قصيدة عشان انت مصرى .. احمد فؤاد نجم

[WebCraker]

نقلا عن جبهة انقاذ مصر


الرابط لايظهر فى الأرشيف
أحمد فؤاد نجم


عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى


عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك


ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت


عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف

[osmany779]

طيب ما انت حلو اهوه ومش خواف ولا حاجة مش بتسيب الناس تكتب براحتها ليه !!
الرابط لايظهر فى الأرشيف (الرابط لايظهر فى الأرشيف)
الرابط لايظهر فى الأرشيف (الرابط لايظهر فى الأرشيف)
الرابط لايظهر فى الأرشيف (الرابط لايظهر فى الأرشيف)
الرابط لايظهر فى الأرشيف (الرابط لايظهر فى الأرشيف)
الرابط لايظهر فى الأرشيف (الرابط لايظهر فى الأرشيف)
الرابط لايظهر فى الأرشيف (الرابط لايظهر فى الأرشيف)

[Eng.Shapon]

اي والله يا عثمان

يحلل لنفسه ويحرم علي غيره



يا محمد خلي بالك يا حبيبي

الحاجات دي مش لعبه

[SIMO]

مش انت اللى مصرى؟؟؟ جتك القرف

يانهار ابيض

ليه كده الراجل ده

[أبو طلحه]

قصيده جامده جداااااااااا

مشكووووووورررررررررررررر

[الحزين]

السلام عليكم
قصيدة حلو اوي اوي لان
احنا المصرين حضارة من سنين
مهما طال الزمن احنا المصرين
هنعيش وهنموت احنا المصرين
ومصر ام الدنيا شكرا
يا
webCraker
على الموضوع الحلو ده
تقبل مروري

[ملكة الرحمه]

قصيده جميله وبتصور القلق اللى احنا عيشينه الضغوط حولينا كتير واحنا مش قادرين نعمل ايه ياناس نروح فينلازم نعيش الحياه بحلوها ومرها

[بنت الشام]

:clap::icon26::clap:
شعر جميل قوووووووووووووووووي

بارك ربي فيك يا طيب

تقبل مروري ومشاركتي بارك ربي فيك
:ongue::icon26::ongue:

[WebCraker]

طيب ما انت حلو اهوه ومش خواف ولا حاجة مش بتسيب الناس تكتب براحتها ليه !!

هوا انا قلت حاجه يابنى انت وياه . . دا الشعر ده بتاع أحمد فؤاد نجم يعنى انا ما قلتش حاجه

الشعر بيعبر عن حال مجتمع احنا عايشين فيه , , يعنى مفهوش أى حاجه ياخوانا ياللى بتقولوا بحرمه على الناس وبحلله ليا

انا فاهم قصدك ياعثمان باشا بس خد بالك ان الكلام بعيد تماما عن السياسة مجاش فيه سيرة حد

واخد بالك انت