بالبلدي.. أنا مش مزة

[AlSam3r]

جروب جديد ينشد حملة من اجل نصرة المراة

تعالوا بينا نشوف قصته ايه

الرابط لايظهر فى الأرشيف


تحمل مجتمعات الشباب كثير من المعاني ، صحيح أن بعضها يوصف بالرعونة والطيش إلا أنها بعضها يحمل معاني ماً يكون لها غاية أو هدف لإصلاح أوضاع خاطئة فى المجتمع ، ومن هنا جاءت فكرة صفحة "شباب الفيس بوك الجديدة" لمشاركة الشباب أفكارهم ، أحلامهم بحلوها ومرها من خلال التنقيب عن أفكار الشباب بموقع "الفيس بوك" الذي يمثل واقع مصغر للمجتمع بكل طبقاته الاجتماعية.

ومن المجموعات اللآفتة للنظر جروب "قل امرأة .. ولا تقل مزة" والتى تهدف إلى شطب الكلمات البذيئة التى تصف بها المرأة وتصنيفها كإنسان له شخصيته وكرامته تماماً مثل الرجل. تقول مؤسسة الجروب التى تحمل اسم fantasia alam : كلمة مزة بقت سلاح يستخدم ضد المرأة في مصر ، خلاص الجنس الأنثوي كله بقى بيصنف على انه مزة، والكلمة بقت على كل لسان وكل الأعمار والمستويات والطبقات الاجتماعية بتستخدمها.
مزة كلمة مقززة، ليها معنى جنسي، وهدفها اختزال المرأة في جسمها والتحقير من شأنها وفرض مكانة دونية ليها في المجتمع ، مش ممكن نطالب بحقوق مرأة أو ان الست في مصر توصل لمناصب قيادية وهي مجرد مزة! مين هينتخب مزة عشان تمثله في البرلمان؟ مين هيروح لدكتورة مزة عشان تعالجه ؟ مين هيحترم استاذة مزة بتدرسله ؟ ازاي المجتمع هيعاملنا ياحترام وياخدنا بجدية واحنا واقفين نتفرج عليه وهو بيخترعلنا اسم جديد وبيفرضه علينا بكل وسيلة وفي كل مكان؟


الرابط لايظهر فى الأرشيف



لازم كل ست وكل بنت بتحترم آدميتها ترفض ان يتقال عليها مزة ، لازم نقف في وجه المجتمع الذكوري ونمنعه من اختزالنا في مجرد أجساد ، لازم كل واحدة تعلن أنها إنسان نوعها امرأة، مش مزة ، لازم كل واحدة تدافع عن كرامتها وتقول أنا مش مزة
دعوة لشطب هذه الكلمة البذيئة المحقرة من شأن المرأة من قاموسنا العامي المصري, وتصنيفها باعتبارها كلمة بذيئة
نحن نعترض على استخدام هذه الكلمة في الإعلام و الأغاني و الأفلام ، يجب أن تلقى المرأة المصرية الاحترام الذي تستحقه وألا تستسلم لعنف المجتمع وممارساته القمعية ومحاولة إذلالها وامتهانها وتشييئها

شاركونا لنعلنها صريحة : المرأة = إنسان نوعه أنثى
المرأة المصرية ليست مزة
بالبلدي.. أنا مش مزة

[sniper]

على فكره انا معاك

بس انت شكلك مش معا نفسك

ليه

لانك قولت الكلمه اللى انت مش عاوز حد يقولها فى الموضوع 13 مره بالاضافه الى ذكرها فى عنوان الموضوع

كان يمكن الاشاره ليها .
بس الموضه الواد الوسيم عاد بيتقاله انت موز

فلو الحمله بتاع المراه نجحت فى الغاء هذا اللفظ
ياريت نقاوم انتشاره بين ال...

[AlSam3r]

على فكرة الحملة لاقت اقبال ولو ينفع احط الرابط كنت حطيته لكن ممنوع

[حبيبـة ابـوها]

فعلا حاجه منتشره جدا بين البنات والولاد
لما حد يشوف ولد حلو يقول دا .... ولو بنت حلوة يقول عليها .....
والغريبه ان فى بنات لما تسمع الكلمه دى تفرح اوى وتتبسط مش كله
رغم انها كلمه مش كويسه
فى النهايه بشكرك على الموضوع
وياريتها تنجح ويبطلو الكلمه اللى تغيظ دى
وتقبل مرورى ومشكور مرة تانيه

[AlSam3r]

اهلا بيكى حبيبة ابوها
بس لازم كمان احنا نبداْ بنفسنا ولا اييييييييييه

[حبيبـة ابـوها]

اهلا بيكى حبيبة ابوها
بس لازم كمان احنا نبداْ بنفسنا ولا اييييييييييه


ايوة صااااااااااااااااح كلامك مظبوط

[عاشق الايمان]

لا انا بقولك هتبقي حمله فاشله ميه في الميه

انت تعرف ان الكلمه دي عمرها ما طلعت من اي انسان لاي بنت محترمه ولبسهاا محترم

البنت تبدئ بنفسها الاول من احترام في اللبس والاخلاق والمكياج

وبعدين نبقي نفكر نعمل الحمله

يمكن تجيب نتيجه

وسعتهاا يبقي بنعملهاا واحنا واثقين ان الحمله صح من ناس صح

شكرا علي طرحك الموضوع يا سمير

[hahattt919]

انابوافق فارس قوى
بس لو البنات كلها بقيت محترمه
الولاد كمان حيبقو محترمين
لان لو فسدت المرأه
حيفسد العالم

[محمد عاشور]

لا انا بقولك هتبقي حمله فاشله ميه في الميه

انت تعرف ان الكلمه دي عمرها ما طلعت من اي انسان لاي بنت محترمه ولبسهاا محترم

البنت تبدئ بنفسها الاول من احترام في اللبس والاخلاق والمكياج

وبعدين نبقي نفكر نعمل الحمله

يمكن تجيب نتيجه

وسعتهاا يبقي بنعملهاا واحنا واثقين ان الحمله صح من ناس صح

شكرا علي طرحك الموضوع يا سمير


كلامك صح بجد يافارس

[ملكة الرحمه]

الموضوع دا بيحصل كتير
وكمان الاطفال فى الشارع تلاقى البنت ماشيه
والطفل مش عارف ينطق الكلمه
وتلاقى الى ماسك هدومها وبيجرى وراها
ويقولها الكلمه دى
دا الى بيعلموه الاهل لاولادهم
انا مش عارفه تربيه ايه الى تخلى عيل فى
سن صغير يتعلم ازاى يعاكس
نشطب الكلمه دى من قاموس الكبار وبعدين منعلمهاش للاطفال
مشكور استاذ سمير على طرحك

[AlSam3r]

ياجماعة ارائكم فيها فعلا شئ من الصواب
بس الفكرة كلها مثلا كان فيه برنامج عن الموضوع ده يوم الخميس الماضى بالبرنامج العام
سالوا شاب عمرة 18 سنة لو شفت واحدة محترمة هتعاكسها
رد وقال ايوه هعاكسها لو لقيتها حلوة حتى لو محترمة
يبقى المشكلة مش ع البنت كلها
صوابعنا مش زى بعضيها
الولاد برده عليهم جزء كبير من المشكلة

[سندريلا]

هوا الموضوع حلو وعاوزه اقول ان البنت بايدها تجبر الناس انهم يحترموها او مش يحترموها بس هوا ربنا قفلها في وشك ومش لاقي موضوع غير دا تتكلم فيه ؟؟؟؟؟؟؟؟؟؟؟؟؟؟؟؟؟؟؟؟

[WebCraker]

والله لو جينا على الكلمات فدى أقل كلمة ممكن تتقال
لو جينا نقول نشطب كلمة من قاموس الشعب المصرى أظن انه صعب زى ما بيقولوا انسى ياعمرو
الحملة دى ممكن تتجه اتجاه كويس تانى يكون شعاره نحو مجتمع خالى من الكلام البذىء .. اتكلم كويس ..
الدين المُعاملة .. حسن الخلق .. متجرحنيش بكلامك .. احترمنى احترمك
مش محتاجين اننا نشطب كلمة عشان كرامتك
المرأة كرمها الإسلام من أكتر من الف سنة ,, نطبق تعاليم الإسلام هنلاقى المرأة مُكرمة بالفعل زى ما قال الأخ فارس وبتفق معاه ومع الأخوة ومفيش واحدة هيتقالها كلمة . . .
ولا واحد هيتقاله كلمة ... زى ما روبى بتقول فى فيلم اسمه ايه ده .. :p

والله المسعان ,, //

[AlSam3r]

هوا الموضوع حلو وعاوزه اقول ان البنت بايدها تجبر الناس انهم يحترموها او مش يحترموها بس هوا ربنا قفلها في وشك ومش لاقي موضوع غير دا تتكلم فيه ؟؟؟؟؟؟؟؟؟؟؟؟؟؟؟؟؟؟؟؟
مش فاهم قفلها ازاى ياسندريلا
ع العموم نورتى الموضوع نقاش ليس الا لولا اختلاف الاراء لبارت الصحف

والله لو جينا على الكلمات فدى أقل كلمة ممكن تتقال
لو جينا نقول نشطب كلمة من قاموس الشعب المصرى أظن انه صعب زى ما بيقولوا انسى ياعمرو
الحملة دى ممكن تتجه اتجاه كويس تانى يكون شعاره نحو مجتمع خالى من الكلام البذىء .. اتكلم كويس ..
الدين المُعاملة .. حسن الخلق .. متجرحنيش بكلامك .. احترمنى احترمك
مش محتاجين اننا نشطب كلمة عشان كرامتك
المرأة كرمها الإسلام من أكتر من الف سنة ,, نطبق تعاليم الإسلام هنلاقى المرأة مُكرمة بالفعل زى ما قال الأخ فارس وبتفق معاه ومع الأخوة ومفيش واحدة هيتقالها كلمة . . .
ولا واحد هيتقاله كلمة ... زى ما روبى بتقول فى فيلم اسمه ايه ده .. :p
عندك حق يا كراكر فعلا بس لازم برده قبل ما نطبق نعمل وعى للجميع لان فيه ناس كتير مش فاهمة الفكرة زى سندريلا مثلا من ردها مش باين خالص
سبق وذكرت مثال ان الولد قال لو حتى هى محترمة ولبسها كويس ومش مغرى هعاكسها
شفتى رد شاب فى العشرين من عمره
مفيش ارداْ من كده سلوك

[heroshima]

انا اضم صوتي لصوت فارس بلا جواد ... انا عمري ما هقابل بنت محترمة لبسها محترم وهقول عليها مزة لكن طبيعي لما الاقي واحدة لبسها قذر ومشيها مش محترم هقول عليها مزة واكتر من مزة كمان وخلاص ما دام البنت مش عاوزة حد يقول عليها مزة اذن تاخد بالاسباب اللي خلت الشباب تقول عليها مزة وهو سلوكها في المجتمع ومظهرها العام وبعدين ماننساش ان احنا مجتمع شرقي

[لست ملاك]

انا اضم صوتي لصوت فارس بلا جواد ... انا عمري ما هقابل بنت محترمة لبسها محترم وهقول عليها مزة لكن طبيعي لما الاقي واحدة لبسها قذر ومشيها مش محترم هقول عليها مزة واكتر من مزة كمان
اسمح لى ان اعاتبك على ذلك

ازاى كرامتك تسمحلك اساساً انك تقول لفظ بشع زى ده

حتى لو هى مش كويسه ربنا يحاسبها انما انت هتستفاد ايه يعنى لما تقولها كده بالعكس هتاخد ذنوب انت وهى



وخلاص ما دام البنت مش عاوزة حد يقول عليها مزة اذن تاخد بالاسباب اللي خلت الشباب تقول عليها مزة وهو سلوكها في المجتمع ومظهرها العام وبعدين ماننساش ان احنا مجتمع شرقي



هو كلامك صح البنات عليها العبء الاكبر لكن ساعات المنقبات بيتعاكسوا يعنى ده بيكون طبع فى الشباب

طبعاً الشاب المحترم عمره مايسمح لنفسه انه يعاكس اساساً

وعمره ماهيقول
عمرى ما هقابل بنت محترمة لبسها محترم وهقول عليها مزة لكن طبيعي لما الاقي واحدة لبسها قذر ومشيها مش محترم هقول عليها مزة واكتر من مزة كمان



ده طـــــــــــــــــــــبـــــــــــــع فيهم للأسف

الحلوه والقبيحة , المحترمه والقذره فى لبسها

بيتــــــــــــــــعاكــــــــــــــــــــــــــسو ا
ياجماعة ده بيعود برده لرجوله الشاب ومبادئه اما ان رجولته ومبادئه ساميه او منحطه

[AlSam3r]

هو كلامك صح البنات عليها العبء الاكبر لكن ساعات المنقبات بيتعاكسوا يعنى ده بيكون طبع فى الشباب

طبعاً الشاب المحترم عمره مايسمح لنفسه انه يعاكس اساساً

وعمره ماهيقول
عمرى ما هقابل بنت محترمة لبسها محترم وهقول عليها مزة لكن طبيعي لما الاقي واحدة لبسها قذر ومشيها مش محترم هقول عليها مزة واكتر من مزة كمان



ده طـــــــــــــــــــــبـــــــــــــع فيهم للأسف

الحلوه والقبيحة , المحترمه والقذره فى لبسها

بيتــــــــــــــــعاكــــــــــــــــــــــــــسو ا
ياجماعة ده بيعود برده لرجوله الشاب ومبادئه اما ان رجولته ومبادئه ساميه او منحطه
فعلا لست ملاك اكيد دا بيعود لطبيعة البيئة اللى اتربى فيها