AlSam3r
2009-05-27, 04:24 AM
تجلس الأسرة مجتمعة بعد تناول الغداء، بينما الابن الأصغر يتناول إحدى الصحف المتخصصة في الحوادث وأخذ يقرأ الحوادث تباعاً.
قــتــل
لقت رئيسة مجموعة التمويل والائتمان ببنك مصر هالة فائق -زوجة مساعد وزير العدل السابق- مصرعها الأحد داخل شقة والدتها بشارع مراد بالجيزة على يد زوج الخادمة الذي جاء باحثاً عن المال.. (عن الأهرام)
ذبـــح
وافق المستشار عبدالمجيد محمود -النائب العام- على إحالة عشري عطية عبدالموجود (27 سنة) إلى محكمة الجنايات لاتهامه بذبح الطفلين الشقيقين زياد وشهد جمال ربيع أبوالعلا (11 سنة و6 سنوات) عمداً مع سبق الإصرار والترصد داخل مسكن الأسرة في العمرانية، واعترف المتهم في التحقيقات التي باشرها المستشار حمادة الصاوي -المحامي العام الأول لنيابات جنوب الجيزة- أنه ارتكب الجريمة للانتقام من خاله، والد الطفلين؛ بسبب سوء معاملته وقسوته وطرده من العمل في ورشة يمتلكها.
ســلــخ
ألقت قوات الأمن يوم الأربعاء الماضي القبض على رضا محمد حسين (38 سنة) بتهمة قتل زوجته سحر رمضان عبدالمجيد (42 سنة) وفصل رأسها عن جسدها وتقطيع جسدها إلى قرابة 70 جزءاً، وتشفية جسدها ووضعها في أكياس قمامة وألقاها بمقلب القمامة لشكه في سلوكها. (عن المصري اليوم).
إبادة
ألقت أجهزة الأمن القبض على "حسين عباس" السائق المتهم بقتل مطلقته و4 من أسرتها، وتبيّن أن المتهم نفّذ جريمته انتقاماً من طليقته التي حصلت على الطلاق بالخلع قبل عام، وعندما علم بأنها ستتزوج من آخر الشهر المقبل، قرر تنفيذ جريمته وقتل طليقته نعمة السيد همام (27 سنة) وشقيقها محمد (30 سنة) وخطيبها ربيع محمد فهمي (35 سنة) وسيد همام (55 سنة) وزوجته فتحية (50 سنة)، كما أصاب طفله بطلقتين. (عن الأخبار)
الرابط لايظهر فى الأرشيف
ترد الأم وعلامات الاستياء جلية على كل تفصيلة في وجهها مرددة في عبارات متكررة: لا حول ولا قوة إلا بالله.. لا حول ولا قوة إلا بالله... كل ده علشان بعدنا عن ديننا.. كل ده علشان نسينا ربنا.
الابنة الكبرى: كفاية علشان خاطري أنا بطني اتقلبت.. أنا مش مصدقة اللي بيحصل ده.. مش متخيلة إن فيه ناس ممكن تعمل في بعض كده، وكأنهم فراخ بيدبحوهم بكل سهولة..
الأب: المشكلة مش في السرقة ولا في القتل في حد ذاته.. طول عمرنا وإحنا بنسمع إن فيه جرائم بتحصل.. بس ما كانتش بالمنظر ده.. ماكنش دبح وتقطيع، ده ماسمهوش قتل ده اسمه غِل، ده مرض في نفوسهم بيطلّعوه في غيرهم، إحنا فينا حاجة غلط إحنا عمرنا ما كنّا كده!.
الابنة الكبرى: أنا بقالي يومين مرعوبة وخايفة أخرج من البيت وخايفة أقعد في البيت لوحدي..
تقاطعهم الأم بلهجة آمرة: ششششش.. اسكتوا بقى البرنامج بتاع الشيخ محمود المصري جه..
_ _ _ _ _ _ _ _ _ _ _ _ _ _ _ _ _ _ _ _ _ _ _ _
الرابط لايظهر فى الأرشيف
أيون، الكلام ده بجد..
والحوادث دي حصلت فعلاً.. لا يا سيدي مهياش حبكة درامية ولا من نبع الخيال ومحاسيبه، دي حوادث حقيقية من واقع ملفات الشرطة ومحاضر البوليس.. وكلها إيه... سخنة ماوصلتش للمحكمة، وفي مناطق مختلفة.. عشوائيات على مناطق راقية.. ريف على حضر، صعيد على بحري، يعني من أول وادي النيل لغاية آخره.
الحكاية بدأت من شوية.. لا من كتير، لكن كانت حوادث متفرقة، وعلى فترات متباعدة، لكن الجديد بقى إنها انتشرت بشكل مخيف وفي مناطق كتيرة، والرعب أصبح هو الإحساس الوحيد الموجود في نفوس زبائن صفحة الحوادث، ولسان حالهم مابيقولش غير كلمة واحدة.. هو حصل إيه فيكِ يا مصر؟..
هو ده السؤال.. حصل إيه فيكِ يا مصر؟..
انفجار تام للعنف في كل طبقات المجتمع المصري، القتل أصبح أسهل وسيلة للتعبير عن الغضب، والتقطيع بات الطريق المريح للتشفّي وشفاء الغليل، فهنا شخص يقتل أسرة بكاملها لشكه في سلوك طليقته، وهناك آخر يذبح طفلين لبخل والدهم عليه.. وأسرة من أم وابن تقتل الأب وتمثل بالجثة.. وغيره.. وغيره...
تعال سوى كده نشغّل مخنا ونفكّر مع بعض.. إيه اللي حصل لنا إحنا بقينا كده ليه.. إيه؟.. بتقول إيه؟.. الفقر هو السبب، وفضاء الجيوب فضّى معاه الرحمة من القلوب، لقمة العيش اللي اختفت خلّت الغضب يفرض كلمته، خلت الغلابة تنتقم من قلة حيلتهم في الغلابة اللي زيهم.
بس الفقر موجود من سنين وعمره ما كان سبب للغضب، يمكن علشان الأمن كان قايم بدوره، يمكن الناس زمان كانت لسه بتخاف وبتعمل حساب للشاويش والعسكري قبل الضابط.. إيه؟ بتقول موافقني إن الأمن مقصّر علشان اللي بيقتل بيتقبض عليه بعد سنين.. وبيتحاكم بعد سنين.. فانتحر العدل... برضه يمكن تكون صح.
بس برضه.. إزاي الناس خيالها بقى واسع كده.. إيه؟.. بتقول مش فاهم قصدي إيه؟.. قصدي إن التفاصيل اللي بقرأها في صفحة الحوادث عن الجريمة الفلانية أو الحادثة العلانية بتقول إن الناس دول مش مجرمين دول مؤلفين أفلام سينما، تخطيط إيه وتقطيع إيه ودم إيه ورسم إيه وهروب.. إيه؟.. بتقول فهمت قصدي وإن أفلام الرعب خلّت منظر الدم عندنا مألوف، وموّتت في قلوبنا رهبة الموت وقدسية الجثة وشحنتنا بالغضب والرغبة في الانتقام.. برضه يمكن تكون صح؟..
إنت بقى.. رأيك إيه؟!..
الرابط لايظهر فى الأرشيف
ليه العنف انفجر بالشكل ده في المجتمع المصري بكل طبقاته؟
لماذا اختفت الأيام التي كانت تقتصر فيها جريمة القتل على طعنة سكين أو طلقة رصاصة؟
تفتكر الأمن غاب من الشارع فحلّت الجريمة مكانه؟
تفتكر أفلام الرعب أخرجت من مدرستها جيلاً كاملاً من المتعطشين لدماء البشر؟
شايف إن الإعلام بيهوّل العيوب الصغيرة للمجتمع وبيبرزها.. فيظهر المجتمع وكأنه مجموعة من السفّاحين؟
تفتكر الفقر نمى فينا أنياباً وحوافر تقتل وتقطّع دون أسى أو خوف؟
إحنا بقينا كده ليه؟
قــتــل
لقت رئيسة مجموعة التمويل والائتمان ببنك مصر هالة فائق -زوجة مساعد وزير العدل السابق- مصرعها الأحد داخل شقة والدتها بشارع مراد بالجيزة على يد زوج الخادمة الذي جاء باحثاً عن المال.. (عن الأهرام)
ذبـــح
وافق المستشار عبدالمجيد محمود -النائب العام- على إحالة عشري عطية عبدالموجود (27 سنة) إلى محكمة الجنايات لاتهامه بذبح الطفلين الشقيقين زياد وشهد جمال ربيع أبوالعلا (11 سنة و6 سنوات) عمداً مع سبق الإصرار والترصد داخل مسكن الأسرة في العمرانية، واعترف المتهم في التحقيقات التي باشرها المستشار حمادة الصاوي -المحامي العام الأول لنيابات جنوب الجيزة- أنه ارتكب الجريمة للانتقام من خاله، والد الطفلين؛ بسبب سوء معاملته وقسوته وطرده من العمل في ورشة يمتلكها.
ســلــخ
ألقت قوات الأمن يوم الأربعاء الماضي القبض على رضا محمد حسين (38 سنة) بتهمة قتل زوجته سحر رمضان عبدالمجيد (42 سنة) وفصل رأسها عن جسدها وتقطيع جسدها إلى قرابة 70 جزءاً، وتشفية جسدها ووضعها في أكياس قمامة وألقاها بمقلب القمامة لشكه في سلوكها. (عن المصري اليوم).
إبادة
ألقت أجهزة الأمن القبض على "حسين عباس" السائق المتهم بقتل مطلقته و4 من أسرتها، وتبيّن أن المتهم نفّذ جريمته انتقاماً من طليقته التي حصلت على الطلاق بالخلع قبل عام، وعندما علم بأنها ستتزوج من آخر الشهر المقبل، قرر تنفيذ جريمته وقتل طليقته نعمة السيد همام (27 سنة) وشقيقها محمد (30 سنة) وخطيبها ربيع محمد فهمي (35 سنة) وسيد همام (55 سنة) وزوجته فتحية (50 سنة)، كما أصاب طفله بطلقتين. (عن الأخبار)
الرابط لايظهر فى الأرشيف
ترد الأم وعلامات الاستياء جلية على كل تفصيلة في وجهها مرددة في عبارات متكررة: لا حول ولا قوة إلا بالله.. لا حول ولا قوة إلا بالله... كل ده علشان بعدنا عن ديننا.. كل ده علشان نسينا ربنا.
الابنة الكبرى: كفاية علشان خاطري أنا بطني اتقلبت.. أنا مش مصدقة اللي بيحصل ده.. مش متخيلة إن فيه ناس ممكن تعمل في بعض كده، وكأنهم فراخ بيدبحوهم بكل سهولة..
الأب: المشكلة مش في السرقة ولا في القتل في حد ذاته.. طول عمرنا وإحنا بنسمع إن فيه جرائم بتحصل.. بس ما كانتش بالمنظر ده.. ماكنش دبح وتقطيع، ده ماسمهوش قتل ده اسمه غِل، ده مرض في نفوسهم بيطلّعوه في غيرهم، إحنا فينا حاجة غلط إحنا عمرنا ما كنّا كده!.
الابنة الكبرى: أنا بقالي يومين مرعوبة وخايفة أخرج من البيت وخايفة أقعد في البيت لوحدي..
تقاطعهم الأم بلهجة آمرة: ششششش.. اسكتوا بقى البرنامج بتاع الشيخ محمود المصري جه..
_ _ _ _ _ _ _ _ _ _ _ _ _ _ _ _ _ _ _ _ _ _ _ _
الرابط لايظهر فى الأرشيف
أيون، الكلام ده بجد..
والحوادث دي حصلت فعلاً.. لا يا سيدي مهياش حبكة درامية ولا من نبع الخيال ومحاسيبه، دي حوادث حقيقية من واقع ملفات الشرطة ومحاضر البوليس.. وكلها إيه... سخنة ماوصلتش للمحكمة، وفي مناطق مختلفة.. عشوائيات على مناطق راقية.. ريف على حضر، صعيد على بحري، يعني من أول وادي النيل لغاية آخره.
الحكاية بدأت من شوية.. لا من كتير، لكن كانت حوادث متفرقة، وعلى فترات متباعدة، لكن الجديد بقى إنها انتشرت بشكل مخيف وفي مناطق كتيرة، والرعب أصبح هو الإحساس الوحيد الموجود في نفوس زبائن صفحة الحوادث، ولسان حالهم مابيقولش غير كلمة واحدة.. هو حصل إيه فيكِ يا مصر؟..
هو ده السؤال.. حصل إيه فيكِ يا مصر؟..
انفجار تام للعنف في كل طبقات المجتمع المصري، القتل أصبح أسهل وسيلة للتعبير عن الغضب، والتقطيع بات الطريق المريح للتشفّي وشفاء الغليل، فهنا شخص يقتل أسرة بكاملها لشكه في سلوك طليقته، وهناك آخر يذبح طفلين لبخل والدهم عليه.. وأسرة من أم وابن تقتل الأب وتمثل بالجثة.. وغيره.. وغيره...
تعال سوى كده نشغّل مخنا ونفكّر مع بعض.. إيه اللي حصل لنا إحنا بقينا كده ليه.. إيه؟.. بتقول إيه؟.. الفقر هو السبب، وفضاء الجيوب فضّى معاه الرحمة من القلوب، لقمة العيش اللي اختفت خلّت الغضب يفرض كلمته، خلت الغلابة تنتقم من قلة حيلتهم في الغلابة اللي زيهم.
بس الفقر موجود من سنين وعمره ما كان سبب للغضب، يمكن علشان الأمن كان قايم بدوره، يمكن الناس زمان كانت لسه بتخاف وبتعمل حساب للشاويش والعسكري قبل الضابط.. إيه؟ بتقول موافقني إن الأمن مقصّر علشان اللي بيقتل بيتقبض عليه بعد سنين.. وبيتحاكم بعد سنين.. فانتحر العدل... برضه يمكن تكون صح.
بس برضه.. إزاي الناس خيالها بقى واسع كده.. إيه؟.. بتقول مش فاهم قصدي إيه؟.. قصدي إن التفاصيل اللي بقرأها في صفحة الحوادث عن الجريمة الفلانية أو الحادثة العلانية بتقول إن الناس دول مش مجرمين دول مؤلفين أفلام سينما، تخطيط إيه وتقطيع إيه ودم إيه ورسم إيه وهروب.. إيه؟.. بتقول فهمت قصدي وإن أفلام الرعب خلّت منظر الدم عندنا مألوف، وموّتت في قلوبنا رهبة الموت وقدسية الجثة وشحنتنا بالغضب والرغبة في الانتقام.. برضه يمكن تكون صح؟..
إنت بقى.. رأيك إيه؟!..
الرابط لايظهر فى الأرشيف
ليه العنف انفجر بالشكل ده في المجتمع المصري بكل طبقاته؟
لماذا اختفت الأيام التي كانت تقتصر فيها جريمة القتل على طعنة سكين أو طلقة رصاصة؟
تفتكر الأمن غاب من الشارع فحلّت الجريمة مكانه؟
تفتكر أفلام الرعب أخرجت من مدرستها جيلاً كاملاً من المتعطشين لدماء البشر؟
شايف إن الإعلام بيهوّل العيوب الصغيرة للمجتمع وبيبرزها.. فيظهر المجتمع وكأنه مجموعة من السفّاحين؟
تفتكر الفقر نمى فينا أنياباً وحوافر تقتل وتقطّع دون أسى أو خوف؟
إحنا بقينا كده ليه؟