منع المحجبات من دخول شواطئ الإسكندرية

[AlSam3r]

الرابط لايظهر فى الأرشيف وزير السياحة زهير جرانة

تقدم الدكتور فريد إسماعيل عضو مجلس الشعب، بسؤال عاجل إلى رئيس مجلس الوزراء الدكتور أحمد نظيف وزهير جرانة وزير السياحة، واللواء عبد السلام المحجوب وزير التنمية المحلية، بخصوص منع دخول المحجبات إلى شواطئ المصايف بالإسكندرية، ووضع شرط ارتداء المايوهات البكينى لنزول المياه حسب تعبيره.

وقال إسماعيل فى سؤاله إن هذه صورة من صور التعدى الخطير على الحجاب والمحجبات والعمل على نشر الرزيلة ومحاربة الفضيلة. وأوضح أن شواطئ العجمى وشواطئ الفردوس وميكا وأكسجين بالإسكندرية رفعت شعار لا للمحجبات بصورة علنية عن طريق وضع لافتات تمنع دخول المحجبات، ووضع شرط ارتداء المايوهات البكينى كشرط أساسى لنزول المياه، وذلك فى تعدى واضح على الحريات بصفة عامة وعلى المحجبات بصفة خاصة.
المصدر
الرابط لايظهر فى الأرشيف

[Muhamed]

ههههههههههههههههه

احسن حاجه فى اليوم السابع انها ممكن تحول الفار الى فيل :)

.....................
بكينى

لازم بكينى يعنى

يعنى لو مايوه قطعه واحده غير مسموح :bm:

[hema4040]

شكرا علي الموضوع مهم

[ملكة الرحمه]

لا طبعا دا تعدى على الحريات
لازم يعنى نتشبه بالكفرة على الشواطىء
لو على شط اسكندريه مش عايزينه خالص ولا هو ولا غيره
ومش نغضب ربنا عشان نكون متحضرين قدام العالم
وان شاء الله لما يحدث اعصار ولا حاجه ميرجعوش يعيطوا ويولوا
لان ربنا مش هيسكت على الكلام دا
وغضبه هيبقى شديد
واحنا مش هنستحمل حاجة خالص

[عبدالرحمن م]

No comment

[فجر الاسلام]

استنوا استنوا
انتو مالكم داخلين شمال ليه
انا قريت الخبر ده من يومين
هو اى واحد يقول اى كلام نصدقه وخلاص مش نتاكد من كلامه

منا كنت فى البحر لسه الاسبوع اللى فات
انا كنت اعده على الشط عشان مليش فى نزول الميه ومحجبة ولا اتمنعت من دخول الشط ولا حاجة وكمان كان فى منقبات فى الميه ده اللى بينزلوا بالطرح اكتر من اللى نازلين بشعرهم

الخبر ده انا مش مصدقاة

ولو كان فى منع للمحجبات للنزول للشاطىء ممكن نقول الشواطىء اللى بتكون تابعة للفنادق ودى اصلا ممنوع دخولها لغير المقيمين فى الفنادق والشواطىء دى مش كتيرة

وانا عايشة اهو فى اسكندرية والاسكندرية اصلا فى الصيف سياحتها المحلية اكتر بكتير ومكسبها اكتر بكتير من السياحة القادمة من الخارج
واحنا مصر معظمها محجبات يعنى جاى بخسارة عليهم لو الخبر ده صحيح
وهو مش صح ده المصيفين ماليين الشوارع وعاملين ازمة مواصلات ومرور بالذات عند شارع خالد بن الوليد

[Muhamed]

استنوا استنوا
انتو مالكم داخلين شمال ليه
انا قريت الخبر ده من يومين
هو اى واحد يقول اى كلام نصدقه وخلاص مش نتاكد من كلامه

منا كنت فى البحر لسه الاسبوع اللى فات
انا كنت اعده على الشط عشان مليش فى نزول الميه ومحجبة ولا اتمنعت من دخول الشط ولا حاجة وكمان كان فى منقبات فى الميه ده اللى بينزلوا بالطرح اكتر من اللى نازلين بشعرهم

الخبر ده انا مش مصدقاة

ولو كان فى منع للمحجبات للنزول للشاطىء ممكن نقول الشواطىء اللى بتكون تابعة للفنادق ودى اصلا ممنوع دخولها لغير المقيمين فى الفنادق والشواطىء دى مش كتيرة

وانا عايشة اهو فى اسكندرية والاسكندرية اصلا فى الصيف سياحتها المحلية اكتر بكتير ومكسبها اكتر بكتير من السياحة القادمة من الخارج
واحنا مصر معظمها محجبات يعنى جاى بخسارة عليهم لو الخبر ده صحيح
وهو مش صح ده المصيفين ماليين الشوارع وعاملين ازمة مواصلات ومرور بالذات عند شارع خالد بن الوليد


ههههههههههههههههه

احسن حاجه فى اليوم السابع انها ممكن تحول الفار الى فيل :)


وهو مش صح ده المصيفين ماليين الشوارع وعاملين ازمة مواصلات ومرور بالذات عند شارع خالد بن الوليد

اولا: منك لله

ثانيا: طبعا المصيفين هما اللى مديين لاسكندريه اسم اساسا ( كفاياها شرف ان الناس تروحلها تصيف)

ثالثا : خالد بن الوليد هوا اسكندريه نفسها

شارع واخد اسكندريه كلها :)

اطول من طلعت حرب عندنا :)

رابعا: فى اقتراح بتهجير اهالى اسكندريه اثناء فتره المصيف علشان الزحمه