هل يحق للأهل تفتيش موبايلات أبنائهم؟!..

[ملكة الرحمه]

هل يحق للأهل تفتيش موبايلات أبنائهم؟!..

بعد أن أصبح الموبايل شي مهم وكل صغير وكبير يستخدمه وأصبح ذات أهميه كبيره
وله كثير من التصرفات السليمة والغير سلميه


والسؤال هو:-

هل يحق للأهل التفتيش بموبايلات أبنائهم؟!
أم أن الحرية قفص مقدس لا يمكن دخول الغير له..!


أتمنى أن أرى أرائكم

[الموج الهادئ]

طبعا لازم الاهل يفتشوا موبايلات ابنائهم

[AlSam3r]

الكلام ده لو كانوا فى سنك يا ملكة الرحمه

[الموج الهادئ]

يعنى يا اسمر مينفش ان حد يفتش موبايلك عشان انت كبرت ولا عشان انت راجل

[me to u]

لا لا مفيش حد يلمس موبايل
وكمان مينفعش لأنك بقيت راجل كبير أزاى

ميرسى على الموضوع الرائع ده

[عاشق الايمان]

هههههههههههههههههههه

لا لا لا في الزمن الا احنا فيه ده الابناء هما الا بيفتشوا موبيلات اهلهم

[zozza]

الولد دايما الموضوع ده بيستفزه قووووووووووووووووى
وكمان البنت
بس لو فى ثقه بين الاهل والابناء مش هيحتاجوا انهم يفتشوا الموبيلات
تقبلو مرورى

[سرسور]

لا يوجد مانع من رؤيته بين الحين والآخر
من سبيل الطمأنينة على أبنائهم
فمن منا لا يقع فى الخطأ .......لسنا ملائكة لا نخطئ
لا يطلق عليه أبدا كلمة تفتيش
وانما يكون من باب الحوار بين الأم وابنتها أوابنها
موضوعك رائع .........شكرا لك

[فجر الاسلام]

بس لو فى ثقه بين الاهل والابناء مش هيحتاجوا انهم يفتشوا الموبيلات

الثقة دى مش هتيجى من فراغ
الثقة دى هتيجى بعد لما يراقبوا من غير ميحس ويتاكدوا سواء ولد او بنت انه ماشى على الصراط المستقيم


لا يوجد مانع من رؤيته بين الحين والآخر
من سبيل الطمأنينة على أبنائهم
فمن منا لا يقع فى الخطأ .......لسنا ملائكة لا نخطئ

صح كلامك
بس عارفه التفتيش ميكونش ادامك يكون من وراكى
يعنى انا مثلا عارفه ان اكيد موبايلى اتفتش من ورايا مدام هو من ورايا مش زعلانة
بس لو كان اتفتش ادامى كنت هزعل وهضايق وهحس بقلة الثقة والمهانة

وقياسا على كده كل حاجة
لازم الاب والام يراقبوا عيالهم من غير ميحسوا
اولا عشان ده ميجرحش العيال ويحسسهم بقلة الثقة
ثانيا عشان العيال لو حاسوا انهم متراقبين ممكن يخدعوا ويكذبوا يمثلوا انهم عيال طيبين وهم اصلا عيال عايزين الضرب

[zozza]

انا بنت ومعايا موبايل انا لما بشوف ثقه اهلى دى انا بحترم نفسى قووووووووووى
ومبعملش حاجه غلط عشان اقدر احافظ على الثقه دى
بس انا مع رايك يا فجر انتى وسرسور عشان اكيد مش كل البنات زى
فى كده وفى كده

[محمد عاشور]

التفتيش لازم يكون قدامهم ومن وراهم
بل ضرورة ملحة وواجب دينى على الأب أو الأم
لأن النبى عليه الصلاة والسلام قال :
كلكم راع وكلكم مسئول عن رعيته
صدق المصطفى رسول الله
وأظن من تمام المسئولية المتابعة
فدا ممكن تصل لدرجة الفرضية
ونهاية القول
الأب والأم اللى مبيدوروش وراء أبنائهم خاصة فى سن المراهقة وفيما أقل
مسئولون أمام الله

[ملكة الرحمه]

انا عن نفسى موبايلى مفهوش حاجه
والكل بيمسكه من الكبير للصغير وكل خمس دقايق بيتفتش
مشكورين ياجماعه على رايكم الذى امتعنى

[عليااااااا]

انا أييد إن الأهل يفتشوا موبايلات ولادهم
بس مش بطريقة مباشرة يعنى بأسلوب كويس ما يكونش فيه اتهام او تهديد
لأنه لو الولد أو البنت خاصة لو مراهق حس فى صوتك او نظرتك نبرة اتهام هيفقد الثقة فيك اولا وفى نفسه ثانيا وبالتالى هتخلق عنده عقدة
فممكن الاب أو الام يشوف الموبايل من غير ما يعرفه أو يتبادلوا الموبايلات ليوم مثلا بس لو عوده على الموضوع ده الابن او البنت حتى لو فى حاجة مش كويسة على الموبايل هيشيلها لانه ما يعرفش فى اى يوم والده او والدته هيبدل الموبايل معاه
الطريقة دى والدى عملها معانا كلنا وما كانش فيها احراج لينا او حاجة
بس بالتأكيد أنا مع الرأى ده

جزاكى الله خيرا ملكة
موضوع رائع
تقبلى مرورى

[ملكة الرحمه]

رأيك جميل ومفيد علياء
مشكوره