تعرف أمتى هتصعب عليك نفسك؟

[عاشق الايمان]

جبتلكم النهارة التوبيك دة ويارب تطلعوا منه باي معلومه للحياه

و اتمنى التفاعل

تعرف أمتى هتصعب عليك نفسك؟
لما تلاقى كل اللى بتحبهم قدامك مش عارف مين بيحبك فيهم ومين بيكرهك ومين مش واخد باله منك اصلا
عارف أمتى هتصعب عليك نفسك؟
لما تحس بنفسك انك قدام قدام أوووووى وبعدين تلاقى نفسك آخر واحد
عارف أمتى هتصعب عليك نفسك؟
لما تحس انك مش ليك لازمه فى الدنيا ومش عارف تسيبها
عارف أمتى هتصعب عليك نفسك؟
لما تلاقى شخصيه موجوده فى حياتك ومكتوبه عليك ومش ليها اى لازمه فى حياتك وللاسف مش عارف تخليها بعيده عنك
عارف أمتى هتصعب عليك نفسك؟
لما تبكى على شخص بتحبه وهو مش واخد باله منك وتلاقى الى بيمسح دموعك اشخاص بيعشقوك
وانت بردو مش واخد بالك منهم
عارف أمتى هتصعب عليك نفسك؟
لما تحس ان حياتك كلها ملهاش اى معنى ولا اى لازمه
عارف أمتى هتصعب عليك نفسك؟
لما تفكر فى الموت وتعد كام واحد هيجوا على قبرك يبكوا عليك
عارف أمتى هتصعب عليك نفسك؟
لما تعيش مع بنى آدم وترسمله شخصيته وتحترمها وفى الاخر تلاقيه شخصيه تانيه
تعرف أمتى هتصعب عليك نفسك؟
لما تبكى بحرقه واللى بتبكى عليه ناسيك وانت للاسف مستنيه يمسح دموعك
تعرف أمتى هتصعب عليك نفسك؟
لما تستنى اى كلمه اى نظره اى ابتسامه حتى لو غلط من حبيب سابق
عارف أمتى هتصعب عليك نفسك؟
لما تكتشف اخيرا انك ضيعت احلى سنين عمرك فى حاجه تافهه قوى وحتى الحاجه التافهه دى راحت
تعرف أمتى هتصعب عليك نفسك؟
لما تلاقى حبيبك بيقول نفس الكلام وبيغنى نفس الاغنيه اللى كانت ليك لحد تانى وانت مش قادر تحس انها ليك

هتصعب عليك نفسك قوى لما تصرخ بأعلى صوتك ومفيش حد بيسمعك ولا حتى نفسك

[مـــــلآك]

تعرف أمتى هتصعب عليك نفسك؟
لما تبكى بحرقه واللى بتبكى عليه ناسيك وانت للاسف مستنيه يمسح دموعك
شكرا ليك فارس بجد كلمات رائعة
كلها مواقف اصعب من بعض
دمت نشيط

[عاشق الايمان]

شكرا يا نور علي المشاركه الجميله من حضرتك

وفقكي الله

[l3lo3]

تعرف أمتى هتصعب عليك نفسك؟
لما تلاقى كل اللى بتحبهم قدامك مش عارف مين بيحبك فيهم ومين بيكرهك ومين مش واخد باله منك اصلا


فعلا والله الواحد مبقاش عارف مين بيحبه ومين بيخدعه ومين بيتمناله الخير ومين لا
الكل بقى عايش بوشين
وياعالم مين صاحبك من عدوك
اصلى بصراحة لسا مخدوعة فى واحدة من اعز اصحابى النهردة
خسااااااااااااااااااااارة
بس عادى
بجملة اللى راح

[انين الصمت]

كلها مواقف لو وضعت فيها سوف تصعب عليا نفسي
شكرا لعرض هذا التوبيك الرائع فارس

[AlSam3r]

عارف أمتى هتصعب عليك نفسك؟
لما تحس انك مش ليك لازمه فى الدنيا ومش عارف تسيبها


تعرف أمتى هتصعب عليك نفسك؟
لما تبكى بحرقه واللى بتبكى عليه ناسيك وانت للاسف مستنيه يمسح دموعك
تعرف أمتى هتصعب عليك نفسك؟
لما تستنى اى كلمه اى نظره اى ابتسامه حتى لو غلط من حبيب سابق


هتصعب عليك نفسك قوى لما تصرخ بأعلى صوتك ومفيش حد بيسمعك ولا حتى نفسك

لازم تصعب عليه نفسى
ولما حبيبك يجى يقولك انه كان بيحبك
بس ضيع نفسه منك لاحساسه بذنب
ملوش اساس
وبقيتم فى مفترق طرق
لازم تبكى بحرقة
تبكى وتصرخ

[vip]

حاجات كتير يافارس

مش دى بس وديما بيصعب عليا نفسى

تسلم يافارس

[سرسور]

يااااااااه
ده أنا كده تصعب عليه نفسى من يوم ما اتولدت
شكرا لك موضوع رائع
سلمت يداك

[غريبه في دنيا عجيبه]

تعرف أمتى هتصعب عليك نفسك؟
لما تلاقى كل اللى بتحبهم قدامك مش عارف مين بيحبك فيهم ومين بيكرهك ومين مش واخد باله منك اصلا

عارف أمتى هتصعب عليك نفسك؟
لما تبكى على شخص بتحبه وهو مش واخد باله منك وتلاقى الى بيمسح دموعك اشخاص بيعشقوك
وانت بردو مش واخد بالك منهم

عارف أمتى هتصعب عليك نفسك؟
لما تفكر فى الموت وتعد كام واحد هيجوا على قبرك يبكوا عليك

تعرف أمتى هتصعب عليك نفسك؟
لما تبكى بحرقه واللى بتبكى عليه ناسيك وانت للاسف مستنيه يمسح دموعك





مواقف صعبة اوووى :ohmy: والله
وانا اصلا بتصعب عليا نفسى فى اى حاجة :no3:
تسلم يا فارس بجد موضوع فى غاية الروووعة

[Muhamed]

لما تحس انك بتتعب كتير فى شغلك وفى النهايه اللى ينال التقدير شخص اخر

لما تيجى تنصح حد وبدل ما يسمع يتهمك ويتهم العالم بانكم عاملين شيوخ عليه

لما تشيل الحواجز فى الحوار مع اللى اصغر منك علشان تفهمه ويكون النتيجه انه يكسر حواجز الادب فى الحوار معاك

[سندريلا]

لما تبكى بحرقه واللى بتبكى عليه ناسيك وانت للاسف مستنيه يمسح دموعك

عارف امته هتصعب عليا نفسي؟
لما احب الناس واحمل لهم كل احترام وتقدير ومن وراك يعيبوا فيك
بجد احساس صعب اوي
هتصعب عليا نفسي لو محدش قدرني في الدنيا دي علي تعبي
وتسال نفسك ساعتها انت لازمتك في الدنيا ايه

[silver_shadow]

تعرف أمتى هتصعب عليك نفسك؟
لما تستنى اى كلمه اى نظره اى ابتسامه حتى لو غلط من حبيب سابق


كلها حاجات صعبه اوىربنا مايكتبهاع حد
دا انا كده حزنت كتير اوى ع نفسي

[سندريلا]

لا ماتحزنيش ياسيلفر
الف بعد الشر عليكي من الحزن

[سارة الامورة]

عارف أمتى هتصعب عليك نفسك؟
لما تبكى على شخص بتحبه وهو مش واخد باله منك وتلاقى الى بيمسح دموعك اشخاص بيعشقوك

بجد مش عرفه ازاي تحب حد مش بيحبك وحد تاني بيمووت فيك وتحتار بينهم

بجد صعب


شكرا على الموضوع رائع

وانت بردو مش واخد بالك منهم