مش راح اسيبك

[ملكة الرحمه]

وبقيت بتخاف من احساسك .....وبقيت بتخاف من الايام
صدقني انا اهلك انا ناسك ......انا دايب فيك مش اوهام
خلينا نعيش سوي ايامنا.... وهانبني قصور سوي احلامنا
لو حتي في يوم اتفرقنا ........هنلاقي حا جات بتفكرنا
*********
اتكلم قول الي في قلبك....ماتخفش انا منك انا جنبك
انا حاسس بيك وباحساسك....انا نبض في قلبك ومشاعرك
اتكلم واحكي الي ما بينا ........ وبلاش الجرح دا يألمنا
هانعيش والحب دا جوانا........ لو مهما الدنيا هاتكسرنا
************
اطمن انا مش راح اسيبك......... ولا عمري هاسيبك تتألم
اتكلم قول اني حبيبك ......... طمني خلاص بقي واتكلم
اتكلم واحكي الي ما بينا ........ وبلاش الجرح دا يألمنا
هانعيش والحب دا جوانا........ لو مهما الدنيا هاتكسرنا

[حبيبـة ابـوها]

شعر جميل ورومانسى ورقيق المشاعر
بس ياترى فى حد يستاهل الحب دا
هو اكيد فى بس الاكيد ان نسبته قليله جداااااااااااااااااااااااااااااااااااااااااااااااا اا
فى النهايه بشكرك ملكه الرحمه
وفى انتظار المزيد
وجزاكى ربى كل الخير
تقبلى مرورى؛؛

[ملكة الرحمه]

اكيد فيه طبعا حبيبه ابوها بس لما تلاقى الانسان الى تقدرى
تحسى معاه بانك فى امان
بس لما تبوحى بمشاعرك لازم تكونى ضمناه الاول وحطاه فى جيبك
انا عن نفسى لسه ملقتشى الى بالمواصفات دى
بس ان شاء الله ربنا هيعوضنى خير وواثقه فى اختيار ربنا ليا
بس ان شاء الله ربنا يوفق كل بنت وكل شاب لما فيه الخير
مشكوره حبيبه ابوها

[l3lo3]

تسلم ايديكى ياملكة

احساس فوق الرائع

فعلا كلمات جميلة ومعبرة

[ملكة الرحمه]

مشكوره لؤلؤ على مرورك

[محمد الجزار]

تسلم أيديكي
جزاكي الله كل خير

[ملكة الرحمه]

مشكور استاذمحمد لمرورك الرائع