من انت يا l3lo3؟

[AlSam3r]

الرابط لايظهر فى الأرشيف


من انت يا l3lo3؟


اسمـــــــــــــــــك :
سنــــــــــــــــــك :
دولتك + مدينتك :
هواياتــــــــــــك :
عـــــــــــــــمـلك :

طريق معرفتك للمنتدي :
أصدقاء لك فى المنتدي :
القسم المفضل لـــــديك
أفضل أصدقائك /

دراستك /

مشاريعك/

طموحاتك /

- بتحبى تأكلى ايه

- بتحبى تشربى ايه

ايه رائيك فى الحب

بتحبى ولا لاء


ايه اول حاجه بتعمليها اول ما تصحى من النوم

اخر حاجه بتعمليها قبل ما تنام

اول تليفون بتعمليه اول ماتصحى من النوم لمين

اخر تليفون بتعمليه قبل ما تنام لمين
شهدت ميلادك بالمنتدى
كانت اول اتجاهاتك المنتدى الاسلامى
اتمنى لك اقامة سعيدة معنا

[l3lo3]

ههههههههههههههههه

من انا؟

سؤال صعب فعلا

بس هرد على كل الاسئلة دى

بس انا صايمة هفطر وهروق بقى واجاوب على نقطة نقطة

وشكرا ليك يااستاذ سمير

[عاشق الايمان]

يااااااااه الفطار تقريبااا بيجي عندهم متاخر شويه

عموما صوما مقبولا باذن الله

[AlSam3r]

نحن بانتظارك ياl3lo3

[l3lo3]

:039:من انت يا l3lo3؟:042:


اسمـــــــــــــــــك :
احب الاسماء لقلبى هو l3lo3:18:


سنــــــــــــــــــك :
24
كبيرة بس لسا شباب برضو


دولتك + مدينتك :

مصـــــــــــــــــــــر



هواياتــــــــــــك :
النت والمشاركة فى المنتديات



عـــــــــــــــمـلك :
مدرسة ثانوى تجارى






طريق معرفتك للمنتدي :
صديقـــــــــــة






أصدقاء لك فى المنتدي :
من يوم مادخلت المنتدى بقى كل اللى فيه اصحابى




القسم المفضل لـــــديك
القسم الاسلامى وقسم المنتديات العامة




أفضل أصدقائك /
لو قلت اسمائهم مش هتعرفوهم:ongue:




دراستك /
بكالوريوس تجارة 2007



مشاريعك/
مش بفكر كتير فى بكرة عشان بخاف منه وعارفة ان كل اللى يجيبه ربنا هيكون فيه الصالح




طموحاتك /
ان ربنا يهدينى ويرضا عنى
ومحدش يزعل منى
وربنا يجمعنى بالزوج الصالح ويرزقنى بالذرية الصالحة



- بتحبى تأكلى ايه:
طبعا المكرونة البشاميل



- بتحبى تشربى ايه:
البيبسى ورانى بالخوخ




ايه رائيك فى الحب:

احلى حاجة فى الدنيا
من غيره الواحد بيعيش ناقصه اهم حاجة
وهى انه يحس بالدنيا وجمالها


بتحبى ولا لاء
:icon26::icon26::icon26::icon26::icon26:



ايه اول حاجه بتعمليها اول ما تصحى من النوم:
بصلى وانضف البيت عالسريع كده وبعدين اجرى عالنت




اخر حاجه بتعمليها قبل ما تنام:
بعمل ميسدات لاصحابى




اول تليفون بتعمليه اول ماتصحى من النوم لمين:
فى معظم الاحوال لاصحابى فى الشغل
او حد تانى مهم:icon26::icon26::icon26::icon26::icon26:




اخر تليفون بتعمليه قبل ما تنام لمين:
مش شرط كل يوم عشان بنام متأخر اوىىىىى
ومينفعش اكلم حد فى الوقت ده
الا بقى لو فى حد مهم:icon26::icon26::icon26:



وفى انتظار المزيد من الاسئلة ان شاء الله
والسلام عليكم ورحمة الله وبركاته

[AlSam3r]

ماشى يا لولو
ولا علا
عليا
ما هى مواصفات فتى احلامك؟!
معلش بندخل
بس بقى عندنا خاطبة فى المنتدى
يمكن يعجبك العريس
ههههههههههههههههههه
انا بهزر معاكى طبعا
ثانيا
ايه اكتر شخص تتمنى تشوفيه
الوقت؟
سؤالين ع الماشى
وانتظرى المزيد
سلام مؤقت!!

[l3lo3]

مواصفات فتى احلامى

_ملتزم وبيصلى ويراعى ربنا فيا
_يحبنى ويحترمنى ويخاف عليا
_بصراحة ودى حاجة نفسية لازم يبقى مؤهل عالى مش متوسط
_مش شرط المستوى المادى
_ يكون قريب من تفكيرى عشان افهمه ويفهمنى
_يكون شكله مقبول ومريح يعنى مش هقول عاوزة واحد حلو وامور لا هقول عايزة راجل محترم ويقدر معنى الحياة الزوجية
_بس برضو اهم حاجة يكون طويل مش قصير عشان مع احترامى للجميع انا بأمن بالمقولة اللى بتقول
*احترس من كل من اقترب من الارض* وخصوصا فى الرجال




وبالنسبة للسؤال التانى
طبعا اى حد يعرف حد يتمنى يشوفه ويعرف شكله
بس من خلال الفترة اللى قضيتها على النت ودخول منتديات كتير والمشاركة فيها
بقيت احاول ارسم شكل الشخص من خلال موضوعاته وردوده وسلوكه وشخصيته
بس ساعات بتيجى الفرصة وبشوف اى حد عرفته مثلا من النت وببقى سعيدة جدااااااااااااا


اما لو تقصد اى حد اتمنى اشوفه دلوقتى عموما
هو حد عارف نفسه
وهو عارف هو ايه عندى
وانى يوم مااشوفه يبقى احلى يوم فى حياتى





وشكرا لاسئلتك وفى انتظار المزيد

[AlSam3r]

وشكرا لاسئلتك وفى انتظار المزيد


لا انا الوقت مش هسال
هدى الفرصة لباقى الاعضاء
بس خلى بالك
فيه هنا اعضاء
بيسالوا اسئلة صعبه
رجاء ربط الاحزمة
والاستعداد

[عاشق الايمان]

باذن الله سؤالي مش صعب قووووي قد ما هو خاص بالنسبالك

مع مروري السريع في المنتدي وجدت في موضوع عبر عن احساسك بكلمه

فحضرتك عبرتي وقولتي مخنوقه قووووي ونفسيتك تعبانه فممكن نعرفايه السبب

وباذن الله عن طريق المنتدي واعضاءه ممكن ندخل البهجه والسرور علي حضرتك

والسؤال ده اختياري حاجه ترجع لحضرتك لو عايزه تردي عليه عاادي

لو مش عايزه عادي برده

وفقكي الله

[AlSam3r]

ليه بس الاسئلة دى يالا جاوبى وامرك لله

[l3lo3]

باذن الله سؤالي مش صعب قووووي قد ما هو خاص بالنسبالك

مع مروري السريع في المنتدي وجدت في موضوع عبر عن احساسك بكلمه

فحضرتك عبرتي وقولتي مخنوقه قووووي ونفسيتك تعبانه فممكن نعرفايه السبب

وباذن الله عن طريق المنتدي واعضاءه ممكن ندخل البهجه والسرور علي حضرتك

والسؤال ده اختياري حاجه ترجع لحضرتك لو عايزه تردي عليه عاادي

لو مش عايزه عادي برده

وفقكي الله


شكرا ليك يااستاذ فارس
ومعلش رديت عليك متأخر بس يعلم ربنا كنت مشغولة ازاى فى الشغل اليومين دول

وبالنسبة بقى لحالة الخنقة دى
فانا كنت مخنوقة عشان كنت مزعلة ناس منى
والناس دى غالية عندى اوىىىىىىىىىىىىى
فحسيت ان الدنيا اسودت فى وشى
وكمان نفسيتى تعبانة اليومين دول شوية
مش عارفة بس بتخنق كتير اوىىىىىىىىىىىى
وبخنق اللى حواليا
وربنا يفك كرب كل مسلم

وشكرا لسؤالك

[AlSam3r]

سمعنا ان حضرتك داخله اختبار
فى شركة الاتصالات
ايه اول حاجه هتعمليها لو حصلتى على الوظيفه باول مرتب

[l3lo3]

سمعنا ان حضرتك داخله اختبار

فى شركة الاتصالات
ايه اول حاجه هتعمليها لو حصلتى على الوظيفه باول مرتب


لا للاسف انا مش داخلة الاختبار ده ومكنتش اعرف ان فى تقديم اصلا
بس لو كنت اعرف كنت اكيد قدمت عشان انا بكالوريوس تجارة
يلا مفيش نصيب
بس عموما هجاوبك
لو انا كنت نجحت اول مرتب اجيب بيه ..........
والله مش عارفة عشان انا اصلا مرتبى دايما بصرفه فى كلام فاضى وعمرى ماعملت بيه حاجة تنفعنى

[AlSam3r]

لا للاسف انا مش داخلة الاختبار ده ومكنتش اعرف ان فى تقديم اصلا
بس لو كنت اعرف كنت اكيد قدمت عشان انا بكالوريوس تجارة
يلا مفيش نصيب
بس عموما هجاوبك
لو انا كنت نجحت اول مرتب اجيب بيه ..........
والله مش عارفة عشان انا اصلا مرتبى دايما بصرفه فى كلام فاضى وعمرى ماعملت بيه حاجة تنفعنى
عارفين انك مش داخله بس حاولنا نختبر قوة ملاحظتك
وياريت تدعى لاختنا اللى داخله

[l3lo3]

ربنا معاها يااااااااااااااااارب
كلنا اكيد هندعيلها
وشكرا لاختبارك لقوة الملاحظة
بس انا الحمد لله قوية الملاحظة

وشكرا ليك

[AlSam3r]

طب نرخم بقى
ايه رايك فى الرجل؟
استنى راحه فين
لو حبيتى حد وهو حاول يحسسك انه مش بيحبك
ممكن تعملى ايه؟
خلاص كفايه

[l3lo3]

لا سؤال سهل جدا
لو حبيت حد
وهو محبنيش
وانا مش عارفة اوصله احساسى او وصله احساسى بس هو محبنيش
طبعا هنسحب
عشان ده كده حب من طرف واحد
وهحاول انسى الموضوع ده خااااااااااااااالص



وبالنسبة لرأيى فى الراجل:

الراجل ده مخلوق طيب اوى
فعلا والله مهما كان صعب وشخصيته صعبه بس من السهل السيطرة عليه
ومن السهل امتصاص غضبه
ولو بنظرة بس مش اكتر من كده
فعلا هو النص الحلو للمرأة

بس فى بقى شخصيات معقدة وغريبة
اللى هى طبعا بتبقى ضد المرأة دايما
وكل سعادتها انها تضايقها وتنكد عليها وتسود عيشتها
بس من غيره مفيش وحدة تعرف تعيش

بس برضو من غيرنا مفيش راجل يعرف يعيش

[Princess tears]

اية يالؤلؤ هما برضة بيسالوكى اسئلة صعبة كدة
انا بقى هاسالك سؤال سهل جدا علشان تعرفى غلاوتك عندى
الكلام دة انتى لسة قايلاة

اما لو تقصد اى حد اتمنى اشوفه دلوقتى عموما
هو حد عارف نفسه
وهو عارف هو ايه عندى
وانى يوم مااشوفه يبقى احلى يوم فى حياتى

صح انا بقى عايزة اعرف هو مين؟
يالا جوبى زى الشاطرة

[l3lo3]

ياااااااااااااااااااااااه عالرخامة
تصدقى طلعتى ارخم منى
ايه الخنقة دى
الحد ده ياستى
حد مش حداية عموما
وهخليه فى يوم يسيبلك الرد بنفسه
ربنا يخليهولى ياااااااااااااااااااااااااااااااااارب

[Princess tears]

لالالالالالالالا انتى كدة بتهربى وبعدين مش انا قولت كلة سلف ودين

طيب قولية وهايبقى سر مش هاقول لحد بس قولية فى ودنى

وياترى هو من المنتدى ولا لاء ؟؟؟؟؟؟؟؟؟؟؟؟؟

وجاوبى بسرعة من غير تاخير

لانة لو كان من المنتدى ممكن اعرفة لواحدى

بس برضة لازم تقولى ليا

[l3lo3]

طيب ورينا شطارتك
هسيبك تعرفى بنفسك
تراهنى.؟
اللى تحبيه
بس اعرفيه
هستناكى

[Princess tears]

لا الراهن حرام
وانا بهزر معاكى مش اكتر

[l3lo3]

خلاص ياستى
وعموما احنا اصحاب
مش هننشر اسرارانا على الفضائيات كده
الكلام ده بينى وبينك
مش سر عليكى

[عاشق الايمان]

قوليلي يا لؤلؤي سؤال صغير قووووي بعيد عن الحزن ووجع الدماغ

مين العضو او العضوه الا انتي دايما تحبي تشوفيه مواضيعه

وايه افضل الاقسام الا انتي بتدخلي عليهاا كتير

[Princess tears]

رجعت ليكى تانى يالؤلؤ بس زعلانة منك
ها قولتى لصحبتك مبروك ولا لسة
المهم اسال سؤالى
انتى فين مش ظاهرة انهاردة؟
عمرك ضيعتى فرصة عمرك من ايدكى؟ ولو عملتى كدة هاتحسى باية

[l3lo3]

قوليلي يا لؤلؤي سؤال صغير قووووي بعيد عن الحزن ووجع الدماغ

مين العضو او العضوه الا انتي دايما تحبي تشوفيه مواضيعه

وايه افضل الاقسام الا انتي بتدخلي عليهاا كتير




بصراحة اكتر من عضو ومش هقدر اقول عشان مزعلش حد منى
وافضل الاقسام المنتديات العامة كلها بصراحة حلوة والمنتدى الاسلامى طبعا

[l3lo3]

رجعت ليكى تانى يالؤلؤ بس زعلانة منك
ها قولتى لصحبتك مبروك ولا لسة
المهم اسال سؤالى
انتى فين مش ظاهرة انهاردة؟
عمرك ضيعتى فرصة عمرك من ايدكى؟ ولو عملتى كدة هاتحسى باية


انا عارلفة انى فعلا مقصرة معاها
بس فعلا كنت مشغولة جداااااااااااااااااااا

بس هوريها بكرة ان شاء الله
اصل بعيد عنك هنام عشان المدرسة
مانا ست المدرسة بقى ولازم انام
وهخلى ليلة العيال سودة بكره
عشان منمتش حلو

والفرصة ياستى انى مذاكرتش فى الثانوية العامة اوى وفرقت معايا كلية الهندسة اللى كنتىهموت عليها على واحد فى المية وده بسبب اهمالى وعدم مذاكرتى وبعدها فعلا حسيت بالغباء
بس الحمد لله على كل شئ والخيرة فيما اختاره الله

بس فى فرص لو ضاعت منى مش عارفة هعمل ايه
بس مش هحب حياتى ومش هيبقى ليها لازمة لو ضاعت منى

[عاشق الايمان]

دا احنا فتحناها حوارات ونسينا بقي الاسئله

طيب خودي السؤال ده بس خلي بالك يجي في الجمجمه ابقي وطي شويه وترجعي تقوليلي انتي السبب انا ناصحتك اهوووووو

السؤال هو : ليه اغلبيه ردودك بتتميز بالغموض مع ان فيها شئ من الصراحه انما غموضهاا دايما بيقضي علي مفهومهااا او صراحتهااا

[AlSam3r]

انا برضه بوجه نفس سؤال فارس يا لؤلؤ؟

[l3lo3]

غموض ليه بس
حددو حاجة معينة مثلا او رد كنت غامضة فيه
عشان انا شايفة انى عادية

[عاشق الايمان]

دايما الكلام بيطلع من الانسان عاادي مش حاسس بيه

انما الغريب الشعور الا بيحسه الانسان الا بيشوف الكلمات الا خارجه منك

وسؤالي كان علي اساس هذا المبدااا

[l3lo3]

انا فاهماك يااستاذ محمد
بس حددلى برضو حاجة معينة فى كلامى
وانا هرد عليك
وشكرا للمتابعة

[AlSam3r]

بس انا ليه سؤال
حضرتك دخلتى موضوعى
الى من هزت عرش قلبى
ممكن نعرف مين اللى دعيتى ربنا يجمعك بيه
قصدى
قلتى ربنا يجمعنى باللى بحبه

[l3lo3]

ربنا يجمعنى بواحد بحبه جدااااااااااااااااااااااااااااااااااا
ومش بيدخل المنتدى هنا
واكيد اسمه مش يهم عشان محدش يعرفه اصلا
ياريته كان بيدخل المنتدى
كنت شاورت عليه وقلت هو ده حبيبى
اللى افتخر بيه فى كل مكان
ونفسى العالم كله يعرف انى بحبه اوىىىىىىىىىىىىىىىى

[Princess tears]

ماشى يالؤلؤ
المهم
ممكن اعرف بتغيبى عننا لية؟

[l3lo3]

بعيد عنك الشغل بقى رخم اوى
وكان فى شوية اوراق لازم يخلصوا الاسبوع ده
والحمد لله خلصتهم
محتاجة بس انااااااااااااااااام
بقالى كام يوم تقريبا مش بنام بتاع ساعتين فى اليوم
وان شاء الله هرجع زى الاول واكتر

وشكرا ليكى يا قمر

[زهرة البنفسج]

[size=5]اولا-ممكن تسمحيلي اني اقولك يا لولو.......... اناجديده في المنتدي مش جديده قوي بس كنت بدخل باسم تاني.... انا معجبه جدا بكلامك الجميل وصراحتك في الكلام ورأيك عن الرجال بجد انتي كلامك صحيح ويشدلمتابعته[/انا هتابع موضوعاتك في المنتدي علشان انا معجبه بكلامك جدآآآآآآآآ.وربنا مايحرمك من اللي نفسك تشوفيهsize].................................................. .................................................. ..........برجاء تقبلي مروري......توقيع زهرة البنفسج

[l3lo3]

ربنا يخليكى
ده كتير اوى يازهرة
وعلى فكرة اسمك جميل اوى ويدعو للتفاؤل
ويارب اكون عند حسن ظنك
وان شاء الله هنكون اصحاب واخوات
وهنعرف بعض اكتر