ماذا استفدت من Tefa Net

[Eng.Shapon]

السلام عليكم ورحمة الله وبركاته


اهلا بكم اعضاء ومشرفين وإدارة ،،


مع كثرة المواضيع وتكرارها وتناثر اوراق الفكر بين اوساط المنتدي
خطر ببالي اقتراح
وهو
ان كل عضو بالمنتدي يوضح لنا مدي استفادته من تيفانت
بشرط ان تكون استفادة فعليه وليس كلاما يقال

يعني كل واحد يفهمنا استفاد ايه
سواء كان في مجال الحياة العامة او الوظيفة او طرق التعامل مع المنتديات او
اي شيئ اخر
كي نعرف انحن حقا في تطوير وتعلم دائم ام مضيعة للموقت ،،


وأرجوا المشاركة من اصغر عضو في المنتدي لأكبر عضو فيه
حتي نشجع الاشبال والاعضاء الجدد ونفتح لهم الطريق لتعلم والاستفاده البحتة من المنتدي ،،

واعتقد ان دا الغرض الاساسي من الباشا تيفانت



في انتظار مشاركتكم ،،،

[Sir.7amato]

بسم الله الرحمن الرحيم ،،

أولاً بشكر حضرتك على موضوعك المهم جداً ده
وعاوز أقول إن أى حد ممكن يكون إستفاد من منتدى تيفا ومش شرط يكون عضو قعال معانا
ممكن يكون الشخص ده مشاركاته 1 أو مفيش مشاركات خالص بس أكيد كان داخل بيدور على حاجه
أو حتى وصلنا عن طريق محركات البحث ،،،

فما بالك بعاير على المنتدى وبيستفيد منه ،،
طيب الى بيصحى من النوم يعد ع المنتدى وقبل ماينام بيدخل المنتدى ،،

بص يا محمد على المستوى الشخصى أنا إتعلمت من تيفا حاجات كتير جداً

أولاً وأعتقد إن دى حاجه إنت عارفها إتعلمت يعنى إيه أبدأ من الصفر
ثانيا ً إتعلمت أعطى ومنتظرش إنى آخد
ثالثاً إتعلمت الإنضباط ويكون فيه مسئوليه حاجه مهمه جداً إنك كمان لازم تحترم المنتدى ،،
عشان كل واحد داخل يشوف قد إيه إحنا بتحترم المنتدى ده وبنتفانى فيه ،،

عاوز أقولك إنى بتعامل مع المنتدى ده كأنه بيتى التانى
بحاول على قد مقدر إنى أخلى كل مكان جميل على فد مقدر بهتم بمواضيعى
وانا كنت كلمتك قبل كده على حكايه ليه انا بهتم بمواضيعى وكده

لازم الواحد يكون قدوه فى المكان الى هو فيه يعنى الناس تتعلم منك حاجه كويسه
طول الوقت كنت بحاول اكون متطــور /

معلش أنا طولت عليك يا محمد بس الموضوع عجبنى جداً وإتكلمت براحتى ،،
وفعلا الواحد إستفاد حاجات كتير من تيفا ،،

الموضوع مثبت فتره لتفاعل الأعضاء ،،

[l3lo3]

موضوع جميل جدا
وفعلا الواحد استفاد كتير من المنتدى
اولا عرفت معلومات جديدة كتيييييييييييير من مواضيع السادة الاعضاء
واما بكون فى حالة حزن مثلا بدخل المنتدى عشان اخرج من اللى انا فيه
ده غير انى اتعرفت على اصدقاء كتير
واستفدت منهم كتير
احيانا بنختلف
بس طبعا الاختلاف فى الرأى لا يفسد للود قضية
بس عموما انا اكتسبت برضو منهم خبرات كتير وصفات كتير
واتعلمت ازاى اتعامل مع ناس معرفهمش ومشفتهمش ولا اعرف حتى اسمهم
ومن خلال المنتدى الواحد بيبقى اجتماعى جداااااااااااااا
وحاجات كتير اوى استفدتها
وده اللى خلانى دايما موجودة على المنتدى
اول مابرجع من شغلى بقعد عالجهاز عشان اشوف ايه الاخبار ووصلوا لايه
حتى لو كنت نعسانة جدااااااااااااااا
ولما بشوف اى موضوع حلو
ببقى هتجنن واخده بسرعة واضيفه فى المنتدى


من الاخر
المنتدى وكل اعضائه بقى جزء لا يتجزأ من حياتى ومن يومى

[Eng.Shapon]

أولاً وأعتقد إن دى حاجه إنت عارفها إتعلمت يعنى إيه أبدأ من الصفر
ثانيا ً إتعلمت أعطى ومنتظرش إنى آخد
ثالثاً إتعلمت الإنضباط ويكون فيه مسئوليه حاجه مهمه جداً إنك كمان لازم تحترم المنتدى ،،

اشكرك بجد ياحمتو علي الرد الجميل دا
المفروض كل واحد يحط الحاجات دي نصب عينية
علشان يعرف يستمر بنجاح مع المنتدي
طبعا انت ماوصلتش للمركز دا الا لأنك تستحقه
ومواضيعك وشغلك هما اللي يشهد علي كده

ربنا يوفقك وتكون دايما قدوة للأعضاء في المنتدي



اشكرك l3lo3 اولا علي مرورك الطيب
وفعلا الحاجات اللي استفديها حضرتك كلنا مرينا بيها في الاول
يعني اول مادخلت في المنتدي ماكنش عندي مساحة للحوار
كنت متشدد برأي وكنت لااحب ان انصت لأحد
انما مع كثرت المحوارات والنقاش الهادف بدأت اتعلم وافهم
ان الساحة ليست لي لوحدي ولكنها لكل الاعضاء

واهم الحاجة الواحد يتعلم
وونتخلي عن اللهو وتضيع الوقت

اشكركم جميعا لمروركم
ويارب كلنا نسير في طريق التعلم والتطور المستمرة




ونحن في انتظار مشاركات باقي الاعضاء

[lewo nardo rewo]

موضوعك رائع جدا بصراحة ،

و انا استفدت الكثير جدا ، اولها طبعا التعرف على اصدقاء جدد و منهم عبد الرحمن م

كمان استفدت من الهاكات و الاستايلات في المنتدى و من دروس الفوتوشوب لاخي مفياوي ( عادل ) و الكثيرين ...~

و استفدت كيفية ادارة المنتديات و كيف يكون تعامل المدير مع الاعضاء ، زي ويب كراكر ( محمد )

و الكثير الكثير ...~

[انين الصمت]

موضوعك بجد رائع و مهم جدااا .... لاسترجاع ماذا تعلمنا من منتدانا تيفا الحبيب ..

تعلمت من منتدى تيفا ... من كل الاعضاء أشياء كثيرة منها :
1- اولا و قبل اى حاجة : زدت تعلما كيف ارضى ربى - سبحانه و تعالى - و كيف يكون ربى راضيا عنى ..
2- كيفية التعامل مع الناس ...
3- كيفية بناء سعادة الحياة ...
4- معلومات عامة كثيرة جدااا ...
5- فهم الناس من نظاراتهم ... كلامهم .... افعالهم
6- تعلمت معنى النقاش و الحوار
7- تعلمت انه ليس من العيب ان نخطأ ان نقع ... و لكن العيب الا نستطيع الوقوف...
8- تعلمت ان محبة الناس تأتى اذا احببتهم انا اولا ...
9- تعلمت ان اغضب بصمت و احزن بصمت و افرح بابتسامة ..
10- تعلمت ان المنتدى ليس لتضييع الوقت ... بل المنتدى لكسب الوقت و المعلومات ...
اخيرا : ان منتدانا اسرة واحدة

تعلمت اشياء كثيرة .... و مازلت فى طريقى لتعلم الاكثر

[Princess tears]

موضوع جميل جدا جدا
انا فعلا استفادت منة كتير استفادت ازاى احول الصمت الرهيب الى كلام
استفادت انى فعلا كونت صادقات كتير من المنتدى مش شرط اكون بتكلم معاهم المهم انى حسيت معاهم بالراحة حسيت فعلا انى بين اخواتى
استفادت انى اقراء اى موضوع باهتمام واحاول اخد منة النقاط المفيدة واطبقها
واستفادت حاجة مهمة جدا ان انا مش عايشة لواحدى فى الدنيا دى
وانى مش لازم احس بالوحدة لان زى مافية موجود انسان مش كويس فية موجد كتير كويسين
ممكن يشاركوك وقت فرحك ويخففوا عنك حزنك
وهما دول الاصدقاء فعلا

[عبدالرحمن م]

أولاً شعور إنى ب أفيد غيرى

ثانياً من ناحية الكمبيوتر والتقنية عامةً فتيفا يعتبر مصدر كل جديد

ثالثاً كل يوم بشوف مواضيع بيتقال فيها عبر وكلمات تزيد النفس رفعة

رابعاً وده الأهم عرفت ناس كتير جداً

خامساً فرفشة:bm:

[فجر الاسلام]

انا استفد كتير
مش معقولة 4 سنين فى المنتدى ومستفدش

اولا عرفت فى المنتدى ناس عندهم فكر وبيشغلوا دماغهم واصحاب راى للاسف مش بقالهم كتير فى حياتى

ثانيا اتعلمت بجد ان الاختلاف فى الراى لا يفسد للود قضية
لانه زمان كان بيفسد
بس ايقنت ان مش شرط تقتنع بوجهه نظرى بس اهم حاجة يكون فى احترام ليا ولوجهه نظرى
كمان استفد من قسم البرامج

دى الاستفادات اللى حاليا استحضرتها بس فى استفادات اخرى كتير

[WebCraker]

صراحة باختصار ..

انه لو لم يجد تيفا نت أعتقد كان سينقصنى أشياء كثيرة

[MafiawwY]

الافادة الشخصية
اولا يكفيني شرف تعرفي على اصدقاء من بلدي خاصةً ومن خارجها,,
بعضهم كانت كل معرفتي بهم مجرد اسماء ,,
وبصراحة طلعو ناس محترمين جداً ومتواضعين وعندهم حس فكاهي عالي الرابط لايظهر فى الأرشيف
ووقت العوزه مشوفش حد فيهم الرابط لايظهر فى الأرشيف ... بهظر الرابط لايظهر فى الأرشيف

ثانياً تعلمت ازاى افهم الناس وازاى افهم طريقة كلامهم والتعامل معهم ,,
والثقة بالنفس فى الاوقات الحرجه

وطبعاً لو بحثنا عن الافاده العامة من منتدي تيفا

كفاية اني احط موضوع يفيد الناس سواء في حياتهم الشخصيه او الحياة العامه,
واحتسب اجر كل من يستفيد من الموضوع (صدقة جارية حتي الممات)

التطلع الي كل جديد من اخبار تقنية, علمية, واسلامية
دا غير الراحة النفسية عند مساعدة عضو فى شئ في حياته او طلب مساعده ...

مشكور يا محمد > shapon .. على الموضوع ,, الرابط لايظهر فى الأرشيف

[محمد الجزار]

الرابط لايظهر فى الأرشيف
الرابط لايظهر فى الأرشيف


منتدى رائـــــــــــــــع

لايقراء الإنسان شئ دون أن يتعلم منه

حتى لوكان كلمه جديده في قاموسه
أو فائده أو مقوله

المهم أن يخرج بشئ

هذا المنتدى رائــــــــــع بحق

إستفدت منه الكثير والكثير والكثير

دخلت به وأصبحت من أعضاءه عن أقتناع

بعد أن تابعته كضيف

فأنا أقطف من أزهاره كل مادخلته

أما عن إضافتي

فلا أرى أني قدمت شئ قد يفيد

أتمنى أن نستفيد جميعا من بعضا

فكل من لدية أي معلومة

ولو صغير يضيفها بدون أي تردد

فربما هذة المعلومة الصغير

تفيدني أوتفيد غير

وجزاكم الله كل خير

وجازي كل من فادني بمعلومة أو نصيحة خير

تقبلوا تحياتي
أخوكم محمد الجزار



الرابط لايظهر فى الأرشيف