فتوي تزغيط البط ..!!!!!!!

[Lost Angel]

السلام عليكم ورحمة الله وبركاته



أي حد أول ما هيشوف اسم الموضوع لو مكنش سمع عنه قبل كده أكيد هيستغرب
زي ماحنا حصلنا صدمة بردو

من يومين تقريبا كنا بنتفرج علي برنامج الطبعة الأولي علي قناة دريم2 سمعت خبر فتوي تزغيط البط :ohmy:
هل تزغيط البط حلال لانه للتسمين ام حرام لانه كده بياكل غصب عنه ؟؟؟؟!!!

وكانت الإجابة علي السؤال ده من أحد المشايخ مش فاكره هوا مين أن تزغيط البط جاااااائز لكن بشرط أنة يكون تحت اشراف طبيب متخصص !! وعجبي ......

يعنيأ ي حد عايز يزغط بط بعد كده يروح للدكتور هههههههههههههه عشنا وشوفنا

مسنية أرائكم في الموضوع الخطير ده :wacko:

[فجر الاسلام]

ههههههههههههههههههههههههههههههههههه

بوصى هو فى الاول موضوع ضحكنى بس لما فكرت فيه لقيت ان ممكا السائل قصده عشان انتى بتاكلى البط غصب عنه
فما البط ياكل غصب عنه ممكن يكون كده عذاب ليه وممن يسبب له ضرر وده هنسأل عليه يوم القامة ومتنسيش حديث الرسول صلى الله عليه وسلم ان امراة دخلت النار بسبب قطة عشان ماكلتهاش حتى من خشائش الارض
يعنى معنى كده ان الانسان مسئل عن الحيوانات وهيتحاسب يوم القيامة لو عذب حيوان بغض النظر عن اسلوب التعذيب بقه سواء جوع او شبع زيادة عن اللزوم وكمان بيتكب للانسان حسنات لو هو اطعم حيوان

فهو قال تحت اشراف الطبيب المختص على اساس هو اللى هيقدر يحدد ان كان الحيوان هيتعب ولا لاء


بس انا كنت عاوزه اقول ان كانت البشر بتهمل فى صحتها ومش بيتابعوا عن دكاترة مختصيين وفى اماكن لغاية دلوقتى معتمدة على الحاجات اللى بعيدة كل البعد عن الطب
معقولة يعنى هيروحوا ييدفعوا تمن الكشف للبطة بتاعتو
ههههههههههههههه
بوصى انا قريت الموضوع ده على موقع تانى
بس عجبنى تعليق ضحكنى اوى
السؤال الأهم الذى كان يجب السؤال عنه: هل يجوز للمرأة «تزغيط دكر البط أم أنه حرام».. وربما كان الرد أنه حرام لأن «دكر» البط «أجنبى» بالنسبة للمرأة! وعجبى..!!

[عبدالرحمن م]

أنا مابحبش أتكلم فى الفتاوى

بس أنا من يوم ما إتولدت وحتى هذه اللحظة عمرى ما سمعت عن موضوع مشابه

يعنيأ ي حد عايز يزغط بط بعد كده يروح للدكتور هههههههههههههه عشنا وشوفنا

يمكن له حكمة فى كده

يعنى مثلاً يمكن يقصد انه حرام إذا كان للتسمين وحلال إذا اضطريت لكده ( فى حالة المرض يعنى )

ومن النقطة دى فالعبء هيكون عليك فى إنك تقوللنا مقتطفات من كلام الشيخ ...... يعنى تفهمنا قصده كان ايه أو بعض التلميحات اللى قالها


وقبل كده فأنا ماليش أية آراء


...

[Lost Angel]

أنا مابحبش أتكلم فى الفتاوى


ومن النقطة دى فالعبء هيكون عليك فى إنك تقوللنا مقتطفات من كلام الشيخ ...... يعنى تفهمنا قصده كان ايه أو بعض التلميحات اللى قالها


وقبل كده فأنا ماليش أية آراء

أوك انا فاهمة قصدك بس انا مجبتش مقتطفات هوا ده الي انا سمعته والموضوع للنقاش مش أكتر
يعني ساب كل الي بيحصل في حياتنا ووقفت علي تزغيط البط

يمكن له حكمة فى كده الله أعلم


بوصى هو فى الاول موضوع ضحكنى بس لما فكرت فيه لقيت ان ممكا السائل قصده عشان انتى بتاكلى البط غصب عنه
فما البط ياكل غصب عنه ممكن يكون كده عذاب ليه وممن يسبب له ضرر وده هنسأل عليه يوم القامة ومتنسيش حديث الرسول صلى الله عليه وسلم ان امراة دخلت النار بسبب قطة عشان ماكلتهاش حتى من خشائش الارض
يعنى معنى كده ان الانسان مسئل عن الحيوانات وهيتحاسب يوم القيامة لو عذب حيوان بغض النظر عن اسلوب التعذيب بقه سواء جوع او شبع زيادة عن اللزوم وكمان بيتكب للانسان حسنات لو هو اطعم حيوان

فهو قال تحت اشراف الطبيب المختص على اساس هو اللى هيقدر يحدد ان كان الحيوان هيتعب ولا لاء


بس انا كنت عاوزه اقول ان كانت البشر بتهمل فى صحتها ومش بيتابعوا عن دكاترة مختصيين وفى اماكن لغاية دلوقتى معتمدة على الحاجات اللى بعيدة كل البعد عن الطب
معقولة يعنى هيروحوا ييدفعوا تمن الكشف للبطة بتاعتو
ههههههههههههههه


انتي كده قولتي رايك ورديتي عليه كمان :)


بوصى انا قريت الموضوع ده على موقع تانى
بس عجبنى تعليق ضحكنى اوى
اقتباس:
السؤال الأهم الذى كان يجب السؤال عنه: هل يجوز للمرأة «تزغيط دكر البط أم أنه حرام».. وربما كان الرد أنه حرام لأن «دكر» البط «أجنبى» بالنسبة للمرأة! وعجبى..!!

وماله ممكن بردو يطلعله فتوي كل شيء جائز :wacko:

[Muhamed]

يعني ساب كل الي بيحصل في حياتنا ووقفت علي تزغيط البط


لاحظى انه لو سبت تحريمه للضرر اللى بيعود على البطه هتحسب سيئه وشوفى انتشار الموضوع ده فى الريف المصرى وكام واحده هتتحاسب بدون قصد

لكن فى بعض النقاط الهامه احب اوضحها

هوا انا لما بزغط البط زى مبيقولوا بعمل كده علشان البطايه تتمختر

لاه علشان اكل منها لحم اكتر

زى مثلا المواد اللى بتتحط للفراخ والمواشى علشان يتملوا

هل ده حرام

مظنش لان الهدف هوا الاكل

عارف ان ناس تقول دا مفيهوش البركه لكن مننكرش انها اوقات بتنفع

قارنوا بين جناح فرخه بلدى وواحده من بتوع الوزاره بتاع الوزاره زى الرجل بتاع البلدى فى ناس تحب الحجم ملهمش دعوه بالطعم

بخصوص حديث القطه لاننا منعنا عنها الطعام ودى مخلوق مش هاكله يعنى


بخصوص الطبيب

يعنى فى المفروض شغلانه اسمها طبيب بطرى

والمفروض مش الواحد يسال كل ما يجى يزغط ولكن المفروض يعنى علشان حتى الامراض للناس اللى بتربى يبقى كل كام شهر يجيبوا دكتور بيطرى يكشف على الطيور والحيوانات اللى بتتربى ويتسال ساعتها هل مثلا الاعلاف دى مضره ولا لاه او التزغيط ده وحش على البطه ولا لاه

كده يعنى

هذا والله اعلم

[فجر الاسلام]

لاحظى انه لو سبت تحريمه للضرر اللى بيعود على البطه هتحسب سيئه وشوفى انتشار الموضوع ده فى الريف المصرى وكام واحده هتتحاسب بدون قصد

انا شايفة ان الموضوع مش مستاهل الضجة اللى اتعملت عشان تتقال فى التليفزيون وتنتشر فى المنتديات
واحد سأل السؤال ده والشيخ جاوب عليه وخلاص
يعنى الشيخ مغلطش لما جاوب عليه


هوا انا لما بزغط البط زى مبيقولوا بعمل كده علشان البطايه تتمختر
ههههههههههههههههههه



هوا انا لما بزغط البط زى مبيقولوا بعمل كده علشان البطايه تتمختر

لاه علشان اكل منها لحم اكتر

زى مثلا المواد اللى بتتحط للفراخ والمواشى علشان يتملوا

هل ده حرام

مظنش لان الهدف هوا الاكل



بخصوص حديث القطه لاننا منعنا عنها الطعام ودى مخلوق مش هاكله يعنى

طب هو احنا لما بنزغط البطة ده نوع من التعذيب ولا لاء يعنى ممكن يسبب لها ضرر وتعب وهل ممكن يتسبب التزغيط فى الموت

الله اعلم بجد
عاوزين بطة نسألها




يعنى فى المفروض شغلانه اسمها طبيب بطرى

والمفروض مش الواحد يسال كل ما يجى يزغط ولكن المفروض يعنى علشان حتى الامراض للناس اللى بتربى يبقى كل كام شهر يجيبوا دكتور بيطرى يكشف على الطيور والحيوانات اللى بتتربى ويتسال ساعتها هل مثلا الاعلاف دى مضره ولا لاه او التزغيط ده وحش على البطه ولا لاه

كده يعنى

اه كده ممكن

هههههههههههههه بجد بلاش نتكلم فى الموضوع ده كتير لحسن عندى احساس انها هتبقى قضية راى عام كده
وبعدين خلينا احنا مخنا اكبر من الجرايد والصحف اللى عندها مكان فاضى فى الصحيفة لتاعتها وعايزة تمليه فنزلت الخبر ده

[قطره ندى]

هو ممكن يكون البطه عندها سخونيه وبرد وكدا
يعنى ممنوع البيض والسمك
فاحتمال ان دا بيؤذى البطه
يعنى نوعيه التعب الى عند البطه
وأحسن حاجه نسأل البطه هى عاجبها الاكل ولا لا
ان كان عجبها هتجيب دماغها على جنب
مش عاجبها هتهز ديلها
وكدا يبقى احنا خيرنا البطه فى الاكل
وهيبقى الاكل على مزاجها وتبقى البطه مش بتتعذب ولا حاجه