مخطوبش البنت اللى امشى معها........ده كان زمان

[sunmoon]

زمان كنت اسمع كل الولاد يقولو كدة انا مخطوبش ابدا بنت مشيت معها عشان اكيد مشيت مع غيرى قبلى وبعدين دى بتخون اهلها لانها بتقولهم انا حروح الدرس او اى مكان و تيجى تقابلنى دى ملهاش امان وطبعا مكنش يرضى الوضع دة لاخته ابدا ودى كدة و كدة................من الاخر دى مش مؤدبة ده كان زمان
معرفش ايه اللى حصل اليومين دول 90% او اكتر من الولاد بيرتبطوا بالبنات اللى تعرفو عليهم سواء فى الشارع او فى مول او اى مكان وبقى عادى جدا ان البنات تعرف ولاد من غير علم اهلها او حتى بعلمهم وبقيت البنت المؤدبة غريبة و يتقال عليها دى معقدة او دى مكبراها زيادة عن اللزوم هو ايه اللى حصل
هو دة الصح ان البنت و الولد يتعرفو على بعض ( تحت مسمى الحب)بالشهور وبعدين الولد ياخد قرار انه يرتبط بيها ولا ان البنت تكون محترمة بتخاف من ربنا و بتخاف على ثقة اهلها فيها وعلى سمعتها وتكون معززة مكرمة فى بيت اهلها و الولد كمان يكون محترم لانه اختار انسانة محترمة زى امه و اخته اللى بيخاف عليها وميحبش حتى حد يبصلها ولو حد عاكسها ياكله
انا بتاْسف طبعا لكل المحترمين لو كان فى صيغة تعميم بس انا ملاحظة انه بقى كتير اوى وكاْن الموضوع اتقلب وبقيت الناس اللى بتراعى ضميرها وحشة و العكس صحيح واحب اقول لكل بنت مضحوك عليها باْسم الحب انت جوهرة غالية اوى مش اى حد يعرف يوصلك الا اللى يستاهلك واعرفى ان اللى بيحب حد بيخاف عليه و مسيره فى يوم من الايام حتى ولوانتهت العلاقة بالجواز حيفكرك فى اى مشكلة بينكم ويقولك فاكرة........و اساْليه كدة ترضى ان اختك تعرف واحد من وراك و تغفلك و شوفى تعبيرات وشه و رده حيكون ايه؟

[عليااااااا]

الرابط لايظهر فى الأرشيف (الرابط لايظهر فى الأرشيف)

عندك حق
دلوقتى البنت المؤدبة بقت حالة شاذة ودى بنت معقدة يا شيخ وهتعقدنا معاها
أما الأخت اللى لسه ربنا ما أذنلهاش بالهداية فهى المرغوبة والمطلوبة

بس عارفة
حتى ولو كان 90 % بيعملوا كدا 99 % منهم مش بيعيشوا حياة سعيدة
اللهم إلا من رحم ربى وربنا هداهم

وإحنا المعقدات بقى لينا ربنا .......
وأكيد فى برده من الشباب أعزهم الله اللى يهمه الفوز بذات الدين قبل ذات المال والجمال فإن اتوفروا فنعمة من ربنا

وبرده كدا بالنسبة لأخواتى البنات اظفرى بذو الدين
ده اللى هيصونك مش مهم يكون شبه مهند أو أحمد عز علشان أصحابك يشاوروا عليه
ولا يكون بيسوق عربية أخر موديل
أهم شئ يتقى الله فيكى وفى نفسه
وطبعا لو هو كدا عمره ما هيسمح لنفسه إنه يرتبط بيكى فى الظلام واسم الله الذى أحبه فيكى (((((((((النور))))))))



موضووووووووووووووووع راااااااااااائع sunmoon
جزاكى الله خيرا
وتقبلى مرورى المتطفل على صفحة موضوعك
اختك
عليــــــــــااا

[وحبي لك لن يموت]

الموضوع ده جميل جدا

وبيحصل كتير جدا

والعقـ ـــــل بيقول

إن الولد عمره ما هيتجوز واحدة مشيت معاه
وخانت ثقة أهلها

لإنه كده كده مش هيبقى فيه ذرة ثقة عنده فيهــــآ

ومش هيقدر يسمح إن الواحدة اللي ادته حاجات مش من حقه قبل الجواز
تبقى أم لولاده

طيب ازاي هتربيهم ؟
وازاي انا هقدر أأمن عليهم معاها ؟

مش ممكن يطلعوا زيها
ويخونوا ثقتنا

!!!!!

بس انا استغربت أوي يا شمس لما قلتي إن


90% او اكتر من الولاد بيرتبطوا بالبنات اللى تعرفو عليهم


أظن يا شموسة إن مش 90 % ولا حاجة

هوا أكيد في ولاد بيرتبطوا بالبنات اللي اتعرفوا عليهم

بس زي ما قالت عليا

العلاقات دي معظمها مش بينجح

وأكيد في يوم هيقعدوا يقلبوا في القديم والجديد

ويكرهوا نفسهم
ويكرهوا بعض

اللهم عافنا واعف عنا
واهدنا إلى طرقك المستقيمة

اشكرك
ولكي التحيات

[Muhamed]

الواقع الجديد كما نعيشه الان لغى ما يسمى بفتره الخطوبه فاصبحت كانها لم تكن

زمان كان الولد ميعرفش البنت الا بعد الخطوبه

وبيكون اتقدم لخطبتها لانها تقربله او معرفه واحد صاحبه

وبعد الخطوبه يبدأو يتعرفوا على شخصيه بعض

ويا تقبلوا بعض يا لاه

حاليا الامر اصبح صعب لان مينفعش اخطب وافسخ الخطوبه اكتر من مره لو موجدتش الانسان اللى يتناسب معايا

طبيعه الحياه بعدما يدخل الشخص فى الحياه العمليه تتيح له التعرف بمجال اوسع على الطرف الاخر

يعنى فى طرق كتير نقدر نعرف طبيعه شخصي الانسان اللى بنتعامل معاه وهل يتناسب معانا ولا لاه

والكلام دهحاليا بيكون قبل الخطوبه لان ز مقلت فى اسباب اجتماعيه وايضا ماليه فى العصر الحالى من مصاريف الخطوبه وتبعاتها

دائما مش بعمم الامور

كل قاعده لها شواذها

لو رجعنا لصلب الموضوع

مخطبش البنت اللى امشى معاها ....... دا كان زمان

الجمله اصبحت صحيحه بشكل كبير

مش شايفها مشكله كبيره

تفرق فقط فى الشخص نفسه

يعنى فى بنات او ولاد بيخرجوا مع الطرف الاخر بعدد شعر راسهم

وبنات وولاد مش بيخرجوا الا مع انسان واحد اللى هما هيرتبطوا بيه

كونهم خرجوا قبل الارتباط فده ليحكموا على بعض افضل

بطبيعه الحال التعامل المباشر مع اى شخص هوا اقصر الطرق لمعرفته


فقط قبل ان انهى ردى اوضح نقطه واحده

كلمه خروج هنا انا فهمتها بمنظورى الخاص

ومليش دعوه بتفسسيرات اخرى, انا شفتها بمنظور محترم لانى بحكم على الشخص انه ملتزم سؤاء ولد او بنت

اعلم ان هناك طبيعه اخرى من الشباب ولكنى كما زكرت مرار لا يثيرون الا اذدرائ ولا اضع لهم قيمه عند التعامل مع المواضيع الخاصه بالشباب لانى اعتبرهم فراغ فى المجتمع فلما الحديث عن تلك النوعيه....

[Eng.Shapon]

انت جوهرة غالية اوى مش اى حد يعرف يوصلك الا اللى يستاهلك واعرفى ان اللى بيحب حد بيخاف عليه



اولا اسمحيلي اشكرك انك فتحتي بابا هادف للحوار الجاد
فعلا الظاهره دي في زياده مستمره
وعواقبها ربنا اللي يعلم بيها بتبقه عامله ازاي

انا عن نفسي

لو حبيت واحده بجد وبإخلاص هخاف عليها من الهواء الطاير

ومش هسمح لحد ان يقول كلمه مش مظبوطه عليها

معني الكلام دا ايه ؟
ان لو حبيت واحده اشوف هل عندي استطاعه ان انا اتقدم
لو عندي خير علي بركة الله

لو معنديش مالهاش لازمه بقه العب بيها واوعدها بحاجات الله اعلم هتتحقق ولا لأ

انت كده بتلعب بقلبها ,

وقلب الواحده عامل زي الصندوق اللي مليان مجوهرات
لو الواحد فينا لقي الصندوق وغرضه سليم
هيرجع الصندوق لصاحبة

يعني يتقدم من الباب
في الحاله دي ممكن صحب الصندوق يعطيهوله هديه


ولو الواحد غرضه حاجة تانيه
هيفتح الصندوق ويأخد اللي فيه ويرميه

يعني هيحب الواحده لغاية ماربنا يفرجها


انا في نظري ان الواحده غاليه جدا جدا
فلازم احافظ عليها


وانت يا اختي الكريمة
ماتخليش حد يدحك عليكي


انا اعرف واحد صحبي
واعجب بواحده
اتصل بيها وقالها انا بحبك والكلام اللي احنا عارفينه
قالتله انا مش بتاع الكلام دا
انا ابويا لسه عايش
يعني اللي عايزني وباقي علي يتقدم من الباب
وقامت قافلة السماعه
تاني يوم راح جاري



هــــــه
انا هبط وهبطكم معايا معلشي بس دي وجهة نظري

[سارة الامورة]

السراحة المورضوع راااااااااائع
بس هدا الشئ يحصل كتير مرة و بنات صح بيروحوا السدرس
بس بعد الدرس بتخرج بس زي الطريقة الي في الموضوع بس
الحاجة دي مصر طريقة معروفة هو اه ان البنت مترحش الدرس و تروح تقابل صاحبها و ممكن بعد لما تتجوز البنت هدي تعمل نفس الشيئ وهدي مش هقول عليها قضية بس دي
حوار لازم تدور بين البنت و اهلها و شكرا على التنبيه
مشكووووووووووووووووووووووور

[SIMO]

لو عندي خير علي بركة الله


كلامك جميل اوي والله