مبارك يجري جراحة استئصال للحوصلة المرارية بألمانيا(العمليه نجحت) ملحقتش تتهنى يا نظيف

[Muhamed]

نقل الرئيس محمد حسني مبارك (الرابط لايظهر فى الأرشيف) جميع سلطاته واختصاصاته لرئيس الوزراء الدكتور أحمد نظيف بشكل مؤقت، بعد أن قرر الأطباء مساء يوم الجمعة أن يجري الرئيس جراحة لاستئصال الحوصلة المرارية، حسبما ذكر راديو مصر.
وأصدر مبارك القرار الجمهوري رقم 60 لسنة 2010 لنقل سلطاته إلى نظيف، وهو ما ينض عليه الدستور في حالة مرض الرئيس.
وكان مبارك قد وصل الجمعة إلى مدينة هايدلبرج الألمانية برفقة أسرته، حيث تجرى له بعض الفحوصات الطبية لمتابعة شكوى متكررة من آلام بالحوصلة المرارية، ويرافق الرئيس فى رحلته الدكتور حاتم الجبلى وزير الصحة، والدكتور زكريا عزمى رئيس ديوان رئيس الجمهورية.
وقرر الأطباء إجراء جراحة استئصال للحوصلة المرارية صباح يوم السبت في مستشفى هايدلبرج الجامعي

[Muhamed]

أصدر الرئيس حسني مبارك قرارا جمهوريا بتولى الدكتور أحمد محمود محمد نظيف رئيس مجلس الوزراء جميع اختصاصات رئيس الجمهورية إلى حين عودة الرئيس المصري من رحلته العلاجية بألمانيا.
ويجري الرئيس حسني مبارك صباح السبت عملية جراحية لاستئصال الحوصلة المرارية بمستشفى هايدلبرج الجامعي بألمانيا، حيث أكدت الفحوصات الطبية التي أجراها الرئيس بعد ظهر الجمعة وجود التهابات مزمنة بالحوصلة المرارية.
وكان الرئيس مبارك قد وصل ظهر الجمعة إلى مدينة هايدلبرج الألمانية ترافقه السيدة قرينته وأسرته لمتابعة شكوى متكررة من آلام بالحوصلة المرارية.

يرافق الرئيس ايضا فى رحلته العلاجية الدكتور حاتم الجبلى وزير الصحة، والدكتور زكريا عزمى رئيس ديوان رئيس الجمهورية.

كان الرئيس حسنى مبارك قد استعرض الخميس مع المستشارة الألمانية أنجيلا ميركيل آخر تطورات الأوضاع فى منطقة الشرق الأوسط وسبل توسيع التعاون بين مصر وألمانيا فى مختلف المجالات .


قرار جمهوري

وقد أصدر الرئيس مبارك قرارا جمهوريا هذا نصه:
قرارالسيد رئيس جمهورية مصر العربية رقم 60 لسنة 2010.. رئيس الجمهورية بعد الاطلاع على الدستور، وعلى قرار رئيس الجمهورية رقم 424 لسنة 2005 بتشكيل الوزارة قرر:
يتولى السيد الدكتور أحمد محمود محمد نظيف رئيس مجلس الوزراء جميع اختصاصات
رئيس الجمهورية طبقا للمادة 82 من الدستور إلى حين عودته إلى مباشرة مهامه

[ابن مصر]

يارب اشفي الريس

بجد انا زعلان جدا عشانه

رغم اختلافنا معاه لكن ليه في قلبنا مكان

ربنا يشفيك ياريس

[Sir.7amato]

متقلقش يا ريس نظيف قدها وقدود
خلى بالك إنت من نفسك ومتشغلش نفسك بأى حاجه تضايقك
الشعب ياكل الظلط يا ريس وميتخافش عليه

ربنا يشفيك يا مهنينا ،

[vip]

ربنا يشفيه ويشفى كل مريض

ربنا يجيبه بالسلامه

هو لسه شاف حاجه من دعوة الشعب عليه

[محمد الجزار]

ربنا يشفية ويرجعة لنا بسلام ......

[silver_shadow]

ربنا يشفيه
قولوا امين
ويرجعلنا بالسلامه
ومش عايزينه يشيل الهم خالص
ده من كتر شيل الهم جاله المراره
ونظيف حيكون ادها وادود

[silver_shadow]

بس اناعندى استفسار صغنون
هي المراره خطيره للدرجه عشان تحتاج انه يسافرلها المانيا
ولا هو مش واثق من مستوى العلاج في مصر؟؟
عموما يرجعلنا بالسلامه

[حبيبـة ابـوها]

هههههههههه سؤال وجيه ياسيلفر والله
عموما ربنا يشفيه ويشفى جميع مرضى المسلمين

[vip]

لو مرحش المانيا مين اللى هيروح؟

على حساب الدوله

[Muhamed]

اقبال تاريخى على موضوع فى قسمالاخبار اليوميه

الظاهر انه مشخلعنا ومدلعنا حلو اوى

[ملكة الرحمه]

يامهنينا يامدلعنا ومشخلعنا
ياسبع المصريين من غيرك هنروح فين
ترجعلنا بالسلامه يارجلنا

[Muhamed]

العمليه نجحت :)

[Muhamed]

الفريق الطبي: مبارك استعاد وعيه بالكامل بعد استئصال المرارة


أكد الدكتور "ماركس بوشلر" رئيس الفريق الطبي الذي أجري العملية الجراحية للرئيس حسني مبارك لاستئصال الحوصلة المرارية بمستشفى "هايدلبرج" الجامعي فى ألمانيا صباح السبت أن الرئيس استرد وعيه بالكامل وهو على حديث مستمر مع الفريق المعاون معه والأسرة الكريمة.
وقال بوشلر -في بيان تلاه ونقلته القناة الأولى بالتلفزيون المصري مساء السبت- إن الرئيس مبارك تحدث إلى الفريق الطبي منذ قليل بعد أن استعاد وعيه بالكامل.
وأوضح في بيانه أن الرئيس "سيظل تحت الرعاية حتى يسترد عافيته تماما".. وقال "نحن فخورون برعايتنا للسيد الرئيس في المستشفي، وسوف ندلي بصفة دورية يوميا ببيان عن حالة السيد الرئيس الصحية والتقدم في حالته بصفة عامة".
وأشار بوشلر في البيان إلى أن الرئيس مبارك وصل بعد ظهر الجمعة إلى المركز الطبي لجامعة "هايدلبرج"، وقد قام بفحصه الفريق الطبي والجراحي حيث اطلع على كافة الفحوصات التي أجريت له بالأمس وصباح اليوم قبل الجراحة.
وأضاف "أن جميع فحوصات التصوير الطبي أكدت وجود إلتهاب مزمن بالحوصلة المرارية، ومحاطة بالتصاقات شديدة، كما اتضح من المنظار الذي أجري قبل الجراحة مباشرة وجود زائدة لحمية في الجزء الثاني من الاثني عشر".
وتابع الفريق الطبي قائلا "وبالتالي تم إجراء جراحة مفتوحة صباح السبت لإزالة الحوصلة المرارية والالتصاقات المحيطة بها، وكذلك إزالة الزائدة اللحمية في الجزء الثاني من الاثني عشر بطريقة أمنة للغاية".
وأوضح بوشلر أن كافة التحليلات الخاصة بالأنسجة أثبت أنها سليمة تماما"، مشيرا إلى أنه راض تماما عن الأداء والنتيجة التي حققها الفريق المعاون في الجراحة.
وقالت متحدثة باسم المستشفى ان جراحة استئصال الحوصلة المرارية للرئيس مبارك سارت على نحو طيب.
وكان الرئيس مبارك قد وصل ظهر الجمعة إلى مدينة هايدلبرج الألمانية ترافقه السيدة قرينته وأسرته لمتابعة شكوى متكررة من آلام بالحوصلة المرارية، ويرافق الرئيس ايضا فى رحلته العلاجية الدكتور حاتم الجبلى وزير الصحة، والدكتور زكريا عزمى رئيس ديوان رئيس الجمهورية.
العودة إلي أعلي (الرابط لايظهر فى الأرشيف)
قرار جمهورى

وقد أصدر الرئيس حسني مبارك قرارا جمهوريا بتولى الدكتور أحمد محمود محمد نظيف رئيس مجلس الوزراء جميع اختصاصات رئيس الجمهورية إلى حين عودة الرئيس المصري من رحلته العلاجية بألمانيا.
نص القرار:
قرارالسيد رئيس جمهورية مصر العربية رقم 60 لسنة 2010.. رئيس الجمهورية بعد الاطلاع على الدستور، وعلى قرار رئيس الجمهورية رقم 424 لسنة 2005 بتشكيل الوزارة قرر:
يتولى السيد الدكتور أحمد محمود محمد نظيف رئيس مجلس الوزراء جميع اختصاصات رئيس الجمهورية طبقا للمادة 82 من الدستور إلى حين عودته إلى مباشرة مهامه.

[حبيبـة ابـوها]

طيب الحمدلله

[Sir.7amato]

لولولوى

حمدل ع السلامه يا كبير

[عاشق الايمان]

ياااااااااااااااااااااه

كل الاعضاء دول دعواتهم مقبوله

ايه الهنا الا احنا فيه ده

طيب حد يدعيلي بقي

اني احقق الا نفسي اعمله في شغلي ( اني افلسع مشرف البيع وامسكه مكانه يعني )

واخطب بقي واودع العذوبيه شويه كفايه علينااا

[ملكة الرحمه]

الحمد لله انه عدى على خير
ربنا يحققلك الى نفسك فيه يافارس

[فجر الاسلام]

لووووووووووووووووووووولى
ده احنا هندبح عجلين ونوزع شربات

[عبدالرحمن م]

لووووووووووووووووووووولى
ده احنا هندبح عجلين ونوزع شرباتفيه ناس ليها وجهة نظر مختلفة على فكرة :bm:

.......................

ألف حمد وشكرعلى سلامتك يا كبير

[حبيبـة ابـوها]

ياااااااااااااااااااااه

كل الاعضاء دول دعواتهم مقبوله

ايه الهنا الا احنا فيه ده

طيب حد يدعيلي بقي

اني احقق الا نفسي اعمله في شغلي ( اني افلسع مشرف البيع وامسكه مكانه يعني )

واخطب بقي واودع العذوبيه شويه كفايه علينااا


ان شاءاالله يافارس يحققلك كل امانيك انت وكل المسلمين
يااااااااااااااااااااااااااااااااااااااااااااااااا اااااااااااااااااااارب
ومتنسناش فى العجل بئه والشربات يافجر :bm:

[Muhamed]

ايوه كده اظهروا الولاء للزعيم والقائد

:)

[silver_shadow]

مبروووووووووووووووووووووك لكل المصريين
ربنا استجاب دعوات الطيبييييييييييييييييييييييييين
وريسنا قام بالسلامه يخدم الملايييييييييييييييييين
من ابناء شعبنا المسكيييييييييييييييييييييييين

حمد لله بالسلامه ياريس

[تائه]

هو طلع منها ازاى دى
مافيش حد فى السن ده
بيعمل عمليه وينفد

[WebCraker]

هو طلع منها ازاى دى
مافيش حد فى السن ده
بيعمل عمليه وينفد لأ لأ لأ متقولشى كدا اومال
حمدلله على سلامة الريس وألف ميت مبروك ياريس وترجعلنا بالسلامة
ونظيف كان ادها برضوا
واخد بالك انت يا ماندوز من العيال اللى اتاخدت اسمائها دى :)

[sniper]

ربنا يشفيك يا ريس وترجع مصر بتمام الصحه بأذن الله (بس تسيب الرياسه لاحد تانى علشان كده كفايه )

[sniper]

هو طلع منها ازاى دى
مافيش حد فى السن ده
بيعمل عمليه وينفد

هو فى ريس بيمرض بالمراره

امال الشعب يمرض بايه؟؟