إستفتاء : من تتوقع رئيس مصر فى 2011 ؟

[أحمد سلطان]

إستفتاء : من تتوقع رئيس مصر فى 2011 ؟

1 - محمد حسنى مبارك ..( الرئيس الحالى ) .
2 - جمال مبارك .. ( نجل الرئيس الحالى ) .
3 - عمرو موسى .. ( الأمين العام للجامعه العربية ) .
4 - محمد البرادعى .. ( الرئيس السابق لوكالة الطاقة الذرية ) .
5 - عمر سليمان .. ...( رئيس المخابرات العامه المصريه ) .
6 - أحمد أبو الغيط .. ( وزير الخارجية المصرى ) .
7 - ليس أى شخصية من كل هؤلاء ..!

Poll: Who expected the President of Egypt in 2011?
1 - Mohamed Hosni Mubarak .. (current president).
2 - Gamal Mubarak .. (Son of the current president).
3 - Amr Moussa .. (Secretary-General of the Arab League).
4 - Mohamed ElBaradei .. (Former President of the International Atomic Energy Agency).
5 - Omar Suleiman .. (Chairman of the Egyptian intelligence service).
6 - Ahmed Aboul Gheit .. (Egyptian Foreign Minister).
7 - not any character from all those ..!

الرابط لايظهر فى الأرشيف

[فجر الاسلام]

- ليس أى شخصية من كل هؤلاء ..!

انا صوت
لانى اتمنى ذلك
انا صوت حسب التمنى مش حسب التوقع
لانى محتارة فى التوقع

[أحمد سلطان]

وما نيل المطالب بالتمني ولاكن تاخذ الدنيا غلاب ..
شكراً لمشاركتكم .. دمتم بكل الخير دائما ..؛

[محمد عاشور]

يارب ولى من يصلح و أصلح من يتولى

[Lost Angel]

اعتقد ان طول ما مبارك عايش محدش هيمسكها غيره
ده مجرد توقع :wub:

[Muhamed]

u wanna an expectation or what i wish

for the expectation i think it will be our lover mr. president Mohamed Hosni Moubarak

if it's about my wishs then it will be mr. Omar Soliman

[أحمد سلطان]

محمد عاشور

آمييييييييييييييييييييين .. شاكر جداً مروركم الكريم
دمتم بكل الخير دائماً ..؛

Lost Angel

الفرضيه هنا ان لو هو مش دخل الانتخابات القادمه وأفسح المجال لدخول نجله ( جمال مبارك ) كمرشح عن الحزب ..؟!
لكن لو نزل الانتخابات يبقى مافيش ولا إسم من دول ( او غيرهم ) هينزل قدامه ..!
دمتم بكل الخير دائماً ...؛

Mandozzz

Helloooooooooooo my sweetheart , How Are you ? I wish to you all the best always & i miss you ...
Ammm.. For your expected , he will certainly succeed (if) he entered the next elections .. But what if you did not enter the next election and give the chance to Gamal entered & representative of the party??!
All Goodness to you Always

[The_boss22]

اتوقع السادات <<<:011: دا مـات .. مش حد يقولي ..


اعتقد يعني اعتقد اعتقد

اانا بحب بابا حسني وماما سوزي وبشجع القراءه للجميع ...

اللي هيلغي الجيش انا معـــــــــــــــــــــــــــــــــاة ..


كفايه هزار بقي :039:

يـــــــــارب واحد يمسكها يهتم بأمور شعبها ومصالحها ... وفوق الكل امور الدين .

[ابن مصر]

أنا رئيس مصر القادم واللي مش عاجبه يشرب من ترعة المريوطية .... !

[Sir.7amato]

كويس إنك محطيتش زويل ،،
لأنه فى تصريح ليه قال إنه عمره ما هيفكر يدخل الإنتخابات وكل دى توقعات الناس بتتوقعها
وملهاش أى أساس من الصحه ،،
وأنا عشت طول عمرى عالم وهموت عالم ،،

بس لو كان موجود زويل مكنتش هختاره برضه ،،

موضوعك بيقول تتوقع مين فتوقعى طبعا بيقول إنو مبارك هيفضل زى ماهو ،،
إنما لو كان موضوعك بيقول نفسك مين يبقى رئيس الجمهوريه كنت هقولك أبو موسى زى ما قولت قبل كده ،،

أشكرك ،، وع العموم لسه بدرى ممكن ناس تموت وناس تعيش ،،

[أحمد سلطان]

boss22

والله ياجميل مشروع القراءة للجميع هو أفضل أعمال السيده الأولى على مدار سيدات مصر الاوائل ..
وانا أحترم السيده سوزان كثيراً وأرفع القبعه لكل عمل جاد يخدم المجتمع إجلالاً وإحتراماً ..
وبلاش توقع السادات ده الله يخليك ( رحمة الله على الزعيم الرائع ) لان فى سادات تانى دلوقتى هيموت ويظهر فى الصوره ..!
دمتم بكل الخير دائماً ..؛

ابن مصر

كده المريوطيه ميتها هتخلص ياسكر ..^_^
دمتم بكل الخير دائماً ..؛

.7amato

ياجميل مافيش بدرى ولا حاجه ده فى تأخير ..؟
السياسه بتقول ان المرشح لمنصب الرئاسه من المفترض أن يبدء الترويج لنفسه بفتره كبيره وبمساحه مرضيه ، خاصه وإن كان هناك إمكانية نزولها أمام الرئيس الحالى .. بس طبعاً إحنا فاهمين مافيش حد بيروج لنفسه ليه ..؟
بالنسبه لنقطة زويل من عدمه فأى عالم مستبعد مش من إستفتاء العبد لله أعتقد من أولويات الشعب بصفه عامه ( سواء عالم فى علوم التطبيقية أو الدينيه ) ..
أخيراً لو حضرتك تقصد عمرو موسى أنا بحترك لاشك وجهة نظرك .. بس خلينى أفكر معاك بصوت عالى .. امم عمرو موسى يعنى بنتكلم فى 73 سنه ! دى نقطه ، النقطه التانيه بقى هى ان عمرو موسى أمضى 10 سنين فى جامعة الدول العربية حينما أستعرض هذه السنوات أكاد لا أذكر له شئ ملموس ..!
وفى النهايه مش عرفيين لسه بكره فى ايه ويمكرون ويمكر الله والله خير الماكرين ..
دمتم بكل الخير دائماً ..؛

[Sir.7amato]

وفى النهايه مش عرفيين لسه بكره فى ايه ويمكرون ويمكر الله والله خير الماكرين ..

على رأيك يا أبو سلطان ،،
سيبها لله الى يجيبه ربنا كويس

[vip]

أنا رئيس مصر القادم واللي مش عاجبه يشرب من ترعة المريوطية .... !


انت هتبقى رايس وانا رحت فين؟


الرابط لايظهر فى الأرشيف (الرابط لايظهر فى الأرشيف)

[أحمد سلطان]

كده معانا اتنين رؤساء ينضموا الى القائمه ..
ابن مصر & vip
هتوحشونى ياشباب ..

^_^

[الامل الضائع]

اتوقع محمد حسنى مبارك او ابنة
مهى مش هاتخرج من العيلة

[سجدة قلب]

القريب لأمريكا واسرائيل من اللي فوق " عمر سليمان"
وخصوصا جهوده معاهم في التنفيذ لفشل المصالحة الفلسطينية
ودا اللي هما عوزينه ليهم
ولو دخل بتوقع انه ينجح بإختيارهم
ومش عارفة اقول باختيارنا احنا لان العملية كلها تزوير
وكلهم اسؤ اسؤ اسؤ من بعض
ومبرشحش حد فيهم !

[الحب والامل]

هايكون يا جمال يامبارك

[الابتسامة المفقودة]

هايكون عمرو موسى

[الحياة والحب]

جمال مباركاو بابا حسنى

[أحمد سلطان]

الأمل الضائع & الإبتسامه المفقوده ..

مش عارف انا شايف باند جمب أسمائكما..؟!!
على اى حال ، أنرتما بإطلالتكما ووجهة نظركما تُحترم لاشك ..

دمتم بكل الخير دائماً ..؛

Remove Dark

برحب بوجهة نظر حضرتك بالتأكيد وإن كنا لنا تعقيب بسيط ..
السيد عمر سليمان يحذى بإحترام ودعم من الولايات المتحدة لاشك نتفق معكم ، ولكن هذا الرجل يستحق الثناء والتقدير والإحترام فله جهد ملموس فى القضية الفلسطينه وعلى مستوى العلاقات الدولية ربما العائق الوحيد هو عرقلة حماس لعملية المفاوضات أو إنقسام وحدة الصف - المعتاده - مع حركة فتح .. ولا اعتقد ان هناك سبب يجعل من مصلحة سليمان العمل على إفشال هذه المفاوضات ..؟!
أخيراً .. اسم حضرتك المستعار يدعو لنبذ التشائم ورفع الظلام ، وهو على عكس كلماتكم فمازال هناك الأمل فى غد أفضل ( إن شاء الله ) ، لانه ان زال هذا الامل ! فلا أعتقد أن سنستطيع أن نحيا ..

دمتم بكل الخير دائماً..؛

[MafiawwY]

اتوقع جمال بنسبة 90% والباقي اتركه للاعضاء يوزعوهم على الموجودين فى القائمة

[vip]

من توقعاتى ومؤكده لانى كنت

فى الجيش فتره فى حرس الوزير

انه جمال مبارك لان اللى متعرفهوش

ان كل المصانع الحربيه وافراد الجيش

بيجمعم البطايق واجبارى ينضم التصويت لحسنى

فاكيد هيبقى جمال مبارك مش معقول

تخرج من العائله