زوج مصري يعتذر لزوجته بطريقة رومانسية جديدة

[فجر الاسلام]

والله الفيديو ده حسسنى ان الدنيا لسه بخير وفى ناس لسه عندها رومانسية واحساس وبتقدر تكسر كبريائها وتعتذر لما تكون غلطانة

اضغط هنا
(الرابط لايظهر فى الأرشيف)

احلى حاجة ان هو زعلها ادام الناس يعنى بالكتير هيكونوا 20 فرد مثلا بس لما اعتذرلها كان ادام الملايين ومش جوه مصر بس لا كمان فى الخارج لان البرنامج ده ليه شعبية فى الدول العربية وكمان المصريين اللى عايشين فى اوروبا

[Lost Angel]

بجد مش لاقية كلام أقوله يعبرلك ....... هوا فعلا حالة فريدة زي ما المذيع قال

بس ازاي اتذاع في القاهرة اليوم وعدي عليا اكيد في اليومين الي فاتو

وشوفتي طلع مهندس عشان تعرفي ان المهندسين مش اشرار زيكو ( الارهاب يعني ):bm:

[MaNsHo0o0]

يااااااااااااااااااااه
ياريت كل الناس زيه كدا
ويريت كل واحد غلطان يعترف بغطه ويعتذر كمان



فجر الاسلام


شكراااااا ليييك
والله تيوبك جامد ومؤثر
بس انتى كدا هتخلينى اعتذر لــ

بعد اذنك


دا رابط التحميل على طووووول

هنا (الرابط لايظهر فى الأرشيف)

[فجر الاسلام]

ا فعلا حالة فريدة زي ما المذيع قال

وشوفتي طلع مهندس

فعلا عندك حق هى حالة فريدة لانها جت من مهندس لكن هى حالة عادية عند كل الناس
هههههههههههههه



ஐMaNsHô0ôஐ

شكرا ليك والحمد لله ان الموضوع عجبك

وشكرا على الرابط المباشر

[فجر الاسلام]

ار مشهد اعتذار زوج مصري لزوجته بطريقة علنية استغراب واستهجان عدد من الجمهور الذي تابع المشهد عبر الفضائيات واليوتيوب والصحف الأسبوع الماضي، واعتبروه تناقضا مع "قوامة الرجل" ومدخلا "لاستقواء المرأة".
مهندس الديكور "إيهاب معوض" قام بتجهيز لافتة كبيرة طولها 12 مترا وعرضها 7 أمتار أمام منزل زوجته "ريهام" في شارع ترعة الجبل بحلمية الزيتون (وسط القاهرة) مكتوبة باللغة الإنجليزية تختلط فيها "عبارات الاعتذار وكلمات الحب، بوعود الحياة مع أفضل إنسان في الحياة".






أمام اللافتة وقفت فرقة موسيقية تعزف موسيقى رومانسية على أنغام سيمفونية "شهرزاد" وأغنيات ليلى مراد.

وكان إيهاب -على إثر مشادة كلامية جرت بينه وبين ريهام- قام بتوجيه كلام قاس لها أمام عائلتها وولديهما "سيف وحمزة" مما أدى إلى تصاعد الخلاف ووصل إلى طلب الانفصال.


فكر إيهاب كثيرا فى الطريقة التى يصالح بها زوجته، فهداه تفكيره إلى عمل لافتة الاعتذار أمام البيت، حتى يفاجئها حين تدخل الشرفة، واختار يوم الثلاثاء 23-6-2009 لوضع الإعلان وهو اليوم الذى قررت فيه ريهام جمع العائلتين للتشاور بشأن الانفصال، ثم اتصل بوسائل الإعلام.


يفسر إيهاب اتصاله بوسائل الإعلام بقوله: "زي ما أنا زعلتها أمام عائلتها، قلت لازم أعتذر لها بس أمام الملايين".

إخوة إيهاب وجيرانه وحتى العاملون بالمحلات الموجودة فى الشارع كانوا يساعدونه على رفع اللافتة، ويكنسون الشارع حولها.

حين تأكد إيهاب من كل شيء، اتصل هاتفيا بوالدته التي طلبت من زوجته التى تسكن فى الطابق الرابع الخروج للشرفة، وحين أطلت ريهام بدأت الفرقة فى العزف، وظهرت الدهشة على وجهها، وبدأت هي في البكاء.


ريهام استقبلت زوجها بعد "حفل الاعتذار العلني" بعبارة واحدة: "أنا مش محتاجة كل دا، بس اوعدني ما تعملش كدا تاني".

المستغربون والمستهجنون رأوا أن الأمر لا يعدو سوى مبالغة من إيهاب في تقديم الاعتذار لزوجته ورغبة في الظهور الإعلامي، وأكدوا أن إيهاب أخطأ في اعتذاره لزوجته بهذا الشكل العلني وأن هذا ينفي مبدأ "قوامة الرجل" وكانت مبرراتهم التي تم رصدها من خلال عدد من المواقع الإلكترونية التي بثت "الفيديو" كالتالي:


الاعتراف بالخطأ ينتقص من مكانة الرجل.
النساء لا تستحق تقليل الزوج من شأنه بالاعتذار.
اذا اعتذر الزوج لزوجته فإن الزوجة ستتكبر عليه.

[Muhamed]

شايف ان اتصاله بالقنوات فيها اوفر شويه

ممكن الحركه اللى عاملها تكون جميله لو اقتصرت بس انه يحطها قدام بيتها

زى اللى حط "تتجوزينى" على كوبرى المنيب

لكن اتصاله بالتيفزيون جعل الامر كانه مجهز ومفيهوش طبيعيه رغم الدموع والاحضان اللى موجوده :)

[فجر الاسلام]

شايف ان اتصاله بالقنوات فيها اوفر شويه

ممكن الحركه اللى عاملها تكون جميله لو اقتصرت بس انه يحطها قدام بيتها

زى اللى حط "تتجوزينى" على كوبرى المنيب

لكن اتصاله بالتيفزيون جعل الامر كانه مجهز ومفيهوش طبيعيه رغم الدموع والاحضان اللى موجوده :)




اعتقد انه مكنش مجهز حتى لو كان مجهز كونه اللى قدر يكسر قاعده الكبرياء اللى عند الرجاله انه ميعتذرش لمراته ده نقطة كويسة

حتى اللى بيعتذر ممكن يعتذر فى حدود صغيرة يعنى بينه وبينها او لو يعنى نقول ان واحد جامد اوى هيعتذر لها ادام والدها وولدتها

[Sir.7amato]

كونه اللى قدر يكسر قاعده الكبرياء اللى عند الرجاله انه ميعتذرش لمراته

بصراحه يا فجر من ناحيه كسر فهو كسر وكسر كمان
أنا لو مكانه عمرى مهعمل كده
هقتصر يس إنى اعمل كده ....
يعنى بينه وبينها او لو يعنى نقول ان واحد جامد اوى هيعتذر لها ادام والدها وولدتها

شكرا ع الموضوع ،،

[Muhamed]

حتى اللى بيعتذر ممكن يعتذر فى حدود صغيرة يعنى بينه وبينها او لو يعنى نقول ان واحد جامد اوى هيعتذر لها ادام والدها وولدتها

اتقى الله

يعنى لما عاملها المهرجان ده فى الشارع مش كفايه يعنى

مهو الشارع بتاعها كله عرف والمعنى وصل

لكن التصوير انا شايفها اوفر اوفر اوفر

كونه اللى قدر يكسر قاعده الكبرياء اللى عند الرجاله انه ميعتذرش لمراته

ايه المشكله فى الاعتذار

انا بعتذر لزميلاتى فى العمل لما اكون عملت تصرف مش مناسب اوقات عادى مفيهاش لا كسر ولا نيله

والانسانه اللى هرتبط بيها لو غلطت فى حقها طبيعى انى اعتذر ومش اخجل من كده مدام عارف انى غلطت فى حاجه

الاعتذار لا تكسر الانسان بالعكس تجعله اكثر احتراما فى نظر الاخرين وملهاش علاقه الموجه ليه الاعتذار ده رجل او امراه

[Lost Angel]

فعلا عندك حق هى حالة فريدة لانها جت من مهندس لكن هى حالة عادية عند كل الناس
هههههههههههههه

بالعكس لو هيا حالة عادية فعلا عند كل الناس ان كل واحد يزعل مراته يطلع في التلفزيون ويعتذرلها مكنش حصل الهجوم الي انتي نزلتيه وان فيه ناس كتير اعترضت عليه

المستغربون والمستهجنون رأوا أن الأمر لا يعدو سوى مبالغة من إيهاب في تقديم الاعتذار لزوجته ورغبة في الظهور الإعلامي، وأكدوا أن إيهاب أخطأ في اعتذاره لزوجته بهذا الشكل العلني وأن هذا ينفي مبدأ "قوامة الرجل" وكانت مبرراتهم التي تم رصدها من خلال عدد من المواقع الإلكترونية التي بثت "الفيديو" كالتالي:

الاعتراف بالخطأ ينتقص من مكانة الرجل.
النساء لا تستحق تقليل الزوج من شأنه بالاعتذار.
اذا اعتذر الزوج لزوجته فإن الزوجة ستتكبر عليه.

اما عن فكرة الاعتذار او الاعتراف بالخطا تكسر الراجل او تنقص من مكانته فالعكس تماما

الاعتذار لا تكسر الانسان بالعكس تجعله اكثر احتراما فى نظر الاخرين وملهاش علاقه الموجه ليه الاعتذار ده رجل او امراه

[فجر الاسلام]

والانسانه اللى هرتبط بيها لو غلطت فى حقها طبيعى انى اعتذر ومش اخجل من كده مدام عارف انى غلطت فى حاجه

انت هنا بتتكلم عن نفسك كمندوز

بس معظم الرجاله مش بيعملوا كده للاسف

كتييييير اوى نسبة كبيرة بيروا ان هو لو اعتذر لزوجته ممكن ده ينقص من مكانته كرجل البيت او هيضعف من شخصيته ادامها

على فكرة للاسف دى مش فى الرجاله بس مع زوجتهم

فى نسبه للاسف منقدرش نقول عليها صغيرة مبيحبوش يعتذروا بيشوفوفها ان الاعتذار بيجرح كرامتهم

الاعتذار للاسف ناس كتير فى معاملتهم اليومية بياخدوها انها هتنقص كرامتهم

ياريت بقه يعملوا جروب على الفيس بوك اعتذر و متنكسفش هههههههههه

يعنى يدعوا الناس للى هم يعتذروا لم يغلطوا

والدعوة عامة وهتبقى لمه