®®المقابلة الخامسة بضيافة ((la princesse)) ®®

[mohamed ali]

حان وقت اللقاء ...

بسم الله الرحمن الرحيم

اسعد الله اوقاتكم بكل خير اعضاءنا الكرام

نلتقي بعد غيبة .. نلتقي علي كل خير ان شاء الرحمن

اليوم .. نلتقي مع ضيفه انتظرناها طويلا :039:

نلتقي مع سفيرة المنتدي في الصعيد :thumbup1:

تشرفت بصداقتها وكما قال الشاعر اللي ماعرفوش ولا اعرفله اسم :18:

ان كان بدك تعاشر حر اسقيه قبل الحلاوة المر

وان لقيته علي الود القديم صابر !!



يبقي اكيد دي

la princesse


الرابط لايظهر فى الأرشيف

نلتقي من اليوم وعلي مدار شوية ايام :ongue:


مع اميره

نوجه اليها اسألتنا ونعرف اراءها :bc:

ولها كل الحق في ان تمتنع عن اي سؤال متي رات انه يعتبر تدخل في حياتها الشخصية

اهلا بكي ميرا في المقابلة
:ongue:

تفضلي استرخي جيدا
الرابط لايظهر فى الأرشيف 9%D8%AA%D8%B1%D8%A7%D9%81.jpg
ونتمني لكي وقتا جميلا


تحياتي
محمد علي

[Muhamed]

11 يوم بس يا محمد

حرام

الواحد مستنى بقاله كام شهر علشان 11 يوم بس


طب خليها لاخر الشهر مثلا

بص انا المفروض كل يوم هاخد منها جبايه انى مخشش فليك النص لو كترت الايام ايه رايك :)

مش منوره الكرسى ومش هتصعبى عليا من اللى هيعمله الاعضاء فيكى

وبما انى لسه مخدتش مقابل سكوتى لاول يوم فهبدأ بشويه اسئله على السريع


" امنيه حياتك"

" اكتر حاجه تخافى منها "

" اصعب قرار خدتيه فى حياتك"

" اقرب عضو الى قلبك"

" اتقل عضو على قلبك"

" اسؤء عضو فى المنتدى"

"احسن عضو فى المنتدى"

" اول عضو عرفتيه فى المنتدى"


"اخر عضو عرفتيه من المنتدى"

"شخص تقوليله يارتنى عرفتك من زمان"

"شخص تقوليله يارتنى ما شفتك"

"شخص تقوليله منك لله"

"شخص تقوليله سدد الله خطاك"

"معلومات منعرفهاش عن الابله اميره"

" معلومات نعرفها عن الابله بس رخامه تعرفيهالنا تانى"


و

و

و


اقوم اصلى حظك المغرب هتوقف اسئله النهارده

لو بكره مفيش مقابل يبقى اضعاف دول

لكن

ابجنى لا تجدنى :)

[MafiawwY]

أهلا برنسيس ,, اظاهر محمد على معندهوش كراسي ...

مش مهم خليكي واقفه :bm:

متقلقيش من ناحية اسألتي دول كام سؤال صغنن خالص:18:

واحد عاملتي ايه فى الدراسة؟
اتنين عضو/ه تحبي ترميه من شباك تيفا؟
تلاته عضو/ه تفتحيله باب تيفا وتقوليله الباب يفوت أسد؟
اربعه موقف مش عاوزه تنسيه (حلو) + موقف عاوزه تنسيه (وحش)؟
خامسه منتدي اول ماتفتحي المنتدي بتدخليه؟
سيته أكتر اسمايل فى تيفا بتعجبك؟
سابعه عضو/ه قديم مفقود فى المنتدي؟

يلا كفاية كدا علشان نخلي حاجه للايام الجاية :shades:

[mohamed ali]

تم تعديل المدة لحين الانتهاء من الاسئلة :)

وتم اضافة الكرسي

[AlSam3r]

ياريت تقوليلى ايه اصعب حاجه تخلى الانسان يبكى فى حياته وايه هيه بالنسبه ليكى

[ابن مصر]

انا شوفتها معديه هنا في المنتدى من كام يوم حد فيكم شافها

[la princesse]

11 يوم بس يا محمد


حرام

الواحد مستنى بقاله كام شهر علشان 11 يوم بس


طب خليها لاخر الشهر مثلا

بص انا المفروض كل يوم هاخد منها جبايه انى مخشش فليك النص لو كترت الايام ايه رايك :)

مش منوره الكرسى ومش هتصعبى عليا من اللى هيعمله الاعضاء فيكى

وبما انى لسه مخدتش مقابل سكوتى لاول يوم فهبدأ بشويه اسئله على السريع




اصتبحنا وصبح الملك لله
:039:





" امنيه حياتك"
باختصار شديد: الجنة - رضا الله ورسوله - رضا الوالدين - النجاح بشكل عام في شتى مجالات الحياة - وتكوين أسرة مسلمة يرضى الله عنها ويفرح بها الرسول صلى الله عليه وسلم

" اكتر حاجه تخافى منها "
عادات وتقاليد بالية ملهاش اصل فى الدين ولكن البعض أعطاها السلطة وأصبحت تتحكم في حياتنا بشكل مبالغ فيه

" اصعب قرار خدتيه فى حياتك"
لسه موصلتلهوش

" اقرب عضو الى قلبك"
فجر الاسلام ولوست انجل

" اتقل عضو على قلبك"
محدش

" اسؤء عضو فى المنتدى"
اى عضو داخل ومش فى نيته انه يفيد ويستفيد
وخصوصا الناس اللى بتقول مشكووووووووور

"احسن عضو فى المنتدى"
كل واحد بيدى على اد الامكانيات اللى ربنا اداهاله
ييبقى احسن عضو هو اللى بيفيد المنتدى بكل الامكانيات اللى ربنا اداهاله

" اول عضو عرفتيه فى المنتدى"
.........


"اخر عضو عرفتيه من المنتدى"
كل يوم بعرف ناس جديدة

"شخص تقوليله يارتنى عرفتك من زمان"
كل الناس اللى عرفتها فى حياتى

"شخص تقوليله يارتنى ما شفتك"
محدش

"شخص تقوليله منك لله"
واحد صاحبنا:017:

"شخص تقوليله سدد الله خطاك"
كل الناس

"معلومات منعرفهاش عن الابله اميره"
the complicated simple girl

" معلومات نعرفها عن الابله بس رخامه تعرفيهالنا تانى"
اهم معلومة منهم انى احتمال ارتكب جريمة قتل فى محافظة مشهورة من 6 حروف فىها الاهرامات وابو الهول معكوسة

[adam_shokry]

على فكره المحافظه مش من 6 حروف بس هى فيها رقم سته وبعدها شهر صح ولا ايه يا عم ماندوز
ويا ترى اسمها ايه المحافظه دى اللى هيجاوب هيفوز برحله لجزر الصعيد الهادى لمشاهدة اهم الترع
والمستنفعات

[Muhamed]

والعوده مره اخرى بما انى لسه برضه مخدتش اى مقابل

اصعب قرار خدتيه فى حياتك

بما انك لسه موصلتهوش يبقى نرخم ونقول تفتكرى ايه اصعب قرار ممكن تاخديه فى حياتك :)

" اول عضو عرفتيه فى المنتدى"
.........

حضرتك فى حقوق طبع ونشر وانا مسجل النقط كبراءه اختراع ليا ومحدش يقلدها لو سمحتى :)


اهم معلومة منهم انى احتمال ارتكب جريمة قتل فى محافظة مشهورة من 6 حروف فىها الاهرامات وابو الهول معكوسة

اسكتى مش بعد التقسيمه الجديده للقاهره الكبرى لقه فى محافظه اسمها 6 اكتوبر والهرم راح تبع الجيزه ووحلوان بقت محافظه لوحديها وخدت معاها القاهره الجديده

شوفى بقه بعد التقسيمه الجديده جريمه القتل هتعمليها فى اى محافظه :)

نقول بقه شويه اسئله جديده

" يوم مش هتنسيه "

" يوم تتمنى تنسيه"

"يوم تتمنى يبقى النهارده"

"يوم تتمنى انه ميجيش"

" رغم ان يكى 2 اخوات بنات مين الانسانه اللى تمنيتى انها كون اختك وعلى فكره المطلوب اسم واحد رخامه بقه "

" كررى السؤال السابق لاخ ولد :) "

"الفتره من ابتدائى الى نهايه الثانويه العامه تشاركينا كده باحداث لو افتكرتى الفتره دى هتفتكريها يعنى احداث فى الزاكره بتاعتك مضحكه او محزنه غريبه او فيها عبره فى الفتره دى "

"كررى السؤال السابق فى المرحله الجامعيه"

"كررى السؤال اللى قبل السابق فى مرحله ما بعد الجامعه - ودخولك الجيش بقه وتعيينك فى مدرسه الضباط الاحتباط - سورى المكان يعنى اللى اشتغلتى فيه :) "


وانا جاى تعبان من الشغل ومش قادر اكتب اكتر من كده

ومازالت الملحمه مستمره

على فكره حظك رهيب ان محمد منزل الموضوع فى فتره امتحانات الاعضاء فمحدش فاضى يخش المنتدى اساسا لكن تقولى ايه بقه ربنا كبير ورزقك بواحد قاعدلك كل يوم كده وانتى عارفه ديته :)

ابجينى لا تجدينى

[la princesse]

أهلا برنسيس ,, اظاهر محمد على معندهوش كراسي ...

مش مهم خليكي واقفه :bm:


ماشى يا عادل
ميرسي لحسن الضيافة
تتردلك قريب ان شاء الله



متقلقيش من ناحية اسألتي دول كام سؤال صغنن خالص:18:

واحد عاملتي ايه فى الدراسة؟
عملت واحد ليسانس آداب فرنساوى وبعمل واحد دبلوم تربوي وقربت اخلصه ان شاء الله عشان اعمل بعده واحد تمهيدى ماجستير:bc:


اتنين عضو/ه تحبي ترميه من شباك تيفا؟
زى ماقلت قبل كده
اى عضو داخل ومش فى نيته انه يفيد ويستفيد
وخصوصا الناس اللى بتقول مشكووووووووور


تلاته عضو/ه تفتحيله باب تيفا وتقوليله الباب يفوت أسد؟
نفس الاجابة السابقة


اربعه موقف مش عاوزه تنسيه (حلو) + موقف عاوزه تنسيه (وحش)؟
الموقف الحلو هو اى نجاح حققته فى اى مجال فى حياتى
والموقف الوحش اى فشل مريت بيه

خامسه منتدي اول ماتفتحي المنتدي بتدخليه؟
لا انا لما بدخل مبفتحش منتدى معين
لانى بجيب قائمة المشاركات الجديدة كلها

سيته أكتر اسمايل فى تيفا بتعجبك؟
:039::017::048::bm::walkman:

سابعه عضو/ه قديم مفقود فى المنتدي؟
tota , only me only u


يلا كفاية كدا علشان نخلي حاجه للايام الجاية :shades:
:039:

[la princesse]

تم تعديل المدة لحين الانتهاء من الاسئلة :)

وتم اضافة الكرسي


ماشى يا محمد
ميرسي على المقدمة الرقيقة
وعلى الكرسي المريح جدا
وعلى الاسئلة ال......:017:
يا شماتة ابلة ظاظا فيا

[la princesse]

ياريت تقوليلى ايه اصعب حاجه تخلى الانسان يبكى فى حياته وايه هيه بالنسبه ليكى

الندم ثم الندم ثم الندم
ثم
فقدان شخص قريب لقلبك
ربنا يبعدك عن الاتنين

شرفنى جدا مرورك يا AlSam3r

[la princesse]

انا شوفتها معديه هنا في المنتدى من كام يوم حد فيكم شافها

بقى فينا من كده
بتفتن عليا:017:
ماشى يا ابن مصر لك يوم
واوعدك انه قريب جدا:039:

[la princesse]

على فكره المحافظه مش من 6 حروف بس هى فيها رقم سته وبعدها شهر صح ولا ايه يا عم ماندوز
ويا ترى اسمها ايه المحافظه دى اللى هيجاوب هيفوز برحله لجزر الصعيد الهادى لمشاهدة اهم الترع
والمستنفعات

لا هم 6 بس انت عدهم كويس
انا عارفة ان مستوى المدارس فى الجيزة وحش بس مش لدرجة انك 23 سنة وبتعد غلط :walkman:
عموما لكم الله
بس محدش يجيب سيرة الصعيد الهادى تانى بقى الا لما ييجى الاول ويشوفه بنفسه
وبطلوا فرجة على المسلسلات العربي عشان لو مجابتلناش تخلف عقلى وبله مغولي على الاقل هتجيبنا ورا:thmbdn:

[ابن مصر]

برنسيستنا

أولا أهلا بكي على الكرسي اللي طالما انتظرناكي فيه

وكل يوم نحلم بيكي وانتي مشرفه على الكرسي

وكله نازل أسئلة في أسئلة

وانتي مش عارفه تجاوبي

ووشك يحمر

من كتر الأسئلة المحرجه

هههههههههههههه

ده في الحلم طبعا

لكن في الحقيقة أكيد غير

أسئلتي

دراستك ايه هي ؟

طموحاتك العلمية والمادية ؟

مواصفات الشاب والفتاة الناجحين في نظرك ؟

مواصفاتالزوج الزوجة الناجحين في نظرك ؟

وياريت بدون اجابات دبلوماسية زي ماشوفت فوق

[mohamed ali]

بسم الله الرحمن الرحيم

توكلنا علي الله

انا المره دي مش هاسال اساله استفهامية زي مابيقولوا بس اساله لنستفاد كلنا من معلومات ميرا في الحياه بصفة عامه وخبرتها الجهنمية في طبخ الملوخية والتحليه بالمهلبية :bm:

نعود الي الموضوع

المره دي هاسال عن المنتدي وبعدين هارجع للاساله العامه بعد كده

1 - هل تؤمنين بالتخصص في مجال معين ام كلله علي بعضه
بمعني ان وجدت في الفتره الاخيره ازذهار بعض المنتديات وحاولت البحث عن اسباب رقي هذه المنتديات ووجدت ان هناك سبب واحد مشترك
ان لكل منتدي تخصص في مجال معين

فمثلا لمتابعي الرياضه كلنا سنعرف كورة وستار تايمز وجول ....
للميديا كلا نعرف عرب سيد وما شابه

فهل تري ان التخصص سيكون افيد لمنتدانا .؟!


لي عودة بعد شوية :clap:

2 - في الفتره الاخيره وبعد انتشار الفضائيات وجدت بعض البرامج تعرض بعض المقالات لاشخاص معينة مع ذكر اسم المنتدي
هل تجدي في منتدانا من يستطع ان يلفت الانظار بقلمه وهل ان وجد فهو يبخل علينا بقلمه ؟!

[Lost Angel]

خياااااااااااااااااااااااااااااااااانة ميراااااااا تقعد علي الكرسي واحنا مش موجودين وبنمتحن ازااااااااااي
كده هتتظلم ومش هتاخد نصيبها كويس في الاسئلة
وبعدين يعني انا لو مكنتش فتحت مكنتش هعرف غير بعد ما اخلص امتحانات :039:
بس حظك حلو بقي اني فتحت :bm: والباور الي عندي خلصتها كلها امبارح في امتحان الباور :wub:
شوية اسئلة ع السريع بقي عشان معزتك الغالية عندي ومش هوصي باقي الاعضاء الموجودين عليكي طبعا
ماشاء الله يعني قايمين بالواجب معاكي :ShowLetter2:

هل انتي راضية عن نفسك كل واحد فينا ساعات بيحس بالتقصير ومع السبب بقي ؟

ايه اكتر حاجه ممكن تضايقك ؟

لما بتتضايقي مين اول حد بتجري عليه وتفضفضيله؟

حاجه مش ممكن تسامحي فيها ابدااا هيا ايه ؟

أحلي لحظة في حياتك ؟

موقف صعب حصلك ومعرفتيش تتصرفي فيه ؟

اكتر موقف محرج حصلك في حياتك ؟

اكتر حاجه مجنونة عملتيها ؟

حاجه عملتيها وندمتي عليها ؟

حاجه بتحبي تعمليها كل يوم ؟

عادة سيئة عندك ومش عارفه تتخلصي منها ؟

ايه هيا فلسفتك في الحياة ؟

نفسك في ايه دلوقتي ؟
وكفاية كده بقي للاسف مش هقدر اقولك لي عودة مرة اخري :011:


وفي الاخر ربنا يوفقك يا حبيبتي ويحققلك كل الي بتتمنيه ووحشاااااني جداااا والله وادعولي بقي عشان الامتحانات

[la princesse]

اسفة جدا جدا على التاخير كان عندى امتحان:039:



والعوده مره اخرى بما انى لسه برضه مخدتش اى مقابل


لا اله الا الله
انا عملت ايه وحش فى حياتى:017:

بما انك لسه موصلتهوش يبقى نرخم ونقول تفتكرى ايه اصعب قرار ممكن تاخديه فى حياتك :)
الله اعلم
دى حاجة بتاعت ربنا


حضرتك فى حقوق طبع ونشر وانا مسجل النقط كبراءه اختراع ليا ومحدش يقلدها لو سمحتى :)

وانا بقتدى بحضرتك


اسكتى مش بعد التقسيمه الجديده للقاهره الكبرى لقه فى محافظه اسمها 6 اكتوبر والهرم راح تبع الجيزه ووحلوان بقت محافظه لوحديها وخدت معاها القاهره الجديده

شوفى بقه بعد التقسيمه الجديده جريمه القتل هتعمليها فى اى محافظه :)

احتمال اعملها هنا فى المنتدى


نقول بقه شويه اسئله جديده

" يوم مش هتنسيه "
يوم الثلاثاء:bm:


" يوم تتمنى تنسيه"
يوم معين كنت حاسة فيه باحباط شديد

"يوم تتمنى يبقى النهارده"
اليوم اللى هوصل لهدفى فيه


"يوم تتمنى انه ميجيش"
لا انا الحمد لله مؤمنة جدا بالقضاء والقدر
وراضية باى حاجة جاية من عند ربنا لانها اكيد فيها خير
بس طبعا بردو بقول يا لطيف الطف بنا فيما جرت به المقادير


" رغم ان ليكى 2 اخوات بنات مين الانسانه اللى تمنيتى انها كون اختك وعلى فكره المطلوب اسم واحد رخامه بقه "
لا بقى هم 2
رخامة بردو
لوست وفجر الاسلام

" كررى السؤال السابق لاخ ولد :) "
يمكن لان مش عندى اخ فعوضت الحكاية دى بانى اعتبرت اى شخصية كويسة عرفتها اخ ليا
وفى كتير هنا من المنتدى اعتبرتهم اخواتى بجد ومن بره المنتدى كمان
بس مش هحدد اسماء لان انت بتقول عايز اسم واحد بس


"الفتره من ابتدائى الى نهايه الثانويه العامه تشاركينا كده باحداث لو افتكرتى الفتره دى هتفتكريها يعنى احداث فى الذاكره بتاعتك مضحكه او محزنه غريبه او فيها عبره فى الفتره دى "
ياااااااااااااه
مقدرش انسى ايام المسرح والشعر والمناظرات والموسيقى
كانت ايام جميلة جدا
ومن كتر هواياتى مكنتش ببقى فاضية للمذاكرة
لغايت لما بابا امر بوقف اطلاق النار:ohmy:
قصدى وقف الحاجات اللى كنت بشترك فيها دى
وكان وقت صعب لان المدرسة كانت معتمدة عليا فى المسابقات يعنى وطبعا ناس كتير زعلت منى حتى مديرة المدرسة
بس طبعا كنت لازم اسمع كلام بابا لنى عارفة انه كان شايف الصح


"كررى السؤال السابق فى المرحله الجامعيه"
ايام الجامعة كلها جميلة وذكرياتها متتنسيش
لكن لو هحكى يبقى لما كنت فى امتحان السنة اللى فاتت فى الليسانس
وكنت ناسية ورقة الامتحان اللى فات فى المقلمة اللى فيها الادوات
وطنشت بقى انها موجودة وقلت عادى لو حد من المراقبين اتكلم هقوله ان دى ورقة امتحان
بس اتفاجئت بحظى الحلو ان العميد كان بيمر على اللجان وجه وكان فاكرنى بغش:ohmy:
ولقيته بيتسلل بخفة القطط وبيسحب الورقة وبيبصلى بمكر
بس لما شافها ابتسم ومشى
بس بعد ايييييه
بعد ما وقع قلبي بقى

وكمان مش هنسى بحث التخرج بتاعى اللى بعتبره احلى بحث عملته فى حياتى
L'absurde et la révolte chez Albert Camus
D'après sa pièce Caligula
بمعنى العبث والتمرد عند البير كامو من خلال مسرحيته كاليجولا


"كررى السؤال اللى قبل السابق فى مرحله ما بعد الجامعه - ودخولك الجيش بقه وتعيينك فى مدرسه الضباط الاحتباط - سورى المكان يعنى اللى اشتغلتى فيه :) "

متعتبرنيش اشتغلت بجد لان الموضوع كله بالنسبالى كان مجرد تسلية
يمكن لانى مش شايفة نفسي انفع ابقى مدرسة
لكن رغم كده ولله الحمد نجحت فى انى خليت كل الاطفال يحبونى ويتعلقوا بيا جدا
وزميلاتى كمان حبونى جدا رغم ان الفترة كانت قصيرة ومتعدتش شهرين تلاتة
ودى بعتبرها نعمة كبيرة من عند ربنا سبحانه وتعالى


وانا جاى تعبان من الشغل ومش قادر اكتب اكتر من كد

ومازالت الملحمه مستمره

على فكره حظك رهيب ان محمد منزل الموضوع فى فتره امتحانات الاعضاء فمحدش فاضى يخش المنتدى اساسا لكن تقولى ايه بقه ربنا كبير ورزقك بواحد قاعدلك كل يوم كده وانتى عارفه ديته :)

ابجينى لا تجدينى

انا هنزل اعلان بمنع العضو من انه يدخل يسأل اكتر من مرتين لانه ثبت علميا ان ده غلط على الصحة النفسية والعقلية للضيف والكرسي:bomb:

[la princesse]

نيجى لاسئلة الاخ العزيز ابن مصربرنسيستنا
أولا أهلا بكي على الكرسي اللي طالما انتظرناكي فيه

العفو يافندم اخجلتم تواضعنا

وكل يوم نحلم بيكي وانتي مشرفه على الكرسي

وكله نازل أسئلة في أسئلة

وانتي مش عارفه تجاوبي

ووشك يحمر

من كتر الأسئلة المحرجه

هههههههههههههه
لالالا انا الحمد لله مش بخاف من الكرسي ولا الاسئلة
بس
.......
اعتقد ان الموقف ده هيبقى من نصيبك وقريب جدا
على ايدى ان شاء الله:bm:



أسئلتي

دراستك ايه هي
licence de faculté des lettres
département du français 2008
ليسانس آداب قسم اللغة الفرنسية 2008

طموحاتك العلمية والمادية ؟
زى ماقلت قبل كده
لكن اضيف على السابق
ان شاء الله يعنى ربنا يقدرنى واخد ماجستير ودكتوراه فى تخصصى
وفى دماغى حاجات كتيرنفسي ربنا يكرمنى واقدر اخدم الاسلام بيها
و90% منها معتمد على الترجمة

مواصفات الشاب والفتاة الناجحين في نظرك ؟

فى قاعدة عامة واساسية بقيم الناس من خلالها
ان نجاح الانسان فى علاقته بربنا هيخليه سهي ينجح فى اى حاجة تانية مهما كانت صعبة
وبالتالى اول اساسيات النجاح هو النجاح فى علاقتك بالله وده للشاب او البنت

والنجاح بالنسبالى لا يقاس بالشهادات اللى الواحد بياخدها ولكن يكفيه انه ناجح فى مجاله وفى تخصصه

حاجة كمان
النجاح فى العلاقات الاسرية ويمكن فى ناس كتير بتفتقد ده فى الوقت الحالى

وكل دى نجاحات مشتركة للولد والبنت

اما لو هنتكلم بتخصص اكتر
يبقى نجاح البنت فى انها تكون عون لاهلها وفخر ليهم
وتبقى واثقة من نفسها وعارفة ان اهميتها لا تقل عن اهمية الرجل
وانها تقدر تخدم بلدها ودينها فى الحدود الشرعية اللى الاسلام سمح بيها

الولد الناجح اهم حاجة فيه انه ميبقاش تافه
يبقاله اهداف عايش عشانه مش يوصل لبعد العشرين وهو مش عارف هو عايش ليه وعايز ايه
يكون متحمل للمسؤلية او على الاقل جزء منها

مواصفات الزوج الزوجة الناجحين في نظرك ؟


وياريت بدون اجابات دبلوماسية زي ماشوفت فوق
ماااااااشى هجاوب
بالنسبة للرجل
لازم يبقى فاهم شخصية زوجته كويس
يبقى عارف عيوبها ايه ويحاول يعالجها او على الاقل يتفادى الاصدام بيها
يحترمها ويراعى مشاعرها ويحسسها بقيمتها فى حياته
يحتويها ويكون كل حاجة فى حياتها ويعوضها معنويا عن اى حاجة هى اتحرمت منها
ويشركها فى كل اموره وفى اى حاجة تخصه ويهتم جدا برايها حتى لو كان شايفه غلط
لان رايها اكيد هيكون نابع من قلب بيحبه وخايف عليه
وتبقى هى اقرب الناس ليه مش اصحابه زى مابنشوف كتير
ميرميش الحمل كله عليها ويهمل اولاده ويتحجج بالشغل
لانها مهما كانت شخصية قوية وحكيمة بردو مش هتغنيهم عن باباهم
ويتقى الله فيها ولا يمنعها عن اهلها

قال رسول الله عليه افضل الصلاة والسلام ( لو كنت آمرا أحدا أن يسجد لأحد لأمرت المرأة أن تسجد لزوجها). اخرجه الترمذي
وقال صلى الله عليه وسلم
(أيما امرأة باتت وزوجها عليها ساخط في حق لم تقبل منها صلاة حتى يرضى عنها)
صدق رسول الله صلى الله عليه وسلم

يعنى الزوجة بقى واجباتها اكتر شوية
طبعا لازم تراعى حق جوزها وتطيعه ومتنشغلش عنه وعن الاهتمام باموره
وتحاول تقرب منه وترضيه وتنفذ كل اللى بيطلبه منها
وتحفظ ماله وعرضه واولاده
وتحفظه فى اهله وتعتبرهم اهلها

وانها تكون ام لان دى وظيفتها الاساسية
والاذكى بقى هى اللى بتقدر تحقق المعادلة الصعبة وتكون ام ناجحة
وفى نفس الوقت بتشتغل وتحقق ذاتها وتقوم بدورها فى الحياة العملية
وده بقى قليل دلوقتى لكن موجود

[MafiawwY]

صباح الخير حسب التوقيت اللى انه فيه
عامله ايه النهارده يا برنسيس .... متجاوبيش عارف عارف

بس كله يهون علشان خاطر الكرسي الحلو اللى محمد جايبه دا

خدي السرنجتين دول مني علشان تستريحي :bm:


كم وزنك وكم طولك؟
بتحبي اكتر الوالد ولا الوالدة؟
هل فقدتي حبيب من قبل ؟ ومين السبب؟
حبيتي كم مرة ف حياتك؟ وهل مازال؟
انتي مفرورة؟ ليه لاء؟

اقعدو بالعافيه امممممموه

[la princesse]

بسم الله الرحمن الرحيم


توكلنا علي الله

انا المره دي مش هاسال اساله استفهامية زي مابيقولوا بس اساله لنستفاد كلنا من معلومات ميرا في الحياه بصفة عامه وخبرتها الجهنمية في طبخ الملوخية والتحليه بالمهلبية :bm:


:shades:

1 - هل تؤمنين بالتخصص في مجال معين ام كلله علي بعضه
بمعني ان وجدت في الفتره الاخيره ازذهار بعض المنتديات وحاولت البحث عن اسباب رقي هذه المنتديات ووجدت ان هناك سبب واحد مشترك
ان لكل منتدي تخصص في مجال معين
فمثلا لمتابعي الرياضه كلنا سنعرف كورة وستار تايمز وجول ....
للميديا كلا نعرف عرب سيد وما شابه

فهل تري ان التخصص سيكون افيد لمنتدانا .؟!

التخصص فى حد ذاته شيء كويس ومفيد فى احيان كتير
بس مش معناه انى اتخصص فى مجال واهمل باقى المجالات
انا بس هزود التركيز عليه اكتر من غيره
وفى احيان كتير التنوع بيبقى مطلوب بردو





2 - في الفتره الاخيره وبعد انتشار الفضائيات وجدت بعض البرامج تعرض بعض المقالات لاشخاص معينة مع ذكر اسم المنتدي
هل تجدي في منتدانا من يستطع ان يلفت الانظار بقلمه وهل ان وجد فهو يبخل علينا بقلمه ؟!

هو طبعا بشكل عام فى المنتديات فى ناس كتير ممكن تلفت النظر
بس هنا فى المنتدى هم مش كتير
يمكن لان اغلبنا صغيرين ولسه بندرس فبنخبط ونقول اى حاجة فى اى حاجة
اقصد ان مفيش نضج فى الكتابة
بس يمكن لما ننضج اسلوبنا هيتحسن ومش شرط يكون ملفت للنظر يعنى

[امير الرومانسية]

la princesse

انا بمسي التماسي اجدع تماسي احسن تقولوا ان انا ناسي
دندندندندندندندندندندندندندندن

خد بقي ياجميل سؤالين صغننين كده سخني بيهم
أزأزي يعني هههههههه

اولا:: الاسئلة العادية

ما هو تعريف الحب ؟

هل تؤمني بالحب ؟
هل تؤمني بالحب من أول نظرة؟
هل يختلف معني الحب عبر العصور ؟

ماهو تاثير العمر علي معني الحب في المراحل التالية( مراهقة - شباب - بعد الاربعين )

فرق العمر بين الطرفين هل يوثر علي علاقةالحب ؟
أيهما أنجح ,الزواج عن طريق الأهل أو عن معرفة سابقة؟
هل ممكن تحبي اكتر من مرة ؟
هل يمكن أن يكره الأنسان الشخص بعد أن أحبه؟
هل للمادة دور رئيسي في استمرار الحب ؟
نجاح الحب مستحيل ام ممكن وكام نسبة نجاحه من وجهة نظرك ؟
هل يمكن ان يستمر الحب في حالة تغير الطرف الاخر من

نواحي:

ا-عاطفية

ب-غير عاطفية
أيمكن للحب ان يغير مجرى حياتك؟
البعد ايخفف المشاعر ام يلهب الاشواق ؟
هل يتغير الحب بعد الزواج؟
بوجود الحب ايشترط وجود السعادة ؟

هل الغيرة ضرورية في الحب ؟؟

و ما دورها ؟ سلبي أم ايجابي؟

ايه رايك في المقولة اللي تقول:

نظرة.. فابتسامة ...فموعد... فالقاء)؟؟
من هو توأم روحك وبلسم جروحك؟؟
ايه رايك في البيت اللي يقول:

نقل فؤادك حيث شئت من الهوى

مالحب الا للحبيب الأولِ ..؟؟


الحب لةبداية , لكن هل لة نهاية؟؟

ماهي مراحل الحب الحقيقي؟؟

هل حبيتي من أول نظرة وامتى؟؟

هل سبق وصدمتي في شخص أحببتية وحطيتي لة مكانةبالرغم

انه ميستحقهاش ؟

ايه الشىء اللي يشدك في الحب ويخليكي تتمسكي بيه

ومتقدريش تقاوميه ؟
اذا رجّعناكي لعصر عنتر وعبلة أو قيس و ليلى هل راح تنافسي

عبلةاو ليلي على حبيبها لتكسبي حبه
..بنفس طريقتهم بالشعر ولاّ راح تستخدمي أسلوب الترقيم علشان

انتي معاكي موبيل وهم لا ههههههه ؟
لو عشتي قصه حب عنيفه وللاسف انفصلتي

ايه هيكون رد فعلك فى اول مواجهه بينك وبين الانسان ده؟
وهل وممكن بعد العلاقه دى تعيشي قصه حب تانيه؟؟؟؟
الى اى حد انتي مفكرة؟والى اى حد انتي محاورة؟؟؟


هل انتي دبلوماسية؟ ويعنى ايه دبلوماسيه من وجهه نظرك؟؟

لو اتعرضتي لهجوم من احد الاعضاء فى شخصك وتفكيرك

ماهو رد فعلك؟

ثانيا الاسئلة المقالية:::
اشرحي بالتفصيل الممل كل من العبارة الاتية::
دايما بتمر بينا اوقات بنحس فيها اننا مش قادرين نعيش من غير

الحب و من غير الحبيب

و الشعور دا متولد و منبثق من الاحساس التواجدي الكوني في

اللامركزيه العصبيه للقلب

مع التدليل علي ما تقولي

ثالثا اسئلة النقاش الجاد :::


ماهو رد فعلك لو كنتي في مكان هؤلاء الاشخاص

ملخص مكالمة بين اسامة منير واحد المستمعين بتقول::


*1*
هاي اسامة

انا كنت بحب واحد نجار مسلح و بعدين كنت في يوم ماشية في

الشارع لابسه باضي جميل و ديق موووت و بعدين واحد

عاكسني فحبيبي شلحف
مين ياسمر ؟؟
شلحف هو اسمه شادي بس انا بدلعه شلحف
قام ضارب الواد اللي عاكسني بالعتله الحديد شاقق له دماغه
هو دلوقتي في السجن

و انا بحبه اوي يا اسامه و مش عارفه اعمل ايه

و اهلي بيضغطوا عليا مووووت مووووت عشان اتجوز واحد قد ابويا


لو كنتي مكان سمركنتي هتعملي ايييييييييييه

علشان تساعدي اللي بتحبيه ىانه يخرج من سجنه

مع العلم ان العتلة الحديد تصنيع حديد عز للدخيلة( يعني براءة براءة (

*2*
هاى ....

ازيك يا اثامة

بثراحة

انا عندي مسكلة

انا بحب البت ثنية

ساكنة ف اول سارعنا

بث انا دخلت الثجن عسان قتلت فهمي اللى كان عاوث يتجوثها

و هي كمان برده دخلت الاحداث عسان قتلت ابوها

دلوقتى هي خرجت قبلي و اتجوزت مدحت اللى هو كان صاحب

فهمي

و انا لثه ف الثجن باقيلي 23 ثنة

و بحبها و مس طايق ده اللى اتجوثته

السؤال::

بزمتك دي واحدة تتحب برنسيس نص كلامها طاير

هههههههههههههههههههه

يعني ممكن تحبي واحد بالمواصفات دي

وهتعملي ايه لو كنت مكان ثنية

مش عايز اطول عليكي

سلااااااااااااااااااااااام

[la princesse]

انا اسفة جدا جدا جدا على التاخير:ohmy:ربنا ياخد الامتحاناتمعلش حالا حالا هصلح غلطتىوهجاوب على كل الاسئلةبس كل واحد يلم كيبورده عشان اقدر اخلص الاسئلة دى:039:

[Muhamed]

فين الردود ياحاجه انا لسه ماسك نفسى

[la princesse]

خياااااااااااااااااااااااااااااااااانة ميراااااااا تقعد علي الكرسي واحنا مش موجودين وبنمتحن ازااااااااااي
كده هتتظلم ومش هتاخد نصيبها كويس في الاسئلة
وبعدين يعني انا لو مكنتش فتحت مكنتش هعرف غير بعد ما اخلص امتحانات :039:
بركااااااتك يا حجة لوست
ادى الموضوع استناكى لما خلصتى امتحانات واطمنتى عالنتيجة كمان عشان تفترى براحتك:bomb:



شوية اسئلة ع السريع بقي عشان معزتك الغالية عندي ومش هوصي باقي الاعضاء الموجودين عليكي طبعا
انا مليش معيز عند حد:039:




هل انتي راضية عن نفسك كل واحد فينا ساعات بيحس بالتقصير ومع السبب بقي ؟
بصراحة مش راضية
حاسة انى مقصرة فى حاجات كتير
وكمان فى حاجات كتير نفسي اعملها ولسه معملتهاش



ايه اكتر حاجه ممكن تضايقك ؟
انى اغلط


لما بتتضايقي مين اول حد بتجري عليه وتفضفضيله؟
اكيد بجرى على اقرب الناس ليا :bm:


حاجه مش ممكن تسامحي فيها ابدااا هيا ايه ؟
مفيش حاجة مش ممكن اسامح فيها
ان الله يغفر الذنوب جميعاً إلا أن يشرك به


أحلي لحظة في حياتك ؟
لسه مجتش


موقف صعب حصلك ومعرفتيش تتصرفي فيه ؟
امممم مش عارفة بردو
اعتقد الحمد لله مجاش الموقف اللى يعجزنى اوى كده


اكتر موقف محرج حصلك في حياتك ؟
مرة زمان وانا فى 1 او 2 اعدادى
الميس بتاعت الدراسات كانت عايزة الكراسات عشان تصححها
وانا كان عندى كراسة التيرم الاول شبه كراسة التيرم التانى بالظبط
فاتلخبطت وخدت بتاعت التيرم الاول
ولما ادتهالها
زعقتلى وقطعتها
:thmbdn:


اكتر حاجه مجنونة عملتيها ؟
ههههههههههههههههههههه
لالالالالالا بلاش
:walkman:
هقولك بينى وبينك



حاجه عملتيها وندمتي عليها ؟
ثقتى في أشخاص مكنوش يستحقوا الثقة


حاجه بتحبي تعمليها كل يوم ؟
أدخل تيفا نت حتى لو مش بشارك بس بدخل اتفرج
وعلى فكرة عندى اكتر من اكونت والشاطر يعرف


عادة سيئة عندك ومش عارفه تتخلصي منها ؟
انى بسمع أغاني كتير بس مضطرة عشان اقوى الانجلش والفرينش


ايه هيا فلسفتك في الحياة ؟
لا إله إلا الله محمد رسول الله
اطلب العلم من المهد إلى اللحد
إن الله يغفر الذنوب جميعاً إلا أن يشرك به
فصبر جميل والله المستعان على ما تصفون
ادفع بالتي هي أحسن فإذا الذي بينك وبينه عداوة كأنه ولي حميم
ويمكرون ويمكر الله والله خير الماكرين
كذلكِ قال ربك هو علي هين
واعتصموا بحبل الله جميعاً ولا تفرقوا


نفسك في ايه دلوقتي ؟
بجد بجد نفسى اشوفك انتى وفجر ونبقى احنا التلاتة سوا زى امار اكبر انتونى كده


وكفاية كده بقي للاسف مش هقدر اقولك لي عودة مرة اخري :011:
يختى كميلة يا ناااس


وفي الاخر ربنا يوفقك يا حبيبتي ويحققلك كل الي بتتمنيه ووحشاااااني جداااا والله وادعولي بقي عشان الامتحانات

مردودالك يا ثكر:walkman:

[la princesse]

صباح الخير حسب التوقيت اللى انه فيه


عامله ايه النهارده يا برنسيس .... متجاوبيش عارف عارف

:039:




بس كله يهون علشان خاطر الكرسي الحلو اللى محمد جايبه دا

خدي السرنجتين دول مني علشان تستريحي :bm:
هو الاخ تمرجى ولا حاجة:18:



كم وزنك وكم طولك؟
وانت مالك :039:



بتحبي اكتر الوالد ولا الوالدة؟
الاتنين طبعا
يعنى بالصعيدى
tous les deux
بس بابا بيفهمنى اكتر
انا وبابا اصحاب اكتر يعنى
لكن اذا كان عالحب بحب الاتنين طبعا


هل فقدتي حبيب من قبل ؟ ومين السبب؟

فقدت وحدة من اعز صحباتى والسبب الدراسة
اصلها دخلت معتقل اسمه هندسة


حبيتي كم مرة ف حياتك؟ وهل مازال؟

الحمد لله انا بحب كللللللل الناس ودى نعمة من عند ربنا
ان الواحد ميعرفش يكره ولا يجرب احساس الكره ده اساسا


انتي مفرورة؟ ليه لاء؟
ههههههههههه
وايه مخليك واثق انى هقول لا
مش يمكن اقول اه؟؟؟
ماعلينا
المفروض طبعا مش انا اللى اجاوب عن سؤال زى ده
المفروض تسال الناس اللى حواليا
بس اعتقد انى مش بكون مغرورة الا فى حالات معينة بتظاهر فيها بالغرور
عشان اوصل لحد معلومة او اعلمه درس لو كان غلط او تعدى حدوده معايا


اقعدو بالعافيه امممممموه
:039:







ابقى شغل الالوان
الكلام مش بيتلون ليه:039:

[Muhamed]

هوا انا دورى جه فى السؤال ولا لسه فى ناس مردتيش عليهم :)

[la princesse]

اسئلة الاخ امير الرومانسية

la princesse


انا بمسي التماسي اجدع تماسي احسن تقولوا ان انا ناسي
دندندندندندندندندندندندندندندن

خد بقي ياجميل سؤالين صغننين كده سخني بيهم
أزأزي يعني هههههههه

اولا:: الاسئلة العادية

ما هو تعريف الحب ؟
العاطفة التي لا تصفها كلمات اللغة مجتمعة
ولكن قد تصفها الأفعال


هل تؤمني بالحب ؟
أكيد

هل تؤمني بالحب من أول نظرة؟
لا لأنه بيكون إعجاب لحظي
وحتى لو تحول لحب بيبقى بسبب حاجات تانية مش بسبب اول نظرة دى

هل يختلف معني الحب عبر العصور ؟
لا

ماهو تاثير العمر علي معني الحب في المراحل التالية( مراهقة - شباب - بعد الاربعين )
الحب في :
المراهقة ----> وهم
الشباب ----> مستقبل
بعد الأربعين----> حياة




فرق العمر بين الطرفين هل يوثر علي علاقةالحب ؟
مش في كل الأحيان
لكن هنروح بعيد ليه
عندنا مثالين ضربهم لنا المصطفى صلى الله عليه وسلم
فجميعنا يعلم أن أحب زوجاته كانتا السيدة خديجة والسيدة عائشة

أيهما أنجح ,الزواج عن طريق الأهل أو عن معرفة سابقة؟
كل نوع فيهم له مميزاته وعيوبه
بس مش عارفة بالظبط انهو احسن

هل ممكن تحبي اكتر من مرة ؟
لا صعب جدا

هل يمكن أن يكره الأنسان الشخص بعد أن أحبه؟
لا


هل للمادة دور رئيسي في استمرار الحب ؟
بالنسبالى انا لا
لان لو الحب هيتاثر بالمادة يبقى مكنش حب حقيقي من الاساس


نجاح الحب مستحيل ام ممكن وكام نسبة نجاحه من وجهة نظرك ؟
لو حب حقيقي وطاهر وبعيد عن معصية ربنا وماشى فى الاتجاه المظبوط
يبقى نسبة نجاحه 100%

هل يمكن ان يستمر الحب في حالة تغير الطرف الاخر من

نواحي:

ا-عاطفية -----> لا يستمر

ب-غير عاطفية -----> يستمر اذا مأثرش التغير ده على مشاعره


أيمكن للحب ان يغير مجرى حياتك؟
اه

البعد ايخفف المشاعر ام يلهب الاشواق ؟
يلهب

هل يتغير الحب بعد الزواج؟
لو حب حقيقي مش هيتغير

بوجود الحب ايشترط وجود السعادة ؟
لا يشترط
لأن ممكن الحب من أوله لآخره يكون مأساوى


هل الغيرة ضرورية في الحب ؟؟
بالتأكيد


و ما دورها ؟ سلبي أم ايجابي؟
ايجابي جدا بس اى حاجة لو زادت عن حدها بتنقلب لضدها
وبردو ده بيتوقف على درجة تقبل الطرف التانى للغيرة


ايه رايك في المقولة اللي تقول:

نظرة.. فابتسامة ...فموعد... فالقاء)؟؟
بتحصل كتير
بس ضعاف النفوس هم اللى بيستجيبوا

من هو توأم روحك وبلسم جروحك؟؟
:icon26:تيفانت وأعضاؤه:icon26:

ايه رايك في البيت اللي يقول:

نقل فؤادك حيث شئت من الهوى

مالحب الا للحبيب الأولِ ..؟؟
مش دايما بيبقى صح



الحب لةبداية , لكن هل لة نهاية؟؟
ممكن يبقاله نهاية بس بردو ده شيء يتوقف على شخصية المحب
في ناس معطاءة لابعد الحدود


ماهي مراحل الحب الحقيقي؟؟
هو قدر زى الموت كده بالظبط مع الفوارق طبعا
بس معرفش ايه المراحل اللى انت بتسال عنها دى:shades:


هل حبيتي من أول نظرة وامتى؟؟
لالالالالالالالا


هل سبق وصدمتي في شخص أحببتية وحطيتي لة مكانةبالرغم

انه ميستحقهاش؟
اه بس مش لازم يكون حب من النوع اللى انت تقصده يعنى


ايه الشىء اللي يشدك في الحب ويخليكي تتمسكي بيه

ومتقدريش تقاوميه ؟
صدقه وعفافه وطهارته وترفعه

اذا رجّعناكي لعصر عنتر وعبلة أو قيس و ليلى هل راح تنافسي

عبلةاو ليلي على حبيبها لتكسبي حبه
..بنفس طريقتهم بالشعر ولاّ راح تستخدمي أسلوب الترقيم علشان

انتي معاكي موبيل وهم لا ههههههه ؟
لا طبعا لأن الحب قدر ونصيب مش منافسة ولا معركة




لو عشتي قصه حب عنيفه وللاسف انفصلتي

ايه هيكون رد فعلك فى اول مواجهه بينك وبين الانسان ده؟
رغم تحفظي على كلمة عنيفة بس ماشى
اول مواجهة هتكون انسحاب لو كان الانسان ده يستحق الحب فعلا
اما لو مكنش يستاهل هتجاهله وهتظاهر ادامه بالقوة حتى لو مكنتش قوية


وهل وممكن بعد العلاقه دى تعيشي قصه حب تانيه؟؟؟؟
صعب

الى اى حد انتي مفكرة؟والى اى حد انتي محاورة؟؟؟
مفكرة لدرجة ان دماغى شغالة فى كل شيء حواليا وكل حاجة بشوفها
حتى وانا نايمة دماغى شغالة




هل انتي دبلوماسية؟ ويعنى ايه دبلوماسيه من وجهه نظرك؟؟
الدبلوماسية هي الذكاء الاجتماعى
انك تعرف تكسب الناس لصفك وتخرج من اى مطب تقع فيه
واعتقد انى دبلوماسية لكن ولله الحمد من غير نفاق


لو اتعرضتي لهجوم من احد الاعضاء فى شخصك وتفكيرك

ماهو رد فعلك؟
هتناقش معاه وافهم ايه النقاط اللى مش عجباه فى شخصيتى
واحتمال كبير يكون عنده حق طبعا لان مفيش حد اكبر من النقد ومفيش حد مبيغلطش
ولو كان كلامه صح هشكره انه نبهنى للاخطاء دى وهحاول اعمل بنصيحته
اما لو كان فاهم غلط مثلا بمنتهى الهدوء هوضحله الصح
ومش هحط احتمال تالت لانى الحمد لله باخد دايما الظن الحسن الاول


ثانيا الاسئلة المقالية:::
اشرحي بالتفصيل الممل كل من العبارة الاتية::
دايما بتمر بينا اوقات بنحس فيها اننا مش قادرين نعيش من غير

الحب و من غير الحبيب

و الشعور دا متولد و منبثق من الاحساس التواجدي الكوني في

اللامركزيه العصبيه للقلب

مع التدليل علي ما تقولي

هى كل الاسئلة فى نفس الموضوع ولا ايه
ياصبر ايوب
:039:

ثالثا اسئلة النقاش الجاد :::


ماهو رد فعلك لو كنتي في مكان هؤلاء الاشخاص

ملخص مكالمة بين اسامة منير واحد المستمعين بتقول::


*1*
هاي اسامة

انا كنت بحب واحد نجار مسلح و بعدين كنت في يوم ماشية في

الشارع لابسه باضي جميل و ديق موووت و بعدين واحد

عاكسني فحبيبي شلحف
مين ياسمر ؟؟
شلحف هو اسمه شادي بس انا بدلعه شلحف
قام ضارب الواد اللي عاكسني بالعتله الحديد شاقق له دماغه
هو دلوقتي في السجن

و انا بحبه اوي يا اسامه و مش عارفه اعمل ايه

و اهلي بيضغطوا عليا مووووت مووووت عشان اتجوز واحد قد ابويا


لو كنتي مكان سمركنتي هتعملي ايييييييييييه

علشان تساعدي اللي بتحبيه ىانه يخرج من سجنه

مع العلم ان العتلة الحديد تصنيع حديد عز للدخيلة( يعني براءة براءة (

محبش اكون مكان سمر والحمد لله انى مش فى مكانها
بس لو اعرفها هقولها تانى مرة متلبسيش بدى ضيق موووت:bm:
لحسن ربنا يوديكى النار ويودى شلحف السجن

*2*
هاى ....

ازيك يا اثامة

بثراحة

انا عندي مسكلة

انا بحب البت ثنية

ساكنة ف اول سارعنا

بث انا دخلت الثجن عسان قتلت فهمي اللى كان عاوث يتجوثها

و هي كمان برده دخلت الاحداث عسان قتلت ابوها

دلوقتى هي خرجت قبلي و اتجوزت مدحت اللى هو كان صاحب

فهمي

و انا لثه ف الثجن باقيلي 23 ثنة

و بحبها و مس طايق ده اللى اتجوثته

السؤال::

بزمتك دي واحدة تتحب برنسيس نص كلامها طاير

هههههههههههههههههههه

يعني ممكن تحبي واحد بالمواصفات دي

وهتعملي ايه لو كنت مكان ثنية

هو مين طفى النور:nono:
السؤال مش عاجبنى





سلااااااااااااااااااااااام



سلاااااااااااااااااااااام

[Lost Angel]

منورة الكرسي يا ميرا والله هوا فاضل كام يوم عشان الواحد يعمل حسابة في الأسئلة :bm:
انا مليش معيز عند حد

أنتي ناسية انك سايباها عندي ولا ايه ولا عايزة تهربي بقي عشان متدفعيش حق اقامتها هنا


هااا تحبي أسأل دلوقت بقي ولا اقف في الصف

هوا انا دورى جه فى السؤال ولا لسه فى ناس مردتيش عليهم

لو مش فاضي ممكن أقف انا مكانك:walkman:

الدعوة عامة يا جماعه كل واحد يلحق دوره :18:

[3aShe2]

تمت بحمد الله

المقابلة الخامسة

وكما بدأنا مع la princesse (الرابط لايظهر فى الأرشيف) ننهيها الأن شاكرين لها تواجدها

ولكل من تواجد هنا.

آملين لها حياة طيبة تملأها السعادة بإذن الرحمن.


وإلى لقاء آخر قريبا فى التصويت على الثلاثى التى ستتفضل la princesse (الرابط لايظهر فى الأرشيف) بترشيحهم للمقابلة السادسة

على الحب نلتقي دائماً وبالحب نودعكم دائماً
على أمـل لقاء جميل ورائع آخر
آملاً من الله عزوجل
التوفيـق
لكم.

3ASHE2

[la princesse]

اتمنى اكون متقلتش عليكم وكنت ضيفة خفيفة
رغم ان الضيف الخفيف مبيعدش كام شهر عالكرسي :bm:
قلبكم ابيض
وكل سنة وانتو طيبين
ويارب دايما تكونوا بخير
وكل رمضان وانتو منورين المنتدى


وبالنسبة للاعضاء الحلوين المرشحين للكرسي حسب الاكبر سنا :

1- ابن مصر (الرابط لايظهر فى الأرشيف)

2- ahmed nagi (الرابط لايظهر فى الأرشيف)

3- عبدالرحمن م (الرابط لايظهر فى الأرشيف)


وطبعا لو حد فيهم ناوى يلعب فى عداد عمره ويعتذر
سنوقع عليه اقصى العقوبة:039:
وطبعا عندى بدائل كتييييييير:shades:

[la princesse]

وبالنسبة للاعضاء الحلوين المرشحين للكرسي حسب الاكبر سنا :

1- ابن مصر (الرابط لايظهر فى الأرشيف)

2- ahmed nagi (الرابط لايظهر فى الأرشيف)

3- عبدالرحمن م (الرابط لايظهر فى الأرشيف)





طيب بما ان احمد ظروفه متسمحش
طبعا هنبقى نوقع عليه اقصى العقوبة بردو
بس دلوقتى هختار مكانه صديقتى اللدودة
وامين عام حزب الاشرار (عشان الرئيس ماندوز والنائب رامى :bm:)
حبيبتىىىىىىىى
.
.
.
.
.
.
.
.

Lost Angel

وكده هيبقى التصويت على

1- ابن مصر (الرابط لايظهر فى الأرشيف)

2- Lost Angel (الرابط لايظهر فى الأرشيف)

3- عبدالرحمن م (الرابط لايظهر فى الأرشيف)