مشكله كبيره ... أدخلوا بالله عليكم فكروا فيه

[totaaaa]

السلام عليكم ورحمه الله وبركاته

عندي النهارده مشكله لوحده معرفه بس بجد احترت اتكلم معها
وعارف الحل بس بصراحه لما يكون عندك مشكله تحديد مصير حد وحياته تخاف تتكلم الأ لما تكون واثق ان ده هو الحل عشان تتكلم عن ثقه قولت ادخل اكتب المشكله عشان نشوف حل لمشكله ديه

هي صديقه ليا جاتلي البيت منهاره وبتبكي بشده
وبعد ما بقت كويسه بدأت تحكيلي

هي مخطوبه عن حب وهي لحد دلوقتي هي بقلها معه اكتر من ثلاثه سنوات المهم الشقه بتاعت حبيبها في بيت عائله والبيت متقسم كالتالي اخوته دور كامل اربع أوضه واخوه وهو في دور بس وعشان تفصل دور زي ده اخوه خد حجرتين بره اللي فيهم البلكونه والشباك وهو خد حجرتين جوه مش علي الشارع اصلا المهم الشقه صغيره واصبحت مشكله انها تنشر الغسيل علي السطح يعني تتطلع علي السطح عشان تنشر الغسيل وكمان البيت بتاعه قصير بالنسبه للبيوت المجاوره يعني ديه مشكله

المهم هي رضيت علي اساس انهم بيحبوا بعض علما ان أهله مش موافقين
المهم حبيبه ده كل حاجه مش عايزه ولا تهزار مع أقربه ولا وجواز اختها ولا تروح أفراح ولا عندي صحابه ولا تحط حتي كريم علاج علي وحشه ولا تصحب حد في الجامعه ولا تكلم دكاتره من موبيله
عايزه كده تبقي لوحديها لدرجه انه يزعل لما تخرج كتير مثلا مع اختها الوحيده عشان حامل وكده

المهم بس هو مش بخيل عليها يعني بيجبلها حاجات وكده زي عبايات وطرح وكده بس مش بيحب يجيب لعائلتها وهو رايح حاجه وفكرته ان مش مسئول انه يجيب حاجه في البيت علي اساس البيت عندهم في راجل

حصلت كذا مشكله بينها وكمان مثلا وهو نازلين يجيبوا أجهزه جابوا غسله نصف اتوماتيك علما ان هما قالوا انهم هيجيبوا غسله اوتو ماتيك وكمان قاله هاتي امك بس عشان الزحمه واختها كانت عايزه تروح معاها ولما هي راحت لقيته جايب امه واخت وولادها التلاته وجوزها كمان

وغير كده لما لقيت في بيته بيحصل مشاكل كتير وأهله مش كويسين الي حد ما قالت انها عايزه تسكن بره وهو مرتضيش طب قالتله الشقه صغيره هنايم اولادي فين لما يجيو يقولها أنا محطش فلوس في طوب نبقي نحط سرير مع الأنتريه

وحسيت ساعاته انها مش شاريه ومن فتره بقي لقيت مامته بتقول علي نياش بتاع سفاره 800 جنيه
وده قليل أقل نياش بيبقي 2000 جنيه عشان فرق خسب وحجم كمان
المهم لقيت مامته بتقول علي نياش 800 وحجره النوم 5000 جنيه وطبعا لقيت الحاجه رخيصه قوووي لان الشقه صغيره وهو ده اللي هو هيجيبه النياش وأوضه النوم وهي هتجيب الأنتريه المهم هو عايزه يجيب حاجات رخيصه علما ان هو ماشاء الله الي حد ما مبسوطه شويه وهي بتكلمه علي ان الحاجه رخيصه قوووي وبتتكلم معه بس هو مش بيسمع الا لنفسه قالها وايه المشكله هي ديه مقدرتي وقعد ماسكلها انها مش بتحس بيه ومش بتقدر حاجه وقلب عليها وهي حاسه انه مش عايز يشتريها وبيستبسط الأمور وهي عشان بتحبه مفروض تستحمل كل حاجه وهو مش عايزه حد يبقي عندها حاجه كويسه تعيش فيها

ولما كلمته زعل منها واتخناق معها وهي كان عندها امتحان وراحت الأمتحان وهو معبرهاش الا لما ببعتتل رساله ولما فتحت معه الموضوع وبتفهمه بمنتهي البساطه يقولها بعد اكتر من ثلاثه سنوات هي ديه مقدرتي عجبك علي كده عجبك مش عجبك كل واحد يروح لحال ولما بقت تتكلم معه وهي زعلانه يقولها سيبك من أوضه النوم ديه مش بتاعتك ديه بتاعت اللي هتنام عليها مش انتي

واما مقررها تاني وقالها مبروك نفسك ومبروك عليا نفسي

علما انا لسه فاضل سنه علي الجواز بس هو عايز يجيب كل حاجه دلوقتي ويكبر دماغه
طب ما يستنه ويجيب حاجاته كويسه

وهي حاست لتاني مره بالأهانه وانه مش شاريه بس هو مش بيسمع الا لنفسه وكمان يكفي انه يقولها انا مش هتغير عشان حد ويقوله انا مش هعمل حاجه اشتريه بيه حد الحد ده عايز يعيش علي كده يعيش مش عايز براحته


حد لو هي طمعه في حياه كويس مع واحد بيتحبه علما انها حناينه جدااا ومش بتحب تزعله ده لو قفل وهو زعلانه تبقي قاعده معانا هتموت وتبعت في رسايل وترن عليه لحد ما تصلحه
مقابل ده هو لما هي بتبقي زعلانه منه بيكبر دماغه لأ وكمان ساهات ممكن تقوله انها تعبانه ويكبر وميسألش الأ مره طب اوديك للدكتور طب بتاع وميسألش تاني يوم

ممكن يا جماعه تقولوا رايكم لأني بجد محتاجه اقولها رأي عشان بجد هي تعبانه قووووي
ونفسي احل مشكلتها بأي طريقه

[Ahmedmee]

لو كنت فعلا عاوزه تحلي المشكلة دي لازم تسمعي من طرفين المشكلة صاحبتك وخطيبها ويكون فيه مواجهة بينهم أمامك
غير كده انت عارفه التقاليد عندنا في مصر في أمور الزواج وخلافه لازم من حدوث مشاكل مهما كبرت أو صغرت المشكلة
ولكن في النهاية يكون النصيب والتوفيق بأمر الله مهما تعددت المشاكل سواء مادية أوعلاقات اجتماعية وبعدين لاحظت في كلامك
ان دايما صاحبتك تضحي وتهتم من طرف واحد ودا شيء غريب لأن الزواج ليس حب فقط ولكن مسئولية كبيرة
وكون خطبيها لا يعتبر أن فترة الخطوبة والحب كفيلة بإن يهتم بالموضوع غير أن ظروفه المادية كويسة فهو يحاسب علي ذلك
لأن هو عارف من البداية بموقف الأهل يبقي لازم يتحمل مسئولية قراره ويأجر في الخارج بحيث لا يخسر أهله ولا حبيبته
ولاينسي حق كل واحد فيهم وطالما هي تحبه وعاوزاه لازم تتحمل عيوبه لأن مفيش انسان كامل بس طبعا عيوب عن عيوب تفرق جدا
ونصيحة مني لها لا تدع حبها يقضي علي عمرها وشبابها لأن فترة الخطوبة دي طولت ذيادة عن المدة الطبيعية
خلاصة الحل ::
1)) تأجير شقة بالخارج وتقبله علي عيوبه لأن هذا طبعه وأسلوبه
2)) تبحث عن خطيب أخر ذات خلق طيب وتتحمل صعوبة هذة الأزمة العاطفية لأنها لن تتحمل صعوبة هروب العمر والحياة منها

[ملكة الرومنسية]

اولا ده ولا بيحبها ولا حاجة

لو بيحبها على الاقل كان خاف على شعورها

ومواقفه بتبين انه زى ميكون خاطبها غصب ولا حاجة

انا ارجح انها تسيبه احسن واريح لها لانها هتفضل طول حياتها عايشة معاه

يا اما تكون تقدر تتحمل عيوبه العمر كله فساعتها تكمل

[totaaaa]

شكرا يا احمد وشكرا يا ملكه الرومانسيه

هقولك يا احمد انا قاعد معاهم هما الأتنين
ولقيت ان خطيبها بيقولي علي حاجات وهو عامله معاها زي انه جابله حاجه او كده
بس هو شايف ان مش من حقها انها تتكلم في الحاجات ديه يعني اوضه النوم او حاجه زي ديه
هو عايز اللي هو يجيبه تقوله هي عليه أمين وخلاص

ولو قالت حاجه غير كده يبقي هي انسانه مش كويسه ومش بتحس بيه

أنا شايفه انها من حقه تتطلب اللي هي عايزه هو مش شايف كده

هو صاحب محل وشايف انه حرام يحط فلوسه في حاجه مش مفيده وانه يجيب شقه او يبني شقه ده حرام
وانه يجيب حاجه كويسه خشب كويس ده برده حرام كده هو مش بيحط فلوسه في حاجه مفيده

بس المفيد عنده ان يجيب عربيه بقسط 700او 600 جنيه في لشهر لمده اربع سنوات ويدفع مقدم 5000 او 6000 علما انه بيته في شارع ومحله في الشارع اللي قصده وأخواته في نفس البيت

تقول علي كده انا مش عارفه

انا كل اللي مضايقيني انها عملت معاه كتير وهو مفتكرش له ولا حاجه وقاله بمنتهي السهوله كل واحد يروح في طريق
طب يبقي فين التضحيه والحب
هو التضحيه والحب هي بس اني اجيب لخطيبتي عبايه ولا جذمه ولا طرحه
ولا التضحيه اكبر من ده شويه واظن هي ضحت علشانه لما رضيت تعيش مع أهله دول وفي الشقه الصغيره ديه وانه تتحرم من انها تعمل أوضه اطفال لأولادها وانها تبقي مشغول مش عارفه تحط فين الغسله والثلاجه من كتر من الشقه صغيره

والحمام يدوب واخد طقم الحمام ومينفعش حد يقف فيه والمطبخ كذلك واخد الحوض والمطبخ بالعافيه وهي مش عارفه هي هتقف فين وانها تسيب شقتها وتتطلع تنشور علي السطوح ده هم لوحده

كل ديه مش تضحيات هي بتعملها علشانه ولما تتطلب تتدخل في حاجه كويسه يبقي مش من حقه

طب يبقي ايه اللي من حقها ده انا شوفت النياش اللي عايزه يجبهوله والله والله ميخدش الا طقم الصيني بالعافيه طب وباقي حاجاتها تحطها فين

بجد انا احترت بجد ومش عارفه اقوله سيبه وهي بجد شكله بيقطع قلبي ولا قوله خليكي معاه ويبقي بقولها اقضي علي كل احلامك وكل حاجه حلوه وهيبقي دخلت في مرحله الخروج منها صعب

انا خايفه اخد قرار لأنها صحبتي قوووي وبجد خايفها عليها موووت

[ملكة الرومنسية]

بصى ياتوتا هوا اصله شكله كدا

زهق ان اهله مش موافقين واكيد اهله منكدين عليه

بس هوا مش عايز الرفض من عنده

وبيطفشها عشان هيا اللى تقول مش عايزاة

وانا شايفة انها تسيبه عشان كرامتها على الاقل

[ابن مصر]

السلام عليكم ورحمة الله وبركاتة

أختي الكريمة totaaa

أسعد الله أوقاتك بكل خير

فينك وفين مشاكلك من زمان ،، يعني ناخد راتب من الإدارة على الفاضي

أيوة كده ورينا الشغل ...... :thumbup1:

نرجع لموضوعنا ومشكلتنا

أولا في مشكلة كبيرة عندك ولازم تطرحيها في موضوعنا عليك المشكلة وعلينا الحل وهي انك بتكتبي بسرعه
ومن غير ماتخدي بالك بتغلطي املائيا وبفضل أركز في الكلام أكتر من مرة عشان أفهم منه :039: فركزي شوية يامشرفتنا

موضوع صديقتك هي مشكلة مثل أي مشكلة لبنات مصر في الوقت الحالي وهي الحب تحت سقف الحب هيأكل عيش

وصدقيني الحب وحده مش هيأكل عيش

الحب شئ جميل ومطلوب بين أي اتنين حابين يكوتوا علاقة ناجحة

لكن في أسس ومبادئ لازم تكون ظاهرة بوضوح وعلى مرأى ومسمع من الجميع

فكرة ان البنت تحب الولد عشان مرتحاله نفسيا واد وسيم وطيب وبيحبني وجابلي انهارده ورده وبكره دبدوب وبعده و و و و .... الخ

ده بنسمية فترة تسلية بيقضي بيها الشباب وقتهم أو بمعنى أوضح وقت فراغهم

ولما يتصدموا بالواقع وتحمل المسئولية بيلاقوا العوائق اللي أهملوها قبل كده وخلوها من ثانوياتهم بالرغم من انها لازم تكون

أولوية

العوائق دي ان حبيب القلب ،، متعلمش قبل كده انه يشيل مسئولية ومحاولش أصلا انه يشيل مسئولية

حبيب القلب مفيش عنده شخصية لنفسه أمام أهل خطيبته عشان يقدر يكسب احترامهم وحبهم ليه

ولا عارف انه يعمل لزوجته شخصية في بيته بحيث يحبها ويحترمها أمه وأخواته

كل اللي في باله ان الأمور بتمشي كده باتكال

لا عنده أصول ولا مبادئ ولا قيم يبني عليها مستقبله

أولا لازم تعرفوا ان أي زواج لا يوافق عليه أحد من أهل الطرفين

بيكون زواح لا يحد عواقبه

تكثر فيه المشاكل والقيل والقال ،، خصوصا ان صديقتك هتعيش في بيت عيله

وبيت العيلة بمناسبة أو غير مناسبة هيحصل مشاكل

أنا لا أقول ان الواحدة لازم تلاقي واحد مستواه المادي عالي

لا ممكن يكون متوسط بس قادر وناوي وعنده المقدرة انه يصرف عليها ببيت مستقل

أما أنها بالحالة دي وتعيش في بيت أهله أعتقد ان الأمر هيكون صعب

أفضل شئ انها تتكلم مع أهلها ويكون تفكيرها بعقلها بعيد عن عواطفها

لأن الأمور دي لازم تتحل بالعقل
\
دي مستقبلها ودي حياتها ومش كل يوم هتغير زوجها

وهي الأن بنت

ممكن نقول زوجة

لكن صعب انها تكون مطلقة

أفضلها انها تكون صريحة معاه

يابن الحلال ويابن الناس

أنا مستعدة أبدأ حياتنا مع بعض ونساعد بعض

لكن يكون لي بيتي الخاص

وحياتي الخاصة ،، لأن دي مملكتي وحقي

وعشان أحفظ بيتك دينيا

لما نكون مختلطين مع أهلك شرعا حرام لأني هكون بحاجة اني أجلس براحتي

ومفيش أصعب من ان الأنسان يكون مسجون وتكتف في بيته

عايزه أهيألك جو تعيش فيه أجمل لحظات حياتك معايا

وفي نفس الوقت تكون هناك لهجة شديدة من قبل والدها وتكون هي في صفه

أمام خطيبها

وصدقيني لو هو بيحبها كما يقول على حد تعبيره هيكون على استعداد انه يعمل المستحيل عشان يرضيها

والمواقف هي اللي بتبين

عشان كده لازم الأمور تتاخد بالعقل والحكمة ،،

صدقيتي توتا الواحد لما بيلاقي البنت مرميه عليه زياده عن اللازم

بيسوء فيها

وبيبدأ يتغير هو أكتر وتبدأ الدلال ده يؤدي إلى تنازلات أكتر من البنت

وبعد ذلك تصل الأمور إلى ما لا يحمد عقباه

الحل الوحيد عشان تكملو العلاقة بنجاح يكون أهله وأهلها راضيين كل الرضا عن الزواج ده

وأن يكون فيه شقة مستقله للبنت ولو هيبتدوا بإيجار وربنا يرزق

بس الشرط الأهم ان استخدام العقل قبل العواطف وقبل القلب

وصدقيني وكل كلمة بقولها عشتها في مشاكل ناس وتجارب ناس وبفضل ربنا

مشيوا على نفس المنهج اللي رسمناه ونجحوا

فهمتيني يا totaa فلازم يكون فيه وضوح وشفافية في العلاقة أمام الجميع

أتمنالها التوفيق وتابعي معانا دايما بموضوعها وربنا يقدرنا ونساعدها

وأسف لإطالتي

أخوكي أحمد

[Ahmedmee]

ابن مصر عنده حق في كل ما قال وأكثر واقعية ومصدقية دون العيش في الاحلام والأوهام

بارك الله فيك ابن مصر وأنا أساند رأيك لأن كل بيت زوجية جديد بيكون هو مستقبل المجتمع

بس الشيء الذي يغيظ أن يكون شخصية مثل هذه فاتحة محل يعني اتعامل مع ناس كتير

المفروض والطبيعي يكون أسلوبه غير كده خالص هو ليه غليظ القلب ياجماعة الحياة
مشاركة مش معاركة
انا لي اخت فرحها خلال فترة قريبة وبنجهز لها العزال والمطبخ .عريسها في السفر
وجاي عن قريب المهم من ذوق العريس قال لها روحي اختاري نوع القشرة بتاع النيش واللون الي يعجبك

وانا فعلا روحت معها لأني اكبر منها في السن وبتحب تشورني كان موجود والد العريس وعمه

طبعا القشرة فيه غالي جدا وفيه المعقول وفيه الرخيص طبعا أهل العريس عاوزين النوع الرخيص

فردت اختي وقالت ايه رأيك امام أهل العريس في المحل قلت لها اولا العريس موافق علي اي حاجه تشوري عليها

بس خير الأمور الوسط يعني نشوف قشرة للنيش كويسة وبلونها الطبيعي وسعرها معقول

عشان متجبيش قشرة ريخصة وبعدين يقول لكي هنسبغها بالون الذي يعجبك دا كلام فارغ لان مستحيل

يظهر اللون الانتي بتحبيه تمام ممكن يكون غامق قوي كده يعني والنيش يبقي شكله وحش

طبعا مفيش حد هغير النيش بعد اللون بتاعه سواء حلو أو وحش

عموما قلت لصاحب المحل عاوزين
قشرة سعرها وسط ومعقول جاب المطلوب قلت لاختي اختاري اللون الانتي بتحبيه قالت انا اخترت

تمام أخر كلام اللون اللون اللون عشان النيش طبعا أهل العريس كانوا معترضين في الأول ولكن لما
سمعوا أعلي سعر في القشرة وافقو مباشرة كسبنا رضا العروسة وكسبنا رضا العريس وأهله

انا حكيت الموضوع عشان مهم فعلا للناس والعريس الذي يحب أن يكون عنده ذوق والعروسة تحسن
الاختيار اللون دا بيتها وهي لازم تنسقه علي كيفها هي والعريس فقط

وحبيت أوضح الوضع الطبيعي والعلاقة بين الناس في موضوع الجواز والجهاز من

الواقع والأقرب لي وهي اختي ودا أحد المواقف لازم يجماعة الأهالي تكون مرنة في التعامل مع بعضها لأن دا بيولد ظغط كبير علي
الطرفين العريس والعروسة وربنا يستر لما أجي أتجوز ويارب أكون قد المسئولية واحفظ بنات الناس

دا مش بس عشان خاطر الأنسانة التي سوف ارتبط بها بس لا دا عشان خاطر الحب الأكبر والخالد فعلا حب الله عز وجل وبعدين خاطر حبيب الدنيا لأنك لو محبتش ربنا وخوفت علي زعله منك يبقي مش هاتحب حد ابدا.....

[ابن مصر]

يثبت الموضوع لفترة حتى نأخذ آراء الجميع

[الحزين]

السلام عليكم
اولا هو بيحبها
ثانيا خايف عليها من الناس
الحاج الاخير هو مش
عوزها تعرف حد تكون مساول
على بتها وولدها

[بنت الشام]

أختي وغاليتي توتا الحبيبة

في البداية اسمحيلي يا حبيبتي أقولك إني قدرت أفهم حاجات كتيرة من لهجتكم وحاجات ما عرفتهاش خالص وإيه تقصدي فيها لكن الحمد لله ربنا يقدرنا ونوقف كلنا مع بعض ونمد ليها يد العون والمساعدة حتى ولو نصيحة بسيطة يمكن يكون فيها الحل ليها يسعدها وييسر أمرها ربنا يكون معاها ويوفقها.
واسمحيلي بقى يا حبيبتي أتكلم معاك باللهجة المصرية مش عارفة يمكن تديني درجة امتياز ويمكن لاء بس صدقيني أنا تلميذة مجدة قووووووي وبحب الشعب المصري قد ما تتخيلي.

اسمحيلي بقى أدخل في مشكلة صاحبتك وأديك رأي.

موضوع صاحبتك بجد صعب علي قوووووووووي حسيت بشعورها وعواطفها زي شعور وعواطف أي بنت بتعيش الفترة والمرحلة دي لكن للأسف الشديد ديماً البنت بيبقى مغلوب على أمرها ولازم هي بس لي تضحي وتتحمل كل قسوة ممكن تعيشها وللأسف الشديد الحق دايماً علينا ولازم نلوم أنفسنا قووووي عشان إحنا لي حطينا نفسنا بدا ولازم نستحمل كل حاجة.
لكن صاحبتك دي تنازلت بما فيه الكفاية وأكتر زيادة خصوصاً لما تكون مريضة وهو مش بقدر دا إلا بعد ما يروق لي ويقولها أخدك دكتور ولا حاجة،ولا هي وبتقدم الامتحان وهو ولا على بالوا أعتقد إن دا استهتار بالحب لحبيبته.
صدقيني يا توتا دا مش حب حقيقي خالص دا حب مراهقة وبس البنت على ما يبدو وأنا أسفة قوووووي يبدو إنها مشاركة بحبها عواطفها أكتر من عقلها وتفكر كويس.
والله يا توتا الدنيا دي مش مستاهلة حاجة ولا حتى دمعة تنزل من عيون صاحبتك لأن حبيبها دا لو بجد بحبها المفروض منو يضحي عشان حبه دا لو صادق فيه مية بالمية لكن الوقت والزمن لي إحنا عايشين فيه ما بقاش في حد بيسأل عن حدا كل واحد بقى مصلحته وبس حتى ولو على حساب زوجته أو حبيبتوا.
وبما إن الأهل مش موافقين من الأصل على الزواج دا أعتقد إن لي رب العالمين أكرمني بيه بكرة يكرمني بإنسان وزوج أحسن منوا بملايين المرات بس نكون قريبين قووووووووووي من ربنا ووالله كل إنسان لي نصيب بالحياة دي ولو خطيبها دا نصيبها حتاخدوا لو كل الدنيا والأهل وقفوا بطريقهم وقالوا لاء زي رزقة كل واحد فينا فلن تموت نفساً حتى تستوفي رزقها في الدنيا قبل الآخرة.
ويا ريت صاحبتك دي ما تستعجلش الأمور دي عشان زواجها مكتوب في السما من قبل ما تتخلق وتفكر كويس وتعد للمليون قبل ما تقدم على أي خطوة بكرة تندم وكفاية بقى تنازلات خلي يحس بيها وبشعورها شوية.
كفاية علي يا أرض اشتدي ما حدا قدي. ودا هو الموجود عجبك كملي ما عجبكيش كل واحد فينا يروح بطريقوا إي القسوة والكلام دا.
والله الدنيا دي ما تستاهل ولا حاجة إذا وضعوا بيسمحلوا يستأجر أو يشتري عفش كويس لي لاء الدنيا دي فاضية وما فيهاش ولا حاجة نستأسف عليها أو نزعل عشانها حتى ولو كان حبيبي وبتحبوا مش من 3 سنين بس حتى ولو عشر سنين لسى الفرصة قدامها وربنا مش ح ينساها خالص.
البنت زي ما بيقولوا هي ضلع قاصر ويمكن دايماً البنت فرصها قليلة شوية بالزواج مش زي الشاب حتى لو كان عندوا أربعين ولا خمسين سنة ما تفرقش معاه، وبصراحة إحنا لي وكلينها كتيييييييير بنحب لدرجة إننا ننسى كل حاجة إزاي نقدر نعيشها بعد الزواج بنفكر بالوقت لي إحنا عايشينوا وبس، المهم حبيبي وزوج وبس أما أنو يقدر عواطفك ومشاعرك اتجاهوا دي بقت بصراحة صعبة قووووووووي
تعرفي لي لأننا بعدنا كتييييييير عن ربنا وبقينا بس بنفكر بالزواج والحب والكلام الفاضي دا أنا مش بقول الكلام دا أنو غلط لاء أبداً بالعكس تمام حق أي بنت تحب وتعشق وتتجوز وتجيب أولاد، لكن الوقت بقى فيه مرارة قوووووووي ما عاد حد فيني قدر يستحمل حاجة على التاني، وبقيت الدنيا أكبر همنا ومبلغ علمنا
"اللهم لا تجعل الدنيا أكبر همنا ولا مبلغ علمنا ولا تسلط علينا بذنوبنا من لا يخافك ولا يرحمنا"
والله يا توتا لو صحبتك دي مشيت من دي الوقت بنور وشرع ربنا من اللحظة دي مع خطيبها لو عندها أسلوب كويس صدقيني والله ليكون ليها كل حاجة حبيب وزوج، وكل حاجة أي بنت بتحلم فيها
خليها لو هي متمسكة بيه قووووووي تبدى معاها بس بأسلوب ظريف وحلو قووووووي بحفظ كتاب ربنا لو كل يوم آية واحدة وشوفي ربنا إزاي ح يسر أمورهم وتتقلب حياتهم نور وإيمان وتوفيق من ربنا.
صدقيني عندي أخت أكبر مني دي الوقت بقالها تقريباً 15 سنة متجوزة تعرفي وقت خطبتها عملت أي يمكن تصدقي الكلام دا ويمكن لاء لكن ربنا بيشهد ويعلم بدا، قضيت فترة خطوبتها سنة تقريباً وأول اجتماع ليها مع خطيبها كان إن مش ممكن نحدد معاد الزفاف إلا لما تاخد إجازة القرآن الكريم شوفي بقى لو بجد هو بحبها وهي بتطلب منوا حاجة بنور ربنا ولمصلحته في الأول والأخير وبرضه ليها ولولادها من بعديه المهم هو إنسان مش صاحب دين قوووووي إنسان عادي قووووي وبسيط لكن هو شاب مثقف وفهمان طبعاً هي مجازة في القرآن الكريم وعلى فكرة هي آية من الجمال والأخلاق والرقي وهو كمان زيها بس الكل كان واقف في طريقها عشان عندوا شلل أطفال تخيلي بقى ممكن تلاقي بنت توافق إن تتجوز شب زي دا لاء هي ضحت قوووووووووي ومقابل تضحيتها وحبها ليه هما دي الوقت عايشين بظل حفظوا وحفظها لكتاب ربنا بسعادة مش ممكن أقدر أوصفلك سعادتهم ومع أولادهم.
خطيبها دا بديت وعلمتوا أحكام التجويد كلها وأرسلتوا لعند شيخ عشان التسميع وكانت حاطة علي شرط كل زيارة يحب يجي يزورها لازم يكون في تسميع جزء من القرآن الكريم وبفضل ربنا وحبها وحبوا لأنهم صادقين فيه وبقيت الحالة دي لسنة وكان يوم موعد تحديد الزواج هو يوم موعد ياخد إجازة القرآن وصرلها فرح كبييييييييييير وجميل قووووووووي.
دا هو شرع ربنا لما وقفت معاه ووقف هو معاها بجهادها عشان يعيشوا حياة مستقرة شوف كانت نتجيتهم إزي دي الوقت ما بقولك إن ما فيش مشاكل خالص لاء بتحصل لكن مشاكل جداااااااا بسيطة وتتحل بنفس اليوم وأهي عايشة عيشة ولا أروع وأجمل من كدا.
ضحت هي وضحى هو وكانت التضحية بينهم مشتركة
ربنا أكرمها وأكرموا بالخير والحب والسعادة والتوفيق

ويا رب صاحبتك دي ربنا يكرمها ويخترلها كل خير
لو خير ليها ربنا يوفقها وييسر أمرها ولو شر ليها ربنا يصرفوا عنها بأهون الأسباب
ويكرمها بابن الحلال لي يسر قلبها وخاطرها

أسفة يا توتا يمكن طولت شوية عليك لكن موضوع صاحبتك أثر بجد علي وزعلت قوووووي عليها وتمنيت بجد لو صاحبتك دي في بلدي كنت وقفت معاها للأخر ولو بجد بقدر أعمل أي حاجة بإذن الله مش ح أتأخر عليكم خالص ولو تحبوا أديكم رقم جوالي كمان ما عنديش مانع خالص وأبقى أكلم صاحبتك يمكن أقدر أساعدها شوي من الوضع لي عايشاها

لك مني كل الحب والاحترام يا الغالية توتا
وبانتظار ردك لو تبحوا أوقف معاكم

ربنا يكرمك ويكرمنا جميع
ودمتم بأمان الله ورعايته وحفظه

أختكم بالله وفي سبيل الله ومن أجل الله بحبكم

بنت الشام

[حياتى]

بصى ياتوتا هو لو بيحبها قد ما هى بتحبه كان مش فكر انه يزعلها
ومش بعد الثلاث سنين خطوبه يجى على حاجات هى فى نظرى هيفه
ويعترض وباين على اهله انهم مش بيحبوها وهو باين عليه انو بيسمع
كلامهم اوى ومقصرين عليه جدااااا وكلامه هو معاها اساسا ما يطمنش
بصى سبيها تصلى صلاه استخاره وهى تشوف ربنا عايز ايه وده نصيب
محدش عارف نصيبه فين

[بنت الشام]

:thmbdn:
فينك يا توتا

يا رب تكوني بألف خير
:icon26::icon26::icon26:

شغلت بالي على صاحبتك

ممكن تطمنيني عليها
:ohmy::ohmy::ohmy:

لك كل الشكر والاحترام

[فجر الاسلام]

يا توتا انا قد يكون رأيى مختلف شوية

انا من رايى ان بابا صحبتك ومامتها يقفوا ويضعوا حد ويتكلموا معاه لانه فى الغالب هو خالف الحاجات المتفقين عليها

يعنى بالظبط زى الغسالة اكيد هم اتفقوا على اتوماتيك راح جايبها نص اتوماتيك وده ينطبق طبعا على مشاكل السفرة واوده النوم والحاجات دى لانى انا اعرف لما مثلا واحد يقول انا هجيب السفرة يقولوله هتجبها فى حدود اد ايه
وده بيكون اتفاقات رجالة العيلتين

انا من رايى هنا من حق بابا البنت يدخل

لان الحاجات دى بيكون متفق عليها اهل العريس والعروسة يعنى اتفاق راجل لراجل

فمش عيب خصوصا انها لسه تحت سيطرة والدها ان هو يدخل

دى نقطة انا شخصيا انا مستغلطة صحبتك انها قبلت انها تتخطبله وهى عارفه ان اهله مش موافقين

يعنى اهله رافضينك وكمان هتعدى معاهم فى بيت واحد

انت كده مش بتبنى سعدتك انتى كده بتبنى تعاستك

الحب ده هيموت بالمشاكل والقرف اللى هيحصل بعد الجواز

حتى لو اهله رافضينك ومش هتعيشى معاهم

بس انتى لما اخترتيه انتى اختارتى معاه اهله

اظن اهله دول اللى هيكون منهم جد عيالك وجدته وعمام عيالك

وحاجة وحشة اوى لما العيال يلاقوا الكره والمشاكل مبينكم

اما بقه هو بيشتريلك هدايا لكن لاهلك لا

فدى حاجة انا مش شايفة فيها مشكلة خالص
دى حاجة من قبيل المنظرة عشان تقولى خطيببى اشترى كذا لماما

طب ايه رايك كويس انه جابها كده من اولها مش ده احسن مكان يشترى فى الخطوبة وبعد الجواز ينقطع بدون اسباب


اما عن الاهانات المتكررة فمن الواضح ان هو مش مقدرك واذا كان بيعمل كده اثناء الخطوبة طب بعد الجواز هيعمل ايه

على فكرة مش مقياس انكم بقالكم اكتر من 3 سنين بتحبوا بعض ان جوازكم بالمنظر ده ينجح

انا اعرف احد الاقارب فضل يحب واحدة تسع سنين وهى كمان بتحبوا وفى الاخر مكملوش سنة جواز وطلقوا

بصى انا انصحها انها تهدى وتفكر بعقلها وتقرر انها هتقدر تستحمل وتكمل ولا لا

وتختار انها هتكمل ولا لا قبل لما الاختيار ده يبقى واقع

وتاخد راى اللى حواليها لان فى امور وحشة او حلوة مش واخده بالها منها

[سارة الامورة]

لوكنت عايز تحل المشكلة
لازم تواجها وصديقتك تواجها
عشان تتحل ولازم يتكلموا و انتى لازم تسمع المشكلة من الطرفين واكيد ان شاء الله هتتحل المشكلة
شكرا لعرضهاواخد ارانا

[فجر الاسلام]

معلش يا جماعة انا ضد اللى توتاااا هى اللى تدخل فى المشكلة يعنى مش معقولة انك هتتدخلى فى موضوع الغسالة او الحاجات دى

مش معقولة برضو تتدخلى فى موضوع الشقة وتقسيمتها

لا والد البنت هو اللى هيدخل لان ده بيكون اتفاقات رجالة فىالاصل

على الاقل مش هيقولها انتى جاية تدخلى صحبتك فى الموضوع وهى مالها ومعلش مع احترامى هيكون عنده حق
لكن لو هى دخلت باباها ممكن ترد عليه وتقوله هى الحاجات دى مش كنت انت متفق بيها مع بابا

وبعدين باباها ومامتها هم ادرى الناس بيها وهم اكتر ناس يهمهم المصلحة

وعندهم خبرة اكتر من حد فى سننا

بس طبعا بعد الجواز لازم مشاكلها تحلها مبينها هى وجوزها ولا يدخل فيها ولاحد ولا سبت

[بنت الشام]

سلام عليكم ورحمة الله وبركاته

أنت فين يا توتا

أنت زعلانة مني ولا حاجة

والله وحشتني ردودك ومشاركاتك

لأني بجد بحبك في الله

يا ريت تطمنيني عنك لأني بصراحة كنت متمنية تقوليلي لو بس كلمة مبروك على الزواج

أتمنى بجد أطمن عليك يا ريت

أختك المحبة بنت الشام

[الحزين]

السلام عليكم
لو كنت فعلا عاوزه تحلي المشكلة دي لازم تسمعي من طرفين المشكلة صاحبتك وخطيبها ويكون فيه مواجهة بينهم أمامك
غير كده انت عارفه التقاليد عندنا في مصر في أمور الزواج وخلافه لازم من حدوث مشاكل مهما كبرت أو صغرت المشكلة
ولكن في النهاية يكون النصيب والتوفيق بأمر الله مهما تعددت المشاكل سواء مادية أوعلاقات اجتماعية وبعدين لاحظت في كلامك
ان دايما صاحبتك تضحي وتهتم من طرف واحد ودا شيء غريب لأن الزواج ليس حب فقط ولكن مسئولية كبيرة
وكون خطبيها لا يعتبر أن فترة الخطوبة والحب كفيلة بإن يهتم بالموضوع غير أن ظروفه المادية كويسة فهو يحاسب علي ذلك
لأن هو عارف من البداية بموقف الأهل يبقي لازم يتحمل مسئولية قراره ويأجر في الخارج بحيث لا يخسر أهله ولا حبيبته
ولاينسي حق كل واحد فيهم وطالما هي تحبه وعاوزاه لازم تتحمل عيوبه لأن مفيش انسان كامل بس طبعا عيوب عن عيوب تفرق جدا
ونصيحة مني لها لا تدع حبها يقضي علي عمرها وشبابها لأن فترة الخطوبة دي طولت ذيادة عن المدة الطبيعية
خلاصة الحل ::
1)) تأجير شقة بالخارج وتقبله علي عيوبه لأن هذا طبعه وأسلوبه
2)) تبحث عن خطيب أخر ذات خلق طيب وتتحمل صعوبة هذة الأزمة العاطفية لأنها لن تتحمل صعوبة هروب العمر والحياة منها

[بنت الشام]

سلام عليكم ورحمة الله وبركاته
:as::as::as:
دي الوقت أنا لي رح أتكلم معاكي شوية مصرية وشوية سوري
ودي الوقت فرحانة قوي عشان اطمنت عليكي الحمد لله ويا رب تبقي دايماً بألف خير وصحة وسعادة

إزيك يا حبيبة قلبي بجد أنا سعيدة قوي بردك ربنا يكرمك ويوفقك ويسعدك ويكرمك بالزوج الصالح لي يسر قلبك وخاطرك
تصدقي يا توتا إن الأيامة لي فاتت استفقدت ليكي كتييييييييييييييييييير

بجد أنت وحشاني وربنا يشهد حبيتك من دون ما أعرفك ونفسي بجد أتعرف عليكي ولو ما عندكش مانع أرسلي ليا رقم جوالك وأنا اتصل عليكي كنت اديتك رقم جوالي بس احتمال كبير أغيروا
عشان أنت عارفة قبل الزواج ليا صحبات كتير وزملاء في العمل والحياة بتتغير بعد الزواج
اديني رقمك أنت وأنا أول ما أغير رقمي اتصل عليكي

ربنا يوفقك يا رب يا توتا

وأنا والله بحبك في الله وفي سبيل الله ومن أجل الله

وربنا لي ما ما جمعناش في الدنيا يجمعنا في ظله عرشه يوم لا ظل إلا ظله

أنتظر ردك لأن الأحد الجاي فرحي أرجوكي ادعيلي من قلبك وكنت أتمنى لو كنت قريبة وفي بلدي كنت والله أول الناس في العزومة لكن احتمال أزور مصر مع زوجي وساعتها أتعرف عليكي عن قرب
:icon26::icon26:
بانتظار ردك حبيبة قلبي