عالم ألماني يتوقع وجود كائنات في الفضاء الخارجي

[la princesse]

توقع يوهان ديتريش فورنر، رئيس مركز الطيران والفضاء في ألمانيا، وجود كائنات فضائية في الفضاء، لكنه أردف أنه لن يمكن للبشر التعرف عليها من خلال الوسائل والقوانين الطبيعية المتوفرة حالياً. وتوقع فورنر جاء في حديث لصحيفة «فرانكفورتر روندشاو» الصادرة أمس، وأضاف انه يعتقد بوجود «مخلوقات ذكية»، ويأمل في لقاء مثل هذه المخلوقات في يوم ما. غير أن الصحيفة نشرت في الوقت نفسه كلاماً لمايكل غريفن، رئيس وكالة الطيران والفضاء الأميركية «ناسا» رفض فيه مثل هذه الأفكار، معتبراً أنها «من قبيل الخيال، ولم تثبت صحتها علمياً، ولكنها تساعد على أي حال في فهم البشر للكون».

العالمان، رغم اختلافهما في موضوع وجود مخلوقات في الفضاء الخارجي، اتفقا على أمر أساسي وهو تأييدهما التكاليف الباهظة لمشاريع الفضاء أبحاثه والرحلات المكوكية، مشيرين إلى الفوائد الجمة التي منها كيف تسير السيارات حاليا بمساعدة الأجهزة الملاحية المرتبطة بالأقمار الصناعية فضلا عن القنوات التلفزيونية الفضائية، بجانب الاتصالات والرصد المناخي والأبحاث الطبية حول أمراض المناعة والدورة الدموية.

أيضاً أقر العالمان الألماني والأميركي بأنه ليس ثمة أي كوكب آخر غير الأرض يمكن للبشر في الوقت الحالي العيش فيه، ولكن الرغبة في كشف الغموض والبحث عن المجهول سيدفع البشر في رأيهما إلى مواصلة البحث في المستقبل.

[Muhamed]

وانا لا اعتقد بوجود كائنات فضائيه عاقله

بنظره دينيه او علميه حتى سنجد اننا لن نتقابل يوما ما مع كائنات مفكره مثلنا وان قابلنا فلن نستطيع ان نصل لطريقه حوار لانه ببساطه من الصعب ان لم يكن مستحيلا ان نتلاقى مع كائنات عاقله


اغلب الظن انه بعد كام سنه احتمال هنلاقى بكتريا فضائيه يمكن على سطح المريخ اللى بيقولوا انهم لقوا اثار ميه هناك والماء سر الحياه ولكن اى كميه من الماء

انظروا على نسبه الماء من كوكب الارض

فلا توجد ادله ممقنعه او وجود بقايا اثار مياه على المريخ دليل لوجود حياه عليه

لذلك اتوقع ان لا نجد الا مجموعه من البكتريا دا لو لقينا اللى قدرت تعيش فى الظروف بتاعت الكواكب الاخرى لان انا عارف انهم لو لقوا بكتريا على المريخ هيتهطلوا ويدوروا فى المشترى الخ ... وبعد كام ميت سنه ممكن يدوروا على مجموعه شمسيه تانيه يدوروا فيها على كوكب ظروفه زى ظروف الارض

من الناحيه العلميه

الحياه يلزمها مليون حاجه لازم تجتمع فى كوكب واحد اهمها الماء طبعا لانه اول العناصر
فالماء موجود قبل خلق الكون ومنه نشات كل الحيوات

المليون حاجه دول اجتمعوا فى الارض ربنا اراد كده

فهل تجتمع فى كوكب تانى

مممم

الله اعلم

ولو لقوا

تفتكروا هتلاقوا حاجه تختلف عن الحيوانات ااو الحشرات اللى عندنا

يعنى العلم بيقول ان الحشرات او البكتريا بتتكيف على الظروف اللى حواليها فمش بعيد نلاقى الحاجات دى

اما الحيوانات فليها دوره فى الحياه وممكن تنقرض لو احد الظروف غير موجوده ولدينا مثال فى كوكبنا فى حياه الديناصرورات واختفائهم وبقاء الحشرات والبكتريا

النهايه

لندع الايام تظهر لنا من كان على صواب ومن كان مخطئ فى نظرته

[عبدالرحمن م]

من الناحيه العلميه

الحياه يلزمها مليون حاجه لازم تجتمع فى كوكب واحد اهمها الماء طبعا لانه اول العناصر
فالماء موجود قبل خلق الكون ومنه نشات كل الحيوات

أوك
لكن برضه ده مش سبب يمنع وجود أى حياة تانية
لأن من الممكن وببساطة انها تكون اتخلقت متوافقة مع ظروف الكوكب
يعنى بدل ما الانسان بيحتاج هوا ومية عشان يقدر يعيش
هى قادرة وبطبيعتها على انها تعيش فى غياب العناصر دى
وان جيت للحق ...(الله أعلم)
ميغسى برنسيس

[la princesse]

انا بميل برايي للراى الاول
اللى هو راى ماندوز يعنى
لسبب بسيط
كلام عبد الرحمن كان ممكن يكون صح فى حالة وحدة بس
لو مكنتش الاية دى نزلت فى القران

بسم الله الرحمن الرحيم
(وجعلنا من الماء كل شىء حى)
صدق الله العظيم

[الطيب احسن]

انا بصراحة رايي من راى ماندوزز
لان من الصعب وجود حياه اخرى فيه اى كوكب تانى
بدليل حاجه ان ربنا كيف الارض لكى يعيش فيها مختلف الكائنات الحيه
بدليل ان الارض لو بعدت مسافه صغيره عن وضعها الحالى من الشمس هتتجمد الكرة الرضيه
ولو قربت هتنصهر
فالحمد لله الذى خلق كل شئ باتقان

[شموخ أنثى]

اولا شكرا يا برنسيس على موضوعك
ثانيا انا رايى ان الحياة غالبا مقتصرة على الارض بس
بس احتمال بسيط بس يعنى ما يعديش عشرة فى المية يبقى موجود حياة على كوكب المريخ او كوكب آخر
بس برده ممكن اصدق يعنى
مين كان يصدق لو واحد مثلا جه من ميت سنة وقال ان هيبقى فى نت ويبقى فيه وفى وفى زيى عصرنا دلوقت
كان المعظم هيوقل لا و.... و... و... وكان فى هيقول اه ممكن
اللى بس عاوزة اوضحه ان بعد النهاردة بعد ما وصل بعض العلماء ازاى يستنسخو خلايا وده ظهر فى اول مخلوق بشرى على يد انسان
ممكن اوى واتوقع فى اى يوم يبقى فى حياة على مكان تانى غير الارض اه ممكن بس احتمال بعيد بس وليه لا ؟
بس برده فى الاخر الله اعلم بكل شئ

[Muhamed]

هى قادرة وبطبيعتها على انها تعيش فى غياب العناصر دى
وان جيت للحق ...(الله أعلم)


تمام

وهذا ينطبق فقط على البكتريا

ثانيا فى نقطه مهمه كنت كتبتها فى ردى بس تقريبا محدش خد باله منها

وان قابلنا فلن نستطيع ان نصل لطريقه حوار

تفتكر احنا عايشين بقالنا كام سنه مع القطط والكلاب واى حيوان اخر

تفتكر حد عرف يفهم لغتهم

تفتكر حد عرف القطه او الكلب او اى حيوان او حشره او نبات لما يتكلم مع بنى جنسه بيقولوا ايه لبعض

فما بالك المفروض بكائنات خارجيه

دا رد على حاجات من اللى بيقولوا عليها اسطوانات من العالم الخارجى وغيرها من الهجايص المنتشره فى العالم

نقطه اخرى

الناس من افلام هوليود والولايه ال 51 اتحط فى تفكيرهم ان دائما وابدا ان المخلوقات الفاضئيه مخلوقات عاقله واذكى او اقوى مننا بطريقه او باخرى وانهم دايما بيراقبونا الخ

وممكن لو دورت هتلاقى قصص كتير عن ال UFO = unknown flaying object اللى اتسمى بعد كده بالعربى طبق طائر اسرع واقوى من الطيارات حتى الحديث منها

وناس قالت فى سرها ان ده هوا السلاح السرى لهتلر اللى مشفش النور لان بدايه ظهور الظاهره دى كانت مع نهايات الحرب العالميه الثانيه

حد فينا فكر ان المخلوقات الفاضئيه دى ممكن تكون ابسط مما نتخيل علشان كده قلت ان اغال الظن ان المخلوقات هتكون بكتريا مش تختلف كتير عن اللى موجوده فى كوكبنا



انتقل الى رد اختى شموخ انثى لان به سطر استشطت غضبا عند قراته

وده ظهر فى اول مخلوق بشرى على يد انسان

للاسف خانك التعبير فى تلك الجمله

هناك فرق بين كلمه خلق وكلمه استنساخ

الخلق هوا تكوين الشئ من لا شئ " كن فيكون"

اما الاستنساخ فكل ما فيه انى اخذت ما هوا مخلوق اساسا وطورت خلاياه لاصنع نسخه

ولم اسمع عن نسخ ادميه للموضوع كل الاخبار تكون عن تجارب

فهل رايتى نتائجها

اللعب بالجينات الوراثيه لا يعتبر خلق

نحن خلقنا من تراب

فهل يستطيع بشرى ان يصنع بشرى اخرى من تراب



مين كان يصدق لو واحد مثلا جه من ميت سنة وقال ان هيبقى فى نت ويبقى فيه وفى وفى زيى عصرنا دلوقت

منذ قديم الزمان وهناك وسيله اتصال بين البشر

ومع تقدم الزمن تتقدم وسائل الاتصال بالتبعيه

اى انها ليس ابتكار ايامنا هذه فمنذ بدايه البشر كان الانسان يستخدمه فمه للنداء ثم استخدام الحمام الزاجل لتوصيل رساله الى شخص بعيد

ثم ظهر التلغراف فالتليفون واخيرا النت

دوره طبيعيه نشات مع نشات البشر اى انه ليس بمعجزه ولا استبعد انه عما قريب سيصبح الشات مع صوره مجسمه 3d للى بيكلمه الواحد

المثال الصحيح من وجهه نظرى

هوا البعد الزمنى

لان ده جديد

لو فى نسبه احتماليه اننا نقدر نتحكم فى البعد الزمنى زى محنا متحكمين فى ال 3 ابعاد الاخرى سااعتها فى نسبه احتمالات اننا نقابل مخلوقات عاقله فضائيه :)

[عبدالرحمن م]

بسم الله الرحمن الرحيم
(وجعلنا من الماء كل شىء حى)
صدق الله العظيم

الرد موجود قبل كده
اللى بيقولوا انهم لقوا اثار ميه هناك والماء سر الحياه

وده يعطى أمل بوجود حياة + انى ما ركزتش على الميه أنا قلت فى غياب العناصر التانية

ودى بتشمل حاجات كتير زى الهوا واختلاف درجة الحرارة والضغط الجوى وغيرها

[Muhamed]

الرد موجود قبل كده


والماء سر الحياه ولكن اى كميه من الماء

انظروا على نسبه الماء من كوكب الارض


أنا قلت فى غياب العناصر التانية

ودى بتشمل حاجات كتير زى الهوا واختلاف درجة الحرارة والضغط الجوى وغيرها


تمام

بس كلامك لا ينطبق الا على البكتريا فقط لانها تستطيع التكيف اما باقى المخلوقات فيجب ان تتوفر لها ظروف معينه للحياه

نقطه اخرى احب ان اضيفها الى الموضوع

الجن هيا مخلوقات مثلها مثلنا خلقها الله وتعيش فى كوكبنا من قبل خلق الانسان ولا تزال تعيش بيننا

يعنى دول مخلوقات وعاقله وحامله الامانه كمان زينا هل تفتكر انك فى يوم هتشوفهم

الجن ظهروا فقط فى عهد سيدنا سليمان

وغير ذلك هناك حجاب بيننا وبينهم لا نراهم من خلاله

هم موجودون فى كل مكان

يتكاثرون ويعيشون مثلنا

فهيا مخلوقات عاقله فمنها المسلم ومنها الغير مسلم

هل تتصور انه بعد ملايين الابحاث هيحصل كونتكت بين الانسان والجن بشكله الاصلى

طبعا نسيبنا من موضوع السحر والشعوذه واللبس

انا بتكلم عن حوار عقلى بين الطرفين

يعنى نتناقش فى التنكنولجيا بقه والتطوير

نبحث فى علوم الفضاء

تعامل مع مخلوقات اخرى بالمعنى الحقيقى للكلمه

لذلك باى حال من الاحوال استبعد وجود مخلوقات اخرى سيراها البشر فى دنيتهم تلك اللهم لا كما سبق واشرت بكتريا

لكن مخلوقات عاقله

لا اعتقد

[عبدالرحمن م]

الله أعلم

ده الرد الفاصل