تحيا مصر تحيا الجزائر

[ملكة الرحمه]

دعوه للتحاب دعوه لنشر السلام دعوه لكل ما هو طيب ونبيل ليست الرياضه مجال للتعصب ولكن ود ومحبه وصداقه تدوم طوال العمرو مد ايديك وسلم عليا ولا تتركنى وتغرب عنى مهما ان كان نحن اخوه والأخ للآخيه درع وسند وظهر وسكن وأمن وأمان
SOFT
الرابط لايظهر فى الأرشيف
الرابط لايظهر فى الأرشيف

[محمد الجزار]

الحقيقة أنا مش معاكي

[ملكة الرحمه]

انته مش معايا فى اى نقطه بالظبط ياسى محمد
انته يرضيك تروح دوله وتنضرب هناك ولا يرضيك حد غريب ينضرب جوا بيتك فين واجب الضيافه ياشيخ

[فجر الاسلام]

دعوة الحب دى اصبحت دلوقتى ملهاش مكان على الاقل فى الفترة الحالية
دعوة الحب دى اكنك فى صحرا وبتستنجدى بالناس

يارب لا تؤاخذنا بما فعل السفهاء منا

يارب سامحنا لقد نسى المسلمين انهم مسلمين

[sniper]

يرجى حذف هذا الموضوع فى الوقت الحالى

حتى لا يتهمك احد

بالخيانه العظمى للدوله

وتحيا مصر وربنا يهدى الجزائر

[WebCraker]

خيانة عظمى ايه ياعم الحاج

انت كبرت الموضوع أوى

اللى انكسر معتش يتصلح يا ملكة

وحتى لو اتصلح هيتلزق بلزاق ولا بسمغ وهيتفرتك تانى

ههههههههه تشبيهاتى زى الفُل

بس ارجع وقول اننا برضوا شعب طيب والله ومُسامح بس مش شايف كدا إطلاقا لشعب الجزائر

شايف حقد وغل كبير جدا زى ما يكون اللى هيكسب الماتش هيدخل الجنة مكنش كاس عالم يعنى

[vip]

دا مستحيل ان القلب يصفى ليهم

تانى انسى

دا زى مرايه وانكسرت

مينفعش تتصلح تانى

كفايه اللى عملوه وربنا يهديهم

[ملكة الرحمه]

ياناس ياهو انا معملتش التصميم دا عشان احرك اى مشاعر وطنيه انا عملته قبل الماطش انا بس بقول للناس المصريين والجزائريين ان احنا مهما كنا عرب ياناس وما كانش حته ماتش يتلعب والكوره مكسب وخساره واحنا عارفين ان احنا كنا هنتغلب من اول ماتش فى كاس العالم حتى ولو دخلنا الكاس من اساسه كنا بس هنتصور ان احنا دخلنا بس مكناش هنوصله للان معدش فيه حد بيلعب كل اللعيبه الى ملزق شعره والى ممشى وراه كام مراسل والى عاوز يهاجر
المهم التصميم دا الهدف منه حاجه واحده ان مهما حصل احنا برضه امه واحده وعرب
وكان نفسى ان الشعار دا الكل يشوفه كعرب مش حته ماتش كوره هايف

على راى المثل القوالب نامت والإنصاص قامت
عزرا للمحشش الى قال المثل دا
وتحياتى لكل جزائرى محترم جاء اتفرج على الماتش وتصرف بروح رياضيه ولا شارك فى تلك المهزله التى منيت بها الجزائر فتلك المهزله تصور الجزائر على انها دوله ليست تشجع كوره ونما جائت كدوله للبلطجه وليست مشاهده الكوره وسحقا لرئيس الجزائر الذى ارسل قوه من الجيش ليثير تلك المشكله وما ورائها من دول كبرى تهدف الى اشعال فتيله ازمه سياسيه بين مصر والجزائر

و
تحيا مصر تحيا مصر

تحيا مصر تحيا مصر

تحيا مصر تحيا مصر

تحيا الجزائر

[vip]

اللى حصل كل دا مش عشان الماتش

الغل موجود جواهم يا اخت ملكه

وزى ما بيقول وقت الغضب تعرف عدوك

من حبيبك
وبعدين احنى معملناش حاجه هم السبب فى كل

دا وبعدين فى كرامتك كدا بعد اللى حصل

سافرى اى دوله عربيه وشوفى هيعملوكى ازاى

وبيعملم غيرك ازاى هتعرفى الفرق

مش عاوزين كلام فى الفاضى

عاوزين فعل فين الفعل

اوعدك لما ترجع كرامتنا

الاول ابقى معاكى فى الموضوع دا

[ملكة الرحمه]

بص ياعم فيب
احنا بنقول ان كرامتنا هنعرف نرجعها مهما حصل
وهنخليهم يحترمونا كمان
بس احنا امه عربيه واحده
ولازم نحافظ على ترابطنا
قبل اى حاجه
لان اى عدو خارجى عايز يستفرد بالعرب واحد واحد
لانه عمره ماهيقدر يغلبهم لو اجتمعوا
فهمت قصدى ايه
انما الكرامه الى انت بتقول انها ضاعت دى
بتكون من تصرفنا مع بعضنا وعملنا
وكمان ان قيمه المصرى فى بلدنا الاول ملهاش قيمه
احنا الى دولتنا مش بتحترمنا عشان الدول التانيه
تحترمنا
والى بيوطى بنفسه مابيلقاش حد يعلى بيه
فهمتنى يااخ فيب

[lewo nardo rewo]

انا مبحبش حاجة اسمها الجزائر ... من الاخر