من انتى ياPrincess tears

[AlSam3r]

حبيت اطل عليكم من جديد بعضوة مميز ة بعناوينها الملفتة للنظر

هل اقوى على النسيان؟

الرابط لايظهر فى الأرشيف
ماهو معنى الحب؟ارجو الافادة
الرابط لايظهر فى الأرشيف


انا عارفها كويس
لكن حبيت تتعرفو انتو كمان عليها
دا اذا مكنش عندها مانع طبعاً
Princess tears (الرابط لايظهر فى الأرشيف)

بنت حلال بجد


اسمـــــــــــــــــك :
سنــــــــــــــــــك :
دولتك + مدينتك :
هواياتــــــــــــك :
عـــــــــــــــمـلك :

طريق معرفتك للمنتدي :
أصدقاء لك فى المنتدي :
القسم المفضل لـــــديك
أفضل أصدقائك /

دراستك /

مشاريعك/

طموحاتك /

بتحبى تأكلى ايه

بتحبى تشربى ايه

ايه رائيك فى الحب

بتحبى ولا لاء؟؟

ايه اول حاجه بتعمليها اول ما تصحى من النوم

اخر حاجه بتعمليها قبل ما تنام

اول تليفون بتعمليه اول ماتصحى من النوم لمين

اخر تليفون بتعميله قبل ما تنامى لمين؟
مين اكتر الشخصيات اللى انت عرفتيها فى المنتدى وتتمنى تكونى صديقة ليه؟
_اكتر موقف ندالة حصل معاكى من وقت قريب؟
_اكتر واحد ظلمتيه فى حياتك؟
_اكتر واحد ظلمك فى حياتك؟
_لو عندك سر تقوليه لمين؟
_اكتر حاجة تكرهيها؟
_لو عرفتى ان واحدة صاحبتك بتحب حبيبك هتتصرفى معاها ازاى؟
_لو عرفتى ان حبيبك بيحب صاحبتك هتتصرفى معاه ازاى؟
_لو فى يوم زعلت حد منك والحد ده غالى عندك اوى هتعملى ايه؟
_لو حبيتى واحد وغلط فيكى او زعلك بقصد او بدون قصد تسامحيه وتسمعى ليه وتقبلى اعتذاره ولا هتاخدى موقف منه فترة ؟
التعبيرات دى قلتيها فى موضوع عبر عن احساسك بكلمة
ممكن نعرف ايه التغيرات المفاجئه دى فى ايام متتاليه
ولا فيه مانع

im soooooooooooooooooo happy

فرحااااااااااااااااااااااااانة جدا جدا


انا مخنووووووووووووووووقة جدا جدا
عندى احساس بالذنب هايقتلنى
فى انتظار وصول العضوة باذن الله

[Princess tears]

شكرا جدا ياستاذ سمير على الكلام الجميل بس دة مبالغ فية جدا انا مش عضوة مميزة ولا حاجة انابستفيد منكم بس
وبعدين كل دى اسئلة دا حضرتك متوصى بيا قوى
على العموم اكيد هارد بس انا انهاردة
مشغولة جدا عندى خطوبة وكتب كتاب عقبال عندكم جميعا

[AlSam3r]

ع العموم الف مبروك
وبننتظر حضورك الكريم

[Princess tears]

اسمـــــــــــــــــك :
اميرة الدموع
سنــــــــــــــــــك :
عايشة بقالى كتير
دولتك + مدينتك :
الدقهلية
هواياتــــــــــــك :
القراءةوالكمبيوتر
عـــــــــــــــمـلك :
لسة طالبة

طريق معرفتك للمنتدي :
عن طريق الاصدقاء
أصدقاء لك فى المنتدي :
بحاول اكون صداقات مع الكل وربنا يوفقنى
القسم المفضل لـــــديك
كلمات من القلب للقلب
أفضل أصدقائك /
اختى

دراستك /
لسة طالبة فى الكلية

مشاريعك/
اخلص دراسة

طموحاتك /
هاخلص دراسة واقعد فى البيت

بتحبى تأكلى ايه
الكشرى المصرى

بتحبى تشربى ايه
عصير الفراولة

ايه رائيك فى الحب
الحب الحب جميل جدا

بتحبى ولا لاء؟؟
السؤال دة بقى اجابتة سر

ايه اول حاجه بتعمليها اول ما تصحى من النوم
باتوضا واصلى

اخر حاجه بتعمليها قبل ما تنام
بكلم شخصية عزيزة عليا جدا

اول تليفون بتعمليه اول ماتصحى من النوم لمين
لشخصية عزيزة عليا جدا

اخر تليفون بتعميله قبل ما تنامى لمين؟
لا قبل مانام مش باستخدم التليقون
مين اكتر الشخصيات اللى انت عرفتيها فى المنتدى وتتمنى تكونى صديقة ليه؟
كتير وفعلا بدات اكون صدقات مع شخصيات على المنتدى منهم علياااا والموج الهادىء وسرسورl3lo3 وalsam3r
_اكتر موقف ندالة حصل معاكى من وقت قريب؟
مفيش
_اكتر واحد ظلمتيه فى حياتك؟
مظلمتش غير واحد بس وبقولة انا اسفة جدامكنتش اقصد
_اكتر واحد ظلمك فى حياتك؟
كتيييييييييييييير
_لو عندك سر تقوليه لمين؟
لشخصية عزيزة عليا جد مابنامشى الا اما اتكلم معاها
_اكتر حاجة تكرهيها؟
الغدر والخيانة
_لو عرفتى ان واحدة صاحبتك بتحب حبيبك هتتصرفى معاها ازاى؟
والله ان كان هو كمان بيحبها ربنا يوفقهم مع بعض اما ان كان بيحبنى انا فهاحاول اعرفها دة واخليها تنساة
_لو عرفتى ان حبيبك بيحب صاحبتك هتتصرفى معاه ازاى؟
والله لو كانت بتحبة ربنا يوفقهم مع بعض اللى بيحب بيتمنى السعادة للى بيحبة وبدام هو هايكون سعيد معاها ربنا يوفقهم
_لو فى يوم زعلت حد منك والحد ده غالى عندك اوى هتعملى ايه؟
هاحاول اصالحة باى طريقة واعتذر لية
_لو حبيتى واحد وغلط فيكى او زعلك بقصد او بدون قصد تسامحيه وتسمعى ليه وتقبلى اعتذاره ولا هتاخدى موقف منه فترة ؟
لا لو بحبة هاسمحة
التعبيرات دى قلتيها فى موضوع عبر عن احساسك بكلمة
ممكن نعرف ايه التغيرات المفاجئه دى فى ايام متتاليه
ولا فيه مانع


im soooooooooooooooooo happy

فرحااااااااااااااااااااااااانة جدا جدا


انا مخنووووووووووووووووقة جدا جدا
عندى احساس بالذنب هايقتلنى

يعنى بحاول اعبر عن اللى جوايا بالكلام

[عاشق الايمان]

انا شايف ان حضرتك عامله كوكتيل شعورر رهيب

يتراوح مابين السعاده والفرحه ودي قليله جدااا والحزن والكأبه ودي تقريبا اكثر الحالات الا بشوفك فيهااا

فهل من الممكن استغلال هذه الفرصه مع اصدقاء المنتدي ونحاول ادخل البسمه عليكي او نحاول نرسمها لو امكن

ولاا كوكتيل المشاعر ده اكتمال للغموض الا حضرتك عليه

وارجو اني مكنشي ضايقت حضرتك باقتراحي ده

[الموج الهادئ]

اسالتى بقه مش بقينا اصحاب
ايه اكتر حاجه بتزعلك من الناس اللى حواليكى؟
ايه المواقف اللى بتكونى فيها متعصبه؟
ايه اكتر حاجه بتحبيها فى الدنيا واكتر حاجه بتكريها؟
لو انتى استيكه هتمسحى ايه فى الدنيا؟ وليه؟

[l3lo3]

طبعا انا مبسوطة خالص انى هسأل اعز الناس فى المنتدى
بس هحاول مرخمش عليها اوى عشان انا ساعات ببقى غلسة

بصى ياستى
عمرك شفتى واحد واعجبتى بيه وكان نفسك ييجى يكلمك بس محصلش؟
هو سؤال رخم جدا
بس جاوبى بقى ياقمر

[Princess tears]

فعلا يافارس الفرحة شىء قليل جدا لما بحس بيها وكمان مش بتدوم اكتر من يوم
ودة فعلا حقيقى انما الحزن اصبح شىء مالوف جدا
وانا بحاول اكون صداقات كتير وبحاول اعناد مع الدنيا اهو ممكن تغلط مرة وتورينى النص الحلو
وشكرا على اقتراحك الجميل وهاحاول اجربة وشكرا على مرورك

[Princess tears]

ايه اكتر حاجه بتزعلك من الناس اللى حواليكى؟
اكتر حاجة بتزعلنى من الناس ان كل واحد بيدور على مصلحتة ومش مهم مشاعر الاخرين

ايه المواقف اللى بتكونى فيها متعصبه؟
انا مفيش مواقف معينةبتعصب فيها لانى قليل جدا اختلاطى بالناس

ايه اكتر حاجه بتحبيها فى الدنيا واكتر حاجه بتكرهيها؟
اكتر حاجة بحبها فى الدنيا مفيش واكتر حاجة بكرها الغدر والخيانة

لو انتى استيكه هتمسحى ايه فى الدنيا؟ وليه؟
هامسح اى حاجة ممكن تسبب الحزن
لان انا فعلا تعبت منة

[Princess tears]

اهلا يالؤلؤ والله انتى اللى اعز الناس ياجميل بس ماسمحشى انك تقولى على نفسك رخمةاو غلسة

بس لية الاسئلة الصعبة دى الاصحاب يعملوا فى بعض كدة بردة شوفتى الموج اسئلتها بسيطة ازاى

على العموم كلة سلف ودين

المهم انا بقى هامتنع عن اجابة السؤال دة

ولا اقولك علشان ماتزعليشى اجابتة لالالالالالا الحمد للة

[l3lo3]

ههههههههههههههههههه
معلش بقى ياقمر
حبيت ارخم عليكى بس
وعموما ياستى
اسألينى اى سؤال وانا ادها وادود
متخفيش اختك تفوت فى الحديد

[AlSam3r]

ممكن نعرف الشخص اللى طلبتى يسامحك؟
معلش بنحب نرخم شوية

[Princess tears]

ماشى يالؤلؤ عارفه انك ادها بس انا مش ادهها
وبعدين مين قال انك رخمة انتى مش رخمة ولا حاجة بس الاسئلة هى اللى رخمة
وبعدين اى حاجة عايزة تساليها انا تحت امرك ياجميل مفيش حاجة نخاف منها

[Princess tears]

لية كدة ياستاذ سمير بلاش كدة
وياترى السؤال دة اجبارى ولا اختيارى ياريت يكون محذوف احسن

[AlSam3r]

انا واحد من الاعضاء اللى عندهم حب استطلاع وده سؤال اعتبريه اجبارى

[Princess tears]

لية كدة بس على العموم ممكن اسيب سؤال مش شرط اجيب الدرجة النهائية
ممكن انقص درجة او اتنين بس هو انسان عزيز عليا جدا
بطلب منة انة يسامحنى على غلطة بس انا غلطتها غصب عنى لانى كان عندى احساس بالذنب مقدرتش استحملة

[AlSam3r]

طب ممكن نعرف مين سبب احساسك بالذنب
رخامة بقى بعيد عنك

[Princess tears]

رخامة ازاى يعنى بلاش الاسئلة الصعبة دى
احساسى بالذنب انى مابحبش ابنى سعادتى على سعادة حد تانى
ودة هو اللى انا حسيت انى ممكن اعملة فى الموقف دة فانسحبت وهى دى كانت الغلطة
ومش هاوضح اكتر من كدة
وخف عنى بالاسئلة شوية ياستاذ سمير دى اسئلة اصعب من الثانوية العامة

[l3lo3]

ياعينى عليكى يااختى وعلى اسئلتك
هو الكل مستقصدك ولا ايه
ده انتى حتى غلبانة ولسا صغيرة
لا ياجماعة بالراحة عليها
فعلا احنا كده خنقناكى
ههههههههههههههه
معلش النهردة عندك بكرة عند الكل

[Princess tears]

عارفة انك حاسة بيا يا لؤلؤ مع ان انتى اللى بداتى
اة وصيهم عليا كدة هى دى الصداقة ولا بلاش

[l3lo3]

ياحبيبتى متخافيش
هتلاقينى جنبك دايما
وبصى بقى ياستى
عندى خطوبة واحدة صاحبتى وبحبها اوى بكرة
وهى من بلد بعيدة اوىىىىىىىىىى
ومش هعرف اروح
من رأيك اعلملها ايه؟
هو ده سؤالى
لو كنتى مكانى هتعملى ايه؟

[Princess tears]

كلميها على التليفون وقولى ليها مبروك
او هى اكيد عارفة انك فرحانة وبصراحة مش عارفة كنت ممكن اعمل اية تانى

[عاشق الايمان]

ايه اصعب المواقف الا قابلتك في حياتك ونفس

الموقف بيديكي ذكري جميله

هو سؤال كوكتيل علي بعض في موقف واحد

[Princess tears]

والله ياستاذ فارس مفيش عندى موقف صعب وينفع يكون ذكرى جميلة
اصعب موقف مر عليا فى حياتى لسة قريب جدا
وهو انك تضيع اجمل حلم فى حياتك فى لحظة
وتندم وقت لاينفع الندم

[عاشق الايمان]

بس انا ملاحظ ان انتي دايمااا في حزن والم ودلوقتي فيه ندم

انتي عايشه ازايا بالاحزان والكأبه دي كلهاااااااا

[vip]

براحه عليها شويه يا جماعه

ما صدقتم كدا

ههههههههههههههه

[Princess tears]

ميرسى جدا vip انت اول واحد يدخل ومايسالشى بجد بجد شكرا

اما بالنسبة لحضرتك ياستاذ فارس فانا فعلا حياتى كلها او معظمها حزن ووحدة
والوقتى ندم على الفرصة الى كانت ممكن تغير حياتى وانا ضيعتها بايدى

[AlSam3r]

كفايه اسئلة يا جماعه
اظن زميلتكوا عرفتكوا مين هى
ولا ايه

[MaNsHo0o0]

لا ياعم استنى انا شاكك فى حجات ’,’,’,’,’,’,’,’,’,’,’,’,’,’,’,’,’,’,’,’,’,’,’,’,’, ’,’,’,’,’,’,’,
دى بتقولك:shutup:
بتحبى تأكلى ايه
الكشرى المصرى
طموحاتك /
هاخلص دراسة واقعد فى البيتحزن ووحدة
اسئل انا بقى علشان اقطع المربى بالسكين واعرف انتى اللى فى بالى ولا لاء:whistling:
واوعى تكون اللى في بالى:p

1- عرفنى انك فى الجامعه من الواضح فى اجابتك انك مردتيش تقولى اسم الكليه بتاعتك فياريت حتى نعرف القسم اللى انتى فيه ؟
2- وياترى راحه الجامعه النهارده ولا لاء ولو راحه راحه ليه ولو مش راحه بردو مش راحه ليه ؟
3- انتى فى سنه كاااااااااااااااااام ؟
4- بتحبى الالعاب ولا لاء eL-GaMeS ?
5- بتحبى شغل البيت ولا لاء ؟
6- اصعب يوم فى حياتك كان امته ؟
7- مين ابن الحلال اللى دلك على المنتدى دا ؟

كده انا خلصت الاسئله الاعتياديه بقى :

8- هل ليكى تحارب سابقه فى الحب؟
9-كم مره جربتى الفشل وكان فى ايه (الدراسه - الحب - الصداقه)؟
10 - كم عدد الاصحاب المقربين لك ؟-
11- ايه الشئ اللى عملتيه وندمت عليه؟
12- بتحبى النور ولا الظلام؟
13- ليه بتحبى الوحده ؟
14- راضيه عن نفسك ولا لاء ...؟
انا بقول كفايه كده لحد دلوقتى اصلى والله مش عارف افكر فى اى حاجه :more68::wacko:
تقبلى مرورى اختى الغاليه ,,
ولنا عوده قريبه ان شاء الله ,,:sm78:
:sm100:

:054:لو انت اللى فبالى اظهر وبان وريحى نفسك من الاسئله اللى فوق دى :054:
:sm116:


’,’,’,’,’,’,’,’,’,’,’,’,’,’,’,’,’,’,’,’,’,’,’,’,’, ’,’,’,’,’,’,’,’,’,’,’,’,’,’,’,’,’,’

زمانك بتقولى مين الواد الرخم اللى طلعلى فى البخت دا :094: :bm:

انا هقعد هنا شويه ممكن :sm98: وممكن اكل شويه فشار :sm93: وابلع بحبه ساقع :sm162: لحد ماتوصلى ومستنى الاجابات ,,
:a045:

[AlSam3r]

مش اللى فى بالك يا مانشو
حرام عليك كل ده
الناس دول تبعى ياعم احمد
ليه كده بس
مردوده يا ماااااااااانشو

[انين الصمت]

لا اعرف ماذا اقول لكى؟؟؟؟
حقيقة حزنت لحزنك و كلامك المؤلم
....حين لا ينفع الندم....
حين تعرفى ان اختيارك للبعد كان خاطئا
و حين ... حين ... حين
انا عندى شوية اسألة: بس لما تجاوبى على مانشو ...-ان شاء الله-

[عليااااااا]

السلام عليكم ورحمة الله
ايه ده كله هو انا ابعد يومين تعملوا فى حبيبتى كدا كل دى اسئلة حرام عليكم
خفوا عليها شوية
سلامة قلبك من الحزن يا مرمر يا حبيبتى ويا رب ما تكون فة عينيكى ابدا غير دموع الفرح
انا بقى مش عندى اى سؤال علشان يكفينى اعرف ان قلبك طيب
واسفة انى رديت متاخر بس انا دلوقتى فى القاهرة علشان المقابلة الشخصية بتاعتى
ادعوووووووووووووووووووووولى
وميرسى اوى يا استاذ سمير على الموضوع الجميل ده اللى حضرتك معودنا عليه دايمااا بس بالراحة عليها وعلينا الاسئلة صعبة اوى

[Princess tears]

ميرسى جدا ليكى انين الصمت بس اسئلتك تكون سهلة بلاش الاسئلة الصعبة دى


ميرسى ياعليا بصراحة انتى و vip بس الى مسالتوش اى سؤال بجد شكرا جدا ويارب تكونى اتوفقتى فى المقابلة

[AlSam3r]

فيه ايه يا جماعة
الموضوع تم انهائه
بعد ان تم التعرف على زميلتنا العزيزة
ياريت لانها مش هتقدر تجاوب على اسئلة تانيه

[Princess tears]

اولا شكرا جدا ياستاذ سمير بس انا اكيد لازم اجاوب عليهم

اولا ياستاذ مانشو عمرى ماهكون اللى فى بالك انا معرفشى الا واحد بس على المنتدىوبعدين اتعرفت على الاصدقاء من خلال المنتدى ودى اجمل حاجة عملتها
واكيد هاجاوب على اسئلتك


1- عرفنى انك فى الجامعه من الواضح فى اجابتك انك مردتيش تقولى اسم الكليه بتاعتك فياريت حتى نعرف القسم اللى انتى فيه ؟
هههههههههههه مانا لو قولت القسم هاتعرف الكلية على العموم انا فى قسم .......ولا اقولك بلاش احسن
2- وياترى راحه الجامعه النهارده ولا لاء ولو راحه راحه ليه ولو مش راحه بردو مش راحه ليه ؟
لا مش هاروح الاسبوع دة كلة علشان مخنوقة شوية ومش عايزة اقابل حد
3- انتى فى سنه كاااااااااااااااااام ؟
انا فى اخر سنة انشاء الله ادعي لى علشان اخلص وارتاح بقى
4- بتحبى الالعاب ولا لاء eL-GaMeS ?
اكيد
5- بتحبى شغل البيت ولا لاء ؟
جدا جدا جدا
6- اصعب يوم فى حياتك كان امته ؟
يوم الجمعة اللى فاتت
7- مين ابن الحلال اللى دلك على المنتدى دا ؟
واحدة صاحبتى

كل دى اسئلة يالا امرى لله

8- هل ليكى تحارب سابقه فى الحب؟
نعم
9-كم مره جربتى الفشل وكان فى ايه (الدراسه - الحب - الصداقه)؟
الحمد للة مافشلتش فى الدراسة خالص لحد الوقتى وربنا يستر السنة دى
لكنى فشلت فى التعامل مع الناس بوجة عام
10 - كم عدد الاصحاب المقربين لك ؟-
only one
11- ايه الشئ اللى عملتيه وندمت عليه؟
انى ضيعت حلم عمرى
12- بتحبى النور ولا الظلام؟
بحب الهدؤ والضوء الخافت
13- ليه بتحبى الوحده ؟
علشان ابعد عن الناس
14- راضيه عن نفسك ولا لاء ...؟
لالالالالالا
ها ياترى الاجابات دى تنفع ولا لاء
وهو حضرتك لسة ناوى تسال تانى

وشكرا على مرورك

[AlSam3r]

شكلك بقى وحش يا مانشو
هيه صممت تحرجك
اشرب

[MaNsHo0o0]

ها ياترى الاجابات دى تنفع ولا لاء
اممممممممممممممممممممممم
تنفع
وهو حضرتك لسة ناوى تسال تانى
لا انا بقول كفايه كده اوى
شكلك بقى وحش يا مانشو
هيه صممت تحرجك
=اشربماشى ياعم سمير ليك يووووووووم

I am Sorry
kont fakrk 7d tany
Accept Traffic