مقارنات بين الصبيان والبنات ( متجدد )

[محمد عاشور]

لما تحصل مشكلة بين اتنين بنات تلاقى واحدة بتقول للتانية :

انت حمارة

لأ انت للي ستين حمارة

الزمي حدودك انت للي ستمية وستين حمارة

والله انت جريئة أوي ده انت للي ستة ألاف وستمية وستين حمارة

الى ان يصلوا للعدد 66666666666666666666 من الحمير

- اما بالنسبة للصراع بين الجبابرة ( الرجالة يعني )

فكل الكلام .. تحت الحزام
وما أدراك ما الحزام

وبعد الخصام .. يحلى السلام
وتلاقهم حبايب
وكل واحد فى التانى دايب

[محمد عاشور]

آه لو قط دخل البيت

- بالنسبة للفتاة فانها تقترب من القط بهدوء وتمسكه برفق ثم تطعمه وبعد أن ينتهي تتوجه الى الباب على مهل وتحطه برة بكل أدب ثم تغني له أغنية آسفة لأصالة نصري والسبب أن والدها لايحب سماع المواء أثناء نومه لذلك تعد القط أنها ستدخله غدا والمسكين ينتظر الغد بفارغ الصبر ثم تغلق الباب وتذهب للنوم

- أما الولد فلا يصدق نفسه حين يرى قطا داخل البيت . في تلك اللحظة يتخيل نفسه زين الدين زيدان يسدد ضربة حرة فتجد القط المسكين مسدد به في الزاوية اليسرى للنافذة وهو طائر تسمعه يقول للولد (روح ربنا ينتقم منك ) قبل أن يسقط في أقرب زبالة

[ملكة الرحمه]

بالنسبه للشتيمه مش للدرجادى يعنى احنا نعرف شتايم تانيه غير مانقعد نعد فى الحمير
اما القطط بنجرى وراها بس
وساعات بنضايفها
مشكور استاذ محمد

[عبدالرحمن م]

على الرغم من انه فى الفرفشة

لكن فيه احتمال 97% ان الموضوع ده يتقلب صراع آخر بين ولاد وبنات المنتدى (كما حدث مسبقاً فى تيفا آلاف المرات):bm:

هههههههههههههه

تابع يا أستاذ محمد:walkman:

[انين الصمت]

بالنسبة للقطط فمعظم البنات بتخاف منها اصلا
و ننتظر المزيد

[La via]

شكرا وما تسالنيش اكيد سمعتنى مرة تحت الحزام

[محمد عاشور]

- بالنسبة للفتاة لو مر من قدامها ولد وكانت معجبة به فانها تلقي عليه نصف نظرة من تحت لتحت حتى لا يفضح أمرها

- أما بالنسبة للولد يا لطيف : يدور رقبته360 درجة كالصقر وتجد نصف سكان الحي قد كشفوا امره من خلال تلك النظرة البلهاء

*******************************

* حين نجد بطل أفلام الرعب لدى الفتيات ( صرصور )

- حين تجد فتاة صرصورا بالليل تصرخ كأنها بتعمل السمفونية الأخيرة لبتهوفن

ثم تستجمع شجاعتها وتحضر المبيد وترشه وهي تقول حتموت يعني حتموت والله لأموتك والصرصار بيضحك على خفة دمها لحد مينزل عليه أبوها بالقبقاب

- أما بالنسبة لأخينا فانه حين يجد صرصار ينتابه جنون العظمة فيعتقد انه هتلر ويضحك ضحكة حتى تبرز جميع أضراسه المخفية ثم يمسك الصرصور ويبدأ بعملية التعذيب فينزع له الرجل الاولى ويسأله : بابا فين

الرجل الثانية : ماما فين

الثالثة : اخواتك فين

الرابعة : ساكن فين

الى ان تنتهي أرجل الصرصور ويتركه حيا حتى يكون عبرة لكل صرصور حاول أن يتجرأ ويظهر له وهو موجود

[ملكة الرحمه]

هههههههههه
انت عرفت منين ان احنا بنخاف من الصرصور
انا عن نفسى بجيب المقشه
واطلعه بره براحه
وربنا بيكون بيحبنى ان مكانشى بيطير
شكرا يااستاذ

[محمد عاشور]

مشكورة على المرور ملكة الرحمة

[lune14]

هههههههههههههههه دا انا على الطريقة دى ولد.ربنا يستر

[محمد عاشور]

شاكر لكم المرور

[zozza]

تصدق لن كلامك كله صح
بس
انت شكلك عاوز توقعنا احنا والولاد فى بعض
لالالالالالالالالالالالالالالالالالالالالالالالالا لالالالالالالالالالالالالالالالالالالا
احنا اسره مع بعضينا
ههههههههههههههههههههه

[محمد عاشور]

أنا أوقعكم
أستغفر الله

[سرسور]

كل الكلام ده صحيح
وعلى ضمانتى
على الأقل خد عندك سرسور مثلا كمثال :
دى بقى بتخاف من كل حاجة
من كل ما يمشى على الأرض من انسان وحيوان وخلافه.....
لا تعرف معنى الاحساس بالأمان
موضوع رائع وجميل
تقبل مرورى........ وأرجو أن لا يكون ثقيلا

[محمد عاشور]

لا ولا يهمك
نورتى الموضوع سرسور

[vip]

لا محمد عاشور بيهدى النفوس

[محمد عاشور]

:أولا :.
عطسة البنات
* الكلينكس ما يفارقها 24 ساعة يا في جيبها أو في شنطتها فين ما راحت..
لما تعطس طبعا تعطس بكل رقة وأنوثة يا بصوت واطي أو حتى مرات ما ينسمع لها صوت..
وبعد العطسة تمسح فمها بالكلينكش بكل رقه طبعا عارفين ليه...؟
عشان خايفة على فمها من الميكروبات...بنات بقى وانتوا عارفين الرقة


.: ثانيا ً:.

عطسة الشباب
استعدوا
الشباب ما عندهم اختراع اسمة كلينكس يمكن عايشين في العصر الحجري ..
بقولكم بيعملوا ايه....!!!!!!!!
لما يعطسوا يطلعوا صوت اكنه جنة رعد ربنا يستر....زلزال
ولما يخلصوا
علي طول ما عندهم واحد اثنين يرفع التى شرت ان مكنتش الجلبية....ههههههههههه
ويلا اشتغل بطرف الجلبية << احلى واجدع كلينكس

[الامل الضائع]

ههههههههههههههههههههه
كويس انكوا عارفين نفسكم

[محمد عاشور]

طيب دور على أملك الضايع
ولما تلاقاه
تعالى

[ملكة الرحمه]

انتوا عارفين انا فضلت اسبوع على ماعرفت كلمه كلينكس دى يعنى ايه
فلاحه بقى
بس على فكره من اهم اسباب الاصابه بالقلب عند البنات العطسه الى بتتكتم دى
الرجاله ماشيين مظبوط