مفاجأه....الزمالك يتقدم على الأهلى فى تصنيف أندية العالم !

[SIMO]

فى مفاجأة من العيار الثقيل تقدم الزمالك على الأهلى في التصنيف الشهري لأندية العالم شهر عن شهر سبتمبر الصادر عن الاتحاد الدولي لتأريخ وإحصاء كرة القدم (IFFHS)

واحتل الزمالك المركز 104 عالميا برصيد 112 نقطة فيما تراجع الأهلي 20 مركزا كاملا ليحتل المركز 115 عالميا برصيد 107 نقطة.

وتعد هذه المرة الأولى الذى يتقدم فيها الزمالك على الأهلى فى التصنيف الشهرى لأول مرة منذ أربع سنوات على الرغم من خرج الفريق من دور الثمانية لدورى الأبطال الأفريقى وصعود الأهلى للدور قبل النهائى

وجاء تقدم الزمالك بعد ان حقق انتصارين متتاليين في الدورى على المصرية للاتصالات والترسانة بالاضافة لتعادله مع الأهلي في دورى أبطال إفريقيا

اما الأهلى فقد حقق انتصارا وحيدا فى الدورى على بتروجيت وتعادل مرتين مع الزمالك وأسيك ميموزا فى دورى الأبطال الأفريقى

ودخل الزمالك قائمة أفضل خمسة فرق إفريقية والتى خرج منها الأهلى فيما حافظ الأهلى على مكانه وسط أفضل خمسة فرق عربية

وفيما يلى ترتيب الأندية :

أفضل خمسة أندية عالمية :

1- مانشستر يونايتد الإنجليزي
2- تشيلسي الإنجليزي
3- برشلونة الإسباني
4- بوكا جونيورز الأرجنتيني
5- ليفربول الانجليزي

أفضل خمسة أندية أفريقية :

64- النجم الساحلي التونسي
68- القطن الكاميروني
78- إنيمبا النيجيري
90- ديناموز الزيمبابوي
104- الزمالك المصري

أفضل خمسة عربية :

64- النجم الساحلي التونسي
104- الزمالك المصري
108- المريخ السوداني
115- الأهلي المصري
125- الهلال السوداني

[Muhamed]

لا مفاجاه ولا حاجه

كل مفيها ان الزمالك شارك فى دور ال64 و 32 فى بطوله افريقيا

بينما الاهلى لم يشارك لا فى 64 وال 32 الفريق اللى قدامه انسحب

يعنى الزمالك خد نقط بتاعت 4 مباريات زياده عن الاهلى

وهوا دا اللى خلى الزمالك يتقدم عن الاهلى

بس بجد حاجه تفطس من الضحك

الاهلى متصدر الفرق الافريقيه لمده سنتين فى تاتصنيف الشهرى وعلشان الزمالك تقدم على الاهلى التقدم الوهمى ده الاقى الدنيا اتقلبت

بجد اخبار الزمالك معظم الوقت تفطس من الضحك

واحد فى منتدى كوره كتب موضوع للتاريخ الزمالك يتصدر الانديه المصريه لشهر سبتمبر :)

[JONIOR]

يا أخ"mandozzz"معلوماتك غلط الزمالك تقدم بسبب احتساب نقاط بطولة كأس مصرالتي اكملت في
2008وفاز فيها بخمس مباريات بينما الاهلي كان قد خرج من الدور32 علي يد بترول اسيوط...
ونقاط دوري 32و64 لاتحسب..وبعدين الاهلي من اغسطس اللي قبل الماضي ولم يتصدر التصنيف الافريقي ولا العربي بل هو في تراجغ دائم..اذا تقدم الزمالك عليه بالفارق دة يعد انجاز وكذلك تصدر الدوري..

وشكرا ليك ياsimo

[mohamed ali]

بغض النظر عن الترتيب

الزمالك خارج البطولة الافريقيه ويظل الاهلي ينفاس وان شاء الله نروح اليابان

الانجاز اللي الزمالك عمله في ظل الظروف اللي هو فيها انه تعادل مع الاهلي

[engsebaey2010]

يا جماعة ياريت ال ينقل معلومة ينقلها كاملة
مش يوضح الجزء ال يعجبه ويسيب الباقى




توضيح FilGoal.com:

نتائج التصنيف تشمل نتائج مباريات كل فريق في العام الأخير (بدءا من 1 أكتوبر 2007 إلى 30 سبتمبر 2008).

الأهلي لم يشارك في دور الـ64 لدوري أبطال إفريقيا بعدما جنبته نتائجه السابقة في البطولة من المشاركة في هذا الدور، كما لم يشارك في دور الـ32 للبطولة ذاتها بعد انسحاب منافسه التحرير الاريتري وبذلك فقد نقاط أربع مباريات سهلة في بطولة إفريقيا والفوز في مباراة واحدة في بطولة إفريقيا يمنح الفريق الفائز تسع نقاط.

على الجانب الأخر شارك الزمالك في دور الـ64 وتغلب على الجيش الرواندي ذهابا وايابا ليحصد 18 نقطة كاملة، كما شارك في دور الـ32 وتغلب على أفريكا سبور الايفواري ذهابا ليحصد 9 نقاط أخرى.

من ناحية أخرى حصد الزمالك نقاط الفوز في خمس مباريات متتالية في كأس مصر لموسم 2007-2008 والتي أقيمت جميعها في عام 2008، فيما لم يحصد الأهلي أي نقطة في هذه البطولة عقب خروجه من دور الـ32 على يد بترول أسيوط.

[Eng_Scofield]

يجماعة ولو الزمالك الاول على العالم.
مش هتفرق لان الناس معتش فارقة معاهم الزمالك مش فريق وانا فى رأيى ان بتروجيت احسن كتير من الزمالكواللى مش شايف كدة اكيد هو اللى بيتوة علشان ينسى؟

[SIMO]

يا جماعة ياريت ال ينقل معلومة ينقلها كاملة

والله يا سباعي انا مبخترعش مقالات

المقال منقول من موقع ايوه كوره وبالنص ولا زودت ولا نقصت

ممكن حضرتك توضح الي عندك من غير الكلمتين بتوع الي ينقلها ينقلها كامله والكلام ده

وعلي العموم اهلي ولا زمالك مش هتفرق كلنا مصر

[engsebaey2010]

براحة
انا مبقولش عليك انت داخل شمال ليه
انا بقول على الأخين
الأخ ال jonior ذكر جزئية الزمالك علشان هو زملكاوى
والأخ mandooz ال ذكر جزئية الاهلى علشان هو أهلاوى
وعلى العموم لو أنى بقول عليك ده مش رد ترده
ولا انت شايف ايه يا أخ حامد

[SIMO]

يا سباعي والله ما اقصد بس اقصد ان انا ناقل الموضوع

حصل خير يامعلم انا بحسبك بتكلمني

وانت عارف اني طبعا لا اهلاوي ولا زملكاوي

شكرا ع مرورك يا سباعي وحصل خير