انت ليه مش بتمسك ايدي واحنا ماشيين في الشارع [الأرشيف] - شبـــكة تـيـفـا نت
المساعد الشخصي الرقمي

مشاهدة النسخة كاملة : انت ليه مش بتمسك ايدي واحنا ماشيين في الشارع

قمر الليالى
2009-10-16, 08:49 PM
أنت ليه مش بتمسك إيدي وإحنا ماشيين في الشارع؟
'لأ بلاش...افرضي حد من قرايبك شافنا؟ والا حد من أصحاب أخوكي في الكلية؟

إن شاء الله يا حبيبتي بكره نتخطب وامسك إيديكي قدام الدنيا كلها

Engaged

أنت ليه مش بتمسك إيدي وإحنا ماشيين في الشارع؟
علشان مش عاوز حد يفتكر إننا علشان اتخطبنا هنصيع بقى ونعيش حياتنا...وبعدين
بصراحة كده أنا مستحرم....إن شاء الله بكره نتجوز وامسك إيدك وإنتي مراتي
يا حبيبتي في الحلال

Married

أنت ليه مش بتمسك إيدي وإحنا ماشيين في الشارع؟
'يا حبيبتي إحنا مش مراهقين بقى هنمسك إيد بعض في الشارع وكده....إحنا اتنين متجوزين ومحترمين وعندنا بيت نعمل فيه اللي عاوزين نعمله

Married with Children
أنت ليه مش بتمسك إيدي وإحنا ماشيين في الشارع؟
يعني امسك إيدك والا امسك إيد البنت والا اشيل الأكياس دي كلها؟

Married for 25 years
أنت ليه مش بتمسك إيدي وإحنا ماشيين في الشارع؟
إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا وخرفنا؟

Married for 50 years
أنت ليه مش بتمسك إيدي وإحنا ماشيين في الشارع؟
يعني امسك ايدك واسيب العكاز عشان اقع مانا عارف عايزة تخلصي مني عشان تورثي

يا ترى اية هو السبب الحقيقى؟
عاشق الايمان
2009-10-16, 09:04 PM
هههههههههههههه جميله جدااااا

شكرا يا قمر الليالي
قمر الليالى
2009-10-16, 09:18 PM
بس بردة مردتش على السؤال

يا ريت تيجى تانى وترد على السؤال

اية هى الحقيقة؟
عاشق الايمان
2009-10-17, 12:21 AM
هههههههههههه لازك يعيني ياقمر الليالي

طيب اممممممممممممممممم

يمكن يمكن

تكون عندهاااا مثلاااا 50 سنه او اكثر وقرفان اصلا منهااااااا

ده من رايي
l3lo3
2009-10-17, 12:53 AM
هههههههههههههههههههه
مش بيمسك ايدها عشان هى اللى بتطلب
بس لو هو اللى طلب وهى مرضتش كان مسكها
هما الرجالة كده
الممنوع مرغوب
قمر الليالى
2009-10-17, 12:08 PM
تصدق عندك حق

لازم الواحد دايما يقولهم لا علشان يعملو الحاجة من نفسهم
عاشق الايمان
2009-10-17, 01:52 PM
لا وحياتك الممنوع خراب بيوت مش مرغوب

ممكن يكون مرغوب قبل الجواز انما بعد الجواز هيتحول لخراب بيوت
La via
2009-10-17, 03:00 PM
بقولك


العريس فترة الخطوبة هو يكلم وهى تسمع


العروسة بعد الجواز تكلم وهو يسمع

بعد الجواز بسنة هما الاتنين يتكلموا والناس كلها تسمع
قمر الليالى
2009-10-17, 08:59 PM
بعد الجواز بسنة هما الاتنين يتكلموا والناس كلها تسمع

هههههههههههههههههههههههههههههههههههههههههههه

واللة عندك حق


ممكن يكون مرغوب قبل الجواز انما بعد الجواز هيتحول لخراب بيوت


اكيد خرلب بيوت لو اتوجدت الخيانة