شارك وقول بتتمنى ايه لمصر

[ابن مصر]

الرابط لايظهر فى الأرشيف

موضوعنا غير

كفانا تشاؤم وفضائح ومذابح

الموضوع للتمنى للأفضل

قول بكل صراحة ، نفسك في ايه يكون لمصر

نفسك في ايه يحصل عشان بلدنا تنجح وتكبر

ومتشتمش في حد ، الشتيمة مش هتفيد

واحنا بايدينا هنكبر بلدنا

قول اللي بتتمناه وجايز صوتنا يوصل ويتحقق

وكله عشان مصر

أخوكم

ابن مصر

[محمد عاشور]

نفسى أشوفك شجرة عاليه
طارحه خيرك فى العلالى
لما واحد فينا يشقى
يجنى ثمرة للمعالى
*******
نفسى أشوفك أحلى قدوة
للعرب والمسلمين
مهما غربوا يا بلادى
تبقى قبلة عاشقين

[ملكة الرحمه]

نفسى اشوفها اكبر بلد فى الدنيا
واقتصادها عالى جدا
وابنائها يحبوها بجد
وتكون منبع للسلام علطول
وحصن واقى لكل الى يتحمى فيها

[vip]

تيجر كينج بيقول يارب مبارك يموت

لكن انا بتمنى كل خير لمصر

ومش هقول كفايه الضريبه

والخدمه الوطنيه حرس الوزير

فى جيشها

[سبيل الحياة]

نفسى بجد ان كل واحد فيها يتقى ربنا ويتقن عمله ويجتهد فى مجاله
بكدا هنلاقى مصر نصر
هنلاقى مصر أحلى وأجمل بكتير
يارب اجعل هذا البلد امنا مطمأنا وسائر بلاد المسلمين

[عليااااااا]

نفسى أشوفنا فيها خير أجناد الأرض
نخاف عليها ونحميها ما ناكلش فى بعض
نفسى أضمك يا بلدى من غير الشوك ما يجرحنى
نفسى اصرخ واقول بحبها وبحبها الناس تصارحنى
نفسى ما أخافش أعيش فيها ..وبكرة أولادى
ييجوا للدنيا وهما عاشقين ترابك يا بلادى
أربيهم على عزة على حرية واستقلال
أعلمهم يقولوا لا للظالم اعلمهم يكونوا زلزال
بركان بيحرق كل عين تبصلها وما تصلى
يحرق كل ايد تقرب منها عليها ما تسمى
يكونوا فى شموخها وحنانها وعند الخطر فى وقفتها
يفدوها وقت الجد وفى وقت السعد...فرحتها
نفسى ترجعى تانى ......... وحشتينى

[محمد عاشور]

نفسى أشوفك يا بلدنا أحلى من كــــــــــل البلاد
نفسى أشوفك أحلى شجرة طارحة خيرك للعباد
نفسى أحس إن إنتى طاهـــــــــــــــــــــــــــــــــرة
ألقى شوكــــــــــــــك يبقى زهــــــــــــــــــــــــــرة
وفرحت كــــــــــــــــــــــــــــــــــــــل الــــــــــــولاد

[Eng.Shapon]

اشكرك اولا يا احمد لطرح مثل هذا الموضوع

اسمحلي اتكلم في هذا الموضوع من عدة اتجاهات
اولا
ياريت نسيبنا من الشعارات الرنانة التي لاتهز شعره في الواقع
يعني اللي يقولك يارب مش عارف مين يموت
والحكومة مش عجباة ومظاهرات وحاجات كتير ومجهود في الفاضي
انا لا اتفق طبعا مع تكاسل وتقاعص الحكومات عن واجبها
ولكن كل مواطن يجب عليه النهوض بنفسة اولا ثم قريتة او مدينتة
يعني التوحد الاجتماعي له دور كبير في حل المشكلات من جميع الاتجاهات
بمعني اخر مانرميش كل صغيرة وكبيره علي الحكومة او علي مصر
المصري لازم يكون مصري بذاتة بمجهوده

نعم كلنا بنتمنا الخير لبلدنا ،، بس الخير هيجي ازاي والمصري مش بيأدي واجبة علي اكمل وجه
انا اتمني لمصر ان تفوق من غفوتها
وزي مابيقولوا لكل جواد كبوة ومصر كانت جواد علي مر العصور
فنرجوا ان تكون هذه هي الكبوة ،كي تفيق من غفوتها




ـــــــــــــــــــــــــــــ
معلشي يااحمد طولت شوية
بس اتكلمت عن كل اللي جوايا بصراحة





شكرا لكم جميعا

[فجر الاسلام]

نفسى الناس فى مصر ترجع تحب بعضها تانى
وتشيل الحقد من قلوبها
ويرجعلها ضميرها
وتتقى ربنا

[عاشق الايمان]

انا نفسي في شعبهاا الا رافع اسمها

نفسي نغيير علي دينهاا واسلامهاا

نفسي يسود الحب والتعاون بين اهلها

والغيره علي مجدهاا ودايما نرفع اسمهاا

باهلهاا