ماهو معنى الحب؟ارجو الافادة

[Princess tears]

العالم كلة بيتكلم عن الحب

بس اية هو معنى الحب ؟؟؟؟؟

مش اى حب الحب الحقيقى

الحب الى خارج من القلب علشان يوصل للقب

الحب الى بيوصل لدرجة العشق

حب الروح وعشقها بعيدا عن عشق الجسد الفانى

الحب الى بيفضل عايش فى القلب حتى بعد الفراق

الحب الى يخليك حاسس انك عايش فى عالم ملوش مثيل

اية هو معناة وياترى موجود فى الزمن دة ولا لاء؟؟

ولا احنا اتحكم علينا نعيش فى

زمن معدوم بلا حب

زمن الخيانة والغدر

زمن الياس من الحياة


ياريت تدخلوا تقولا ارائكم عايزة اعرف معنى الحب اية


وارائكم تهمنى جدا جدا

[محمد عاشور]

أعدك بموضوع كامل عن الحب و أنواعه
ولكن أنا مش هتكلم عن أنواع الحب
هتكلم عن علاقة الحب بين الرجل و المرأة
قال تعالى
َمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجاً لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ [الروم : 21]
والمودة هى أولى درجات الحب
والرحمة هى أعلى درجات الحب
والواو فى الآية هى واو التعاقب
وجعل بينكم مودة ورحمة
والتعاقب يأتى بعد السكن
ومن ذلك فإن الحب الحقيقى بين الرجل و المرأة لا ينشأ إلا بعد السكن
لذلك معظم من تزوجوا دون حب قد أحبوا بعضهم حبا قد يصل بهم وقد لا يصل إلى أعلى درجات الحب ( الرحمة )
وأعد بوضع موضوع عن الحب
وأنواعه
وكيف ينشأ
وسأحكى قصة حرمان
حدثت مع شخص عزيز جدا علىّ

[سرسور]

أنا دلوقتى بس اتأكدت ان حبى
كان من طرف واحد وهو أنا
شكرا على موضوعك الرائع
ولكن أريد أن أعرف ما السكن ؟

[انين الصمت]

الحب هو احساس لا يمكن وصفه لا يشعر بلوعته الا من ارتوى به
الحب اختى العزيزة موجود و لكن فى هذا الزمان قل تواجده .. و أخاف ان اقول انه على وشك الانقراض
فعلينا ان نحافظ على ما بقى منه
شكرا على موضوعك الرائع

[Princess tears]

انا مع حضرتك فى رايك ياستاذ محمد المفروض الحب بعد الجواز للانسان الى هارتبط بية طول حياتى وشكرا على مرورك وردك ومنتظرة الموضوع
الحب الى بيكون من طرف واحد سهل انة يموت يا سرسور وشكرا على مرورك بس برضة ماعرفتش منك معنى الحب اية

[Princess tears]

فعلا يانين الصمت الحب بقى عملة نادرة جدا الزمن دة
وشكرا على مرورك

[AlSam3r]

الحـــــــــب

هو عنوان الحياة, وهو أسمى ما في الوجود, فيه نحيا ونعيش

فيه الرغبة الصادقة في أمتلاك السعادة

هو سلامة النفس في أعماق الأبدية هو العلم الوحيد الذي كلما أبحرت فيه أزددت جهلا
ومن يقول انه لم يعد قادرا على مواجهة
مشاكله


فأنا اقول له انك لو احببت حبا حقيقيا لن
تقول ذلك
فالحب دائما وابدا ينتصر
واعلم واعلمى !!!


حينما تواجهكما الحياه وتقسو فى بعض


الاحيان على قلوبكم وحياتكم


فان الحب قادر على ان يواجه قسوتها


وان فقد احدكما هذه القوه فمعناه ان الحب قد مات


وانتحر!!! داخل قلوبكم


ولم يكن ابدا حبا حقيقيا


فالحب الحقيقى لايهزم ابدا


وذلك بالتمسك بمبادئنا وحب الله قبل اى شىء

ففى النهايه نبدأ كل شىء بحب الله


وسننتهى بحبه


وحب الناس فى ظل حبه

[Princess tears]

شكرا جدا على مرورك انت كدة قولت معنى الحب من وجهه نظرك

بس لية ماقولتش هو الحب موجود فى الزمن دة ولالاء؟

ولية اصبح كالعملة النادرة؟

[AlSam3r]

مين اللى قال انه عملة نادرة الحب موجود بكل زمان بس فيه ناس واخده فكر غلط وحطه نفسها فى قفص لانها ضعيفه
متقدرش تواجه الحب
بتخاف يكون كذبه
وده راجع لقلة خبرتها فى معرفة مدى صدق اللى ادامها
اكيد الحب قوة

[سرسور]

الحب :
هو أن تعشق انسان لدرجة الجنون
تحب أن تراه دائما ***صورته محفورة بقلبك
تفكر فيه فى كل وقت ... هل هو فرح أم حزين ؟؟
وهكذا تتكرر الأسئلة فى ذهن من يحب حتى يكاد يجن........
هو أن تتمنى أن تعيش مع من تحب لاخر يوم فى حياتك
وألا تفارقه أبدا......فما بالك ان فارقكى هو دون حتى كلمة وداع واحدة..!!!

[عليااااااا]

الحب
الحب....أرأيت..تضيع منا الكلمات
وتهرب الحروف ...عندما نأتى لوصفه

تخاف من الوقوع فيه ...كفراشات
تخاف إن اقتربت....تحترق بنيران ضوءه

قاتل بلا عقاب..رام بلا سهام
هو يا سيدى صمت الكلام البليغ وسحره

طاغية لا يرحم من يستعطفه
ومن يبتعد عنه ويرميه يلاحقه كظله

نخافه....ونذوب عشقا به
نكرهه.لكن تنطلق ألسنتنا عندما يأتى اسمه

هو جرحنا النازف بلا انقطاع
وهو وحده داء الجرح النازف وطبه

سقطت على أبوابه الآلاف صرعى
من عاشقين ومن أقلام حاولت ذكره

يلقى به الله فى قلوب العباد
فيحيى القلب ويكون السبب فى قتله

بدونه الموت....وفى البعد عنه الحياة
أجارنا الله من حياته ومن موته

[عليااااااا]

ده حب الناس لبعضهم
ده الحب اللى مليان شوائب ومغالطات وأخطاء
لكن فى نوع تانى نوع أنقى
وطبعا كلنا عارفينه
حب المولى عز وجل وحب رسوله صلى الله عليه وسلم
وانطلاقا من قاعدة ان حبيب حبيبى.....حبيبى
يبقى كل شئ خلقه حبيبى انا هاحبه الناس والحيوان والشجر والجماد وكل شئ
حب نسهرله ونشكيله ونحنله لكن عمرنا ما نشتكى منه لانه عمره ما يهجر الهجر بيجى مننا احنا ونرجع بعد الهجر بلهفة المحبين خايفين انه بسبب هجرنا يرفضنا لكن حاشاه سبحانه وتعالى

أنت مع من أحببت

[Princess tears]

مشكورة عليا على مرورك وكلامك الجميل
بس مقولتيش الحب موجود فى الزمن دة ولا لاء
وردك جميل جدا وطبعا مفيش اجمل من الحب فى اللة

[Princess tears]

شكرا سرسور على الرد وقلبى معاكى
الفراق اصعب شىء فى الدنيا

[Princess tears]

شكرا على مرورك يالسامر وكلامك جميل بس للاسف دة مجرد كلام
لان الحب بيضعف مش بيقوى

[AlSam3r]

الحب عمره ابدا ما كان ضعف الحب قوة الى الابد

[Princess tears]

فى اللحظة دى اقدر اقول ليكم انا معنى الحب اية من وجهة نظرى
الحب كلمة بالف معنى و معنى
الحب احساس جميل طاهر اجمل احساس ممكن تعيشة فى الدنيا الدنيا من غيرة مايكونشى ليها معنى
مش شرط يكون حب الشاب والفتاة ولكن حب الاهل وحب الناس وانا تحبهم فى الله
لو حبيت هاتحس انك عايش فى دنيا تانية هايعلمك ازاى تسامح ازاى تتعامل مع كل الناس
بالحب هاتقدر تشوف الدنيا جميلة
الحب اجمل كلمة واعظم كلمة لو اتحققت هانعيش فى عالم جميل هادىء

اما الحب فى الزمن دة فالحب الحب موجود فى كل زمن بس للاسف احنا الى مش قادرين نعبر عنة
لو بتحب واحد بيكون عندك كبرياء انك تقول لية انك بتحبة
مع انها كلمة بسيطة لو بينك وبين اى حد اى مشكلة قولة بحبك وشوف تاثير الكلمة دى هايكون اية
هايكون ليها تاثير اكبر من تاثير السحر
ياريت كل الناس تحب بعضها ونطهر قلوبنا من الحقد والكراهية هانحس بطعم الدنيا وهانكون احسن باذن اللة

[AlSam3r]

احساس جميل بس الناس قلوبها ماتت معدوش عايزين يحبوا بعض

[عليااااااا]

فى اللحظة دى اقدر اقول ليكم انا معنى الحب اية من وجهة نظرى
الحب كلمة بالف معنى و معنى
الحب احساس جميل طاهر اجمل احساس ممكن تعيشة فى الدنيا الدنيا من غيرة مايكونشى ليها معنى
مش شرط يكون حب الشاب والفتاة ولكن حب الاهل وحب الناس وانا تحبهم فى الله
لو حبيت هاتحس انك عايش فى دنيا تانية هايعلمك ازاى تسامح ازاى تتعامل مع كل الناس
بالحب هاتقدر تشوف الدنيا جميلة
الحب اجمل كلمة واعظم كلمة لو اتحققت هانعيش فى عالم جميل هادىء

اما الحب فى الزمن دة فالحب الحب موجود فى كل زمن بس للاسف احنا الى مش قادرين نعبر عنة
لو بتحب واحد بيكون عندك كبرياء انك تقول لية انك بتحبة
مع انها كلمة بسيطة لو بينك وبين اى حد اى مشكلة قولة بحبك وشوف تاثير الكلمة دى هايكون اية
هايكون ليها تاثير اكبر من تاثير السحر
ياريت كل الناس تحب بعضها ونطهر قلوبنا من الحقد والكراهية هانحس بطعم الدنيا وهانكون احسن باذن اللة

كلامك جميل أوى وإحساسك أجمل
بس أحيانا الكلمة مش بتشيل المعنى فبنخاف نقولها
نخاف ما تخرجش زى ما احنا عايزين
ما تستحملش اللى جوانا
وأحيانا الصمت فى الحب بيكون أبلغ
انا عن نفسى بحاول أطبق الموضوع ده بعمل يعنى مش باقول الكلمة كتير بس بحاول احسسهالهم واخليهم يعيشوها طبعا ده بيزعل ناس كتير منى بس انا بحس ان الكلمة مش هتكفى اللى جوايا

[Princess tears]

ميرسى على ردك ياعليا وعلى كلامك الجميل بس الكلمة دى اجمل كلمة
وصدقينى اما تقوليها بتكون اجمل
وشكرا على مرورك

[سمو الأحساس]

عندك حق يا سمير الحب عمرو ما يضعف