سيارة صديقة للبيئة تعمل بالخضار والشوكولا

[سجدة قلب]

الرابط لايظهر فى الأرشيف
اخباركم يا شباب .. الموضوع دا كنت بقرأ الأخبار وشوفته وقلت نجيبه ونشوف مع بعض آخر التكنولوجيا.



الرابط لايظهر فى الأرشيف

من المتوقّع أن تصل سرعة السيارة إلى 217 كيلومتراً في الساعة








سيارة صديقة للبيئة تعمل بالخضار والشوكولا


لندن: ابتكر باحثون بريطانيون سيارة تصل سرعتها إلى 217 كيلومتراً في الساعة مصنوعة من مواد أعيد تدويرها وتعمل على الخضار والكاكاو.


وأعلنت صحيفة "دايلي مايل" البريطانية أن هذه السيارة ستنطلق في تجربة أدائها الأولى على حلبة سباقات "براندز هاتش"، ومن المتوقع أن تصل سرعتها إلى 217 كيلومتراً في الساعة.


وقد صنعت هذه السيارة من بقايا سيارات أخرى أعيد تدويرها، وزجاجات بلاستيكية، وقد صنعت عجلة القيادة فيها من ألياف الجزر وتعمل على الوقود الحيوي المصنوع من الشوكولا والنبيذ الفاسد.


وستشارك هذه السيارة الصديقة للبيئة التي ابتكرها فريق من المصممين في جامعة وورويك في سباقات الفورميلا 3 إلى جانب سيارات أخرى عادية.


ونقلت الصحيفة ان الشوكولا غني بالدهون ويمكنه أن يشغل محرك السيارة الذي تبلغ قوته 230 حصان والذي أخذ من سيارة "بي ام دبليو"، وبما أن هذه السيارة تعمل على 100% من الوقود الحيوي، فهي محايدة للكربون.


آخر اخبار التكنولوجيا !!



الرابط لايظهر فى الأرشيف

[Sir.7amato]

برجاء التنسيق ،،

أشكرك ،

[فجر الاسلام]

سيارة صديقة للبيئة تعمل بالخضار والشوكولا

واحنا هنا الناس بتقطع بعضها عشان رغيف العيش

ولا الدول الافريقية التانية المجاعات والفقر

[عاشق الايمان]

يا جماعه احنا نتفرج وبس ونقول بسم الله ما شاء الله ايه الناس دي

وايه الدماغ العبقريه دي

غير كده منندبش في حظنا

[عبدالرحمن م]

هههههههه حلوه الفكرة

ناقص ايه تانى

[فجر الاسلام]

يا جماعه احنا نتفرج وبس ونقول بسم الله ما شاء الله ايه الناس دي

وايه الدماغ العبقريه دي

غير كده منندبش في حظنا


لا الموضوع مش موضوع نندب حظنا
الموضوع انك تقارن هما بقوا فين واحنا فين

يعنى تصور لما هم وصولا يعملوا عربية بالخضار فى حين ان دول تانية مش لاقية تاكل

فى حين ان بعض الدول اللى وصلت بمستوى عالى من التقدم من مصلحتها اللى احنا نفضل متخلفين

يلا الحمد لله على كل حاجة

[MafiawwY]

دي اكيد لما تعطل نجبلها باكو بسكويت

[عاشق الايمان]

فعلا بسم الله ما شاء الله اختراع في منتهي الروعه

علي الاقل من الطبيعه بجد عقليه رائعه

وبلاش يا ريت نحسر انفسناا بنجاح غيرنااا

شكرا علي طرح الموضوع يا ريموف

[محمد عاشور]

العملية سهلة جدا
وكل مرة بنسمع حاجات من دى
قرأت قبل كده
إن السيارة هتمشى بعصير القصب
وبروث البهائم بعد إعادة تصنيعه
وطبعا الكلام ده من زمان وشفنا الكلام ده
دا أنا بنفسى - شفت العربية وهى واقفة بتمون من جاموسة جارنا -
كفاية لعب فى دماغنا بقى
لما تبقى واقع نتكلم
وبعدين دى تبقى رحمة والله لو حصل
على الأقل تمشى بالخضار المسرطن ووجع الدماغ
ونشرب إحنا البنزين
وكل سنة وإنتم طيبين

[عاشق الايمان]

لا الموضوع مش موضوع نندب حظنا
الموضوع انك تقارن هما بقوا فين واحنا فين

يعنى تصور لما هم وصولا يعملوا عربية بالخضار فى حين ان دول تانية مش لاقية تاكل

فى حين ان بعض الدول اللى وصلت بمستوى عالى من التقدم من مصلحتها اللى احنا نفضل متخلفين

يلا الحمد لله على كل حاجة


طيب مش توضحي يا فجر الكلام ده انا فهمت غلط واي حد هيدخل هيفهمه زي ما انا فهمته برده

[lewo nardo rewo]

عشنا و شفنا

شكرا على الموضوع

[ابن مصر]

افرضوا الخضار كان ناقص ملح

السيارة تقطع ؟؟

هههههههههههههه

الغرب بيشتغلونا واحنا معاهم مصدقين

[Lost Angel]

علم + أخلاق + عمل = نهضة

لما كل دول يكتملوا عندنا ويكملوا بعض هنبقي أحسن منهم إن شاء الله

[سجدة قلب]

الله ينور يا شباب...
أشكرك يا حماتو ع التنبيهة وآسفة والله ...وشكرا ع التنسيق يا فجر ..معلشي تعبناكي معانا.
،،،،،
واحنا هنا الناس بتقطع بعضها عشان رغيف العيش

ولا الدول الافريقية التانية المجاعات والفقر
والله صح ... بس الظروف اللي حكمانا ... هما عندهم الحرية و الإبداع ة واتاحة الفرصة للطفل قبل الشاب للمشاركة الإبداعية ... لو عندنا الفرص دي كنا عملنا افضل والدليل "لسة قراءة قبل شوية
مصري يفتتح مصنع جديد في الصين. وبتفق معاكي هما فين واحنا فين برده.
الحمد لله على كل حال..
،،،،،
<<:,فارس بلا جواد :,<<
جزاك الله كل خير على مرورك .. تشرفت به .. ومتيألي فجر وضحت ومش هنكر زيك برده فهمت غلط في الأول ..شكرا لك.
،،،،،،

لما تبقى واقع نتكلم

وبعدين دى تبقى رحمة والله لو حصل
على الأقل تمشى بالخضار المسرطن ووجع الدماغ
ونشرب إحنا البنزين
وكل سنة وإنتم طيبين
رأيك يهمنا برده ... بس متكترش في البنزين .. :))
بس ايه النور دا ..

lewo nardo rewo
شكرا لمرورك الكريم وبارك الله فيك.
ولسه هنشوف أحسن واحسن إن شاء الله :))



افرضوا الخضار كان ناقص ملح

السيارة تقطع ؟؟
لالالا .... مش واخد بالك بس انه هيكون عادب ..مش هتقطع ولا حاجة ..ههههه
وليه بتسميها اشتغالات ... ليه منسميهاش ولو كانت غريبة بداية استغلال الطبيعة
وفكر جديد من نوعة.
بس الله أعلم استخدام الخضار بالشكل دا إسراف مثلا او ايه؟؟؟!!


علم + أخلاق + عمل = نهضة

لما كل دول يكتملوا عندنا ويكملوا بعض هنبقي أحسن منهم إن شاء الله

تتجمع الكلمات على أنــــــــــــاملي لأشاركك التفاؤل.

’’ شكــــــــــــــــــــــــــــــــــــــــرا لـــ م ــــروركم حـــ م ــيعا ’’

[ابن مصر]

لالالا .... مش واخد بالك بس انه هيكون عادب ..مش هتقطع ولا حاجة ..ههههه
وليه بتسميها اشتغالات ... ليه منسميهاش ولو كانت غريبة بداية استغلال الطبيعة
وفكر جديد من نوعة.
بس الله أعلم استخدام الخضار بالشكل دا إسراف مثلا او ايه؟؟؟!!

الناس لاقيه تاكل الخضار عشان تحطه كبنزين

حدث العاقل بما لا يعقل فان عقله فلا عقل له :)

[سجدة قلب]

لناس لاقيه تاكل الخضار عشان تحطه كبنزين انت حضرتك الوقتي رديت على أساس اللي بلدنا وان دا اصلا مش من عادات العرب انهم يستخدموا الخضار او اي طعام ع العموم في ابتكار سيارة ..لكن بالنسبة لهم دا شئ عظيم
لو جينا نبص الفقر عندهم مش بنفس الدرجة اللي عندنا ... لو واحد ع الأقل عاطل بياخد مرتب لو كان واخد الإقامة عندهم بعكس اللي عندنا ... يعني امكانيتهم مسعداهم ونا معاك في الرأي بتاعك بس لو كان الكلام دا في بلدنا او في اي دولة عربية لكن الموضع يخصهم هما الواجب علينا نشوف ونتحرك مش يعني لو سمحت نمصمص الشفاه ونستهزء.بعد إذن حضرتك يعني.



حدث العاقل بما لا يعقل فان عقله فلا عقل لهقصدك يعني ... ماشي :))))))))))))))
أنا قلبي كبير
وعادي لأنك فهمتنا غلط
الأمر واضح للدول المتقدمة.. وبدون استهزاء.
شكرا لمرورك

هههههههه حلوه الفكرة

ناقص ايه تانى

شكرا لمرورك يا عبد الرحمن
ناوي تجربها.؟؟:)
آسفة نسيتك في وسط الزحمة اللي فوق.
شكرا لكــ

[حور الدنيا]

طرح مميز من نوعه

شكرا

[سجدة قلب]

طرح مميز من نوعه


شكرا
اشكركِ لمروركِ ...
أنرتي،،



دي اكيد لما تعطل نجبلها باكو بسكويت
ههههههه
أكيد تقصد بورو بالحليب اللي بتعمله ( هات الكاكاو أحلى )
ههههههه


حور الدنيا / مفياوي
حيــــــــــــــــــــــاكم الله لمروركم

[ابن مصر]

قصدك يعني ... ماشي :))))))))))))))
أنا قلبي كبير
وعادي لأنك فهمتنا غلط
الأمر واضح للدول المتقدمة.. وبدون استهزاء


مش بتكلم عليكي لا تفهمي غلط

أنا بتكلم على الغرب اللي بيستخفوا بعقولنا

وبقول لهم حدث العاقل بما لا يعقل فان عقله أي نحن جميعا فلا عقل لنا

[سجدة قلب]

مش بتكلم عليكي لا تفهمي غلط

أنا بتكلم على الغرب اللي بيستخفوا بعقولنا

وبقول لهم حدث العاقل بما لا يعقل فان عقله أي نحن جميعا فلا عقل لنا
لاحول ولا قوة إلا بالله
اوك .. خلاص ..ماشي!!
شكرا لحسن المتابعة والمرور الكريم
بس على فكرة الإستخفاف اللي بتتكلم عليه دا
هيودينا لورا إن شاء الله
؟
!

دمتم جميعا بكل خير

[سجدة قلب]

مش بتكلم عليكي لا تفهمي غلط

أنا بتكلم على الغرب اللي بيستخفوا بعقولنا

وبقول لهم حدث العاقل بما لا يعقل فان عقله أي نحن جميعا فلا عقل لنا
لاحول ولا قوة إلا بالله
اوك .. خلاص ..ماشي!!
شكرا لحسن المتابعة والمرور الكريم
بس على فكرة الإستخفاف اللي بتتكلم عليه دا
هيودينا لورا إن شاء الله
؟
!

دمتم جميعا بكل خير

[محمد الجزار]

مشكور
بس أحنا هناكل ولا نأكل العربية
وبعدين الكيلو البطاطس أغلي من لتر البنزين 4 مرات