نظرة مختلفة لمقاطعة الفيسبوك

[فجر الاسلام]

السلام عليكم ورحمة الله وبركاته

طبعا اللى مستخدمين الفيسبوك عارفين ان فى مقاطعة للفيسبوك بسبب ان احد الاشخاص عامل صفحة يدعى فيها الالوهية

وكل الجروبات وكل الصفحات تدعو لهذه المقاطعة حتى تقوم ادارة الفيسبوك باغلاق الصفحة

بس انا الحقيقة ليا وجهة نظر مختلفة

انا شايفة ان انتشار مثل هذه الدعوات المقاطعة ده له شىء سلبى
بمعنى ان هذه الصفحة فى زاد عددها بنسبة عالية بعد انتشار دعوات المقاطعة
لان ظهور مثل هذه الدعوات بتولد فضول لدى الانسان انه يدخل على تلك الصفحة

يعنى لكم ان تتخيلوا
ان انا مثلا وصلت للصفحة دى ورحت مبلغة فلان وفلان وكنت زعلانة ومتاثرة واشتم فى اللى عمل كده وهبلغ عن الصفحة دى اكيد هيحصل فضول ان هم يدخلوا الصفحة يشوفوا الصفحة دى وهم يبلغوا ناس والناس تبلغ ناس
وضعاف النفوس الشيطان يوسوسلهم ويشتغل على دماغهم

طيب لو انا شفتها وحطيت لسانى جوه وقلت حسبى الله ونعم الوكيل
مكنش الموضوع ده اتنشر ولا الصفحة دى بقه عليها اقبال ولا ضعاف النفوس اتاثروا بكلامها

دى فتنة نعم انها فتنة
بس من الاحسن ان انا منشرش هذه الفتنة حتى ولو بدعوى الخير والدفاع عن الدين
اعتقد ان دورنا المفروض ان الفتنة دى متوصلش لاكبر عدد من الناس دورنا اننا نحاربها ونقللها مش نزودها

انا مدخلتش الصفحة دى ولا عاوزة ادخلها بس كل اللى اعرفهم دخلوها
وانا كنت مع المقاطعة وبقول قاطعوا زى مبيوصلى رسايل من الجروبات
بس فكرت
لقيت انى كده انا بساعد على انتشار الجروب ده وبعمله اعلانات مجانا حتى لو بغرض انه يتغلق

وبعدين كل ده غرضه الاول استفزاز المسلمين وهم لما بيلاقونا اللى احنا بنستجيب للاستفزاز بيفرحوا وبيعملوا على زيادة الاستفزاز ده


دى وجهة نظرى المختلفة عن كثير كم الناس

قد تحتمل الصواب وقد تحتمل الخطأ

بس انا حبيت اعرضها عليكم ومستنية اسمع ارائكم

[Muhamed]

الرابط لايظهر فى الأرشيف

صاحب الجروب المسيئة طالب فاشل بكلية الطب جامعة القاهرة اسمه احمد زيدان وتشاركه عشيقته أميرة طاهر وهي خريجة كلية فنون جميلة جامعة حلوان. </STRONG>وقد سبق لهما أنشاء جروب بعنوان علاقة طبيعية مع </STRONG>إسرائيل </STRONG>
والأثنين من نشاط شبكة الإلحاد المنتشرة بمصر والتي يديرها إزيس سيد القمني وهاني ميشيل وماجد فرج</STRONG>



على فكره يا فجر وجهه نظرى مختلفه

الفيس بوك بيدخله اضعف طبقه من الشباب فكريا لان ببساطه الاقوى فكريا مشغول ومش فاضى للهبل بتاعه

المهم

لما اجد ان اضعف طبقه للشباب متفاعله وايد واحده لما الموضوع يمس دينهم والعقيده فده شئ ايجابى بجد

المسلمين والحمد لله بالمقاطعات دى الشاب من دول ممكن يكون بايظ بس تيجى حاجه زى المقاطعه ويحس ان فى حاجه مهمه تفوقه حد غلط فى الرسول عليه الصلاه والسلام او يتطاول على الذات الالهائيه نلاقيهم كلهم اتلموا يعملوا موقف

عارف انه موقف ملوش لازمه بس كونه انه اتحرك شئ ايجابى فى وسط الفساد اللى هوا عايش جواه

[فجر الاسلام]

على فكره يا فجر وجهه نظرى مختلفه

الفيس بوك بيدخله اضعف طبقه من الشباب فكريا لان ببساطه الاقوى فكريا مشغول ومش فاضى للهبل بتاعه

المهم

لما اجد ان اضعف طبقه للشباب متفاعله وايد واحده لما الموضوع يمس دينهم والعقيده فده شئ ايجابى بجد

المسلمين والحمد لله بالمقاطعات دى الشاب من دول ممكن يكون بايظ بس تيجى حاجه زى المقاطعه ويحس ان فى حاجه مهمه تفوقه حد غلط فى الرسول عليه الصلاه والسلام او يتطاول على الذات الالهائيه نلاقيهم كلهم اتلموا يعملوا موقف

عارف انه موقف ملوش لازمه بس كونه انه اتحرك شئ ايجابى فى وسط الفساد اللى هوا عايش جواه


بس يا مندوز لو انت شايف ان هؤلاء الشباب ضعاف فكريا يبقى من الممكن ان جروب زى ده يأثر على البعض منهم

وممكن الكلام يلعب فى دماغهم ويبدأوا بقه يبحثوا ويقروا كتب عن الالحاد

اصل اى فتنة تحصل المفروض اننا مننشرهاش

[silver_shadow]

بصراحه متفقه مع ماندوز
على فرة انا مش مشتركه اصلا عالفيس بوك
وبعد اللى بسمعه عن الحاجات الهبله دي
مافيش داعى اني اشتر اصلا
دول شويه شباب اهبل كل همه الشهرة وخلاص
حاجه ده زي عباد الشياطين
والفكر المجنونه اللى بتطلع في دماغهم

[فجر الاسلام]

انا نقاشى يدور حول فكرة ان لو حد قابله مواقع زى دى بتدعوا للكفر والالحاد هل يقوم بنشرها بين الشباب تحت دعوى المقاطعة ام انه لا يقوم بنشرها وضربت الفيسبوك كمثال مش المقصود الفيسبوك بعينه مهو فى منتديات ومواقع الحاد كتير
يعنى اقصد هل يصح اننا ننشر هذه المواقع حتى لو كان بدعوى المقاطعة ؟؟

[عاشق الايمان]

عايز اقولكم حاجه سواء رائي فجر او رائي ماندوزز

ربنا هيحاسبناااا علي معرفتناا وسكوتنااا دي اولاااا

وهيحاسبناا علي اشتراكنااا في موقع عارفين عنه الكثير من الشبهاات

طيب ليه منعملش مقاطعه ابديه للموقع ده

ونريح دماغنااا خااااااالص

انتم تعرفواا عاملين زي ايه بامانه لا مؤاخذه يعني زي الراقصه الا بترقص وتروح تحج وتعمل عمره وتتبرع للايتام وتبني المساجد

والله اعلم بالنوايا طبعاااا

اهو موقع الفيس بوك ده هو الراقصه والجروبات الدينيه هي دي الاعمال الخيريه

بس الشبهات الا في النص بقي هي ده الغرض من الرقص ذات نفسه

ولا مؤاخذه يعني في التشبيه


فايه رايكم نخليهاا مقاطعه ابديه للفيس البوك

وعلي فكره انا واحد من الناس فعلااا عامل مقاطعه ابديه مع الفيس بوك

[فجر الاسلام]

لا حول ولا قوة الا بالله
هو كله ماسك فى مثال الفيسبوك

انا بكلم عن مواقع عامة والمنتديات اللى بتسىء
ظهور دعوات عامة بمقاطعتها ماشى مفيش مانع او تحذير من دخولها

لكن اللى بيحصل ان لما نقول قاطعوا الموقع فلان بنحط اللينك ده
فبيحصل فضول لدى الشباب وبيدخلوا عليها ومن هنا بيظهر الخطر

[عاشق الايمان]

انا نقاشى يدور حول فكرة ان لو حد قابله مواقع زى دى بتدعوا للكفر والالحاد هل يقوم بنشرها بين الشباب تحت دعوى المقاطعة ام انه لا يقوم بنشرها وضربت الفيسبوك كمثال مش المقصود الفيسبوك بعينه مهو فى منتديات ومواقع الحاد كتير
يعنى اقصد هل يصح اننا ننشر هذه المواقع حتى لو كان بدعوى المقاطعة ؟؟

اولاا بالنسبه للسكوت وعدم النشر طبعاا مش بشجعه خااااااالص

لان الساكت عن الحق شيطان اخرس

ثانيا بقي بالنسبه للنشر بقي وهو ده موضوعي الا عايز اتكلم عليه

النت ده عباره عن عالم مفتوح بمعني صلطه او خلطبيطااا

بمعني اوضح ان النت ده بتلاقي فيه طريق بيقودك للجنه وفي لحظه تلاقيه خدك لجهنم ازاي متعرفشي

وده المقصود من النشر

ان النشر العشوائي بيبقي عباره عن سلاح ذو حديد ببقي الغرض منه الاصلاح و بنقلائي اشخاص فعلااا بتعمل مقاطعه

بس للاسف بنساعد اشخاص اخرين في الاشتراك في الموقع

فمن رائي قبل النشر اختيار الاشخاص الموثوق فيهم والا فعلاا هيقدرواا يسعدوناا علي المقاطعه والنشر الصحيح

يلاا اي خدمه يافجر ولا تزعلي نفسك

[فجر الاسلام]

فمن رائي قبل النشر اختيار الاشخاص الموثوق فيهم والا فعلاا هيقدرواا يسعدوناا علي المقاطعه والنشر الصحيح

يلاا اي خدمه يافجر ولا تزعلي نفسك

هههههههههههههههههههههههههه

طب بجد رايك حلو لانه حل وسط

بمعنى ان مش اعمل حملات مقاطعة وانشر اللينك
لا انا ممكن ابلغ حد من اللى اعرفهم من الناس الجامدة اختراق المواقع يعملها ويقلب الموقع راسا على عقب


صح كده ولا ايييييييه

[WebCraker]

دى فتنة نعم انها فتنة
بس من الاحسن ان انا منشرش هذه الفتنة حتى ولو بدعوى الخير والدفاع عن الدين
اعتقد ان دورنا المفروض ان الفتنة دى متوصلش لاكبر عدد من الناس دورنا اننا نحاربها ونقللها مش نزودها

بصراحة انا مع فجر . . الحاجات اللى زى دى المفروض منعطيهاش وقت ولا ننشرها و على الصعيد الشخصى لا اعطيها اكتر من اهميتها ولا انجذب لها
وأتفق مع رأى ماندوز انه يكون فيه موقف ايجابى وكدا ممكن برضوا مظبوط وهو للتوعية بوجود مثل هذه الأشياء لحديثى العهد بالانترنت و صغار السن
لكن رأيى هو عدم نشر روابط مثل هذه المجموعات او مواقعها ,,

[عبدالرحمن م]

لو طالبة رأيى فلو إن نشر حاجة زى دى هتخليها تتحذف يبقى توكلى على الله

إنما لو صاحب المصيبة كل غرضه إن الناس تشوفه يبقى نقف وقتها ونخبى عليه كمان

أنا عمرى ما سمعت عن البنى آدم ده لكن بجد مفيش حاجة تتقال

يكفينا إن كل إساءة بتحصل مكتوبة فى كتاب لا يُحذف منه شىء إلا بأمر الله

وحسبنا الله

[حبيب الله]

الفيس بوك بيدخله اضعف طبقه من الشباب فكريا لان ببساطه الاقوى فكريا مشغول ومش فاضى للهبل بتاعه



والله عندك حق يا موندوز الفيسبوك مضلة للوقت ومن المستحسن ان نشغل وقتنا في مالاينفعنا
ولا يجلب لنا مثل هاته الفتن التي تدخل الانسان في متاهات هو قادران يتجنبها بابتعاده عن مثل هاته المواقع
فالحمد لله يوجد مواقع اسلامية ودينية كثيرة نسمع ونقرا فيها ماينفعنا في الدنيا والاخرة
فلماذا نذهب لمواقع نسمع ونرى فيها اسائات وصلت حد ادعاء الاولوهية ....!!
لا اله الا الله وحده لا شريك له