الحقوا أختكم... عندى مشكلة كبيرة يا ريت لو حد موجود يدخل بسرعة

[عليااااااا]

السلام عليكم ورحمة الله

معلش يا جماعة أنا اسفة اوى لو كنت خضيتكم بس بجد انا واقعة فى مشكلة ومش عارفة اعمل ايه
الموضوع وما فيه انه من فترة تقارب السنة وبعد تخرجى مباشرة قدمت فى وظيفة اعلنت عنها الشركة المصرية للاتصالات
سافرت وامتحنت رغم ان كل اللى هنا قالولى دى وسايط ومحسوبية بس انا قلت اعمل اللى عليا وربنا معايا وكله بامر الله
عدت الايام والشهور واذا بى افاجأ بيهم امبارح بيتصلوا بيا وبيقولولى عندك مقابلة شخصية يوم الاتنين
طبعا انا فرحت بس رجعت ولقيت نفسى مرعوبة بس برده ثقتى فى ربنا كبيرة
المشكلة انى دخلت على موقع الشركة علشان اعرف معلومات عنها وكدا تفيدنى وانا وبادور لقيت ان المقابلة باللغة الانجليزية دى مقدور عليها المشكلة فى الاسئلة انا مش عارفة هيسالونى فى ايه واتعامل ازاى انا اول مرة تتعملى مقابلة شخصية
ارجوكم لو حد عمل مقابلة قبل كدا فى اى مجال يقوللى الموضوع بيكون ازاى ويقوللى اعمل ايه واتصرف ازاى لانى بصراحة عايزة اعرف كل حاجة عن الحكاية دى واطبقه على اكمل الوجوه علشان اقول بثقة عملت اللى عليا وما اضيعش تعب والدى معايا لانه هيسافر تانى ويعطل نفسه علشان امل فى علم الغيب
شكرااااااااااااااااااااا لانكم اهتميتم ودخلتم
أختكم

[3aShe2]

ربنا معاكى

ان شاء الله خير ما تقلقيش..,

صراحة ما أقدرشى أفيدك فى موضوع المقابلات ده

لكن إتفضلى هنا دا قسم السيرة الذاتية والمقابلة الشخصية عندنا فى المنتدى

الرابط لايظهر فى الأرشيف

ان شاء الله يفيدك ...,

[عليااااااا]

ربنا يخليك
وميرسى اوى انك اهتميت ودخلت
وادعيلى بجد انا خايفة اوى وهاشوف الرابط
شكرا اخى على المرور جزاك الله خيرا

[Lost Angel]

ربنا معاكي يا عليااااا
وربنا يوفقك إن شاء الله ويكرمك وتعدي معاكي علي خير

للأسف مش هقدر أفيدك بردو بس اللينك الي عاشق جابه أكيد ان شاء الله هيفيدك وعليه حاجات كويسة .
وأبقي طمنينا عليكي بقي .
في رعاية الله إن شاء الله

[عبدالرحمن م]

كنت لسه هكتب لك الرابط بتاع قسم السيرة الذاتية والمقابلة الشخصية

لكن عاشق سبقنى

ما تقلقيش من أى حاجة وخلى ثقتك فى الله وربنا معاكى

[عليااااااا]

ربنا معاكي يا عليااااا
وربنا يوفقك إن شاء الله ويكرمك وتعدي معاكي علي خير

للأسف مش هقدر أفيدك بردو بس اللينك الي عاشق جابه أكيد ان شاء الله هيفيدك وعليه حاجات كويسة .
وأبقي طمنينا عليكي بقي .
في رعاية الله إن شاء الله


كنت لسه هكتب لك الرابط بتاع قسم السيرة الذاتية والمقابلة الشخصية

لكن عاشق سبقنى

ما تقلقيش من أى حاجة وخلى ثقتك فى الله وربنا معاكى




ربنا يخليكى يا لوست ويبارك فيك يا عبد الرحمن
فعلا الرابط الى كتبه عاشق مفيد جداا وانا باتصفحه دلوقتى شكرااااااا اوى يا عاشق ربنا يخليك
وكمان انا على موقع المصرية للاتصالات بحاول اعرف اللى أقدر عليه من معلومات
ادعووووووووولى
وان شاء الله انا مسافرة يوم السب اول ما ارجع هادخل اطمنكم
ربنا يخليكم ليا
دعواتكم ما تنسوش دعاء المرء لأخيه بظهر الغيب مقبول

[سجدة قلب]

ربنا يوفقك يا رب و يطمنك.
استغلي دعوة الأم يا علياااا
وكله خيييير إن شاء الله
وممكن تدخلي تخدي فكرة عن نتائج المستضافون لجميع المقابلات الشخصية على موقع وزراة التربية والتعليم
وكيفيه الخروج منها.
بالتوفيق إن شاء الله،،
وفي الرابط دا عجبني بعض التنيبهات ممكن تتصفحيها
الرابط لايظهر فى الأرشيف
ودول للتصفح باللغة الإنجليزية
الرابط لايظهر فى الأرشيف
الرابط لايظهر فى الأرشيف
وعلى فكرة " ابن خالتي " كان اتعمل معاه مقابله شخصية بالإنجليزي برده
هوا كل اللي في الحكاية محتاجة سرعة بديهة وتركيز وعدم إظهار للتردد والشك
أمام الدكاترة او المختبريين
أسأل الله لكي الثبات.

[Muhamed]

الاول اسئله عن نفسك عن عائلتك عن درساتك

name , ur hoppy ur jop if u had ajop

why d u wanna leave ur existing jop

why d u think of working here (egy telec.)

what's the diff. u can give to the position u will take from any one else

بعد كده اسئله عن عائلتك

do u have sisters/brothers etc

وظيفه والدك او والدتك وتعليمهم ايه

دى بتكن دردشه فى الاول لتقييم الشخص

بعد كده بيخشوا فى اسئله التخصص

عندنا كمهندسينهوا بيكون قاريله مقاله على الويكيبديا ويسال فيها واللى بيبقى دايس فيها بيتنطط عليهم

بخصوصك تقريبا انتى اداب لو مش ناسى


فاظن ان الوظيفه الوحيده اللى تنقع هيا ال opertor

يعنى التخصصيه المطلوبه من الاوبريتور هوا سعه الصدر فى الحوار والاسلوب لجميل فى الكلام

فاحتمال هتلاقى الاسئله عباره عن معلومات عامه مش متخصصه لان التخصص بتاعك ملوش علاقه بالشغل

فهتلاقى اسئله من نوعيه تعرفى الهيستورى بتاع المصريه للاتصالات

ومدى انتشارها

يعى تسمعى عن اشركه الامارتيه اللى هتنزل ارضى كمنافس لينا ولا لاه

هتلاقى اسئله اخرى مستفزه ليس مقصود منها شئ غير معرفه رد فعلك

لان التخصص فى الشغل اللى تقريبا انتى مقدمه عليه هوا تحمل كل انواع المتصلين

من الغلس للى مش بيفهحاجه

لازم توضحى لنقطه دى من لال الاستفزاز اللى هيمارسوه عليكى بالانجلش

فلازم طبعا تكونى مسيطره ومتهتيش فى الرد علشان ميخدوش فكره وحشه عنك لازك تكونى محضره نفسك لكده وتكونى مجهزه نفسك انك تردى بهدوء وثقه

فى مره سمعت ان فى سؤال لو حد اتصل وقالك بحبك او عاكسك هتعملى ايه ؟

السؤال استفزازى بس هما يهمهم رد الفعل السريع وبالاجلش

متغلطيش لما ترتبكى وتنطقى عربى هيبوظ المنظر

لانهم بيختروا الثبات فى مواضع الضغط العصبى

ياريت اكون قدمت افاده ولو بسيطه

[ابن مصر]

مبروك مقدما وعاوزين الحلاوة

عن تجربة

شوفي ده

الرابط لايظهر فى الأرشيف (الرابط لايظهر فى الأرشيف)

[AlSam3r]

مبروك مقدما يا عليا
بننتظر يكون لينا ظهر فى اتصالات
ولا ايه هتنسينا بقى
ربنا معاكى

[zozza]

انا مش هقدر افيدك فى الموضوع ده بس كل اللى اقدر انى ادعيلك ربنا يوفقك

[Princess tears]

ربنا يوفقك ياعليا وان كان فيها خير ليكى ربنا يكتبة ليكى وان كان فية اى شر يبعدة عنك
وبعدين خليكى واثقة فى ربنا وفى نفسك
ان الله لايضيع اجر من احسن عملا
وبتمنى ليكى كل خير انشاء الله

[la princesse]

متخفيش يا عليا خير ان شاء الله
على فكرة انا مقدمة فى نفس الشركة
غالبا الوظيفة دى مصر كلها مستنياها :bm:
توكلى على الله وزى ما قالتلك برينسس تيرز لو فيها خير هتكون من نصيبك ان شاء الله
انتى بس ركزى على الحاجات اللى قالوها ماندوز وابن مصر فيها المفيد
وبما اننا مقدمين فى وظيفة خدمة عملا
وعندنا هنا منسق خدمة عملا المفروض يبقى يفيدنا فى الحكاية دى
مش كفاية انه قاعد فى المنتدى بتعنا ليل نهار ومش دافع الايجار المتاخر
ولا ايه يا ابن مصر :048:

[l3lo3]

اللى اقدر اقولهولك خلى ثقتك فى ربنا كبيرة
ولو الوظيفة دى نصيبك والله لو حصل ايه هتكون ليكى
وان شاء الله ربنا هيكرمك
والف مليون مبرووووووووووووووووووووك مقدما
انتى فعلا تستاهلى كل خير

[MafiawwY]

اللى اعرفه انه بيكون معاكي نائب او رئيس قطاع يقعد معاكى ويحكى شوية بالانجليزى
هيسألك شوية اسأله زي اللى ماندوذ ذكرهم فى الاعلي (أسئلة شخصيه عن نفسك , عملتي ايه السنين اللى فاتت ومشروع النخرج وشوِية أسئِلة technical
ومعلومات عامة يعنى يشوفوا شكلك ويشِوفوكى عندك خلفية وللاء ويتعرفوا على شخصيتك وقدراتك يعنى المهِم انك تحكى عادى ومتخفيش وتبقى جريئة وميهمكيش,,
لوِ حصل نصيب هيبعتِولك بعدها بفتِره علشان تقدمِى الورق بتاعك
الوظيفة تعتمد فى الأَساس على العِدد المطلوب وعدد المِتقدمين للاِمتحان فى المحافظِة التابعِة لها والتقدير العام والامتحان النظرى والمقابلة الشخصية
وان شاء الله مفيش وسايط ولا حاجة وياريت الناس تبطل تشاؤم وسلبية وتعمل اللى عليها والباقى على الله وبالتوفيق ان شاء الله

[snow white]

أهم شئ كونى واثقه بنفسك وقادرة على التعبير عن نفسك بلباقه



اتمنى لك التوفيق

[عليااااااا]

ربنا يخليكم ليا وما يحرمنى منكم ابدا ابد ابدا ابدا ابدا لاخر عمرى
انا عملت المقابلة والحمد لله عدت على خير بفضل ربنا وبفضل الحاجات اللى انتوا قلتوهالى واللى حفظتها عن ظهر قلب بس لسه النتيجة
ادعولى بقى
عارفين حتى لو الوظيفة دى ما جاتش انا مش هاكون زعلانة كفاية الردود بتاعتكم وكفاية حسيت انكم معايا
ربنا يخليكم

[3aShe2]

ان شاء الله خير

ربنا يوفقك..,

[عليااااااا]

ربنا يخليك وجزاك الله ما يليق بوجهه الكريم من الجزاء الرابط افادنى جدا جدا والموضوعات اللى فيه هى اللى ساعدتنى وهياتنى نفسيا للمقابلة
شكرا لك

[ابن مصر]

ربنا يوفقك وشغل خدمة العملاء لذيذ جدا وفي فرق كبير بين انك تعرفي وظيفة تشتغلي فيها وبين انك تحبي وظيفة تشتغلي فيها ولما تقبلي ان شاء الله هعرفك معنى الجملة دي بحكم الخبرة :) وعشان برنسيستنا تبطل تشهر بيا امام الخلق والايجار خلاص هدفعه كلها 8 سنين وادفعهم بالملييم :)

[totaaaa]

مش هقدر أفيدك أختي علياااا أكتر من أخواتي وأخواتك ما فدوكي
بس المهم خلي بالك من ثقتك ومن طريقه كلامك وخلي شخصيتك الأجتماعية تظهر وكده

حاولي أقرأي عن البرتوكولات المقابله الشخصيه وكده وسيبها طبعا في الأول وفي الأخر علي ربنا
أنا عملت كذا مقابلة قبل كده وكنت بروح أقول أكيد مش هقبل لأن كان بيبقي معايا ناس أحسن مني في المؤهلات وكده بس الحمد لله كان دايما اسمع تعليق الشخصيه بتغلب علي أي حاجه

هتقبلي أن شاء الله يا علياااااااااااااااااااااا وربنا يوفقك يا عسل ومعاكي ربنا وخلي ثقتك في الله كبيره
وأنا هدعيلك كتير يبقي طمنينا لما ترجعي بقي

[AlSam3r]

الموضوع دا قديم قوى يا توتا
انتىلسه فاكرة دا المقابلة خلصت من زمان