعلام غير جيد.

[silver_shadow]

بصوا ياجماعه
من الاخر
والله العظيم مافى اعلامى رياضي في مصر حقق ربع اللى حققه شوبير
وان كان في جمهور شتمه
تكفينا ادارة النادى اللى بتسانده

[MohanneD]

لانه انتهازى و وصولى ومنافق

[ابن مصر]

لانه انتهازى و وصولى ومنافق

أو لأنه عارف طريق النجاح ومحايد وجرئ وخلوق

[MohanneD]

أو لأنه عارف طريق النجاح ومحايد وجرئ وخلوق
انا كنت بعتقد زيك فى يوم من الأيام

[سندريلا]

لو فاكره نفسك ياسيلفر
بتفهمي في الكوره صح تبقي غلطانه
صحيح انا بحب شوبير عشان اهلاوي
ومحدش بيتهم حد من غير دليل عليه

[silver_shadow]

مافيش رد يناسب كلامك ياسندريلا
اوعدك انى ماعادش ليا علاقه بالموضوع
اصلي مابفهمش في الكورة

[ابن مصر]

شوبير ولعها

بدون رقابة

الرابط لايظهر فى الأرشيف

[ساحر الحب]

بالزمه دول مصرين..

لما احنا بنعمل كدا ف نفسنا...

امال الغرب يعملو إيه..

والله انا كرهت شوبير..والزفت مرتضي دا..

من كتر ما هما بيعملو ف نفسهم..
.................................................. .

يلا ربنا يهديهم ويهدينا..

[vip]

هو شوبير ولعها بس؟؟؟

[محمد الجزار]

شوبير يعتذر عن إساءته للمسيح ويؤكد لم أقصد هذا المعنى ومرتضى يرد "دى قلة أدب" !
أعتذر الكابتن أحمد شوبير عن إساءته للسيد المسيح فى أحد لقاءاته التليفزيونية مؤكدا أنه لم يقصد هذا المعنى الذى تفهمة البعض على نحو خاطىء بينما رد المستشار مرتضى منصور موجها نقدا حادا إلى شوبير قائلا " دى قلة أدب " !

وقال شوبير لبرنامج " من قلب مصر " أنه لم يقصد الإساءة إلى السيد المسيح مؤكدا أنه يحترم ويجل السيد المسيح لأنه من الانبياء والرسل العظماء الذين جاءوا بالرسالات السماوية " .

وتابع شوبير " علاقتى رائعة للغاية بالأخوة المسيحيين على مستوى مصر بصفة عامة ومستوى طنطا بصفة خاصة ، والمقربين منى يعلمون مدى حبى وتواصلى مع الأخوة المسيحيين ويعلمون تمام اننى لم ولن أقبل أى تجريح أو تعدى فى حق السيد المسيح أو سيدنا محمد عليه أفضل الصلاة والسلام " .

وأكمل " ليس من المنطقى أو المعقول أن أسيىء للسيد المسيح أو أحد الرسل ، والمحامى الذى تقد بالبلاغ ضدى هو ليس محامى البابا شنودة ، وفى اتصال مع أحد المقربين من البابا شنودة أكد لى أن هذا المحامى ليس المحامى الخاص بالبابا شنودة " .

وأردف قائلا " أحترم وأقدر ذلك المحامى الغيور على دينه ولكننى أؤكد أننى أشد حرصا وغيره على المسيحية والإسلام ولن أقبل أى إساءة لهما " .

وروى شوبير حقيقة ما قاله فى برنامج " بدون رقابة " قائلا " سألتنى المذيعة عن القضايا المرفوعة ضدى ونظيرتها التى قمت برفعها ، فقلت لها أننى لن اتسماح فى أى تطاول على بعد ذلك ، ولن أسمح بأى تطاول بشأنى فعندما يتطاول أحد على سأتقدم ببلاغ للنائب العام ، فأنا لست السيد المسيح لكى أتسامح مع من يعتدون فى حقى ، لأننى لو تسامحت دائما سأعرض نفسى للتطاول دائما " .

وأختتم قائلا " لا يوجد ما يغضب الأخرين ، وهناك علاقة رائعة تربطنى بالأخوة المسيحيين لأنهم أخوتى وأكن لهم كل حب وتقدير " .

بينما رد المستشار مرتضى منصور قائلا " دى قلة أدب ، هذا الشخص قالت المحكمة عنه أنه مشبوه وبذىء ونموذج للاعلام السيىء " .

وأضاف " ما سمعته من الأخ شوبير قلة أدب وكذب ، لأن شوبير قال فى حواره التليفزيونى أنه ليس مثل سيدنا المسيح عندما يتعرض للضرب على الخد الأيمن يعطى للمعتدى الخد الأيسر " .

وأختتم قائلا " السيد المسيح نبى من الانبياء المرسلين الذين أمرنا المولى فى كتابه باحترامه ، وليس أن نتخذه مثالا للسماح بالتطاول علينا " .

يذكر أن بلاغ تم تقديمه من أحد المحامين إلى النائب العام ضد النائب أحمد شوبير يتهمه بالإساءة إلى السيد المسيح فى أحد حواراته التليفزيونية .

[محمد الجزار]

حسام البدرى : الفوز فى كل المباريات هدفنا وجاهزون لمواجهة جانرز


اكد الكابتن حسام البدرى المدير الفنى للاهلى ان الفوز على بتروجيت كان مهماً للغايه لمواصلة المشوار نحو حسم لقب الدورى .. موضحاً ان البطوله لم تنتهى بعد وان الاهلى سوف يلعب كل مبارياته المقبله للفوز واحراز النقاط الثلاث دون النظر لنتائج المنافسين .. واوضح البدرى ان المباريات المتبقيه للاهلى فى الدورى صعبه وتحتاج الى تركيز لانها امام انديه إما تنافس على الهروب من شبح الهبوط او انديه تعتبر مباراتها مع الاهلى بطوله خاصه وهو ما يدركه جيداً الجهاز الفنى واللاعبين ومن ثم يحاولوا باستمرار الحفاظ على تركيزهم وعدم الالتفات لأية مؤثرات خارجية ..
وانتقل البدرى للحديث عن مباراة " جانرز " مؤكداً انها مباراة ليست سهله كما يظن البعض وانما تحتاج الى تركيز واداء جيد لضمان الفوز والتأهل الى دور الـ 16 .. مشيراً الى ان الفريق جاهز للقاء وان طموحات الاهلى كبيره فى هذه البطوله .. واشار البدرى الى وجود بعض الاخطاء التى يسعى الجهاز الفنى الى تفاديها فى كل مباراة .. لكنه يستغرب من هجوم البعض ضد الفريق والجهاز رغم ان الاهلى الافضل بين المنافسين ويسير بخطى ثابته وهو الاول فى مقدمة الدورى .. معترفاً بانه مازال غير راض نهائياً عن الاداء بشكل عام حيث ان هناك مستوى افضل يمكن ان يصل اليه اللاعبون ..
وابدى البدرى سعادته بالعودة القوية لأبو تريكة حيث شارك فى لقاء بتروجيت الى ما قبل النهايه بدقائق وهو مكسب كبير للفريق فى الفتره المقبله ومعه اللاعبين الكبار اصحاب الخبره والذين يعتبرهم زخيره مهمه للاهلى فى مشواره المحلى والافريقي ..
وعن حراسة مرمى الفريق اشار البدرى الى انها مهمه صعبه وكبيره وتحتاج الى الكثير من الخبرات واكتساب الثقه وهو سوف يصل اليه حراس الاهلى الصاعدين ومن ثم فهو غير قلق على عرين الفريق ..
ورغم ان الوقت مازال مبكراً للحديث عن لقاء القمه بين الاهلى والزمالك فى السادس عشر من ابريل المقبل إلا ان الكابتن حسام البدرى بعث برساله للجماهير فى الناديين من الآن مطالباً الجميع بالهدوء وضرورة ان يكون الفريقين بجماهيرهم " قدوه للجميع " مشيراً الى انه لا يفكر فى لقاء الزمالك حالياً حيث ان هناك مباريات مهمه للاهلى امام " جانرز ثم المقاولون والاتحاد السكندرى " وبعدها الزمالك وحينها سوف يفكر فى اللقاء .

[Muhamed]

انتظروا العاشره مساء فى برنامج مصر النهارده

على القناه الثانيه والفضائيه المصريه

شوبير ومرتضى منصور فى حلقه الصلح

[محمد الجزار]

الحلقة النهاردة مندو
النهاردة 31 / 3 / 2010
ربنا يهدي يارب

[ابن مصر]

اتصلوا امس في ازهري واصطفوا

[Muhamed]

اتصلوا امس في ازهري واصطفوا


مش اوى كده يا احمد

هوا شوبير اعتذر

بس الصراحه مورتا ممكن يضرب القله النهارده لانه قال مش انا بس اللى يتقبل اعتذار شوبير فى اسرتى هشوف رايهم الاول

فى انتظار المواجهه

[Sir.7amato]

الشيخ خالد الجندى بيقول إنو هيعمل مؤتمر صوحفى على حسابه
أحمد شوبير عاوز يعتذر بس محروج ولما لقى مرتضى سايق فيها الدلال قال للشيخ خالد انا عملت الى عليه خلاص وكفايه اوى كده

أنا هرغى كتير ليه استنو اجيبلكو المكالمه كلها ،،

الرابط لايظهر فى الأرشيف



Media Fire Link.... Here (الرابط لايظهر فى الأرشيف)

Sling File Link..... Here (الرابط لايظهر فى الأرشيف)




استضاف الشيخ خالد الجندى المستشار مرتضى منصورفى قناه ازهرى و قام بالاتصال بالكابتن شوبير حتى يقوم بتقديم اعتزار لمرتضى منصور و قام شوبير بالاعتزار و بعدما قال مرتضى انة سيقوم بسحب القضايا الموجة لشوبير بعد الاعتزار تراجع بحجة انة يرد الاعتزار فى مؤتمر صحفى و السؤال الذى يطرح نفسة الان لا يكفى الاعتزار على الهوا امام ملايين الناس ام مرتضى كان لا يتوقع اعتزار شوبير على الهوا فاخترع حجة اخرى

[Muhamed]

اللقاء اتاجل للاربعاء القادم

فى كل ان التليفزيون المصرى عايز يعمل فيها شو

والله حاجه تفرس

انا لو من الشيخ خالد اعمل الحركه دى فى القناه بتاعته من غير الهبل بتاع التلفزيون

[عاشق الايمان]

أزمة مرتضى - شوبير تشتعل مجددا .. وفشل مبادرة الصلح






الرابط لايظهر فى الأرشيف


اشتعلت أزمة الاعلامي أحمد شوبير والمستشار مرتضى منصور مرة أخرى بعدما تبادل الطرفين الاتهامات مجددا، لتفشل مبادرة الصلح بين الطرفين والتي تزعمها الداعية الاسلامي خالد الجندي.
واستضاف الاعلامي ياسر أيوب خلال برنامجه صفحة الرياضة الداعية الاسلامي خالد الجندي، وتطرق الحديث حول المبادرة التي أطلقها الجندي لعقد مصالحة بين الثنائي شوبير ومرتضى.
وأكد الجندي أن الثنائي سيجمتع معه بصحبة الاعلامي محمود سعد في برنامج مصر النهاردة يوم الأربعاء المقبل لعقد المصالحة، واسدال الستار تماما على تلك الأزمة.
وكان شوبير قد تقدم باعتذار لمرتضى يوم الثلاثاء، الا أن الأخير رفض تنفيذ وعده بالتسامح معه والتنازل عن كافة القضايا التي أقامها ضده.
مداخلة شوبير
أجرى شوبير مداخلة مع البرنامج أوضح فيها أنه لم يعتذر لمرتضى خوفا منه بقدر ما أنه فعل ذلك تأكيدا لمبادىء الدين الاسلامي وأخلاقياته، ولغلق هذه القضية تماما.
وأكد شوبير أنه ليس ممنوعا من الظهور على شاشة التليفزيون مشيرا إلى أنه سيعود للعمل قريبا جدا.
وشدد شوبير على أن اعتذاره ليس معناه أنه أخطأ في حق مرتضى مؤكدا أنه لم يفعل ذلك، وأنه لم يخطىء في حق مرتضى في برامجه، كما أن المكالمة التي تحمل اساءة لمرتضى لم تكن بصوته.
رد مرتضى العنيف
وعقب تصريحات شوبير أجرى منصور اتصالا شن فيه هجوما حادا على حارس الأهلي السابق ووصفه بأنه كاذب.
وقال مرتضى "إنه مازال يواصل أكاذيبه وينفي أن يكون قد أساء لي، وأن المكالمة بصوته".
وأضاف "لن أتسامح معه لأنه لم يتغير، واذا أقسم على كتاب الله أن المكالمة التي تحمل اساءة لي ليست بصوته سأتنازل عن كافة القضايا، وحسابه سيكون عند الله".
وحاول الجندي تهدئة منصور الذي رفض ذلك وتحدث مع الداعية الاسلامي بلهجة عنيفة، فطلب الأخير انهاء الاتصال.
حزن وندم الجندي
من جانبه قال الجندي أنه حزين للغاية بسبب الطريقة التي تحدث بها منصور تجاهه مؤكدا أنه لأول مرة في حياته يتعرض لمثل هذا الموقف.
وأضاف الجندي "البعض من أصدقائي نصحني بألا أتدخل في أزمة مرتضى وشوبير حتى لا أنقص من قدري، ويبدو أنهم كانوا على صواب، وأنا نادم على تدخلي في هذا الأمر لأنني تعرضت للاهانة بسببه".
وأشار الجندي أن حديث شوبير ومرتضى أفسد تماما محاولة الصلح بينهما مؤكدا أن الأمور ستسمر كما هي بين الطرفين.

[ابن مصر]

مرتضى دا مش شخصية اصلا ، هو حب بس يحط شوبير في موقف مذل

[عاشق الايمان]

مرتضى دا مش شخصية اصلا ، هو حب بس يحط شوبير في موقف مذل

والله يا ابن مصر لا دي شخصيه ولا دي شخصيه

الاتنين لا مؤاخذه ازبل من بعض واتلموا علي بعض

نار وشبطت في بعضها محدش هيعرف يطفيهاا

يلا يولعوا هما الاتنين

[MohanneD]

والله انا شايف اننا نقفل على الموضوع دا
لان الدنيا فيها حاجات كتير اهم من سخافات توم وجيرى دول
والله لا يستحقو تضييع دقيقة لمتابعة اخبارهم الساذجة

[Muhamed]

احترم مرتضى عندما قال ان لو شوبير اقسم ان المكالمه مش بصوته هيتنازل عن كل القضايا وحساب شوبير عند ربنا

قبل الاعتذار يجب الاعتراف بالخطأ