حلم الطريق من دكرنس للمنصوره شعر عامي [الأرشيف] - شبـــكة تـيـفـا نت
المساعد الشخصي الرقمي

مشاهدة النسخة كاملة : حلم الطريق من دكرنس للمنصوره شعر عامي

omar85
2008-10-28, 03:54 PM
انا كتبت الكلام دا بالعاميه وياريت يعجبكوا بجد انا حاطط حلول نفسي من عند الشرقاويه
يتعمل كوبري علوي يعدي من فوق الطريق السريع الرايح علي دمياط بجد الطريق هيخف والزحمه دي هتختفي يارب


نفسي اركب يوم مواصله
ويبقي مزاجي في اللذيذ

لاحد يقولي فك زنقه
رابع يابني
لم اجره
فكه يااسطي
خودني جنبك
الطريق ماهوش طويل

نفسي اركب يوم مواصله
ويبقي مزاجي في اللذيذ

لو ورايا معاد اروحوا
اطلع قبلوا بنص ساعه
اوصل بعد وا يادوب في ساعه
والمسافه مش كتير

نفسي اركب يوم مواصله ويبقي مزاجي في اللذيذ

حلم عاش جوا مني من سنين
نبني كوبري علوي
يوصل الطريق
يخف الزحمه
ويوسع للطريق السريع

حلم
ويارب يتحقق
وانا لو محافظ ماهصدق
في حل يحل كل المواضيع
بس ادعولي
اركب

يوم مواصله ويبقي مزاجي في اللذيذ

نفسي يوم اسافر
مره واغيب سنتين
وارجع
القي الاجره زي ماهيا
زي مايكون
بتتغير في اليوم مرتين

مالنا احنا ومال
الغاز والبنزين

نفسي اصبر علي الطريق
بس اجيب الصبر منين

من دكرنس للمنصوره
نفسي في طريق مستقيم
خط واحد زي كل الدنيا
ومتقولوليش مستحيل

الحوادث
كل يوم عماله تزيد
حد مره يفكر فينا
ولا احنا مش بني ادمين

نفسي اركب يوم مواصله ويبقي مزاجي في اللذيذ

من دكرنس للمنصوره
تفسي في طريق
يكون سليم
وفي اللذيذ

:011::011::011:
ابن مصر
2008-10-28, 04:28 PM
ايه ياعم الحلاوة دي
أنا حاسس بيك وبالمعاناة اللي كنت بقابلها على طريقنا ده
لكن نصبر صبر صابر عشان السيد المسئول يبقا يفتكرنا
WebCraker
2008-10-28, 07:39 PM
ههههههههه والله تمام . .

شكرا يا أستاذ عمر
omar85
2008-10-28, 09:40 PM
مشكور ليك ياغالي ويارب يكون قدرت ارسم بسمه في وسط الغم الحنا فيه وخصوصا الشتا داخل
ومشكور ليك يابن مصر علي المتابعه وشكلك كدا ربنا تاب عليك يارب توب علينا
محمد عاشور
2008-10-28, 10:32 PM
بالنسبة للكلام الكلام جميلولكن لازم تعلاف إن وزن البحر الشعرى مش ثابت
omar85
2008-10-28, 11:56 PM
متشكر ليك ياغالي
وبجد انا سعيد بردك
لكن بالنسبه للبحر الشعري مش ثابت
انتا لازم تعرف انوا شعر عامي
وانا كنت اتمني انك
تقولي ايه بالظبط المش موزون
وتصلحوا ليا وتقولي
اوك ياجميل
انا سعيد جدا بيك وردك ليا
omar85
2008-10-30, 02:07 AM
نفسي اركب يوم مواصله ويبقي مزاجي في اللذيذ
The_boss22
2008-10-30, 05:03 PM
موضوع جميل يا عمر

بيجكي معاناه بتهيألي الجميع يعانيها

بس كوبري مين :O انتا بتحلم :D

نفسي اركب يوم مواصله ويبقي مزاجي في اللذيذ

بس انتا قول يارب

نفسي اركب مره وميقوليش رايح فين :D

بالتوفيق ,,,
engsebaey2010
2008-10-30, 06:15 PM
الحمد لله ربنا تاب عليه من مواصلات المنصورة
المواصلات فى القاهرة احسن من المنصورة ألف مرة
انا بحس بمعانتكم مرة واحدة فى الأسبوع لما اكون نازل اجازة
ربنا يكون فى عونكم بجد
omar85
2008-10-30, 08:00 PM
المواصلات هيا هيا في كل مكان
انتا بتركب تاكسي هناك ولا ايه
انتا مش بتركب اتوبيس هناك ولا ايه
ولا متروا

ولا قطر
كلوا قرف في قرف