عجبى عليكو يا مسلمين

[محمد عاشور]

عجبى عليكو يا مسلمين
يا مؤمنين يا موحدين
تستقبلوا شهر الصيام
و كأنه لعب صغيرين
*****
عجبى على ساعة الفطار
لحمة وفراخ غير الخضار
ولا حد يبعت يوم لجار
لقمة لعياله المحرومين
****
الجوز مع اللوز والزبيب
شارينه بالسعر الرهيب
وبستدين علشان نجيب
جوز هند على فزدق وتين
****
أما الكنافة والخشاف
بيقولوا بيقووا الضعاف
ومن النهاردة تشوف أصناف
ولا حد داقها من سنين
****
وياريت على الأكل الكتير
وضياع وحرمان الفقير
لكن بقى الهم الكبير
فى مهرجان الفنانين
****
يستقبلوا الشهر الفضيل
بالرقص على اللحن الجميل
وهو ده الهم التقيل
ومهما صمنا مقصرين
****
ابنك وابنى إزاى يصوم
وادى البرامج طول اليوم
فيها المفاسد والسموم
تهدم جهود المصلحين
****
رمضان أتانا فيه كتاب
للجنة يفتح ألف باب
فتناه ورحنا للعذاب
وبقينا إحنا الخسرانين
****
فرصة النهاردة الناس تتوب
ويحاولوا تطهير القلوب
ربنا بيغفر ذنوب
يمكن نكون من المصلحين
*****************
اللهم إنى أسألك أن تتقبل صومنا
وصلاتنا
وركوعنا
وسجودنا
وقيامنا
وكل عام و أنتم بخير

[La via]

شكراااااااااااااااااااااا يا استاذ محمد على موضوعك هذا


طول عمرك حصرى

[سجدة قلب]

و كأنه لعب صغيرين
لعبة !
لعبة !
لعبة!
اه ..يعني عاوز توصلينا إن رمضان يطلب جيل ونفس بمواصفات خاصة ، عاوز تقول إن محتاج نفس وجيل
يملأ ربه كل جوارحه ميسمعش إلا ما يحب ولا يرى إلا ما يحب ولا يمشي إلا لما يحب..ويبقى كده تتحقق فيه
صفه العبد الرباني ونلغي لعب الصغيرين،
عاوز توصلنا الأية القرآنية " ولقد كتبنا في الزبور من بعد الذكر أن الأرض يرثها عبادي الصالحين "
نعم ،،تمام ،، هذة كلمات وتسطتيع إن شاء الله أن تفعل الكثير وتغير الأقدار وتنزل الرحمات
ولكن ليس قبل "
"إن الله لا يغير ما بقوم حتى يغيروا ما بأنفسهم"

الرابط لايظهر فى الأرشيف
عجبى على ساعة الفطار
لحمة وفراخ غير الخضار
نعم ...طب وعاوز ايه طيب؟؟

ولا حد يبعت يوم لجار
" فهل عسيتم إن توليتم أن تفسدوا في الأرض وتقطعوا أرحامكم" سورة محمد


الجوز مع اللوز والزبيب
شارينه بالسعر الرهيب
شوف بتضايق عندما أرى مالا أفهمه او يمكن أكون فهماه لكن عاوزه أأكدة وثبته
قصدك نسيبنا من الكلاك ده ..ونهتم بالاموال المنفقة في الصدقة والتبرع وبذل المال في زروة سنام الإسلام

وبستدين علشان نجيب
جوز هند على فزدق وتين

ماشي،، ممكن تكمل بعدها على نفس المنوال والقافية
" وربنا يجعلكم من أهل اليمين" ^_^


نتابع بعد،،

[محمد عاشور]

مروركم أثلج صدرى
شاكر لكم مروركم
جعلنى الله و إياكم من أهل اليمين

[ملكة الرحمه]

ربنا يسترها علينا فى رمضان
وانشاء الله يغفر لنا جميعا فيه
جزاك الله خير
على التذكره الطيبه
والحمد لله وصلت الرساله
مشكور على الموضوع الطيب
أستاذ محمد