الملل فى الحياة وان مفيش حاجه اسمها حب

[MonaliZza]

اولا احب اقول حاجه قبل مااطرح موضوعى باعتبارى عضو جديد فى المنتدى انا سعيدة جدا لاشتراكى فى المنتدى دة وبقول لكل الموجودين كل سنه وانتم طيبين ورمضان كريم علينا وعليكم
الموضوع اللى عاوزة اتناقش فيه بخصوص الملل وان مفيش جديد فى الحياة كله شبه بعضه لدرجه ان الواحد كرة نفسه وكرة حياته خالص وان للاسف اللى سائد فى مجتمعنا دة المصلحه بقت كل حاجه معتش حب ولا ان حد يخاف عليكى بهدف الحب للاسف معتش كدة خالص انا طبعا عارفه ان فى ناس هتستغرب من كلامى بس للاسف هو دا الواقع ونفسى بجد الاقى حل للملل دة انا زهقت ياريت اللى عندة حل يقولى بليز ياجماعه انا مش عاوزة اطول عليكم فى الكلام كفايه كده بس ياريت حد يرد عليا

[ملكة الرحمه]

أولا اهلا وسهلا بيكى فى بيتك
ثانيا ليه الاكتئاب دا حاولى تنظرى للدنيا من نظره تانيه
وتغيرى من نفسك وتشوفى لك هوايات وتنميها
وحاولى تحبى كل الى حواليكى وتتعايشى معاهم
وثقى فى قدراتك
ولكى كل الشكر والاحترام

[alsam3r star]

اهلا وسهلا بيكى فى المنتدى ويارب يعجبك ادخلى المنتدى كل يوم ومش هاتحسى بالملل خالص

[عاشق الايمان]

كلامك مش غريب خاااالص لان دي فعلا الحياه بعد الدراسه وبالنسبه للبنت كمان بتعيش في حاله من الاكتئاب والملل لان تقريبا ايامها واحدها وحياتها واحده.
حاولي تلغي فكره الملل دي من جواكي حاولي انتي الا تغيري من نفسك اقفلي كشول الماضي
وافتحي كشكول جديد تبدئ فيه حياه جديده .
الحياه حلوه مش وحش بس نستغلها صح

[عبدالرحمن م]

طيب جربى تغيرى طريقة عمل الحاجات اللى بتعمليها كل يوم

يعنى اسلكى طريقة مختلفة عشان توصلى لغايتك

حتى فى أصغر الحاجات

يعنى مثلاً وانت رايحة الشغل جربى تمشى من طريق مختلف وتشوفى شوارع جديدة

غيرى مواعيد عملك للأشياء اللى بتعمليها كل يوم

يعنى مثلاً خلى الحاجة اللى بتعمليها بالنهار تعمليها بالليل (( بس طبعاً للحاجات اللى ممكن تتأجل بس )) والعكس

الهوايات زى ما ملكة الرحمة قالت وكنصيحة ممكن تقضى بعض الوقت يومياً فى المنتدى هنا

يعنى لأن كل يوم فيه جديد

فيه نقاشات فى أمور كتيرة من الحياة

فيه أقسام تسلية

وهيكون ليكى إخوة وأخوات جدد

وأخيراً

أهلاً بيكى

[AlSam3r]

اهلا وسهلا بيكى فى منتداكى المتواضع باهله وزائريه
الملل اكيد بيقتل كل الناس بس المفروض الانسان ميستسلمش ليه
المفروض الانسان يغير من نفسه
انا شخصيا باييد عبد الرحمن رغم انى مش عارف هوه ليه متهور
الا انه قالك خلاصة الموضوع بكلامه ونصايحع
اقولك
اخنا عازمينك طول رمضان ع المنتدى وهتحسى بفرق كبير بعد المده دى هتحسى ان حياتك اتغيرت
نورررررررررررررررررررررررتى شبكة تيفا

[MonaliZza]

شكرا على اهتمامكم وردكم وانا مبسوطه انى اشتركت فى المنتدى دة عشان نتناقش فى اى موضوع وانا بشكر صاحب الفكرة دى وبشكر كل من اهتم ورد على موضوعى