الانسان العاله علي مجتمعه شاركوني برئيكم

[omar85]

السلام عليكم ورحمه الله وبركات
انا هتكلم معاكم في موضوع خطير وبجد ارجوا من كل عضوا يشارك برئيه ووجة نظره في الموضوع
الموضوع هوا (الانسان العاله علي المجمع)
اولا مين هوا العاله علي المجتمع
هوا الانسان الغير فعال .‘الانسان الغير منتج ‘ الانسان السلبي الذي لا يستفاد منه مجتمعه باي شيء بل يكلفه ويكون سبب في ان تاخره
النوعيه دي كتره قوي في مجتمعنا
انا هضرب امثله لتوضبح كلامي
لما يكون في موظف مش عارف مهام وظيفته اكيد هيضرر بيها ويعطل مصالح المواطنين‘ . لما يكون في معلم مش علي داريه بما يدرسه اكيد هيئثر بالسلب علي الطلاب وعلي نتيجه التعليم في مجتمعه وكذلك الطالب البيضيع مجهود معلمه اكيد هيئثر علي عدد الفاهمين والمتعلمين في مجتمعه والامثله كثيره
ياتري ايه الوصل مجتمعنا ليكون فيه هذه النوعيه
اسباب دا ايه
هل هي التربيه في البيت ‘ ام عدم الرقابه بمن هم اعلي في المسئوليه ‘ ام هي تجاهل الدوله علي الاهتمام بالمجتمع والاخذ بيده عن طريق الاعلام سواء كان مسموع او مقروء
ياتري امتي هنلقي اوناس صالحين يفيدون ولا يضرون ياخذون علي عانقهم امر بلدنا ويعيدوا اليها الامجاد
اعلموا ان العمل عباده وان الرسول عليه الصلاه والسلام كان يحث اصحابه علي العمل
واخيرا اقبلوا تحياتي ويارب نكون اسباب من اسباب نهضه امتنا وعون لها ودفع مسيره التقدم
نحن شبابها مستقبلها شمسها املها يالا بينا دعوه للنترك الكسل ويصبح كل واحد فينا منتج في موقعه
الطالب والاستاذ والاب والرئيس والكبير والصغير
والسلام عليكم ورحمه الله وبركاته

[WebCraker]

أولا بشكرك على الطرح الجميل ياتري ايه الوصل مجتمعنا ليكون فيه هذه النوعيه اسباب دا ايهسبب ده ما اسميه الالتصاق بالروتين اللى هوا فى أساسه تم وضعه لتقنين وتنظيم سير العمل فى كل المجالات إلا انه تراه فى القطاع الخاص يأتى ثماره عنه فى القطاع العام (الحكومى كومى) وأحيانا كثيرة الروتين بيوفر على نوعية أرى انها ليست ضئيلة من الموظفين جهد كبير بدل ما يبذل مجهود فبيتحجج بالنظام والروتين ((النظام ياسيد . . . فول علينا بكرة )) أساسا فيه حاجات لازم نبصلها مش نبص للموظف ليه وصل لكدا وبس لازم نشوف ايه اللى وصله للحالة دى أولا الحالة النفسية طبعا من نوعية العمل او من تكراره وبسبب الملل وأسباب أخرى طبعا ده ما يبررشى ان كل واحد لازم يجتهد فى المكان اللى هوا فيه ويراعى الله أولا وأخيرا ولا يراعى المخلوق وكما يقولون عامل الناس رأسيا ترتضى نفسا ودينا ولا تعاملهم افقيا ,بالمتخصر المفيد عامل الناس لرضى الله سبحانه وتعالى وحده وليس لرضاهم ,, حاجه أخيرة كدا بنشوفها وهيا انك اما تدخل مؤسسة حكومية او قطاع عام عموما ما بتشوفشى ابتسامة واحدة وكأنك ضيف تقيل انما لو دخلت اى مكان سواء شركة او مستشفى او أى مؤسسة قطاع خاص ,, إلى آخره . . . . . !!!

[totaaaa]

موضوعك جميل يا عمر
ومهم جدااا

بس هقول السبب في ده الأنسان نفسه
يعني لو انا موظف حكومه حتي لو مفروض في روتين مفروض ادي شغلي احسن ما عندي عشان ديني قالي كده وعشان مفروض ارفع المجتمع

بس للأسف الحكومه هتلقي فيها نوم من جميع المسئولين يعني لما يكون المشرف بتاعي في الشغل نايم في الشغل كده هو هيوجهني ليه

وبعدين انتشر في البلد والمجتمع الكسل وعدم التفكير في الأخرين



هقولك مثال
لو كنت سمعتوا عن حاجه اسمها كادر المعلمين
واللي مسمعش انا هقولكم
كادر المعلمين ده فكرت فيها الدوله ووزاره التربيه والتعليم عشان ترفع بشئان التعليم والعمليه التعليميه وترفع المدرسين الي معلمين

بمعني المدرس دلو قتي اللي بيشتغل من 30 سنه طول ال30 سنه بيشرح نفس الكلام مع تغير بسيط لو حصل في الكتاب الوزاري
علما ان في دورات مفروض ياخدها المدرس عشان يقدر يواكب التطور في العمليه التعليميه بس هو بيبقي مكسل شويه
عاملوا كادر المعلمين ده بيتمحنوا المدرسين في طرق التدريس والمناهج وغيره .........
والأمتحان بيكون مواكب التطورات شويه ومن غير الأمتحان مش هينفع مدرس يترقه من مكان لمكان زي ما بيحصل

وحصل عندنا في الجامعه الكادر ده

ونتيجته ان المدرسين ضربوا الدكاتره بتاعونا في الجامعه بالكراسي ورفضوا يمتحنوا

طب دول هنعملهم ايه مش مفروض المدرس ( ومش هقول معلم لان في فرق ) انه يواكب التطور عشان الطلاب اللي يطلعوا من تحت ايده يكونوا متحضرين شويه

اكتشفوا ان الطفل المصري اذكي طفل في العالم حتي دخول المدارس وبتبدأ نسبه ذكائه تقل


والكلام ده مش بيبقي مع المدرس لأ ده مع الطبيب اللي ممكن من أهماله يموت اروح ناس وينس الفوطه في بطن ام وكمان خريجي كليه طب وهما خرجين من جامعات خاصه يعني بينجح بفلوسه وبعد كده يأخد بسهوله لقب الطبيب وهو ولا فاهم حاجه

وخريجه كليه تربيه قسم لغه انجليزيه وهي متعرفش تعمل نص كامل او مقال كامل باللغه الأنجليزيه

وكمان ورقك عند الحكومه اللي لاوم يخلص بعد شهر وشهرين حتي لو المصلحه مفهاش شغل لازم انت تستني شهرين عشان ورقك يخلص ونقول هي ديه الحكومه مع ان الورقه مستنيه ختم بسيط بس لازم الشهرين

هنقول ايه ولا ايه بس من وجهه نظري ان المفروض الأنسان يبدأ بنفسه هشتغل في الحكومه هشتغل في غيره لازم افكر أعلي بنفسي وبشغلي وبمستواي في المجتمع وبكده هرفع المجتمع معايا

لو كل واحد بدأ بنفسه صدقني الدنيا هتكون احسن من كدا

[omar85]

السلام عليكم انا متشكر جدا علي الرد الجميل والمتابعه ودي اخر حاجه كنت اتوقعها ان حد يرد عليا في موضوع زي دا
هههه انا اسف المهم احب ارد علي الاستاذ
WebCraker انا متشكر ليك بجد وانتا عندك حق في كل كلمه قولتها الروتين والنظام وكل دا كلام جميل طب دا الموظف وهوا دا حالوا ايه زنب الطالب ايه زنب الاب ايه زنب المجتمع
ياجماعه الموضوع اكبر من اننا نختصروا في موظف وفي مشاكلوا صدقوني دي دايره كبيره بتلف حولينا كلنا من اول ماتصحي من نومك لحد ماتنام
بس علي العموم
الحل هيكون في عدد اسباب
اولا التربيه الدينيه الصحيحيه وناخذ الرسول قدوه لينا وازاي لما دخل المدينه جعل منها نواه الاسلام
ياجماعه احنا مسلمين مش هقول ليكوا شوف امريكا شوفوا اوربا مع انهم اخدوا منهجنا وطوروه واستخدموه في حياتهم
ثانيا الاهتمام بالام الام هيا المجتمع كلوا مش نصوا
صدقوني المراه هيا اساس المجتمع هيا المصنع الهيخرج لينا الرجال
لازم نظبط عقول بناتنا ونوعيهم
البنات بقوا تفاهين قوي ةدا اكبر مشكله لئنهم في اديهم مستقبل بلدنا
هما الهيربوا ويكبروا
تفتكر بنت يكون فتي احلامها تامر حسني هتفكر ازاي وتربي ابنها ازي
ثالثا الاهتمام بالمجتمع اكتر واقصد بالمجتمع القوه التي يمتلكها المجتمع المدني
الحكومه مش هتعمل كل حاجه لازم نشارك ونساعدها
لو عملتوا مقارنه بين المجتمع المدني في اوربا وعندنا
هتعرفوا ليه هما متقدمين عننا لازم نوعي كل الناس كبير صغير فلاح عامل ابويا امك جدك اخويا كلوا يشارك كلوا يقول العندوا
وعلموا ان الدين النصيحه
رابعا تقبل الراي الاخر في النقد والتوجيه نتعلم ازاي لما نكون غلطانين نعتزر وازي لما نشوف غلط نوجهه من غير احراج ونكران قيمه العمل الذي قام به هذا الشخص
لازم نتعلم نتقبل عشان نقدر نصحح من اخطائنا
وناخد المنهج الاسلامي
وادعوا الي سبيل ربك بالحكمه والموعظه الحسنه
وجادلهم بالتي هي احسن
هيا دي مربط الفرص وجادلهم بالتي هي احسن هتعرفوا تفسير هذه الايه يعني
بشكل مبسط لما يكون في حد بيجادلك في موضوع تختار ااحسن طرق للمناقشه والجدل وبعدين تختار من الاحسن التي هي احسن من بين هذه الطرق الحسنه
ياجماعه الموضوع خطير انه اصلاح امه
انا اسف اني طولت عليكوا بس ردودكوا شجعوني
اني ارد متشكر واتمني سمع رئيكوا في الرد