ورشة عمل دمى وألعاب

[قمر الليالى]

الرابط لايظهر فى الأرشيف

نبدأ بسم الله :

الباترون :

الرابط لايظهر فى الأرشيف

الطريقة :

1- نبدأ بعمل الدائرة .. ممكن بطريقة السلاسل وممكن بطريقة ( الدائرة السحرية ) وهي طريقة شاهدتها في أحد مقاطع الفيديو .. تخليلك الدائرة مغلقة تماما وهي كالتالي :

راح تلفي الخيط على أصباعك كما في الصورة بحيث تعملي شكل اكس طرف الخيط القصير من تحت والطويل (اللي موصول بالبكرة ) من فوق .. تمام ؟؟

الرابط لايظهر فى الأرشيف

ثم تدخلي الصنارة من تحت الخيط القصير

الرابط لايظهر فى الأرشيف

ثم تسحبي الخيط الطويل بالصنارة وتخرجي راح تتكون عندك دائرة على أصباعك ..

الرابط لايظهر فى الأرشيف

بعد كدة تعملي سلسلة وتخرجي اصباعك وتبدأي تشتغلي داخل الدائرة 6 غرز حشو

الرابط لايظهر فى الأرشيف

ثم تسحبي الخيط القصير وحتلاحظي انه الدائرة تنغلق :

الرابط لايظهر فى الأرشيف

ثم تنهي بعمل غرزة منزلقة في أول غرزة في الدائرة ..

الرابط لايظهر فى الأرشيف

تابع

[قمر الليالى]

2- علمي أول غرزة أو آخر غرزة بخيط لونه مختلف أو استخدمي طريقة العد .. راح يكون شغلنا حلزوني يعني مافي سلاسل بداية والعمل كله بغرزة الحشو

الرابط لايظهر فى الأرشيف

3- أشتغلي فوق ال 6 غرز 12 غرزة يعني فوق كل غرزة غرزتين في نفس المكان زي طريقة القبعة بالضبط

4- اشتغلي فوق ال 12 غرزة 18 غرزة يعني فوق أول غرزة غرزتين وفي ثاني غرزة غرزة واحدة فقط وهكذا لنهاية السطر ( 2 1 2 1 2 1 )

5 - السطر اللي بعده 24 غرزة .. ( 2 1 1 2 1 1 2 1 1 ) غرزة توسعي وغرزتين لا

6- السطر التالي غرزة توسعي و 3 غرز لا ( 2 1 1 1 2 1 1 1 2 ) ويصير عددها 30 غرزة ..

7 - الآن راح تشتغلي بدون زيادة يعني فوق كل غرزة غرزة وحدة بس 30 غرزة

8- كرري السطر السابق مرة أخرى

[قمر الليالى]

1- خلصنا 7 أسطر .. في السطر الثامن راح نوسع تاني ... حتبدأي أول غرزة توسيع بعدين تتركي 4 غرز بدون توسيع ثم وحدة توسيع وهكذا ( 2 1 1 1 1 2 1 1 1 1 2 ) 36 غرزة

2- السطر التاسع تشتغلي كله بدون توسيع وحيكون عدد الغرز برضه 36 ..

3- السطر 10 - 11 زي التاسع تمام

4- السطر 12 نوسع كل 5 غرز .. يعني تبدأي أول غرزة فوقها غرزتين بعدين 5 غرز تشتغليها عادي فوق كل غرزة غرزة .. بعدين غرزتين فوق الغرزة اللي بعدهم ( 2 1 1 1 1 1 2 1 1 1 1 1 2 ) 42 غرزة .. واذا حابة تعملي لون الجسم مختلف عن الرأس غيري اللون الآن ..

5- السطر 13 الى 17 تشتغليهم بدون توسيع 42 غرزة

فاضلنا 5 سطور ونشطب .. تابعوني ..



الرابط لايظهر فى الأرشيف

[قمر الليالى]

نتابع معا :

1- السطر 18 راح نبدأ بالتناقص عشان تنقفل البيضة .. أول غرزة وتاني غرزة تشتغليهم مع بعض غرزة تنقيص .. اللي هي تعملي غرزة حشو بس قبل لا تسحبي الخيط من الحلقتين اللي عالسنارة تدخليها في الغرزة الثانية وتشتغلي غرزة حشو .. فتصير عندك 3 حلقات على السنارة تسحبيها كلها مع بعض .. حتنقصي 6 مرات كل خمسة غرز مرة .. يعني الأولى والتانية تنقيص ثم 5 غرز عادية ثم تنقيص ثم 5 غرز عادي وهكذا لآخر السطر .. ويصير عندنا 36 غرزة ..

2- السطر 19 برضه حننقص 6 مرات نبدأ بغرزة تنقيص ثم 4 غرز عادي ثم تنقيص وهكذا حتى يصبح لدينا 30 غرزة في السطر ..

3- السطر 20 نفس الشي ننقص 6 مرات كل 3 غرز ويصير عدد الغرز 24

4- السطر 21 ننقص 6 مرات كل غرزتين ويصير عدد الغرز 18


نكمل مع بعض :

هذا شكل بيضتي عند السطر 21 :

الرابط لايظهر فى الأرشيف

ومن الداخل :

الرابط لايظهر فى الأرشيف

1- الآن راح نحشي البيضة .. في العادة بتكون الحشوة قطن .. لكن أنا أفضل القماش لأنه بيكون أقسى .. وبيعطي شكل متماسك أكتر .. جيبي أي قماش قديم وقصيه الى قطع صغيرة حتى ما تتكتل جوة :
الرابط لايظهر فى الأرشيف

وابدأي بحشو البيضة بها .. احشيها لمن تكتمي أنفاسها :

الرابط لايظهر فى الأرشيف

وكل ما حسيت انك خلصت افعصيها حتى تتأكدي انها اتماسكت تماما :

الرابط لايظهر فى الأرشيف

لو انفعصت معاك معناته لسة تحتاج حشو أكتر ..

2- بعد الانتهاء من الحشو نشتغل السطرين الباقين عشان نقفل خلاص .. السطر 22 راح يكون 12 غرزة .. تنقصي مرة ايوة ومرة لا .. يعني غرزة تنقيص ثم غرزة عادية ثم غرزة تنقيص الى آخر السطر

الرابط لايظهر فى الأرشيف

3- السطر الأخير راح يكون كله غرز تنقيص وتصير معاك 6 غرز فقط .. واذا ما انقفلت كملي تنقيص لحد ما تنقفل ..

الرابط لايظهر فى الأرشيف

4- الآن ارسمي الفم بالقلم الأسود في السطر السابع .. وأحضري خرز أسود أو لولو أو زر أسود .. وألصقيه فوق الفم .. في السطر السادس أو الخامس .. واختيار شكل ومكان الملامح يؤثر على الشكل النهائي كثيييييييييييييرا ..

الرابط لايظهر فى الأرشيف

وممكن تعملي حجم أصغر بتنقيص عدد من السطور :

الرابط لايظهر فى الأرشيف

وممكن اضافة أي اكسسوارات أخرى مثل الوشاح أو الملابس .. واليدين عبارة عن خيط مربوط في طرفه خرزة لكن أنا مهي متوفرة عندي .. وممكن اضافة الشعر بطريقة سهلة اللي حابة تعرفها تخبرني وأنا انزلها ان شاء الله ..

[قمر الليالى]

طريقة إضافة الشعر :

1- قيسي طول الشعرة على البيضة

الرابط لايظهر فى الأرشيف

2- ثم اثني الشعرة وقصيها ( يعني يكون طولها ضعف الطول المطلوب )

الرابط لايظهر فى الأرشيف

3- الآن قصي الكثير من الخيوط بنفس الطول

الرابط لايظهر فى الأرشيف

4- اغرزي السنارة في رأس البيضة

الرابط لايظهر فى الأرشيف


5- لفي أحد الخيوط المقصوصة على السنارة من منتصفه تماما :

الرابط لايظهر فى الأرشيف

6- اسحبي الخيط مع السنارة الى الخارج

الرابط لايظهر فى الأرشيف

7- لفي طرفي الخيط على السنارة واسحبيهما بالكامل ( زي لمن تقفلي شغلك في الكروشيه )

الرابط لايظهر فى الأرشيف

الرابط لايظهر فى الأرشيف

8- شدي بقوة لتنعقد الشعرة .. وكرري هذه الخطوة على كل الشعرات

الرابط لايظهر فى الأرشيف

9- أنا عملتها على جنبين وضفرتهم وربطتلها بكلة

الرابط لايظهر فى الأرشيف

10- واذا تحبي تعمليلها غرة اعملي نفس الخطوات بس بخيط أقصر ومن الأمام ثم ساوي الأطراف

الرابط لايظهر فى الأرشيف

[MafiawwY]

مشكوره قمر الليل ع الورشة الجميلة دي وعمل رائع

[lewo nardo rewo]

اكيد انا مش فاهم حاجة و مش هعرف اطبق

هخلي اختي تطبق

شكرا على الموضوع دة يا قمر الليالي

[قمر الليالى]

اهلا بيكم

شكرا لمروركم