شوف المخطوبين

[ملكة الرحمه]

موضوع مهم لازم نناقشة
موضوع الخطوبة
طبعا مفيش واحدة مش عايزة تتخطب وتبقى عروسة احنا طبعا بنستهبل وبنقول لأأنا عايزه أكون مستقبلى ونقول كلام ملوش لازمة بس طبعا الكلام بعيد عن التعليم
بس بيحصل حاجات أثناء الخطوبة أنامش عارفة بتحصل ليه البنت تعمل نفسها الملاك الصافى والراجل برده وينزلوا سباق على اللى يكذب أكثر لازمة الكذب ايه دى حياه اتنين مع بعض لازم يكون أساسها الصراحة دا زى البيت اللى بيتبنى لازم الأساس يكون سليم عشان يتحمل الأدوارواحنا بقى الحمد لله الأساس واقع قبل مايتبنى عليه حاجه
أول حاجه طريقة الكدب فى الأكل تبقى ماعملتيش حاجة غير قدمتى الأكل ويتقال انك اللى طبخة وتسكتى المهم أخد كلمتين مدح وبعد الجواز يجى يشوف الطباخة الماهرة مفيش طبيخ ينفع يتاكل
ثانى حاجه طريقه الكلام ايه الرقه الفظيعه دى ولا الأكل بتبوس الأكل وهية بتاكل والمنظر ملكه جمال
والراجل بقى سخى كريم وعزومات وهدايا ابقى قابلينى ان جاب حاجة بعدالجواز
وهدوء وانبساطى والإبتسامة ملية وشه دايما بعد الجواز البوز من هنا لأسوان
تعرفى ان فيه احصائيه بتقول ان من كل عشر رجالة أربعة بينضربوا فى البيوت
قولولى بقى انتوا هتضربوا ولا هتنضربوا ولا هتعملوا ايه
ملحوظة اللحوظة أنا بنت ياجماعة

[sunmoon]

اولا انا معاكى جدا ان فترة الخطوبة بيكون فيها حاجات كتيرة كدب او بلاش نسميها كدب تعالى نخليها "تجمل"
بس لو تاْملتى الموضوع وعملتى عليه zoom حتلاقى ان الوضع مختلف بين الخطوبة و الجواز بمعنى ان فى الخطوبة انتى بتشوفى خطيبك كام ساعة بتكونى عاملة control على كل تصرفاتك سواء اكل او شرب او حتى الكلام وكمان على شكلك لانك عارفة هو حيجى امتى و بتستعدى بالاضافة انك مبتعمليش حاجة فى البيت ومفيش مسئولية عليك من اى نوع _ و العكس تمام بعد الجواز_
بتشوفوا بعض طول اليوم فى كل الاحوال بتكلوا و تشربوا و تتكلموا فمفيش مجال للتصنع وبعدين بيكون عليكم مسئولية بيت وحاجات اهم من المظاهر اللى بتكون مساحتها كبيرة فى فترة الخطوبة
بس دة طبعا مش مبرر ان احنا نكدب فى فترة الخطوبة ولا يعطينا الحق فى التجمل زيادة عن اللزوم لكن الاختلاف ما بين فترة الخطوبة و الجواز دة موجود وبدرجات بتختلف باختلاف طبيعة الطرفين الاخلاقية و الاجتماعية و المادية..........
واخيرا و ليس اخرا احب اشكرك على الموضوع الذيذ دة

[بنت الإسلام]

كلام جميل أوى
بس المفروض لا يبقى فيه كدب ولا يبقى فيه تجمل
الاصح ان البنت تكون على طبيعتها والرجل كمان
لان دى بدايه هيتبنى على اساسها أسره كامله
والافضل ان الاساس يكون صدق ومفهوش تجمل

جزاكم الله خيرا على الموضوع

[ملكة الرحمه]

مشكورين ياجماعة على مروركم