عبر بكلمة عن حبك لبلدك

[سمو الأحساس]

حبيت اعبر بكلمات بسيطة عن حبي لبلدي


( بحبك يا مصر )



مبرتحش غير فيكي ومهما بعدت عن ارضيكي
الايام والساعات بتفوت وانا بصرخ بأعلي الصوت مش هسكت ولازم اقول بحبك يا مصر
مقدرش اخرج من جواكي انا بتنفس كل هواكي
مهما تفوت عليا الايام هفضل اعيش فيكي بأمان
دا انتي الخير والبركة يا مصر انتي بلادي وانتي النصر
بدعيلك وبقول يا رب دا انتي الام وانتي الاب
افديكي بروحي وبدمي وعنيا افديكي يا مصر يا غاليه عليا
يا ارض الخير يا ارض العمارة يا ارض النيل وارض الحضارة
نيلك ده سكر وجوك معطر بحبك واعبر عن كل اللي فيا
تقربي البعيد وتحبي الغريب وترضي الصديق وتشفي المريض بحبك يا مصر


الرابط لايظهر فى الأرشيف

احبك يا بلد العزه مصر

[سمو الأحساس]

اضافة اخر حاجه

على شط نيلك أقف
احكي انا الحكايه

حكايه حب اتولد
قبل التاريخ جوايا

وسنه ورا سنه باكبر
وهو بيكبر جوايا

اطوف واشوف الدنيا
وهو يطوف ويايا


شفت وشافت عنيا
بلاد فيها العجايب

فيها كل جميل
فيها كل الاطايب

لكن يا حلوه انتي
فضلتي اغلى الحبايب

ورجعت على شط نيلك
بحب ماله نهايه

انادي بصوت عالي
يا حب غمري كله
يا سعدي
يا هنايا

واسمع بقلبي الشجر
التراب والنيل والحجر
بيرددوا .... ندايا

[محمد الجزار]

حملناك يا مصر بين الحنايا
وبين الضلوع وفوق الجبين
عشقناك صدرا رعانا بدفء
وإن طال فينا زمان الحنين
فلا تحزني من زمان جحود
أذقناك في هموم السنين
تركنا دماءك فوق الطريق
وبين الجوانح همس حزين
عروبتنا هل ترى تنكرين؟
منحناك كل الذي تطلبين
سكبنا الدماء على راحتيك
لنحمي العرين فلا يستكين
وهبناك كل رحيق الحياة
فلم نبق شيئا فهل تذكرين؟!
فيا مصر صبرا على ما رأيت
جفاء الرفاق لشعب أمين
سيبقى نشيدك رغم الجراح
يضيء الطريق على الحائرين
سيبقى عبيرك بيت الغريب
وسيف الضعيف وحلم الحزين
سيبقى شبابك رغم الليالي
ضياء يشع على العالمين
فهيا اخلعي عنك ثوب الهموم
غدا سوف يأتي بما تحلمين…

منقول : كتبها رضا البستاوي

[سمو الأحساس]

المعنى كعبة وانا بوَفْد الحروف طايف
وألف مغزل قصايد في الإدين لافف
قالولي بتحب مصر فقلت مش عارف
أنا لما اشوف مصر ع الصفحة بكون خايف

ما يجيش في بالي هرم ما يجيش في بالي نيل
ما يجيش في بالي غيطان خضرا وشمس أصيل
ولا جزوع فلاحين لو يعدلوها تميل
حكم الليالي ياخدهم في الحصاد محاصيل
ويلبّسوهم فراعنة ساعة التمثيل
وساعة الجد فيه سخرة وإسماعيل
ما يجيش في بالي عرابي ونظرته في الخيل
وسعد باشا وفريد وبقيّة التماثيل
ولا ام كلثوم في خِمسانها ولا المنديل
الصبح في التاكسي صوتها مبوظُّه التسجيل
ما يجيش في بالي العبور وسفارة اسرائيل
ولا الحضارة اللي واجعة دماغنا جيل ورا جيل
قالولي بتحب مصر أخدني صمت طويل
وجت في بالي ابتسامة وانتهت بعويل

قالولي بتحب مصر فقلت مش عارف
لكني عارف بإني إبن رضوى عاشور
أمي اللي حَمْلَها ما ينحسب بشهور
الحب في قلبها والحرب خيط مضفور
تصبر على الشمس تبرد والنجوم تدفى
ولو تسابق زمنها تسبقه ويحفى
تكتب في كار الأمومة م الكتب ألفين
طفلة تحمّي الغزالة وتطعم العصفور
وتذنِّب الدهر لو يغلط بنظرة عين
وبنظرة أو طبطبة ترضى عليه فيدور

وأمي حافظة شوارع مصر بالسنتي
تقول لمصر يا حاجّة ترّد يا بنتي
تقولها احكي لي فتقول ابدأي إنتي

وأمي حافظة السِيَر أصل السِيَر كارها
تكتب بحبر الليالي تقوم تنوَّرْها
وتقول يا حاجة إذا ما فرحتي وحزنتي
وفين ما كنتي أسجل ما أرى للناس
تفضل رسايل غرام للي يقدّرها

أمي وأبويا التقوا والحر للحرة
شاعر من الضفة برغوثي وإسمه مريد
قالولها ده أجنبي، ما يجوزش بالمرة
قالت لهم ياالعبيد اللي ملوكها عبيد
من إمتى كانت رام الله من بلاد برة
يا ناس يا أهل البلد شارياه وشاريني
من يعترض ع المحبة لما ربّي يريد

كان الجواب ان واحد سافر اسرائيل
وانا أبويا قالوله يللا ع الترحيل

دلوقت جه دوري لاجل بلادي تنفيني
وتشيِّب أمي في عشرينها وعشريني
يا أهل مصر قولولي بس كام مرة
ها تعاقِبوها على حُبَّ الفلسطيني

قالولي بتحب مصر فقلت مش عارف

بحب أقعد علىالقهوة بدون أشغال
شيشة وزبادي ومناقشة في مآل الحال
وبصبصة ع البنات اللي قوامهم عال
لكن وشوشهم عماير هدها الزلزال
بحب لمعي وحلابِسَّة ومُحِّب جمال
أروح لهم عربية خابطة في تروللي
كإنها ورقِة مِسودّة مرميّة
جوّاها متشخبطة ومتكرمشة هيّه
أو شلّة الصوف، أو عقدة حسابيّه
سبعين مهندس ولا يقدر على حلي
فيجيبوا كل مفكّاتهم وصواميلهم
ويجرّبوا كل ألاعيبهم وتحاييلهم
ساعات كمان يغلطوا ويجربوا فيّه
بس الأكيد أنهم بيحاولوا في مشاكلي
وإنها دايماً أهون من مشاكلهم

أحب اقعد على القهوة مع القاعدين
وابص في وشوش بشر مش مخلوقين من طين
واحد كإنه تحتمس، يشرب القرفة
والتاني غلبان يلف اللقمة في الجرانين
والتالتة من بلكونتها تنادي الواد
والواد بيلعب وغالبهم ثلاثة اتنين
أتوبيس كإنه كوساية محشي بني آدمين
أقول بحكم القاموس، إن الهواء جماد
واشم ريحة شياط بس اللي شايفه رماد
عكازة الشيخ منين نابت عليها زناد
يسند على الناس ويعرج من شمال ليمين
والراديو جايب خبر م القدس أو بغداد

قالولي بتحب مصر فقلت مش عارف

قطر الندى قاعدة بتبيع فجل بالحزمة
أميرة عازز عليها تشحت اللقمة
عريانة ما سترها الا الضل والضلمة
والشعر الابيض يزيد حرمة على حرمة
والقلب قايد مداين زي فرشة نور
والفرشة واكلاها عتة والمداين بور
اللي يشوفها يقول صادقة حكاوي الجن
واللي يشوفها يقول كل الحقايق زور

عزيزة القوم عزيزة تشتغل في بيوت
عشر سنين عمرها لكن حلال ع الموت
صبية تمشي تقع ويقولو حكم السن
وسِتّها شعرها أصفر وكلّه بُكَل
كإنها مربية فيه اربعين كتكوت
ووشها زي وش الحاكم العربي
كإن خالقها راسمها على نبوت
تحكم وقطر الندى تسمع لها وتئن
أصل البعيدة وليّة أمرها، عجبي
على الهوا بحجة الكسوة يقيموا له سور

أحكي يا قطر الندى والا ما لوش لازمة
حكاية ابن الأصول تفضل معاه لازمة
فيه ناس بتلدغ وناس ليها البكا لازمة
ياللي سطلت الخليفة بجوز عينين وشعور
كنت سما للأغاني والأغاني طيور
مين اللي باعك، عدوك، بعض أولادك
مين اللي كانوا عبيدك صاروا أسيادك
مين اللي سمى السلاسل في إديك دِبَل
مين اللي خط الكتاب مين كانوا أشهادك
وازّاي متى سألوكي "هل قبلتِ به"
سكتِّ ومشيتِ يا مولاتي في الزفة
لبنان وغزة وعراق فينا العدو تشفى
حطوا جثثنا يا حاجة تحت سجادك
ووقفت تستنى خيط الدم يبقى بحور

قالولي بتحب مصر فقلت مش عارف
لا جيتها سايح ولاني أعمي مش شايف
بلد علمها انمزع والرفّا في المساجين
ومهر مربوط في كارو وباله في البساتين
وابو زيد سلامة على كرسي وكيس جلوكوز
لجنة مشايخ تناقش فتوة الأراجوز
سؤال نعيش أو نموت، فيه لا يجوز ويجوز

لو السقوف خايخة نسندها بحجارة وطوب
لكن ده لوح القزاز كله ضرب تشريخ
لو الولد حرف في الآية، ها يبقى يتوب
بس المصيبة إذا الآية اخترعها الشيخ

يا مصر كومة حروف إبر المعاني فين
إبر بتجرح إيدينا قبل ما بتبان
نسرك في بال السما بيقول حدودها منين
نسرك بياكله الصدا في بدلة السجان

يا قلعة السجن يا قلعة صلاح الدين
أنا بقولك وأهلي ع الكلام شاهدين
لو كنت حرة ما كناش نبقى محتلين

والناس شكاير صريخ رابطين عليها سكوت
آهات سَكوتَة كإن الأرض مستشفى
مطرودة منها الدكاترة ف سجن أو منفى
والناس بتسأل هنصبر والا نتوفى
فيه ناس تقول زي بعضه دول نوعين م الصبر
وناس تقول زي بعضه دول نوعين م الموت
يا مصر بعض التسامح يبقى عار وبأجر
إفتكري "لا تحسبّن" مكتوبة فوق كام قبر
والتار يبات يصحى تاني لو يشيب الدهر
والتار حصان غير لصاحبه ما يلين ضهر
والتار تار العرب وعشان كده تار مصر

قالولي بتحب مصر فقلت مش عارف
لا جيتها سايح ولاني أعمى مش شايف
ولاني هايف اردّ بخفّة وبسرعة
وكل من رد يا كذاب يا هايف

أصل المحبة بسيطة ومصر تركيبة
ومصر حلوة ومُرَّة وشِرْحة وكئيبة
دا نا اختصر منصب الشمس وأقول شمعة
ولا اختصر مصر وانده مصر يا حبيبة

يا أهل مصر اسمعوني واسمعو الباقيين
إن كنت انا رحّلوني كلنا راحلين
يا أهل مصر يا أصحابي يا نور العين
يا شنطة المدرسة يا دفتر العناوين
يا ضغطة البنت بلكراسة ع النهدين
ترقص قصاد المراية، واحنا مش شايفين
يا صحن سلطان حسن يا صحن كحك وتين
يا ألف مدنا وجرس، لألف ملّة ودين
يا أهل مصر اسمعوني، والكلام أمانات
قلتولي بتحب مصر فقلت مش عارف
روحوا اسألوا مصر هيّه عندها الإجابات

[بنت الشام]

أحبك كتييييييييييييييييييييييييييييييييييييييييير يا بلدي يا سوريا

وأحبك يا مصر بأهلك قوووووووووووووووووووووي

[سمو الأحساس]

شكرا على مرورك بنت الشام

وسوريا حبيتنا الغاليه

[vip]

اللى يغلط فى البلد دى

واللى مش عارف قمتها يبقى مش عارف تاريخه

يبقى مبيقراش تاريخها

يسال اللى قبله كانو مصر عملت ايه عشانه

ولا كل التضحيات دى الوقتى هانو

اه اخويا وابن عمى


بس بلدى ومصر امى


يعنى عندى اغلى من العلم بحاله

اه يـــــــــا غالــــــــــــيــــــــــــه

يا حبيبتى يا بلدى رايتك برده عاليه

ومتزعليش يا مصر حقك عليا


هنا قامت ثوره حره جات العرب

حرروها مدرسين ومهندسين ودكتره


زدكنره راحو يعمروها فنانين ادباء وعلمه

وفى السلام والحرب زعمه واللى ناسى كل

دا دم الشهيد يفكره

مصر من قبل التاريخ بتاريخ وهى

انكتب عليها تحمى الامه ديه

احنى اكتر شعب شال المسؤاليه

احنى اكتر شعب حارب للقضيه

لو هتنسو مش هتنسو مصر نورها

ان مصر تفضل جكهوريه

اه يا غاليه

يا حبيبتى حتفضل برده رايتك عاله

متزعليش يا مصر



مع خالص تحياتى لكم


مــــــــvipــــصــرى

[لست ملاك]

اقول لبلدى الحبيبه:


...... انــــــــــــتـــــــــى انــــــــــــــــــا ........

[Eng.Shapon]

كلمة حلوة وكلمتين … حلوة يا بلدي
غنوة حلوة وغنوتين … حلوة يا بلدي
أملي دايماً كان يا بلدي
الرابط لايظهر فى الأرشيف
إني أرجع لك يا بلدي
وأفضل دايماً جنبك على طووول


ذكريات كل اللي فات … فاكرة يا بلدي؟
قلبي مليان بحكايات… فاكرة يا بلدي؟

الرابط لايظهر فى الأرشيف (الرابط لايظهر فى الأرشيف)

كلمة حلوة وكلمتين … حلوة يا بلدي
غنوة حلوة وغنوتين … حلوة يا بلدي

يا محلى كلمة بلدي ف غنوة بين سطرين

الرابط لايظهر فى الأرشيف T13-mUDgMO1HMMZ1FZuU1JXxnUjk


ياليل يا عين …. ياعين يا ليل … ياليلي يا ليلي ليلي
كلمة حلوة و كلمتين … حلوة يا بلدي
غنوة حلوة وغنوتين … قمري يا بلدي
أملي دايماً كان يا بلدي … إني أرجع لك يا بلدي
وأفضل دايماً جنبك على طول … وووه وووه ووووو …. حلوة يا بلدي وووووووووه

[سمو الأحساس]

شكرا على مروركم