عيونك دمعة منسيه

[عبد الرحمن الفارس]

عيونك ضى (1)
وسحر بيخطف الاحساس
وترنيمة نغم صافى
بيعشقها جميع الناس
ونظره واحدة من عينك
متعرف قلبى مات ولاحى
وبسمة صافية من قلبك
احس القلب رايح جى
يلفلف فى البلاد سواح
يغنيللك
ويعشق حزن مووايلك
ويحرسك رموش العين
واكونللك نور
ينورللك دروب ليلك
منا المشتاق وانا العاشق
وشايف فيكى عمرى الجاى

(2)
بحبك
كلمة متشالة تهد جبال
بقالى سنين مداريها
ولحن بيعشق الموال
ونسمة شوق بناديها
واغنيلها ليالى طوال
ولوكان نار اعيش فيها
وانساكى دا امر محال
واشوف الدمعة بعديها
بحبك كلمة مش اكتر
ولاعقدة وامرها طال
دا حبك امر متقدر
يافارشة وقاعدة جوايا
بحبك ختمة ونهاية
فى حبك قلبى غنى وقال

بحبك ياجروح روحى
ياغلى عندى من روحى
كتمت السر متبوحى
دا حبك جوة دمعى سال
وبوهبللك سنين عمرى
ولو عمرى عليا طال
(3)
عيونك دمعة منسية
تفكر قلبى لو ناسى
بتعزف احلى امــــسية
شراعها ويا مجدافى
وهى شمس احلامى
واهلى وصحبتى وناسى
ومهما وصفت عن عشقى
ميوصل ربع احساسى
ياارض وطارحة بذرة خير
وبرويها باخلاصى
انا مسلم وقلبى اسير
وسجنى عشقك الدافى
انا الفارس على ابوابك
وحرس كل شى فيكى
عشقتك حاولى متخافى
معيش العمر غيرليكى
وامشى فى الدروب وياك
واعيش العمر جنب هواك
واصون الحب واصونك
مسلم فى الهوا امرى
وامرى لقيتى فى عيونك

[MafiawwY]

ما شاء الله

كلام موزون وجميل

شكراً على هذه الكلمات الرائعه

[طائر الليل]

الله على الكلمات الجميلة دى
كلمات فعلا موزونة ومعبرة

[سيف الله]

بسراحة الشعر ده ممتاز جدا

[اميرة الظلام]

الرابط لايظهر فى الأرشيف

الرابط لايظهر فى الأرشيف

[احمدميدو]

اية الحلاوة دى
تسلم ايدك يا مان على الشعر الجميل