بحبك ياريس

[ملكة الرحمه]

بحبك يا ريس

وحبك يا ريس *** معكنن عليــــه

مقطعلى قلبى *** مطلع عنيــــه

سيبونى فى حالى *** وبيا اللى بيه

دا كل اللى لية *** محرم عليه

عشان حاجة واحدة

عشــــــانك يا ريس

*********

بحبــــــــــك يا ريس

دى كلمة قالوها *** زمان من سنين

وكل اللى قالها *** مطـيـن بطـيـن

يا سارق فلوسنا *** يا كاتم نفوسنا

يا واكل عرقنا *** برجلك دايسنا

ولســـــه بحبك *** واحب اللى حبك

وباحلف هاحبك *** واحب اللى جابك

فى يوم اغبر علينا ريس

*********

مبارك يا ريس *** عليــــك البــــلد

لابنـــك وابنــــه *** وولد الولد

سوزانك سوزانا *** جمالك جمالنا

علاءك علائنا وبكرة وبعده وطول الامد

*********

غباءك يا ريس *** ملوش حل خالص

وسايق ف الهبل *** وكلامك هجايص

ولولاك يا ريس *** مكنشى دا حالى

وحال كل مصري *** مدروخ ولايـص

*********

قالوا العيشة حرة *** وهي العيشة مرة

ومش مـــر عادي

دا صبرك يا ريس *** ممرر بلادى

واسعار بترفع *** ماتنزلش مرة

وباين علينا *** هنطلع لبرة

رغيفك يا ريس *** بيصغر ما يكبر

وسعره يا ريس *** بيرفع ماينزل

سألنا دا ماله *** قالولنا الحديد

وايه العلاقة *** بسعره الجديد

تكونش يا ريس *** لغيت الدقيق

وبتطحن بداله *** برادة حديد؟

مهو انت اللى عارف *** وسامع وشايف

جمالك قشــطنا *** وعز اللى خاننا

وولـــع بلدنا *** برفع الحديد

*********

ماتصحى ياريس *** وصحى البلد

هنبقى يا ريس *** كمالة عدد

ف وسط العوالم *** وشعبى اللى هايم

وكبته اللى دايم *** وقرشه اللى عايم

هنبقى يا ريس *** كمالة عدد

واقولك واعيدلك *** لأنى بحبك

نصيحة فصيحة *** نصيحة مريحة

لبلدى وبلدك *** ماترحل يا ريس

ليه دايما متيس *** ودايما مهيس

مترحل بقى



وخد لي ف وشك *** جمالك . مش باغشك

علاءك .. سوزانك *** شريفك .. سرورك

نظيفك .. كمالك *** وعزك .. دا خانك



خدهم وانصرفوا *** أشـــتاتآ أشتوت

خدهم وانصرفوا *** لحسن حانموت

ارحل بقى

ارحل بقى



مترحل بقى

مترحل بقى

[ابن مصر]

امممممم

شكلنا هنزور حبايبنا الحلوين قريب :no3:

[MaNsHo0o0]

ليه دايما متيس *** ودايما مهيس

احنا اللى ديما مهيسين ومتيسين
علشان سكتين




شكلنا هنزور حبايبنا الحلوين قريب :no3:
بقولكو ايه ياجماعه لما نركب البوكس معا بعضينا حد يبقى يحجز ليه مكان جنب الشباك
اصلى بحب اتفرج على الطريق

[سجدة قلب]

واحب اللى جابك
دا احنا بقى
يا سارق فلوسنا *** يا كاتم نفوسنا

يا واكل عرقنا *** برجلك دايسنا
ظاــــــــــــــــــــــــــــــــــــــــــــــــ ــــــــــــــــــــــــــــــــــــــم


سوزانك سوزانا
والله أنــــــــــــــــــــــــــــا سمعت انها مريضة بسرطان القلب _حفظكم الله _ وبعض مناطق الجسم الأخرى
فمش عارفه ادعيلها ولا ادعي عليها ....!!!!!!!!!!!!!!!!!!!!!!!!!!!!!!!!!!؟؟؟؟؟؟


ولولاك يا ريس *** مكنشى دا حالى
شوفتي ازااااااااااي يا بنتي

وحال كل مصري *** مدروخ ولايـص
ربــــــــــــــــــــنا يهديه...

وباين علينا *** هنطلع لبرة
هوا احنا لسه مطلعناش...!! دا احنا طفشنا

تكونش يا ريس *** لغيت الدقيق
لا يا باشا هوا بس بزرعه في أوغندا ويجيب الدرجة السادسة منه ..هههههه
((الدرجة السادسة )) لا تصلح إلا للحيوانات فقط..بجد والله مش بهزر.


وبتطحن بداله *** برادة حديد؟
صبرك عليا بس ... هوا عارف برااااادة حديد... دا أكيد أخره ....^_^

مهو انت اللى عارف *** وسامع وشايف
ماشي ماشي
لبلدى وبلدك *** ماترحل يا ريس
متخليهاش بلده الله يخليكي ....

ارحل بقى

ارحل بقى



مترحل بقى

مترحل بقى
طيـــــــــــــــــــــــــــــــــب ممكن تتفضلي معانا على أقرب سجن.
قيدوا ايدها ... وايد يد كل اللي دخل ماعدا أنــــــــــــا


شكلنا هنزور حبايبنا الحلوين قريب
دا يبقى شرف كبير أووووووووووووووووي

انا بقى هطلع من هنا قبل ماحد يجي ... سلاااااااااااااااااام

[محمد عاشور]

يا جدعان أحمد فؤاد نجم شاعر بمعنى الكلمة
بس الريس مش كده
ده عيب فينا كلنا
وهو أحسن مننا
وبكره تعرفوا
أما تجهيز جمال
فده عند كل البلد ابن الدكتور دكتور
وابن الظابط ظابط
جت على ده ووقفت

[La via]

يا جدعان أحمد فؤاد نجم شاعر بمعنى الكلمة
بس الريس مش كده
ده عيب فينا كلنا
وهو أحسن مننا
وبكره تعرفوا
أما تجهيز جمال
فده عند كل البلد ابن الدكتور دكتور
وابن الظابط ظابط
جت على ده ووقفت


شكراااااااا يا استاذ محمد مع احترامى الى رأى حضرتك

بس لو هو كويس ماشى بس دة فاسد

اتفرج على ايران امريكا وقارنا بيهم مع ان مصر هى دولة العظماء دولة الفراعنة