سؤااال البنوتات ؟؟؟؟

[شموخ أنثى]

لو مثلا انتي كنتي طفشااااانه ونايمه الظهر ويوم صحيتي لقيتي
اهلك صاحين وقاعدين يتغدووا قمتي قعدتىمعاهم
وانتي قاعدة معاهم امك عمالة تبصلك وتبتسملك
وانت عمالة تعدلى فى نفسك وتظبطى قعدتك
انا فيا حاجة غلط ولا ايه ؟!!! هو فى ايه ! :yawn:
وبعدين ابوك خلص الغداء وقام هو واخواتكقامت امك بصالك وقالتلك : مبرووووك يا بنتى الف مبروك :18:

انتي : مبروووك على ايه ! (زهقانة ومالكيش خلق )

امك : النهاردة كلمتنى واحدة عاوزاكى !طبعا وشك اتغير تغير كلى
ولا فى زهقان ولا حاجة
ومش محتاج بشوش
بس مكسوفة من امك
وبتعملى دور الخجلانة

انتي : وهى عاوزة ايه ؟ :D (دور الاستهبال)

امك : عايزاكى تكنسى الحوش بتاعهم chat06: عايزة ايه يعنى !
انتي : يعني عاوزة تخطبني :whistling: (بريئة يا ختى )

امك : ايه قلتى ايه ؟ :36_11_1[1]:

انتي : لا مش عاوزة اتجوز (عاملة جامدة ولا همك:shades: )

امك : طيب خلاص ابعته بنت خالتك .:a036:

انتي : استنى يا ماما انا بهظر صدقتى بسرعة كده ده كلام يا شيخة ؟ :ohmy:

المهم بعد يومين اتصلتام العريس
ام العريس : الووووو (متحمسة) وابنها جنبها :054:

امك : الوووووو
ام العريس : ازيكم ؟
امك : كويسينشكل الموضوع هيطول :yawn:
ام العريس : هاه قلتوا ايه ؟
امك : موافقينام العريس : خلاص احنا جايين يوم الخميس عشان ابننا يشوف بنتكم .امك : اوكي ( عادي امك متطورة :cool: )

المهم خلصوووووو وانتي بدا قلبك يقول طربق طربقطربق من اليوم الاثنين ويوم الخميس قريب :cupidarrow:

والسؤال المهم :


0

0

0

0

0

0

0
0

0
0

منيوم الاثنين الى الخميس اوصفي مشاعرك ؟ يلا يا بنات المنتدى ايه ردكم؟!

كل واحدة تدخل تقول ايه هيبقى ايه شعورها وهتعمل ايه
فى اليومين دول ؟

مستنية الردود ما تشوفوش الموضوع وتخلعوا وماتردوش :bm:


تحياتى لكم / شموووووووخ

[la princesse]

هههههههههههه
حطيتى ايدك على الجرح يا شموخ
انا رايي فى الموضوع ده ثابت مبيتغيرش

مرفووووووض ان حد يجى عشان يتفرج على البنت
بصراحة بحس ان ده بيقلل من شانها وكرامتها

على اساس انها سلعة والزبون جى يعاين
ويا عجبته يا لا

يمكن تفكيرى غلط
بس فى النهاية هو تفكيرى

[asora]

[حصلتلى بالفعل لكن طول الفتره وكان مدتها اسبوع كنت بعيط

[Lost Angel]

ميرسي يا جميل علي طرحك للسؤال

وانا بتفق مع ميرا جدااا في رأيها
وانا عن نفسي برفض الموضوع ده
علي اي اساس هيرتبطوا ببعض ده حتي ميعرفش شكلها :wacko:

[arain_drop]

احب اعقب على ردود الاخوات ميرا ولوست
اعتقد ان مفيش حد بيروح يتقدم لواحدة وهو مايعرفش شكلها اعتقد ده كان زمان
عالاقل بيبقى عارف شكلها وعجبته واكيد حد من اهله بيثق فى رايهم زى والدته او اخته يعرفوها كويس وهو بيروح يشوفها عشان يتكلم معاها ويعرف طباعها ويشوف هيتفاهمو مع بعض وهى كمان تعرفه وطبعا ده فى وجود المحارم وعلى حد علمى هى دى الطريقة الشرعية للخطبة
مش عارفة انتو بترفضو الطريقة دى ياريت اعرف ايه الطريقة اللى انتو شايفينها صح
انا عن نفسى مااتحطيتش فالموقف ده لان خطيبى هو ابن خالتى فعارفين بعض كويس
لكن زى ماقولت دى الطريقة الشرعية اللى انا اعرفها للخطبة

[Muhamed]

احب اعقب على ردود الاخوات ميرا ولوست
اعتقد ان مفيش حد بيروح يتقدم لواحدة وهو مايعرفش شكلها اعتقد ده كان زمان
عالاقل بيبقى عارف شكلها وعجبته واكيد حد من اهله بيثق فى رايهم زى والدته او اخته يعرفوها كويس وهو بيروح يشوفها عشان يتكلم معاها ويعرف طباعها ويشوف هيتفاهمو مع بعض وهى كمان تعرفه وطبعا ده فى وجود المحارم وعلى حد علمى هى دى الطريقة الشرعية للخطبة
مش عارفة انتو بترفضو الطريقة دى ياريت اعرف ايه الطريقة اللى انتو شايفينها صح


طيعا المفروض امثالى لا يتدخلوا فيما لا يعنيهم حتى لا يسمعوا كلام لا يبسطهم :)

لما قريت الموضوع فى الاول توقعت ردود 3 فى المنتدى منهم 2 ردوا وفاضل واحده لما هتشوف الموضوع هترد بنفس الطريقه

المهم

قرأت رد اختى ارين

وشعرت باننا امام باب للنقاش

ونقاش هادف

دورى انا ايه

يعنى ممكن تقولوا امثالى من اللى ممكن يخشوا فى الموضوع اللى هما ملهمش فيه يعنى بيكون تدخل هدفه توصيل الصوره من الطرف الاخر اللى هوا الرجل

دعونا نفتح الموضوع للنقاش وابدئه ببعض النقاط التى القى حوولها الضوء فى رد اختى ارين لانه الراى المخالف للرايي نسبيا

1- ما تفكير رجل الذى يرسل طالبا الزواج من انسانه لا يعلم اذا ما كانت متقبلاه ام لا

2- الم يكن الانسب له ان يرسل الشخص الذى ارسله لوالدتها ان يرسلها للفتاه نفسها حتى يستطلع رايها مدام لا يوجد احتكاك مباشر بينهم

3- ماذا لو كانت البنت رافضه ودا ممكن وكتير بيحصل والاهل اجبروا وده برضه بيحصل تفتكرى الراجل هيرضا عن نفسه بالزواج بتلك الطريقه

[arain_drop]

اعتقد يابشمهندس ان فى حالة حد عاوز يتقدم لخطبة انسانة معينة مفيش بينهم احتكاك مباشر فالاول بيبعت حد يثق فى رأيه زى ماقولت بيتكلم مع حد من عيلة الفتاة
او معاها هى شخصيا مبدايا يكون افضل بالطبع كى تستفسر عما تحب معرفته عن هذا الشخص وبعدين بتسأل عنه هى وولي امرها اذا كان هناك موافقة مبدئية فهذا مؤشر خير بعدين بيقعدو مع بعض وزى ماذكرت فى وجود محارم وبيتكلمو ويقررو بقى هل فعلا ارتاحو لبعض او العكس
وبعدين انا مش شايفة اى اهانة لاى حد من الطرفين ان الاخر يرفضه كل واحد وليه طباعه ومش بالضرورى ان كل الافراض تنسجم مع بعضها
لكن اعتقد انه صعب حد يجبر فتاة على الزواج من شاب لا تقتنع به وان اجبروها من رأيى انها تصارح الشاب هذا بما بداخلها بطريقة محترمة وبالتاكيد هو لن يقبل ان يرتبط بانسانة لا تقبله وسينسحب من نفسه

[Muhamed]

ليست الدنيا مشرقه كما تتخيليها اختى فى الله

انتى تتكلمى عن العائلات المسلمه بحث

الاسره المثاليه

وقلما تجدى مثلها فى عصرنا الحالى

افترضى اى شخص صاحب وظيفه مرموقه جاء طالبا يد انسانه لا يعرف عنها غير انه راها مره او حدث موقف اماهه واعجبته او حتى عن طريق شخص يعرفه

اهل العروس يجدون فيه انه عريس لقطه مش يتعوض

البنت كاى بنت فى العالم لديها فارس احلامها فى الكليه كانت او فى االعمل قد تكون عرفته احست بالحب تجاهه ولكن كالعاده دائما هناك ظروف تؤجل من حريك الامور الرسميه قبل سنتين او 3

اهل البنت النظره الدائمه لديهم انهم عندهم خبره فى الحياه وان الحب مش يساوى حاجه فى الزمن ده وان الحب يجى بعد الزواج وانه مهما كان الزوج مسيرها هتحبه الخ

البنت مجبره توافق لان ببساطه العريس مش يتعيب من وجهه نظر الاهل وهوا المثالى ولو طار قد لا يأتى غيره ونسبه العنوسه فى مصر عاليه

وفى المقابل زميل العمل او الكليه مازل امامه بضع سنين حتى يستطيع تحريك الامور رسميا

البعض قد يتقدم ويلاقى القبول مبدئيا كخطوبه او قرايه فتحه حتى من بعض الاهالى

ولكنى اتكلم عن المعظم فى مصر انه سيتم رفضه نهائيا لانه لا يملك مقومات الزواج

كون انها تصارح الشاب اللى متقدملها بكده ايضا صعبه لان ببساطه اهلها هيعرفوا وهيسودوا عيشتها لان اللى هيوصله المعلومه دى اكيد هيوصلها لاهلها برضه

عارف ان نظرتى تشائوميه نوعا ما

ولكنها حالات يواجهها المجتمع كثيرا ولا اعرف اين اشير الى موضع المشكله

ما يطلق عليه زواج الصالونات بالنسبه لى مرفوض :) واحارب فكرته حتى مع زملاء العمل وزميلات كمان :)

[arain_drop]

انا معاك يابشمهندس فى كل الكلام اللى قولته ان ده وارد جدا وبيحدث كل يوم وبيكون فى صدامات كتيرة ومشكل اكتر
بس خلينا نقول ان ممكن الاهل يتقبلو ان بنتهم بتحب حد وطالما انه كويس ومستقبله مبشر حتى لو نسبة قليلة اللى بتعمل كده
وكلامى اللى قولته واثقة انه فى شيئ من المثالية بس اكيد بيحصل ولما قولته فده كان رد على فكرة انه بيقلل من شأن البنت فكنت بوضح انه شيئ وارد ومنطقى
لكن طبعا انا معاك انه الاجمل ان اى اتنين يعرفو بعض ومرتاحين لبعض ومتفاهمين يرتبطو بعض ويحاولو يحافظو على ده ويقامو اى حاجة تواجههم مادام فى اطار الحلال
واكيد لو فى درجة من التفاهم هيقدرو يوصلو للى هم عاوزينه
لكن اذا لم يقابل اى طرف منهما الشخص المنتظر اصلا وسنه وظروفه تسمح له بالارتباط
هل ينتظر حتى يقابله مهما طال الوقت؟ام اذا سنحت الفرصة بالطريقة التقليدية وقابل الطرف الذى يتمناه ويحلم به يرتبط به؟

[Lost Angel]

بعيدا عن النقاش كل واحد فينا هيقرأ الموضوع هيفهمه علي طريقته الخاصة
والي علي أساسها هيكون الرد بتاعه
وده كان سبب الرفض بتاعي في الاول انه لاول مرة يعرفها وهيخطبها وده الي وضح من الكلام في طريقة طرح الموضوع
علي عكس اختي ارين قالت
اعتقد ان مفيش حد بيروح يتقدم لواحدة وهو مايعرفش شكلها اعتقد ده كان زمان
دي وجهة نظرها بس أكيد فيه ناس بترتبط كده وده هيختلف من بيئة لأخري وطريقة تفكيرهم

لكن اذا لم يقابل اى طرف منهما الشخص المنتظر اصلا وسنه وظروفه تسمح له بالارتباط
هل ينتظر حتى يقابله مهما طال الوقت؟ا

انتي طرحتي السؤال والاجابة في نفس الوقت اذا سنحت الفرصة بالطريقة التقليدية وقابل الطرف الذى يتمناه ويحلم به يرتبط به؟
اذا سنحت له الفرصة بقي :walkman:

[شموخ أنثى]

كويس اوى انكم يا جماعة اتفاعلتوا م الوضوع وفتحتوا باب للنقاش فأنا من رأيى ان الارتباط والزواج يكون على أساس الحب والمشاعر والتفاهم مش شروة أو بيعة أو زيى ما قالت ميرا تبقى سلعة يا نشتريها يا منشتريش بالفعل مع وجود نسبة عنوسة كبيرة فى مصر زيى ما وضح ماندوز ده سبب رئيسى بتخلى الاهالى

خاصة المهات دون الابهات ما يصدقو ويزنوا
على دماغ البنت لحد ما توافق وغالبا بالاجبار
بس ده طبعا مرفوووووووووووووض نهائى وده بيحصل كتير جدا خاصة فى دول اخليج اللى بيكتر الحوادث وحالات النتحار بسبب الموضوع ده اللى كمان عندهم فى بعض القبائل لازم يتجوزو من اهليتهم او عشريتهم ممنوع تخرج عن كده فكل ده اساليب من اساليب الخموود الفكرى وانا طبعا من رايى وتفكيرى افضل ارتبط بانسان
اعرفه واحبه وافهمه لو هستنى سنيييييييييين دون ان ارتبط بحد تانى يلا فرصة والسلام

ومفيش حب بيجى بعد الجواااز ويريت الاهالى يقتنعو بده
عشان يبقى فيه حب بعد الجواز لازم يكون جواز ناجح ومفيش جواز ناجح من غير حب وماكنش فيه حب من الاساس .

[Muhamed]

هل ينتظر حتى يقابله مهما طال الوقت؟ام اذا سنحت الفرصة بالطريقة التقليدية وقابل الطرف الذى يتمناه ويحلم به يرتبط به؟


النوعيات المثاليه هتستنى لغايه متتقابل مع الانسان المناسب ( على فكره الجمله دى للولاد والبنات لان فى ولاد بيتعرض عليه من الاهل كتير وبيرفض لانه فى انتظار الانسانه المناسبه )

نوعيات اخرى من البنات هتوافق على التقليدى حتى ولو مكنش زى مهيا متصوراه ولا قريب حتى من اللى متخيلاه

نوعيات اخرى دى اللى ربنا كارمهم ان الشخص اللى يتقدم يكون قريب من الصوره :)

دي وجهة نظرها بس أكيد فيه ناس بترتبط كده وده هيختلف من بيئة لأخري وطريقة تفكيرهم
انتي طرحتي السؤال والاجابة في نفس الوقت

2

ومفيش حب بيجى بعد الجواااز ويريت الاهالى يقتنعو بده عشان يبقى فيه حب بعد الجواز لازم يكون جواز ناجح

دى برضه رعم رايئ السابق لكن فى الجمله دى مقدرش اعممها

يعنى اعرف ناس تزوجوا تقليدى وحبوا بعض بعد الزواج

ولكن هناك مفهوم مختلف للحب بعد الزواج

الزواج موده ورحمه

اكرر

موده ورحمه

اختلف المفسرون كثير هل الواو للتعقيب ام للترتيب

يعنى هل الزواج يبدأ بالحب ومع الوقت يتلاشى الحب ويظهر الرحمه للعشره والاطفال ان وجدوا

ومنه تنشأ الاسره السعيده

نقطه اخرى

اعلم شخصيا ومن صديق مقرب للغايه تزوج زواجا تقليديا للغايه ويعيش الحمد لله حياه سعيده

هيا الفكره تكمن فى البيئه الخاصه بالطرفين

وطبيعه فكرهم

قد ينشأ الحب بعد الزواج عندما يتعرفوا اكثر

قد لا ينشأ

فى عصرنا الحالى نسبه كبير لا ينشأ والدليل نسب الطلاق للزواج فى مصر

لما يبقى فى 17 الف عروسه و34 الف مطلقه فى السنه

و30% من المطلقات اتجوزوا فى نفس السنه

هنا الارقام بتتكلم

بس برضه اكرر انا مش عارف المشكله فين

اهل ولا ظروف ولا عادات ولا حكومه ولا ايه بالظبط مش عارف بجد

[arain_drop]

انا معاك ان الافضل ان ينتظر الشخص حتى يجد من يتفاهم معه ويحبه بس ده افضل للولاد بس لان مجالهم يسمحلهم بكده لكن هناك فتيات بعد التخرج مابيشتغلوش يعنى دائرة تعاملاتهم محدودة يبقى ازاى هتقابل الشخص اللى هى بتتمناه ؟
يعنى انا مثلا لييا صديقة منتقبة وعلاقاتها محدودة جدا وتكاد تكون منعدمة مع الاولاد يبقى فين هتقابل الشخص اللى هى بتحلم بيه؟
وعلى فكرة فعلا فى امثلة كثيرة جدا واعرفهم شخصيا كان زواجهم تقليدى وحبو بعض جدا من فترة الخطوبة كمان وقبل الزواج والعشرة وصارو متفاهمين جدا
مش عارفة يمكن عشان انا ارتبطت بالشخص اللى فعلا حبيته وكنت متفاهمة معاه "الحمدلله" فمش حاسة بمشكلة الجواز التقليدى اوى
بس اعتقد انها مشكلة اهل وعادات ومجتمع وحكومة
كل دول مشاركين بطريقة مباشرة او غير مباشرة فالمشكلة
وانا عن نفسى نفسى فعلا كل اتنين متفاهمين يرتبطو ببعض وربنا يوفقهم ويتمسكو ببعض مهما كانت الظروف

[الطيب احسن]

انا قلت ماسيبش حبيبى ماندوزز لواحدة فى مواجهة بنات المنتدى


شئ جميل يكون الزواج عن حب ومشاعر

ولكن ما يلوث الحب وامشاعر هو بعض التصرفات اللى مش هينفع نتكلم عليها

عشان كدة بقول مش عيب الزواج عن حب ومشاعر

ده رايى

[SIMO]

مرفووووووض ان حد يجى عشان يتفرج على البنت بصراحة بحس ان ده بيقلل من شانها وكرامتها


انا طبعا مليش دخل بالموضوع ده ..ده سؤال بنات

بس الكلمتين دول يابرنسيس خلوني اتكلم

انتي طرحتي قضيه عايزه حوار تاني غير الموضوع ده كمان

بس بجد عندك حق في الكلمتين دول

ام البنت تقول جايلك عريس النهارده وجاي يشوفك

الجواز الي بالشكل ده بيضايقني انا شخصيا

كلامك جميل يابرنسيس

وشكرا لكاتبه الموضوع

بس ياريت ناخد بالنا ان البنت مش سلعه ولا حاجه قليله

يعني منغصبش علي واحده انها تتجوز غصب عنها

او نقول لها لو متجوزتيش دلوقت مش هتتجوزي بعدين

فعلا الكلام ده بيقلل من شأن البنت وبتفقد من ثقتها شويا

هي عاشت فتره من عمرها ف بيت والدها واهلها

بس بقية عمرها هتبقي عايشه مع انسان المفروض تكون هي واثقه فيه

عفوا للإطاله

[Sir.7amato]

هي عاشت فتره من عمرها ف بيت والدها واهلها
بس بقية عمرها هتبقي عايشه مع انسان المفروض تكون هي واثقه فيه
خير الكلام ما قل ودل ،،

السؤال بمعنى أخر لبنوتات المنتدى ؟؟
هل ترضى أن تكونى مثل قطعه أثاث فى المنزل بذهب الرجل (الزوج ) لشرائها ؟؟
لو كل واحده فهمت كويس معنى السؤال ده يبقى إحنا كده حلينا القضيه دى ،،

فى أراء سبق قولها أنه يأتى الحب بعد الزواج ،،
يعنى هى توافق أنها تتجوز بالطريقه دى وبعدين تستنى بقى بيحبنى مبيحبنيش ...
لا طبعا كلام فاضى أعتقد أنها تقعد فى بيتها أحسن ،،

ودا اقتباس صغير كده من أول رد لبرنسيس ،،
مرفووووووض ان حد يجى عشان يتفرج على البنت
بصراحة بحس ان ده بيقلل من شانها وكرامتها


أعتقد أن هذا الرأى هو الرأى السائد فى معظم الردود على مثل هذه الموضوعات
ليس هنا فى المنتدى فقط ولكن فى كثير من المنتديات التى ناقشت هذه المشكله ،،

طبعا موضوع المناقشه سبق وتحدثنا فيه .
ورأيى ثابت ولن يتغير ..

المرأه ليست سلعه تشترى ،،
ولكنها كنز يقنى .

[Eng.Shapon]

اكيد دخولي الموضوع غير مرغوب فيه

او غير مناسب بصفته للفتيات



بس انا عايز اصحح مفهوم خطأ مش اكتر

بالنسبة لأخت اميره ... والاخ حامد باشا

انا مش متفق معاكم في الكلام دا

ليه ؟

علي شان البنت غاليه جدا في نظر الشاب
مش سلعه زي ما انتم معتقدين

وحكاية انه يروح يشوفها دا بيزيد من شأنها وليس العكس

زي اي حاجة مثلا

انت مثلا يا اختي لو عايزه حاجه سهلة او مش غاليه من خارج البيت هتقولي لأخوكي او امك تجبهالك

انما لو عايزه حاجه غاليه او مهمة جدا في نظرك
انت اللي هتروحي تشوفيها وتقيميها بنفسك

المثال لتوضيح فقط

والشاب لو مش مقبول او مش عاجبك هترفضي بكل سهوله


ملخص القول :

ان مرواح الشاب عند البنت دا خير لطرفين

امال هنعرف بعض ازااااي ؟

دا عن وجهة نظري
الله اعلم


بسم الله الرحمن الرحيم

{وَلَيْسَ الْبِرُّ بِأَنْ تَأْتُوْاْ الْبُيُوتَ مِن ظُهُورِهَا وَلَـكِنَّ الْبِرَّ مَنِ اتَّقَى وَأْتُواْ الْبُيُوتَ مِنْ أَبْوَابِهَا وَاتَّقُواْ اللّهَ لَعَلَّكُمْ تُفْلِحُونَ }البقرة (189) (الرابط لايظهر فى الأرشيف)



ومتأسف علي تدخلي ...

[شموخ أنثى]

علي شان البنت غاليه جدا في نظر الشاب
مش سلعه زي ما انتم معتقدين

وحكاية انه يروح يشوفها دا بيزيد من شأنها وليس العكس

زي اي حاجة مثلا

انت مثلا يا اختي لو عايزه حاجه سهلة او مش غاليه من خارج البيت هتقولي لأخوكي او امك تجبهالك

انما لو عايزه حاجه غاليه او مهمة جدا في نظرك
انت اللي هتروحي تشوفيها وتقيميها بنفسك




اوك معاك ان المثال للتوضيح بس برده اما جيت توضح وضحت كأنها حاجة عايزة تشتريها سواء غالية أو رخيصة فى اختلاف كبير بين حاجة تشتريها وانسانة
هتفضل معاك طول العمر

هتبقى هى سندك وام اولادك وحياتك وأهلك

[SIMO]

هتبقى هى سندك وام اولادك وحياتك وأهلك

ياريت نفهم الكلمتين دول ويبقي كده الموضوع خلص