عليك المشكلة وعلينا الحل

[ابن مصر]

الرابط لايظهر فى الأرشيفبسملة2.jpg


مليون هلا وغلا وصباح النور والسرور

أخواني وأخواتي الكرام زوار منتدى حلال العقد

هنا تجدوا مايسركم

نحن نمد لكـ يد العون في حل أي مشكلة تواجهك بحياتك

إجتماعية - نفسية - عاطفية - مشاكل العمل ...... إلخ

الرابط لايظهر فى الأرشيف

معنا تجد من يساعدك على حل مشاكلك

فقط أطرح لنا مشكلتك

وستجدنا بجانبك حتى تتمكن من حلها

تأكد أننا بفضل الله لدينا الحل لكل مشكلات الحياة

لكم خالص التحية والحب والتقدير والإحترام

أخوكم أحمد

ابــــــــن مصـــــــر

[The_boss22]

اولاً : احب اهنئ حضرتك علي الاشراف ( مليون مبروك ) .

اما بالنسبة للموضوع فجزاك الله كل خير عنة .


وربنا يوفقك ويوفق المشرفه الاخري ( توتا ) . في حلال العقد .


وان شاء الله لو لقدر الله
قابلني مشكلة هكون اول واحد موجود .

بس انا بطرح مشكله عند كل الشباب علي ما اعتقد

الا وهي : :

مشكلة الملل !!! مفيش تغييير اليوم واحد :D ياريت نتكلم عنها .

بالتوفيق ,,,,

[ابن مصر]

اولاً : احب اهنئ حضرتك علي الاشراف ( مليون مبروك ) .





اما بالنسبة للموضوع فجزاك الله كل خير عنة .


وربنا يوفقك ويوفق المشرفه الاخري ( توتا ) . في حلال العقد .


وان شاء الله لو لقدر الله
قابلني مشكلة هكون اول واحد موجود .

بس انا بطرح مشكله عند كل الشباب علي ما اعتقد

الا وهي : :

مشكلة الملل !!! مفيش تغييير اليوم واحد :D ياريت نتكلم عنها .

بالتوفيق ,,,,


مليون هلا وغلا ومسا النور والسرور أخي الكريم the boss

نورت المتصفح أولا بتواجدك العطر

وإن شاء الله نحاول أنا والأخت totaaaa حل كل المشاكل اللي هتقابلكم في حياتكم

بالنسبة لمشكلة الملل فهو أمر طبيعي بيحصل لأي إنسان

على سبيل المثال

بيكون ملل لطالب أو موظف في مسألة الروتين

مثلا

مدرسة أو جامعة بيت درس مذاكرة نوم

شغل بريك شغل بيت نوم

أمر طبيعي إن أي إنسان يحس بالملل من الروتين ده

لكن في طرق كتير حبيبي تقدر تتغلب عليها بيها

حاول لو الروتين بتاعك ثابت غير فيه

بمعنى مثلا حاول لو رايح شغلك حاول قدر الإمكان على جهازك شغل قرآن وانت بتشتغل

تسمع وانت شغال تعمل معاك تغير

حاول لو بتاخد البريك وبتاكل في مطعم مثلا

حاول كل يوم تغير المطعم

لأن أغلب الظن البريك بيكون ساعه

حاول قدر الإمكان يكون ليك أصدقاء تخرج معاهم

وبلاش يكون الخروج في مكان واحد تتقابلو فيه

غيروا أماكنكم كل فترة

متنساش بكل تأكيد لو تقدر تقرأ ورد يومي من القرآن لو صفحة مش هتكون كتير علينا

حاول لو عندك وقت فاضي احضر درس علم لأحد المشايخ

في أمور كتير تكسر بيها الروتين والملل

بس اوعى تكسر الملل بمعصية ربنا لأن في شباب الملل يجعلهم

يسلكوا طرق غير شرعية لكسر الروتين والممل وطبعا كلنا فاهمينها

على العموم ياريت لو في حد عنده حاجة محدده في حياته مسببه له ملل ممكن يطرحها واحنا بعون الله نساعده

أخوك أحمد :icon26:

[totaaaa]

الف الف الف الف الف مبروك علي الأشراف يا ابن مصر

موضوعك جميله جدا واكيد احنا كشباب وولاد ودنيا بنقابل كتير جداااااااا من المشاكل
وعلي رايك لما يكون حل واحد من شخص واحد غير اكتر من حل من اكتر من شخص وهو ده قايده حلال العقد

ناخد المشكله ونفتح باب الناقش ثم نعمل جهدا علي تجميع أراء كتير في المشكله عشان نقدر نفيد صاحب المشكله

أدخل حلال العقد تجد ما يسرك
وبعدين يا جماعه ده حلال العقد حلال العقد يعني عياده مفنوحه ببلاش انتوا كده هتيجوا عليا بالخساره
انا بقي عقابا ليكم هخلي القسم بفلوس وشفوا بقي هتتعالجوا فين


موضوعك جميل كده يا بوص وهايل الملل ملاين من الناس بتحس بالملل مع أن في يد الأنسان يغير ويجدد حياته
ويتغلب علي الملل

ابن مصر وضح لينا حل المشكله بالقرأن وتغير الأماكن والخروج مع الأصحاب وسماع القرأن جميل
هزود علي ابن مصر وأقول ( المللل هو الروتين )

نلقي الناس ماشي تقول - ( حياتي شبه بعضها اللي انام فيه اصبح فيه )
وانت ماشي في نفس الطريق تسمع تاني ( أنا قرفت من كل شئ في الدنيا كل يوم شبه التاني طب اعمل ايه )
وبرده انت لسه ماشي في نفس الطريق وتسمع ( أيامي شبه بعضها كي يوم اقوم من النوم أعمل كذ وكذا ويرص حياته قدامه .... )


طب وبعدين هنفضل نحس بكده لأمتي
أبدأ بتغير نفسك الأول ( انا عن نفسي مش بحس بالملل ده خالص )

او انت طالب العادي بتاعك تقوم امن النوم علي الحمام ثم الفطار ثم لو هتصلي ولا حاجه ثم اللبس وبعد كده تنزل الجامعه ولاالمدرسه تحضر محاضرتك تخرج تقعد مع نفس الصحاب وبعد كده تركب موصلاتك وفي طريقك للبيت بيحصل

بس تعالي معايا نشوف حياه شخص متجدد

يقوم من نومه برسمه ابتسامه علي وشه استعداد ليوم جديد
يدخل يشوف هو هيفوق من نومه ازاي من غير كسل ولا حاجه
يقوم يصلي وبعد كده يقرأ الأذكار ويشغل القرأن وهو بيلبس
لأبس هدومه وبكل فرح نزل يشوف اي يومه راح قابل صحابه قعدوا يهزروا
راح المحاضره مش كل يوم بقي يقعد في نفس المكان قدام الدكتور لأ يروح يمين شمال كده يعني يغير مكانه
خلص محاضرتها راح يقعد مع صاحبه شويه الشخص ده مصاحب اكتر من شخصيه بس عنده صاحبه الأصلين
بس يعرف ناس تاني عشان هو ماشي مع مقوله معرفه الناس كنوز
بعد ما يخلص ويمشي
بيحاول يغير طريقه انا بمشي من الشارع ده النهارده لأ انا همشي من شارع تاني
طيب عنده وقت فاضي وزهق من النت والأغاني والصحاب
شوف حاجه حلوه تقدر تعمله زي مثلا
ادخل مكتبة وثقف نفسك في حاجه انت بتحبها ( نصيحه في مكتبات قاعدتها جميله موووت شكله يريح اعصابك اصلا )
روح اماكن جديده 80 % من الطالب ميعرفوش يدخلوا مكتبة ولا يعرفوا شكله علي فكره المكتبة ديه متعه بجد

مش عايزه تروح مكتبه انت عايز تبقي من 80 % صح اوكي
روح مثلا صل الرحم مع ناس من قريبك انت في غفله عنهم وقرب منهم وأهو تبقي خد ثواب
روح اخرج مع صحابك في أماكن أو مره تروحه مش لازم كل مره انزل وسط البلد واقعد علي كافي او عند واحد صاحبي في البيت أو أ,.

ممكن تروح متحف من التراث بتاعك شوف اللي قبلك كانوا عايشين ازاي كانوا بيعملوا ايه علي فكره هتبقي سعيد قوووي وانت بتشوف حاجه زي كده

لما تعرف حاجات كتير وتزور مناطق انت مش شوفتها هتحس بأحساس تاني

اقولك روح يوم الأجازه ملجأ لأطفال ايتام واقعد معاهم قمه السعاده بجد أنك ترسم ابتسامه علي وش طفل محتاج حنانك

اقولك روح أشترك في أسره في الجامعه ولا أعمل اسره في الجامعه لعمل الخير خد الملابس اللي انا مش محتاجه وجمع تبرعات وأعمل معرض بفلوس رمزيه وبعد كده خد الفلوس حطها في حساب مستشفي السرطان

روح ادخل مستشفي السرطان وشوف الأطفال هتحس فعلا انك في نعمه لازم تحمد ربنا عليها



المللل يا جماعه من الأنسان هو اللي بيعمله يا جماعه الحياه فيها كتير بجد بس اللي يعرف يكسب ده

يا جماعه ممكن تقتل الملل بطريقه ترضي بيه ربنا عليك والله والله والله
الا انا قولته ده عن تجربه مني والله انا عمري ما حسيت بالملل
أنا عايشه في القاهره وممكن اكون عارفه اروح كل مكان في القاهره ولو مش عارفه مكان اروح وأسأل عليه وأعرفه

أستغل وقت فاضي فيه اعمل حاجه مفيده لذيذه هتحس لما تجدد حياتك انك انسان جديد

شكرا ليكم
ومعلش طولت عليكم
وشكرا يا بوص ليكي لطرحك المشكل ديه
وشكرا يا ابن مصر لعرضك للموضوع

[ابن مصر]

روح مثلا صل الرحم مع ناس من قريبك انت في غفله عنهم وقرب منهم وأهو تبقي خد ثواب



فكرة رائعة ودي من الأسباب اللي ترضى الله ورسوله

وتكسر أي ملل

شكرا لتوضيحك القيم أختي totaaa

[The_boss22]

شكرا طبعا يا ابن مصر ويا توتا علي الحلول الرائعه جدا
واعتقد انكوا كده حلتوها طبعا

انا بقي عقابا ليكم هخلي القسم بفلوس وشفوا بقي هتتعالجوا فين


ايوه ايوه براحتك بقي مانتي ماسكه قسم الحسابات طب بالنص اوك :d


وشكرا يا بوص ليكي لطرحك المشكل ديه

وشكرا يا بوص ليكي ؟ !!!! يا سبحان الله ده التوقيع فيه اسمي :d ( راجل ):011:

وطبعا بكده بعد الحلول دي مفيش ملل

مع توتا وابن مصر نتحدي اي عصر :bm:

بالتوفيق ,,,

[Sir.7amato]

بسم الله ،،

أولا أسف على التأخير فى الرد وعلى تأخير التهنئه ،
ولازم تعزرنى يا أحمد علشان انا لسه جاى من السفر من شويه
وطبعا الف مبروك يا برنس على الاشراف وربنا يعينك على المسؤليه الكبيره دى
وانا فرحت ان فى حد هيساعد توتااا الى بجد تعبت معانا لدرجه ان شعرها ابيض
دلوقتى بقى مهمه حلال العقد اتقسمت على اتنين كده يبقى كل واحد يمسك شيفت
توتااا الصبح وأحمد باليل وربنا يوفقوا ان شاء الله ،،



ثانيا عن فكره موضوعــك فكره قيمه جدا وتقريبا كانت توتااا عملتها من فتره
بس كويس يا أحمد علشان الى عاوز يحكى لتوتااا يحكى
والى عاوز يحكيلك يحكى يعنى بقى عندنا رجالى وحريمى
بجد سعيد مره تانيه يا أحمد بوجودك معانا وسعيد كمان لان فى فتره قصيره قدرت تثبت وجودك
ودا نهج كبار الاعضاء فى أغلب المنتديات ،،


تقبل مرورى وخالص حبى وتقديرى
ودمت بحفظ المولى ،،

[totaaaa]

وشكرا يا بوص ليكي ؟ !!!! يا سبحان الله ده التوقيع فيه اسمي :d ( راجل ):011:

وطبعا بكده بعد الحلول دي مفيش ملل

مع توتا وابن مصر نتحدي اي عصر :bm:


شكرا لأهتمامك يا بوص وسوري لأخطاء هذا بش اعزارني بقي انا اليومين اللي فاتت كانت معاملتي كلها مع بنات
فتلقيني بقي مش مركزه شويه كده وهدراك الدنيا فيه أيه
هههههههههههههههههههههههههههههههه

وشكرا علي الشعار الجامد ده


[QUOT] ايوه ايوه براحتك بقي مانتي ماسكه قسم الحسابات طب بالنص اوك :d [/QUOTE]


لازم بقي ما انتوا هتتعالجوا كده دايما ببلاش هههههههههههههههه
وبعدين انت جاي تقسمني بعد ما دخل معايا مشرف تاني
يبقي الفلوس من حقي انا واحمد
ولا اقولك يا بوص تعال نظام العياده ديه وانا اطلعلك قرشين كده حلوين وكده يبقي عدني العيب ههههههههههه


وطبعا الف مبروك يا برنس على الاشراف وربنا يعينك على المسؤليه الكبيره دى
وانا فرحت ان فى حد هيساعد توتااا الى بجد تعبت معانا لدرجه ان شعرها ابيض
دلوقتى بقى مهمه حلال العقد اتقسمت على اتنين كده يبقى كل واحد يمسك شيفت
توتااا الصبح وأحمد باليل وربنا يوفقوا ان شاء الله ،،

شكرا للمرورك يا حمتو
وحمد لله علي سلامتك يا سيدي منور المنتدي والله
وبعدين انا شعري ابيض هههههههههههههههههههه انت عارف اكيد اكتر مني هههههههههههه
بسعايزه اقولك حل مشاكل البشر وكمان انك تسمع مشكله عند شخص وتحاول تساعده ديه بقي قمه المتعه

عشان كده انا مش بحس بملل لأني بعمل حاجات جديده ممكن ناس كتير تغفل عنها


وشكرا علي تقسيم الدوريات اللي بيني وبين احمد بصراحه تقسيمه جامده

يارب دايما نشوفكم في حلال العقد ونشوف ردودكم الجميله


وإي مشكله اي خدمه اي حاجه
اكيد هتلقي توتااااا واحمد معاكم دايما

[The_boss22]

ولا اقولك يا بوص تعال نظام العياده ديه وانا اطلعلك قرشين كده حلوين وكده يبقي عدني العيب ههههههههههه


طب انا محاسب يا همسك الخزنه ومتقلقيش
هظبط والنص بالنص بعرف اتاوي الاخطاء :D

[ابن مصر]

أهلا وسهلا هشام ويارب ميكون كلامنا تقيل عليك في حل مشكلة الملل

وإن شاء الله تجدوا ما يسركم في قسم حلال العقد

شكرا ياحمتو على إهداءك الرقيق وإن شاء الله تجدو ما يسركم

وبالنسبة للموضوع فحياتنا لا تخلو من المشاكل وطول من الإنسان بيفضفض ويطلع اللي جواه

أكيد بيرتاح وبيلاقي حل لأي مشكلة تواجهه في حياته

لكم تحيتنا واحترامنا

أحمد & totaaa

[MafiawwY]

الف مبروك يا احمد على الاشراف وربنا يوفقك يا رب انت و totaaaa ويخليكو لتيفا :009:

ويريت نشوف منكو مواضيع مميزة عن التنمية الذاتية , التنمية البشرية , وتطوير الذات

[totaaaa]

الف مبروك يا احمد على الاشراف وربنا يوفقك يا رب انت و totaaaa ويخليكو لتيفا :009:

ويريت نشوف منكو مواضيع مميزة عن التنمية الذاتية , التنمية البشرية , وتطوير الذات شكرا عادل للتواجدك داخل الموضوع وعلي الكلامات الرقيقه ديه

وبالنسبه للموضوعات ديه جاري التنفيذ وعمل مواضيع

[ابن مصر]

الف مبروك يا احمد على الاشراف وربنا يوفقك يا رب انت و totaaaa ويخليكو لتيفا :009:


ويريت نشوف منكو مواضيع مميزة عن التنمية الذاتية , التنمية البشرية , وتطوير الذات



شكرا عادوله على المرور وبالنسبة لطلباتك ، أوامر وأبشر بما يسرك

أخوك أحمد

[الحزين]

السلام عليكم
انا مشعارف اضحك
واحلى حاج في حياة راحت رد بسرعة:no3:

[totaaaa]

الحزين لأ يمكن ذكر ايميلات داخل المشاركات
ولذلك تم تعديل لمشاركه

واذا كنت تحتاج ابن مصر في موضوع استخدم الرسائل الخاصه

[ابن مصر]

السلام عليكم
انا يا ابن مصر اخوي ماسك علي ذل
مش عارف اعمل ايه

والسلام عليكم


أخي الصغير الحزين

يارب يبعد عنك الحزن أولا

أخي الحبيب

أولا معنى أن أخوك ماسك عليك ذلة فالذلة دي أكيد شئ غلط

انت ماترضى عنه قبل المجتمع وقبلكم جميعا ربك غير راضي عنه

ومعنى انك اعترفت بيه

فدي خطوة جميلة أنت أخدتها

لو أخوك ده أكبر منك

حاول تتكلم معاه بكل احترام

وتقوله أنا بعترف اني غلطت

لكن انت عارف اني بشر وكلنا بنغلط

وكتير مننا بيغلط في حق ربنا وربنا بيسامح وبيغفر

سامحني واغفر لي انت كمان

وانصحني أنت المفروض تكون صاحبي قبل ماتكون أخويا

وتوعده انك فعلا مش هترتكب شئ تاني مماثل

وأكيد لو بيستخدم معاك الأسلوب ده

فهو بيستخدمه عشان مش لاقي منك معاملة احترام من أخ لأخوه

جرب وادعي ربنا ان ربنا ييسرلك أمورك ويهديك لكل ما يرضيه

أخوك أحمد

[سبيل الحياة]

على اعتبارى أصبحت واحد من التيفاويين ودا شرف ليه طبعا
وأنا أتصفح اليوم وجدت الموضوع الجميل دا
فقلت لازم أشارك وبجد كان عندى مشكلة كبيرة جدا بس احمد باشا ابن مصر حلها من غير أى حاجة
المشكلة ايه إن أحمد ابن مصر جارى فى مصر وكنا على طول مع بعض أما سافر افتقدته كتير وكانت دى مشكلة كبيرة
وحلها إما إن يرجع من السفر بتاعه أو أسافر أنا ليه
بس أول ما اشتركت بالمنتدى حسيت ان هوا معايا على طول
وفعلا المشكلة اتحلت وهوا اللى حلها
ههههههه

الرابط لايظهر فى الأرشيف (الرابط لايظهر فى الأرشيف)

أتمنى لك
ياأحمد انت و توتاااا
دوام التوفيق

واقبلوا مباركتى لكم ومشاركتى
اخوكمسبيل الحياة

[ابن مصر]

على اعتبارى أصبحت واحد من التيفاويين ودا شرف ليه طبعا

وأنا أتصفح اليوم وجدت الموضوع الجميل دا
فقلت لازم أشارك وبجد كان عندى مشكلة كبيرة جدا بس احمد باشا ابن مصر حلها من غير أى حاجة
المشكلة ايه إن أحمد ابن مصر جارى فى مصر وكنا على طول مع بعض أما سافر افتقدته كتير وكانت دى مشكلة كبيرة
وحلها إما إن يرجع من السفر بتاعه أو أسافر أنا ليه
بس أول ما اشتركت بالمنتدى حسيت ان هوا معايا على طول
وفعلا المشكلة اتحلت وهوا اللى حلها
ههههههه

الرابط لايظهر فى الأرشيف (الرابط لايظهر فى الأرشيف)

أتمنى لك
ياأحمد انت و توتاااا
دوام التوفيق

واقبلوا مباركتى لكم ومشاركتى

اخوكمسبيل الحياة




أهلا وسهلا بك أخي الغالي أحمد

شرفني طيب مرورك يالغلا

نعم بكل تأكيد أنا أفتقدك وأفتقد كل الشباب الحلوين اللي زيك

لكنها سنة الحياة

كفاح من أجل الرزق

وسنتواصل سويا مادمنا على قيد الحياة بمشيئة الرحمن

سلامي للأهل والناس الطيبين

أخي الحبيب

لك مني خالص التقدير والإحترام

:icon26:

أحمد حامد

[الحزين]

السلام عليكم
شكرا totaaaa

شكرا جدا جدا جدا يا ابن مصر تستحق
حلال عقد والله شكرا

[سارة الامورة]

الصراحه انا كنت متردده
مش عشان حاجه

المشكله

اني بحس اني لوحدي او وحيده

بس عندي اخوان واخت اصغر مني

عشان كده بس انوا انا لوحدي وبكون مبسوطه

مع اصحابي و اغلبيا مع اهلي

ممكن الحل

[ابن مصر]

الصراحه انا كنت متردده

مش عشان حاجه

المشكله

اني بحس اني لوحدي او وحيده

بس عندي اخوان واخت اصغر مني

عشان كده بس انوا انا لوحدي وبكون مبسوطه

مع اصحابي و اغلبيا مع اهلي


ممكن الحل



دي مشكلة بسيطة جدا وانتي حلتيها بنفسك

لما تحسي بالوحدة عليكي وعلى اهلك باباكي ومامتك وصحباتك

كلميهم أو اخرجي معاهم

تنسي وحدتك

[ساحر الحب]

مخنوق وحاسس ان الدنيا مقفله ف وشي..ومش عارف اعمل إيه..؟؟ حد يساعدني