كيف تملكين قلب زوجك؟؟

[عليااااااا]

الرابط لايظهر فى الأرشيف (الرابط لايظهر فى الأرشيف)

أختى..............حبيبتى الغالية

مش عيب أبدا أو حرام إن الواحدة تحب زوجها........ بالعكس ده ربنا سبحانه وتعالى أمرنا بده ورسوله الكريم صلى الله عليه وسلم وضح ده وفسره
قال رسول الله :-(( لو كنت آمرا أحدا أن يسجد لأحد لأمرت المرأة أن تسجد لزوجها))
وقال أيضا :- " ما كان الرفق في شئ إلا زانه وما كان العنف في شئ إلا شانه" ويقول صلى الله عليه وسلم: "إن الله رفيق يحب الرفق ويعطي عليه ما لا يعطي على العنف". صدق صلى الله عليه وسلم.

والرسول الكريم هنا بيوضح لنا كلمة السر اللى نقدر بها نفتح كل الأبواب وهى (((( الرفق))))

الرجال........ مع احترامى الشديد جداا فمنهم سيد الخلق ومنهم أبى وإخوتى.... مش مشكلة ولا معضلة صعبة
الإنســـان عموما التعامل معاه مش بيكون صعب أوى لو عرفنا ايه الشئ اللى بيحبه وندخله من أى طريق

بمعنى ايه.....اعرفى شخصية زوجك؟؟؟ بيحب ايه... بيكره ايه؟ ايه اللى بيسعده وايه اللى ممكن يدايقه؟....كلامه كتير .. قليل ؟ ميوله ... أحلامه... طموحاته؟؟ كدا يعنى
ومش عيب ولا يقلل من شخصيتك إنك تغيرى من نفسك علشانه ........بالعكس ده يملكك قلبه أسرع...

طيب بعد ما صدعتكم بالمقدمة دى تعالو نشوف شوية نصائح جمعتها للبنات سواء المرتبطات منهم أو الآنسات.. لأنها معلومات ونصائح عجبتنى جداااااااااا وانا جمعتها من أكتر من مكان سواء النت أو التيليفزيون أو الكتب أو اجابات والدى ووالدتى.
الرابط لايظهر فى الأرشيف (الرابط لايظهر فى الأرشيف)
**** أهم حاجة وأكتر حاجة شدتنى موضوع حسن المعاملة والرفق فى التعامل:-
عامليه كويس.... اضحكى فى وشه.. حتى لو فى حاجة مدايقاكى أو تعبانة حاولى تبتسمى, الابتسامة ليها مفعول السحر خاصة لو راجع البيت هلكان من الشغل أو وهو خارج... اضحكى وضميه وودعيه بدعوة حلوة وقوليله خللى بالك منك ومننا لأننا مالناش بعد ربنا غيرك.
الرابط لايظهر فى الأرشيف (الرابط لايظهر فى الأرشيف)
**** حسسيه بأهميته طوووووول الوقت وامدحيه واعمليله كل اللى يطلبه( ما دام فى رضا الخالق طبعا)) حتى من قبل ما يطلبه, حسسيه انه ملك... متوج .... مالك أمرك. وصدقينى ده مش ضعف منك
الرابط لايظهر فى الأرشيف (الرابط لايظهر فى الأرشيف)
**** اهتمى بنفسك وبمظهرك قدامه.... حتى لو بتعملى شغل البيت........ ارفعى شعرك بطريقة كويسة يعنى بلاش القمطة........البسى كويس
ده هيريحه هو نفسيااا ... مش يبقى هالك نفسه فى الشغل علشان يجيب فلوس ويعيشك فى مستوى كويس وانتى والاولاد مش لابسين كويس
والبيت مش نضيف هيقول طب ايه الفايدة.
الرابط لايظهر فى الأرشيف (الرابط لايظهر فى الأرشيف)
**** حسسيه انك منه فلما بيدايق أو بيفرح انتى كمان بتتدايقى أو تفرحى.... حاسه بيه طوول الوقت ..فاهماه
بس برده خدى بالك... ما تخنقيهوش باهمتامك.. يعنى لو محتاج مساحة لوحده........... سيبيه
اقعدى جمبه وما تتكلميش بس خليه يشوف قلقك عليه ......خديه ما بين واسكتى وما تعلقيش على نرفزته او سكوته وكتمانه.
الرابط لايظهر فى الأرشيف (الرابط لايظهر فى الأرشيف)
**** لو حصل وجرحك أو حصل ما بينكم خلاف لا قدر الله اوعى اوعى اوعى الموضوووع يتعداكم انتوا الاتنين حتى للاولاد.... ييعنى بلاش الجيران والأهل يدخلوا ولا حتى الأصحاب ......لانه بعد شويه هيروق ويهدى والموضوع يتحل بس هو مش هينسالك انك حتى لما جرحك........ صنتيه
الرابط لايظهر فى الأرشيف (الرابط لايظهر فى الأرشيف)
**** لو لا قدر الله كان فى مشكلة فى البيت أو الشغل ... اوعى تقوليهاله وهو راجع من الشغل علطوول كدا.. ولا لما ييجى ياكل او هو وداخل ينام........اتجنبى الأوقات دى وبعدين هزرى شوية ومهدى للمشكلة بهدوء مع تقديم امكانية الحل بإذن الله يعنى ما تعقديهاش.
الرابط لايظهر فى الأرشيف (الرابط لايظهر فى الأرشيف)
**** أهل جوزك... وحطى تحت دى مليون خط
اوعى تعملى معاهم مشاكل حتى لو هما صعبين شوية يكرموا لعيونه يا ستى........ هو هيحس انك مستحملاهم لانك بتحبيه وصدقينى ده هيفرق معاه اوى.... بالعكس انتى لو فى حاجة فى النفوس لا قدر الله ما بينه وبين حد من أهله... سبقى انتى بالخير وحاولى تصلحى... اعزميهم ووفقى وكدا حتى لو اتزرزر وقالك انتى مالك هيبقى من جواه فخور بيكى
بس فى حدود الشرع طبعااااااااااااااااااااااااا
الرابط لايظهر فى الأرشيف (الرابط لايظهر فى الأرشيف)
**** ساعديه على الطاعة... وحببيه فى الإيمان ... لو كان يعنى شوية فاهمانى طبعا.. وان كان ربنا كارمه فاساليه عن أمور فى الدين حتى لو كنتى عارفاها ... افتحى دايما موضوعات للحوار واتكلمى معاه فى كل حاجة
شوفى الحاجات اللى بتهمه واقرى عنها واعرفيها وناقشيه فيها
(( بهدوء طبعا يعنى اوعى نبرة صوتك ترتفع عنه حتى لو كان غلطان , لفى الموضوع بشطارتك وعرفيه غلط فى ايه علشان ما تحسسيهوش انك أخدتى بالك))

طبعا دى مش كل النصايح بس اهو اللى قدرت عليه
أتمنى انها تساعد فى حاجة
بس النصيحة الأهم واللى بتلخض كل ده

أحبيـــــــــــــه كما تتمنى أن يحبك
وما تنسيش يا قمر إنه بوابتك للجنه
قال صلى الله عليه وسلم
((إذا صلت المرأة خمسها , وأحصنت فرجها, وأطاعت بعلها, دخلت من أى أبواب الجنة شاءت )) صدق رسول الله صلى الله عليه وسلم

أتمنى الموضوع يعجبكم ومستنية تعليقاتكم ونصايحكم

الرابط لايظهر فى الأرشيف (الرابط لايظهر فى الأرشيف)

من أحبتكم فى الله

[بنت الشام]

بجد والله يا عليا موضوعك غاية بالروعة وأكتر بالفائدة

ربنا يكرمك يا رب ويرزقك حسب نيتك
يا ريت كلنا نتمثل الكلام دا والنصائح الكريمة دي
صدقيني والله ح نلاقي كل زوج وزوجة عايشين أحلى عيشة بحياتهم بظل ربنا
بالإيمان والرضا والسعادة
لو كل واحدة بتتقي وبترضي ربنا بزوجها والله لأحوالنا كلها اتغيرت
وعشنا بسعادة وفرحة كبيرة قووووووووي
مشاكل آه يكون في مشاكل لكن صدقيني بحدود المعقول
لأن ما فيش حد خالي من المشاكل
ودي زي ما بيقلولنا أهالينا
المشاكل هي بقت ملح الطعام
لازم نساير
ونقنع ونرضى
وربنا ما ينسانا أبداً

يا ريت,,,,,,,, لاء يا رب تجعل كل نسائنا كدة
تدخل الرضا والحب والأمل والسعادة لقلوبهم من ناحية أزواجهم
تفهمنا كلنا وتعلمنا

وحده هو الإيمان الذي يجعلنا نمتلك ونتمثل تلك النصائح الكريمة

نعم الإيمان هو ينبوع الحب المصفى الذي نفتقده جميعاً.

الإيمان الذي هو قوة الُخُلق، وخُلُق القوة، وروح الحياة وحياة الروح، وسر العالم، وعالم الأسرار، وجمال الدنيا، ودنيا الجمال ونور الطريق وطريق النور.

فـ بالإيمان إن جرى دم الحياة في عروقنا والعافية قد سرت في أوصالنا، فو الله يشفيه وهو سقيم، بل ويحيه وهو رميم.

ملاحظة: أتمنى تكون كتابتي باللهجة المصرية كويسة
...وبتمنى تقدري درجتي يا ترى كم...
وأتمنى أن تزوري المنتدى الإسلامي لتشاركي بموضوع في المنتدى الإسلامي
أدخل وأجب هل تعرف دينك

تقبلي حبي وشكري ومروري وكل احترامي
الرابط لايظهر فى الأرشيف (الرابط لايظهر فى الأرشيف)